ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲߬ ߞߙߎߝߊ ߞߕߌߕߍ߯ߟߊ ߟߎ߬ ߓߘߊ߫ ߞߕߌߕߍ߯ ߞߍ߫ ߞߐ߬ߟߏ߲ ߣߌ߲߬ ߡߊ߬߸ ߞߊ߬ ߝߘߊ߬ߝߌ߲߬ߠߊ߬ ߂߀߂߅ ߢߐ߲߯ߓߍ߲ ߖߌߟߊߝߍ߫ ߞߏ ߦߟߍ߬ߡߊ߲߫ ߊ߬ ߢߊߖߎ߮ ߞߊ߲߬ ߥߟߊߞߌ߫، ߓߊߏ߬߸ ߛߣߍ߬ߜ߭ߊߟߌ߫ ߡߍ߲ ߕߘߍ߬ ߛߎߘߊ߲߫ ߘߊ߫ ߞߊ߬ ߖߌߟߊߝߍ ߕߊ߬߸ ߊ߬ ߓߘߊ߫ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߓߌ߲߬ߓߊߥߏ ߕߎ߬ ߃ ߟߊ߫ ߏ߬ ߞߎ߲߬߸ ߞߊ߬ ߖߌߟߊߝߍ ߡߌ߬ߣߴߊ߬ ߟߊ߫ ߞߵߊ߬ ߘߌ߫ ߡߊ߬ߙߐߞߎ߬ ߡߊ߬ ߘߏߦߌ߲߫، ߓߊߏ߬߸ ߊ߬ߟߎ߬ ߓߐ߫ ߘߊ߫ ߟߋ߬ ߕߏ߬ߟߊ߲߬ߕߊ߲߬ ߓߙߊ ߘߐ߫ ߖߌߟߊߝߍ ߕߊ߬ ߟߏ߲.

ߛߊ߲ߝߍߙߍ߲ ߓߘߊ߫ ߖߌ߰ ߕߟߋ߬ߡߊ߬ ߜߍ ߘߐ߫ ߝߘߊ߬ߝߌ߲߬ߠߊ߬ ߜߙߋ ߞߊ߲߬، ߞߊ߬ ߓߍ߲߬ ߝߘߊ߬ߝߌ߲߬ߠߊ߫ ߂߀߂߅ ߖߌߟߊߝߍ ߟߊ߬ߓߊ߲ ߕߊ߲ߠߌ߲ ߝߐߢߐ߲߯ߞߐ ߡߊ߬߸ ߡߊ߬ߙߐߞߎ߬ ߞߵߊ߬ ߟߊ߫ ߞߕߌ ߟߋ߬ ߡߊߛߊ߬ߦߌ߲߫ ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲߬ ߞߙߎߝߊ ߟߊ߫ ߞߕߌߘߊ ߟߊ߫، ߒ߬ߓߊ߬߸ ߞߕߌߕߍ߯ߟߊ ߟߎ߬ ߞߎߡߊߣߍ߲߫ ߠߋ߬ ߕߙߊߓߊ ߕߟߋ߬ ߁߇ ߣߌ߲߬ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߡߊ߬ߙߐߞߎ߬ ߟߋ߬ ߛߎߘߊ߲ߓߊ߮ ߘߌ߫߸ ߛߣߍ߬ߜ߭ߊߟߌ߫ ߞߊ߬ ߖߌߟߊߝߍ ߡߍ߲ ߕߊ߬߸ ߏ߬ ߟߊ߫ ߛߎߘߊ߲ ߡߊ߫ ߓߐ߫ ߏ߬ ߞߐ߫.

ߣߌ߲߬ ߞߍ߫ ߘߊ߫ ߟߊ߬ߛߋ߬ߟߌ߬ ߛߓߍ߫ ߟߋ߬ ߘߌ߫ ߞߵߊ߬ ߟߊߕߊ߯ ߝߐ߰ߓߍ߬ߘߊ ߟߎ߫ ߡߊ߬߸ ߞߵߊ߬ ߦߌ߬ߘߊ߬ ߞߏ߫: <<ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲ ߞߕߌ߫ ߡߛߊߦߌ߲ߘߊ ߞߕߌߕߍ߯ߟߊ ߟߎ߬ ߓߘߊ߫ ߓߍ߲߬ ߊ߬ ߡߊ߬߸ ߞߊ߬ ߓߍ߲߬ ߝߘߊ߬ߝߌ߲߬ߠߊ߫ ߡߊ߲߬ߕߏ߲߬ ߖߌߟߊߝߍ ߞߎ߬ߙߎ߲߬ߘߎ ߕߐ߲ߛߋ߲ ߈߄߲ ߟߥߊߟߌ ߡߊ߬، ߛߣߍ߬ߜ߭ߊߟߌ߫ ߡߍ߲ ߛߎߘߊ߲߫ ߘߊ߫ ߟߊ߬ߓߊ߲ ߕߊ߲ߠߌ߲ ߝߍ߬߸ ߏ߬ ߟߊ߫ ߞߐߝߟߌ ߏ߬ ߓߘߊ߫ ߦߟߍ߬ߡߊ߲߫ ߕߎ߬ ߃-߃ ߞߊ߲߬߸ ߞߵߊ߬ ߘߌ߫ ߡߊ߬ߙߐߞߎ߬ ߡߊ߬ » ߞߵߏ߬ ߞߍ߫ ߛߎߘߊ߲ߓߊ߮ ߘߌ߫.

ߞߕߌߕߍ߯ߟߊ ߢߌ߲߬ ߠߎ߫ ߞߵߊ߬ߟߎ߬ ߟߊߘߍ߬ ߞߐ߬ߟߏ߲ ߢߌ߲߬ ߠߋ߬ ߡߊ߬߸ ߞߊ߬ ߞߎߡߊ߫ ߡߊ߬ߙߐߞߎ߬ ߟߊ߫ ߡߞߊ߬ߛߌ߬ߟߌ ߞߊ߲߬، ߣߴߏ߬ ߕߍ߫߸ ߞߕߌ߫ ߝߟߐߡߊ ߕߎ߲߬ ߓߘߊ߫ ߕߍ߰߸ ߏ߬ ߘߌߦߊ߫ ߘߊ߫ ߛߣߍ߬ߜ߭ߊߟߌ߫ ߟߋ߬ ߟߊ߫.

ߊߟߎ߫ ߦߴߊ߬ ߟߐ߲߫߸ ߟߊ߬ߓߊ߲ ߕߊ߲ߠߌ߲ ߣߌ߲߬ ߞߍ߫ ߘߊ߫ ߓߌ߲ߠߊߥߎߟߋ߲߫ ߕߊ߬ߡߌ߲߬ߣߍ߲ ߕߟߋ߬ ߁߈ ߠߋ߬ ߡߊ߬ ߙߓߊ߫ ߞߣߐ߫߸ ߛߣߍ߬ߜ߭ߊߟߌ߫ ߛߎߘߊ߲߫ ߘߊ߫ ߦߋ߲߬ ߕߎ߬ ߣߊߡߙߊߕߐߣߍ߲߫ ߁-߀ ߞߊ߲߬، ߡߊ߬ߙߐߞߎ߬ ߞߊ߲߬ ߓߌ߲߬ߓߊ߬ߥߏ߬ ߕߊ߲ߠߌ߲ ߛߐ߬ߘߐ߲߬ ߝߋߎ߫߸ ߓߊ߬ߙߵߊ߬ ߡߊ߫ ߘߏ߲߬، ߞߵߊ߬ ߛߐ߬ߘߐ߲߬߸ ߛߣߍ߬ߜ߭ߊߟߌ߫ ߕߎ߲߬ ߓߘߊ߫ ߞߋߟߋ߲߫ ߟߴߊ߬ ߞߣߐ߫߸ ߏ߬ ߡߊ߫ ߕߊ߬، ߏ߬ ߓߌ߬ߟߊ ߡߍ߲ ߞߍ߫ ߘߊ߫ ߏ߬ ߘߌ߫ ߛߊ߫߸ ߛߣߍ߬ߜ߭ߊߟߌ߫ ߕߏ߬ߟߊ߲߬ߕߊ߲߬ߠߊ ߟߎ߬ ߟߊ߫ ߟߞߊ߬ߙߊ߲߬ߧߊ߬ߟߌ߬ߟߊ߫ ߔߊߔ ߗߊߥߎ߬ ߡߐߣߍ߫ ߘߊ߫߸ ߞߵߊ߬ ߝߐ߫ ߟߊ߫ ߊ߬ ߕߏ߬ߟߊ߲߬ߕߊ߲߬ߠߊ ߟߎ߫ ߡߊ߬ ߞߏ߫ ߊ߬ߟߎ߬ ߦߋ߫ ߓߐ߫ ߓߙߊ ߞߣߐ߫߸ ߏ߬ ߛߌߦߊߡߊ߲߫ ߝߣߊ߫ ߓߐ߫ ߢߊ ߟߋ߬ ߞߍߣߴߏ߬ ߘߌ߫.

ߒ߬ߓߊ߬߸ ߓߐߟߌ ߕߏ߲ߘߋ ߡߍ߲ ߏ߬ ߘߌ߫ ߖߐ߫߸ ߞߊߝ ߞߕߌߕߍ߯ߟߊ ߟߎ߫ ߞߵߊ߬ߟߎ߬ ߓߊ߲ߓߊ߲߫ ߏ߬ ߦߙߐ ߟߋ߬ ߞߊ߲߬، ߞߏ߫ ߊ߬ߟߎ߬ ߟߊ߫ ߞߎ߬ߙߎ߲߬ߘߎ ߕߐ߲ߛߋ߲ ߈߂߲ ߞߵߊ߬ ߝߐ߫ ߟߋ߬߸ ߞߏ߫: <<ߓߊ߲߭ ߕߏߟߏ߲߫ ߞߏ ߡߊ߬߸ ߥߟߊ߫ ߞߊ߬ ߓߐ߫ ߓߙߊ ߞߣߐ߫ ߞߊ߬ ߞߐ߲߰ ߓߌ߬ߟߊ߬ߢߐ߲߰ߠߊ ߥߊ߯ߕߌ߫ ߟߊߕߍ߰ߣߍ߲ ߢߍ߫ ߣߌ߫ ߕߍߟߐ ߟߊ߫ ߖߊ߬ߡߊߙߌ ߕߍ߫>> ߏ߬ ߕߌ߰ ߦߋ߫ ߖߊ߬ߕߋ߬ ߟߊ߫ ߓߋ߬ߓߊ߰ߕߐ ߟߋ߬ ߘߌ߫.

ߟߊ߬ߓߊ߲ ߣߌ߲߬ ߕߊ߲߫ ߘߊ߫ ߟߏ߲ ߡߍ߲ ߠߊ߫߸ ߡߊ߲߬ߞߊ߲߬ ߛߌߦߊߡߊ߲߫ ߥߟߌ߬ ߘߊ߫ ߓߊ߲߬ߓߋ ߞߊ߲߬߸ ߝߏ߫ ߛߣߍ߬ߜ߭ߊߟߌ߫ ߕߏ߬ߟߊ߲ ߞߐߡߊߓߌ߲ߓߌ߲ߠߊ ߟߎ߫ ߖߌ߰ ߘߊ߫ ߓߙߊ ߞߣߐ߫ ߡߌ߬ߛߍ߲߬ ߁߅ ߢߐ߲߰ ߞߘߐ߫، ߓߙߊߤߌߡ ߖߊߖ߭ ߞߊ߬ ߓߌ߲߬ߓߊ߬ߥߏ߬ ߕߊ߲ߠߌ߲ ߡߍ߲ ߛߐ߬ߘߐ߲߬߸ ߏ߬ ߞߵߏ߬ ߖߊ߲߬ ߠߋ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.