ߗߋߛߓߍ ߘߏ߫ ߟߋ߬ ߟߊߖߍ߲ߛߍ߲ߣߍ߲߫ ߖߌ߬ߣߍ߬ ߕߊ߲ߓߊ߲ߓߐߟߌ ߣߌ߫ ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߯ߘߊ ߓߟߏ߫߸ ߡߍ߲ ߦߋ߫ ߢߣߊߕߊߟߌ߫ ߣߊ߬ߕߐ ߣߌ߲߬ ߦߙߐ߫ ߝߙߋߞߋߣߍ߲ ߘߏ߫ ߞߕߌߕߍ߰ ߟߊ߫߸ ߡߍ߲ ߞߎ߬ߘߎ ߦߋ߫ ߡߐ߰ ߛߌߦߊߡߊ߲߫ ߠߊ߫، ߞߊ߬ߕߎ߲߯߸ ߦߙߐ߫ ߛߌߦߊߡߊ߲߫ ߠߋ߬ ߦߋ߲߬ ߕߋ߲߬߸ ߡߍ߲ ߠߎ߬ ߞߊ߬ߝߏ߬ߙߋ߲߬ߕߌ߮ ߦߴߊ߬ ߝߍ߬ ߞߊ߬ ߞߍ߫ ߡߊ߬ߡߌ߬ߣߊ߬ߟߌ߬ߟߊ ߘߌ߫ ߞߊ߬ߝߏ߬ߙߋ߲߬ ߢߣߊߕߊߟߌ߫ ߣߊ߬ߕߐ ߘߐ߫߸ ߓߊ߬ߙߌ߬ ߦߊ߯ߟߊ߫߸ ߊ߬ ߣߴߏ߬ ߞߊ߫ ߞߊ߲߫ ߓߊ߬؟

ߞߵߊ߬ ߟߊߥߌ߬ߟߌ߫ ߢߌ߬ߣߌ߲߬ߞߊ߬ߟߌ ߏ߬ ߖߋ߬ߓߌ ߡߊ߬߸ ߕߊ߲ߓߊ߲ߓߐߟߌ ߣߌ߫ ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߮ ߛߟߊߕߌ߯ ߌߓߙߊߤߌߡߊ߫ ߞߊߟߌߟ ߞߐ߲ߘߍ߫ ߓߘߊ߫ ߗߋߛߓߍ߫ ߟߊߓߐ߫߸ ߊ߰ ߝߐ߫ ߟߊ߫ ߡߍ߲ ߡߊ߬ ߞߏ߫ ߝߌߙߌ߲ߝߌߙߌ߲، ߗߋߛߓߍ ߣߌ߲߬ ߞߣߐ߫߸ ߊ߬ ߦߌ߬ߘߊ߬ߣߴߊ߬ ߞߣߐ߫ ߞߏ߫ ߊ߬ߟߎ߬ ߦߋ߫ ߞߊ߬ߝߏ߬ߙߋ߲߬ߕߌ߮ ߟߎ߬ ߦߟߌߓߌ߬ߟߊ߬ ߟߊ߫߸ <<ߊ߬ߟߎ߫ ߟߐ߬ߘߎ߮ ߣߌ߲߬ ߕߴߊ߬ߟߎ߬ ߖߊߙߋ߫ ߟߊ߫߸ ߊ߬ߟߎ߬ ߦߋ߫ ߞߍ߫ ߡߊ߬ߡߌ߬ߣߊ߬ߟߌ߬ߟߊ ߘߌ߫ ߢߣߊߕߊߟߌ ߛߎ߯ ߺ ߎ ߺ ߛߎ߯ ߘߐ߫߸ ߞߊ߬ ߓߍ߲߬ ߖߡߊ߬ߣߊ ߛߊ߬ߙߌ߬ߦߊ ߖߍ߬ߘߍ ߟߊ߫ ߝߐߟߌ ߡߊ߬.>> ߊ߬ߟߎ߫ ߞߵߏ߬ ߝߐ߫ ߛߓߍ ߣߌ߲߬ ߞߣߐ߫.

ߊ߬ߟߎ߬ ߓߊ߲߫ ߘߊ߫ ߞߵߊ߬ ߦߌ߬ߘߊ߬߸ ߞߏ߫ <<ߌ ߞߍ߫ ߘߊ߫ ߗߋߘߋ߲߫ ߓߟߏߡߊߞߊ߬ߣߍ߲ ߛߌ߲߬ߝߏ߲߬ ߘߌ߫ ߓߊ߬߸ ߥߟߴߊ߬ ߞߊ߲ߕߌ߯ ߘߌ߫ ߓߊ߬߸ ߣߴߌ ߦߴߊ߬ ߝߍ߬ ߞߊ߬ ߞߍ߫ ߡߊ߬ߡߌ߬ߣߊ߬ߟߌ߬ߟߊ ߘߌ߫ ߢߣߊߕߊߟߌ ߘߐ߫߸ ߝߏ߫ ߌ ߦߋ߫ ߓߙߐߕߐ߫ ߟߋ߬ ߡߎߣߎ߲߬ ߌ ߟߐ߬ߘߎ߮ ߏ߬ ߘߐ߫߸ ߞߵߌ ߟߊ߫ ߡߊ߬ߡߙߊ߬ߟߌ ߞߊ߲߬ߞߎߡߊ ߝߣߊ߫ ߟߴߊ߬ ߘߟߊ߫.>>

ߓߙߐߕߐߟߌ ߏ߬ ߘߏ߲߬ ߝߣߊ߫ ߦߋ߫ ߞߍ߫ ߟߊ߫ ߞߎ߲߬ߕߊ߰ ߟߊߕߍ߰ߣߍ߲߫ ߠߋ߬ ߞߘߐ߫߸ ߣߴߏ߬ ߕߊ߬ߡߌ߲߬ ߘߊ߫߸ ߌߟߋ ߟߊ߫ ߓߙߐߕߐߟߌ ߕߍ߫ ߘߊ߲ߞߎ߲߫ ߠߊ߫ ߡߎ߬ߕߎ߲߬، ߛߓߍ ߣߌ߲߬ ߞߵߊ߬ ߦߌ߬ߘߊ߬ ߞߏ߫ <<ߓߙߐߕߐߟߌ ߏ߬ ߦߋ߫ ߞߍ߫ ߟߊ߫ ߛߓߍ߫ ߟߋ߬ ߘߌ߫ ߞߵߊ߬ ߟߊߕߊ߯ ߌ ߛߊ߲ߝߍ߫ ߡߐ߮ ߡߊ߬، ߊ߬ ߘߏ߲߬߸ ߓߙߐߕߐߟߌ߫ ߛߓߍ߫ ߓߊ߬߸ ߡߊ߬ߡߌ߬ߘߊ߬ߟߌ߬ ߛߓߍ߫ ߓߊ߬߸ ߏ߬ ߓߍ߯ ߞߎ߲߬ߕߊ߮ ߣߴߊ߬ߟߎ߫ ߘߊ߲߭ ߦߋ߫ ߂߀߂߆ ߕߙߊߓߊ ߕߋ߬ߟߋ߫ ߂߇ ߟߋ߬ ߘߌ߫.>> ߊ߬ߟߎ߫ ߞߵߏ߬ ߟߊ߫ ߞߎߡߊ ߘߟߊ߫.

ߏ߬ ߟߵߊ߬ ߦߌ߬ߘߊ߬ ߟߊ߫ ߞߏ߫ ߣߌ߫ ߕߙߊߓߊ ߣߌ߲߬ ߕߋ߬ߟߋ߫ ߂߇ ߞߵߊ߬ ߛߐ߬ߘߐ߲߬ ߡߍ߲ ߠߎ߬ ߡߊ߫ ߓߙߐߕߐ߫߸ ߏ߬ ߟߎ߬ ߕߍߣߊ߬ ߛߋ߫ ߟߊ߫ ߞߍ߫ ߟߊ߫ ߡߊ߬ߡߌ߬ߣߊ߬ߟߌ߬ߟߊ߫ ߘߌ߫ ߡߎ߬ߕߎ߲߬، ߦߏ߫ ߗߋߛߓߍ ߣߌ߲߬ ߖߍ߬ߘߍ ߞߣߐߞߏ ߞߵߏ߬ ߟߊߛߙߋߦߊ߫ ߢߊ ߡߍ߲ ߡߊ߬ <<ߣߌ߫ ߕߎ߬ߡߊ ߏ߬ ߕߊ߬ߡߌ߲߬ ߘߊ߫߸ ߌߟߋ ߗߋߘߋ߲߫ ߓߟߏߡߊߞߊ߬ߣߍ߲ ߞߊ߲ߕߌ߯ ߓߊ߬߸ ߛߌ߲߬ߝߏ߲߫ ߓߊ߬߸ ߊߟߎ߫ ߝߏߦߌ߬ ߕߴߛߋ߫ ߞߍ߫ ߟߊ߫ ߡߊ߬ߡߌ߬ߣߊ߬ߟߌ߬ߟߊ߫ ߘߌ߫ ߂߀߂߆ ߘߓߊ߬ߕߊ ߂߄ ߞߊ߲ߕߌ߯ ߢߣߊߕߊߟߌ ߘߐ߫.>>

ߞߏߕߌ߮ ߓߊ߲߫ ߘߊ߫ ߝߣߊ߫߸ ߞߊ߬ ߖߊ߬ߡߊߙߌ ߘߌ߫ <<ߞߎ߲߬ߠߊ߬ߛߌ߰ߟߊ ߣߌ߫ ߡߙߊ߬ߓߊ߮ ߣߌ߫ ߡߙߊ߬ߓߊ߰ߘߎ߯ߟߊ>> ߟߎ߫ ߟߋ߬ ߡߊ߬߸ ߞߊ߬ ߓߍ߲߬ ߛߓߍ ߣߌ߲߬ ߞߣߐߞߏ ߟߊߕߊ߯ߡߊ ߡߵߊ߬ ߢߊ ߡߊ߬߸ ߦߏ߫ ߊ߬ ߝߐߣߍ߲߫ ߛߊ߬ߙߌ߬ߦߊ߬ ߓߟߏ߫ ߢߊ ߡߍ߲.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.