ߞߊ߲ߞߊ߲߫ ߞߣߐ߫߸ ߛߏߕߌ߯ ߓߏߟߏ߲ ߣߐ߬ ߊ߬ߟߎ߬ ߤߊߡߌߣߊ߲߫ ߞߏ ߘߏ߫ ߟߋ߬ ߟߊ߬ߛߋ߬ߟߌ ߞߍ߫ ߟߊ߫߸ ߞߵߊ߬ ߓߍ߲߬ ߖߐ߯ߙߊ߲ ߘߏ߫ ߟߎ߫ ߛߏ߲߬ߧߊ ߡߊ߬߸ ߡߍ߲ ߦߋ߫ ߢߎߡߍ߫ ߞߏ ߜߊ߲߬ߞߎ߲߬ߢߐ߲߰ߠߊ ߖߊ߬ߕߋ߬ߘߐ߬ߛߌ߮ ߘߐ߫ ߞߊ߲ߞߊ߲߫ ߛߏ߫ ߞߣߐߟߊ ߟߊߡߍߣߍ߲߫ ߞߊ߲ߡߊ߬߸ ߊ߬ ߣߌ߫ ߖߌ߬ߣߍ߬ ߜߍߞߊ߲ߠߊ ߕߐ߬ߡߊ.

ߊ߬ߟߎ߬ ߟߊ߫ ߓߋߟߋ߲ߕߌ߮ ߟߊ߫ ߝߐߟߌ߫ ߘߐ߫߸ ߡߏ߬ߤߊ߬ߡߍ߬ߘ ߟߊ߬ߡߌߣ ߞߊ߬ߓߊ߸ ߡߍ߲ ߞߊ߲߬ߕߐ߮ ߦߋ߫ ߙߌ߲ߜ߭ߏ߫ ߘߌ߫߸ ߞߏ߫ ߛߏ߲߬ߧߊ߬ߟߌ ߏ߬ ߦߋ߫ ߞߊ߲ߞߊ߲߫ ߢߎߡߍ߫ ߞߏ ߛߋ߲߬ߠߊߛߌ߬ߘߌ ߟߋ߬ ߘߌ߫، ߊ߬ ߘߏ߲߬߸ ߢߎߡߍ ߦߋ߫ ߥߙߎߞߌ ߓߊ߬ߙߏ߲߬ߡߊ ߟߋ߬ ߘߌ߫߸ ߛߐ߬ߘߐ߲ ߛߌߟߊ ߝߍ߬߸ ߓߊ߯ߙߊ߫ ߞߏ ߣߌ߫ ߘߍ߲߰ߘߊ߬ ߟߐ ߟߎ߬ ߛߌߟߊ ߝߍ߬. ߣߌ߫ ߡߍ߲ ߠߎ߬ ߞߊ߲߫ ߏ߬ ߘߐ߫߸ ߞߏ߫ ߊ߬ߟߎ߬ ߘߴߏ߬ ߓߊ߯ߙߊߝߋ߲ ߠߎ߬ ߛߏ߲߬ߧߊ߬߸ ߏ߬ ߟߎ߬ ߕߍ߫ ߛߏ ߟߊ߫ ߤߙߊ ߝߍ߬.

ߡߐ߰ߓߊ ߟߎ߬ ߞߊ߲߫ ߞߏ߫ ߜߍ߬ߟߍ߲߬ߜߍ ߟߎ߬ ߟߊ߫ ߓߊ߯ߙߊ ߏ߬ ߦߋ߫ ߛߏ ߡߊߣߐ߯ ߞߏ ߣߌ߫ ߖߊ߬ߡߊ ߟߊ߫ ߕߐ߬ߣߐ ߘߐߖߊߛߌ ߟߋ߬ ߘߌ߫߸ ߞߵߊ߬ ߛߐ߬ߘߐ߲߬ ߞߎ߲߬ߠߊ߬ߛߌ߮ ߦߋ߫ ߖߐ߰ߣߍ߬ߦߊ߬ߟߌ ߓߍ߯ ߞߊ߲߬ ߠߋ߬ ߛߊ߫ ߖߡߊ߬ߣߊ߬ߘߋ߲ ߠߎ߬ ߟߌ߬ߤߟߊ ߟߋ߬ ߘߌ߫ ߡߊߝߊ߬ߟߋ߲߬ ߞߵߊ߬ߟߎ߫ ߓߌ߬ߟߊ߫ ߘߊ߰ߡߎ߲ ߘߐ߫.


ߊ߬ߟߎ߬ ߓߘߊ߫ ߞߊ߬ߛߙߋ߬ߡߊ߬ߟߊ ߞߍ߫: ߡߐ߰ ߛߌ߫ ߡߌ߬ߣߊ߬ ߘߴߊ߬ ߞߏ ߘߐ߫߸ ߥߟߊ߫ ߡߍ߲ ߺ ߍ ߺ ߡߍ߲߫ ߕߐ߮ ߜߊ߬ߛߌ߬ ߘߴߊ߬ ߟߊ߫߸ ߏ߬ ߟߎ߬ ߦߴߊ߬ ߟߐ߲߫ ߞߏ߫ ߛߏߕߌ߮ ߛߋ߲߬ߡߊ߬ߝߌߘߊ߲߫߸ ߓߟߏߡߊߝߌߘߊ߲߫ ߊ߬ߟߎ߬ ߡߞߊߘߊ߲߫ ߞߏ ߘߐ߫.


ߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߡߐ߰ ߟߎ߬ ߞߐ߫ ߣߌ߲߬ ߞߏ ߘߐ߫߸ ߡߍ߲ ߠߎ߬ ߘߐ߱ߘߏ߲߬ߣߍ߲߫ ߊ߬ ߞߏ ߟߊߕߐ߲ ߠߊ߫، ߊ߬ߟߎ߬ ߓߊ߯ ߡߐ߰ ߛߌ߫ ߡߌ߬ߣߊ߬߸ ߏ߬ ߕߍ߫ ߡߞߊߘߊ߲߫ ߠߊ߫، ߣߌ߫ ߡߍ߲ ߘߏ߲߬ ߝߣߊ߫ ߞߵߊ߬ ߝߐ߫ ߞߏ߫ ߞߵߏ߬ ߟߎ߬ ߡߞߊߘߊ߲߫߸ ߏ߬ ߟߎ߬ ߝߣߊ߫ ߦߋ߫ ߡߌ߬ߣߊ߫ ߞߵߊ߬ߟߎ߬ ߞߕߌ߫߸ ߦߏ߫ ߛߊ߬ߙߌ߬ߦߊ ߞߵߊ߬ ߝߐ߫ ߢߊ ߡߍ߲ ߡߊ߬، ߓߊߏ߬߸ ߏ߬ ߟߎ߬ ߕߍ߫ ߛߏ ߘߐߓߍ߲߭ ߝߍ߬.