ߛߌߞߊ߫ ߕߴߊ߬ ߘߐ߫߸ ߛߣߍ߬ߜ߭ߊ߬ߟߌ߫ ߞߊ߲ߕߌ߯ ߞߘߐ ߡߊߞߌ߫ ߛߊߟ ߦߋ߫ ߡߊ߬ߡߌ߬ߘߊ߬ߟߌ߬ߟߊ ߟߋ߬ ߘߌ߫߸ ߖߐ߲߰ߛߴߊ߬ ߘߌ߫ ߞߍ߫ ߘߎߢߊ߫ ߕߐ߲ߓߊ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߘߍ߬ߣߍ߲ ߢߍߡߐ߮ ߘߌ߫، ߊ߲ߕߏߣߌߦߏ ߜ߭ߎߕߙߍߛ ߣߐ߭ ߘߐ߫߸ ߏ߬ ߡߍ߲ ߠߊ߫ ߟߐ߬ߒ߬ߞߋ߬ߟߊ߬ ߝߌߟߊߣߊ߲ ߓߍߣߊ߬ ߞߎ߲߭ߘߏ߲߬ ߢߌ߬ߣߊ߲߫ ߛߊ߲߭ ߟߊߓߊ߲ ߠߊ߫، ߓߎߙߎ߲ߘߌ߫ ߞߊ߲ߕߌ߮ ߡߍ߲ ߦߋ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߘߍ߬ߣߍ߲ ߢߍߡߐ߮ ߘߌ߫߸ ߏ߬ ߟߋ߬ ߖߍ߬ߘߍ ߞߊ߬ ߡߊߞߌ߫ ߛߊߟ ߟߊ߫ ߡߊ߬ߡߌ߬ߘߊ߬ߟߌ߬ ߛߓߍ ߟߊߕߊ߬ߡߌ߲߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߘߍ߬ߣߍ߲ ߢߊߞߘߐ߫.

ߞߴߊ߬ ߛߐ߬ߘߐ߲߬ ߞߘߐ߬ߡߊ߲߫߸ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߖߍ߬ߘߍ ߟߊ߫ ߖߡߊ߬ߣߊ ߟߋ߬ ߦߋ߫ ߊ߬ߟߎ߬ ߟߊ߫ ߡߊ߬ߡߌ߬ߘߊ߬ߟߌ߬ ߛߓߍ ߟߎ߬ ߟߊߘߏ߲߬ ߠߊ߫߸ ߐ߲߬ߤߐ߲߫߹ ߦߊ߯ߟߊ߫ ߡߊߞߌ߫ ߛߊߟ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߣߌ߲߬ ߦߋ߫ ߦߋߝߊߘߌ߫ ߢߌ߬ߡߊ߲߫ ߠߋ߬ ߘߐ߫ ߊ߬ ߟߊ߫ ߖߡߊ߬ߣߊ ߞߣߐ߫؟ ߖߡߊ߬ߣߊ߬ߘߋ߲ ߠߎ߬ ߤߊߞߟߌߣߊ߲ ߕߍ߫ ߞߋߟߋ߲߫ ߘߌ߫ ߞߵߊ߬ ߓߍ߲߬ ߡߊߞߌ߫ ߛߊߟ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߢߌ߲߬ ߡߊ߬ ߘߎߢߊ߫ ߕߐ߲ߓߊ ߢߍߡߐ߯ߦߊ ߟߊ߫، ߊ߬ ߟߊ߫ ߓߘߍ߬ߓߘߍ߬ߟߌ߬ ߞߙߎ ߊߔߋ߫-ߍߙ، ߕߟߋ߫ ߓߘߍ߬ߓߘߍ߬ߟߌ߬ ߞߙߎ ߣߏߝ߭ߏ߫ ߔߊߙߕߌ ߢߍߡߐ߮ ߟߊ߫ ߝߐߟߌ߫ ߘߐ߫߸ ߣߍ߰ߖߟߎ߬ ߛߌߟߊ ߝߍ߬.

ߡߊߞߌ߫ ߛߊߟ



ߞߏ߫<<ߣߌ߲߬ ߦߋ߫ ߞߎ߲߬ߠߊ߬ߦߋ߬ߙߋ߲߫ ߞߏ ߟߋ߬ ߘߌ߫߸ ߊ߬ ߘߏ߲߬ ߞߏ߫ ߡߊߞߌ߫ ߛߊߟ ߕߍ߫ ߛߣߍ߬ߜ߭ߊ߬ߟߌ߫ ߞߋߟߋ߲߫ ߠߊ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫߸ ߊ߬ ߦߋ߫ ߝߘߊ߬ߝߌ߲߬ߠߊ߫ ߡߎ߰ߡߍ ߟߋ߬ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫߸ ߓߊߏ߬߸ ߊ߬ ߟߊ߫ ߡߊ߬ߡߌ߬ߘߊ߬ߟߌ߬ ߛߓߍ ߟߊߘߏ߲߬ ߘߊ߫ ߝߘߊ߬ߝߌ߲߬ߠߊ߫ ߘߍ߭ ߢߍߡߐ߮ ߟߋ߬ ߖߍ߬ߘߍ ߓߟߏ߫>> ߏ߬ ߘߐ߫߸ ߊ߬ߟߎ߬ ߛߍߥߊߣߍ߲߫ ߞߵߊ߬ߟߎ߬ ߢߊ߰ߟߋ߲߫، ߓߊ߬ߙߌ߫߸ ߛߣߍ߬ߜ߭ߊ߬ߟߌ߫ ߝߊ߲߬ߞߊ ߟߊ߫ ߓߘߍ߬ߓߘߍ߬ߟߌ߬ ߞߙߎߞߊ ߔߊߛߑߕߍߝ ߣߴߏ߬ ߦߋ߫ ߞߏߕߌ߯ ߎߛߑߡߊ߯ߣߌ߲߫ ߛߏ߲ߞߏ߫ ߟߊ߫ ߓߘߍ߬ߓߘߍ߬ߟߌ߬ ߞߙߎߞߊ ߘߌ߫߸ ߏ߬ ߟߎ߬ ߡߊ߫ ߝߋ߲߫ ߝߐ߫ ߊ߬ ߞߏ ߞߊ߲߬ ߝߟߐ߫߸ ߓߘߍ߬ߓߘߍ߬ߟߌ߬ ߞߙߎ ߏ߬ ߖߍ߬ߘߍ ߢߍߡߐ߮ ߟߊ߫ ߝߐߟߌ߫ ߘߐ߫ ߣߍ߰ߖߟߎ߬ ߛߌߟߊ ߟߊ߫.

ߞߏ߫<<ߤߊߟߌ߬ ߞߎߣߎ߲߬ ߔߊߛߑߕߍߝ ߕߘߍ߬ ߦߋ߫ ߟߊ߬ߘߍ߬ ߞߣߍ ߞߊ߲߬߸ ߞߏ߫ ߣߴߌ ߞߵߊ߬ ߦߋ߫ ߔߊߛߑߕߍߝ ߡߊ߫ ߞߎߡߊ߫ ߡߊߞߌ߫ ߛߊߟ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߣߌ߲߬ ߞߊ߲߬߸ ߤߊߞߟߌߣߊ߲ ߠߋ߬ ߕߍ߫ ߊ߬ߟߎ߬ ߓߟߏ߫ ߝߟߐ߫>> ߛߣߍ߬ߜ߭ߊ߬ߟߌ߫ ߖߡߊ߬ߣߊ߬ߘߋ߲ ߘߏ߫ ߟߎ߫ ߞߏ߬ߣߌ߲ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߊ߬ߟߎ߬ ߕߍߣߊ߬ ߓߍ߲߬ ߠߊ߫ ߡߊߞߌ߫ ߛߊߟ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߡߊ߬.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.