ߞߊߡߋߙߎߣ ߖߡߊ߬ߣߊ ߞߣߐ߫߸ ߡߐ߰ ߟߏ߯ߟߎ߫ ߟߋ߬ ߓߘߊ߫ ߓߐ߬ߣߐ߫ ߊ߬ ߟߊ߫ ߢߣߊߡߦߊ ߟߊ߫ ߞߵߏ߬ ߕߎ߬ߙߎ ߞߍ߫ ߞߊ߬ߓߌߟߊ ߝߌ߬ߟߊ ߟߊ߫ ߓߌ߬ߟߊ߬ߢߐ߲߰ߠߊ ߘߌ߫߸ ߣߌ߲߬ ߞߍ߫ ߘߊ߫ ߊߙߑߘߏ߫ ߓߊߛߏ߫ ߞߊ߬ߝߏ ߟߋ߬ ߞߣߐ߫߸ ߕߙߎߦߊ߫ ߘߎ߱ ߞߣߐ߫، ߝߘߌߢߐ߲߯ߘߐ ߣߌ߲߬ ߞߊ߬ߛߙߊ ߟߎ߬ ߖߎ߯ߦߊ߫ ߘߊ߫ ߟߋ߬ ߞߏߛߓߍ߫߸ ߞߊ߬ߕߎ߲߯ ߡߐ߰ ߟߎ߬ ߝߊ߰ ߘߊ߫ ߟߋ߬߸ ߊ߬ ߣߌ߫ ߞߊ߬ ߘߏ߫ ߟߎ߫ ߡߊߘߌߡߌ߲߫ ߞߊ߬ ߓߏ߲߫ ߛߌߦߊߡߊ߲߫ ߖߋ߬ߣߌ߲߬ ߞߎߙߍ߫߸ ߛߙߋߦߊ߫ ߛߐ߬ߘߐ߲߬ߣߍ߲ ߠߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊߙߑߘߏ߫ ߓߊߛߏ߫ ߘߎ߰ߕߌ߮ ߟߋ߬ ߛߊ߬ߣߍ߲߫߸ ߓߊ߬ߙߌ߫߸ ߞߊ߬ ߞߐ߲߰ ߊ߬ ߟߊ߫ ߛߊ߬ߦߊ ߢߍ߫߸ ߊ߬ ߕߍ߬ߘߍ߫ ߞߊ߬ ߢߊ߬ߣߌ߲߬ߞߋ ߡߍ߲ ߕߊ߬߸ ߏ߬ ߟߋ߬ ߦߋ߫ ߊ߬ ߣߐ߬ߘߐߓߌ߬ߟߊ ߘߌ߫ ߊ߬ ߘߋ߲ߞߍ߫ ߟߊ߫߸ ߓߊ߬ߙߌ߫߸ ߊ߬ ߛߊ߬ߣߍ߲ ߞߐ ߘߐ߫߸ ߛߌ߰ߞߊ߬ߝߐ ߟߎ߬ ߓߘߊ߫ ߞߍ߫߸ ߞߵߊ߬ ߓߊߘߋ߲ߡߊ ߘߏ߫ ߛߎߥߊ߲ߘߌ߫ ߞߵߏ߬ ߞߍ߫ ߘߎ߰ߕߌ߰ ߞߎߘߊ ߘߌ߫߸ ߞߊߘߌߢߐ߲߯ߘߐ ߟߎ߬ ߘߊߡߌ߬ߣߊ߬ߣߍ߲߸ ߢߍߡߐ߮ ߡߍ߲ ߠߎ߬ ߛߎߥߊ߲ߘߌ߫ ߘߊ߫߸ ߏ߬ ߟߎ߫ ߞߊ߬ ߡߎ߯ߕߋ ߟߎ߬ ߘߊߡߌ߬ߣߊ߫߸ ߞߵߊ߬ ߞߘߐ߬ߡߛߏ߫ ߘߋ߲ߞߍ߫ ߓߏ߲߫ ߡߊ߬ߙߌ߬ߝߊ ߟߊ߫߸ ߥߛߎߣߍ߲߫ ߞߘߐ߫ ߏ߬ ߣߌ ߡߌ߬ߣߊ߬ ߘߴߊ߬ ߟߊ߫.



ߒ߬ߓߊ߬߸ ߏ߬ ߟߊ߫ ߡߐ߱ ߟߎ߬ ߟߋ߬ ߥߟߌ߬ߣߍ߲߫ ߞߍ߬ߟߍ ߘߌ߫ ߓߎ߬ߕߎ߲߫߸ ߞߊ߬ ߡߐ߱ ߟߎ߬ ߕߏ߫ ߝߘߌߢߐ߲߯ߘߐ ߘߐ߫߸ ߣߊ߲߬ߒ߬ߕߊ߲߬ߠߊ߬ߞߊ ߘߏ߫߸ ߞߊ߬ ߓߐ߫ ߡߛߊ ߟߎ߬ ߓߘߊ߸ ߏ߬ ߓߐ߬ߣߐ߫ ߘߴߊ߬ ߣߌ ߘߐ߫߸ ߏ߬ ߟߋ߬ ߟߊ߫ ߝߊ߰ߟߌ ߞߊ߬ ߝߊ߲߬ߞߊ ߛߐ߬ߘߐ߲߬߸ ߝߏ߫ ߊ߬ ߣߊ߬ ߘߊ߫ ߞߍ߫ ߛߌ߯ߦߊ߫ ߞߟߍ ߘߌ߫߸ ߓߌߟߏ߲ ߕߊ߬ߡߌ߲߬ߣߍ߲ ߡߊ߬߸ ߊ߬ ߟߊߥߊ߲߬ߞߊ߬ ߘߊ߫ ߡߙߊ߬ߓߊ߮ ߟߎ߬ ߓߟߏ߫߸ ߞߊ߬ ߛߎߟߋ߬ ߓߊߘߋ߲ߡߊߞߍ ߛߎߥߊ߲ߘߌ߫ ߞߏ ߝߐ߫߸ ߞߵߊ߬ ߟߊߛߌ߰ ߊߙߑߘߏ߫ ߓߊߛߏ߫ ߞߎ߲߬ߠߊ߫߸ ߊ߬ ߘߏ߲߬߸ ߞߊ߬ߦߌ߯ ߛߌ߰ߞߊ߬ߝߐ ߟߎ߬ ߞߍ߫ ߕߎߡߊ ߟߊ߫߸ ߊ߬ ߟߐ߲ߣߍ߲߫ ߕߘߍ߬ ߦߋ߫ ߞߏ߫ ߡߊ߲߬ߞߊ߲ ߘߌߣߊ߬ ߓߐ߫ ߊ߬ ߘߐ߫߸ ߓߊ߬ߙߌ߫߸ ߏ߬ ߟߎ߬ ߡߊߛߎߡߊ߫ ߘߊ߫ ߞߊߟߌߦߊ߫ ߘߐ߫߸ ߡߛߊ߫ ߟߎ߬ ߣߌ߫ ߕߓߎߙߌ߫ ߞߊߓߌߟߊ ߟߎ߬ ߞߵߊ߬ߟߎ߫ ߞߎ߲߬ߛߌ߲߫ ߊߙߑߘߏ߫ ߓߊߛߏ߫ ߘߎ߱ ߟߊ߫ ߕߊߖߟߎߛߙߊ߫ ߞߊ߲ߡߊ߬߸ ߓߊ߬ߙߌ߫߸ ߞߎߡߊߢߐ߲߯ߦߊ ߟߎ߬ ߛߊߓߎ߫ ߟߊ߫߸ ߖߌ߫ ߓߘߊ߫ ߞߍ߫ ߏ߬ ߞߏ ߟߊ߫߸ ߟߊ߬ߢߌߣߌ߲ ߘߏ߫ ߞߍ߫ ߘߊ߫ ߖߐ߲߰ߛߊ߫ ߦߋ߲߬ ߡߙߊ߬ ߢߍߡߐ߮ ߘߏ߫ ߟߎ߫ ߘߌ߫ ߛߋ߫ ߞߊ߬ ߘߏ߫ ߝߐ߫ ߊ߬ ߞߏ ߞߊ߲߬߸ ߓߊ߬ߙߌ߫߸ ߊ߬ߟߎ߬ ߡߊ߫ ߛߋ߫ ߟߊߛߐ߬ߘߐ߲߬ ߠߊ߫ ߞߎߡߊ߫ ߓߟߏߡߊ߬.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.