ߛߊ߲ߖߌ߫ ߥߎ߬ߣߊ߲߬ߞߏߙߏ߲ ߡߍ߲ ߓߙߊ߬ߣߍ߲߫ ߣߊ߬ ߟߊ߫ ߞߋߣߌߦߊ߫ ߞߣߐ߫ ߕߋ߲߬߸ ߏ߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߡߐ߰ ߈߁ ߠߋ߬ ߓߐ߬ߣߐ߫ ߊ߬ ߣߌ ߘߐ߫ ߞߊߙߏ ߣߌ߲߬ ߞߣߐ߫߸ ߏ߬ ߝߐ߫ ߘߴߊ߬ߟߎ߬ ߟߊ߫ ߝߊ߰ߡߊ ߟߎ߫ ߟߋ߬ ߓߟߏ߫ ߞߎߣߎ߲߬ ߞߊ߯ߙߌ ߡߊ߬، ߛߊ߲ߖߌ ߘߏ߲߬ ߞߢߊ߬ߣߍ߲߫ ߕߍ߰ ߟߊ߫ ߡߎߣߎ߲߬߸ ߖߡߊ߬ߣߊ ߝߊ߲߬ ߛߌߦߊߡߊ߲߫ ߓߘߴߊ߬ ߕߙߐߦߊ ߡߊߜߙߏ߬.

ߊ߬ߟߎ߬ ߟߊ߫ ߝߊ߰ߡߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ߟߎ߬ ߟߊ߫ ߞߎߓߋߘߊ ߣߊߦߌߙߏߓߌ߫ ߟߋ߬ ߣߐ߬ ߡߊ߲߬ߕߙߐ ߛߐ߬ߘߐ߲߬ ߠߊ߫ ߛߊ߬ߦߊ ߘߊߞߎ߲ ߘߐ߫ ߦߙߐ ߓߍ߯ ߘߌ߫، ߓߊߏ߬߸ ߡߐ߰ ߃߇ ߟߋ߬ ߝߊ߰ ߘߊ߫ ߦߋ߲߬.

ߞߌߛߡߎ߫ ߞߊ߬ߝߏ ߞߣߐ߫߸ ߏ߬ ߟߎ߬ ߟߊ߫ ߘߎ߰ߣߍ߲߬ ߛߌߦߊߡߊ߲߫ ߠߋ߬ ߡߊ߬ߞߏ ߓߘߊ߫ ߛߊ߬ ߕߋ߲߬߸ ߞߵߊ߬ߟߎ߬ ߟߊ߫ ߛߍ߬ߣߍ ߓߋ߬ߝߘߍ߬ ߁ ߂߀߀ ߕߌߢߍ߫߸ ߞߵߊ߬ߟߎ߬ ߟߊ߫ ߛߎ߬ߡߊ߲߬ ߛߌ ߟߎ߬ ߕߌߢߍ߫، ߘߋ߲ߓߦߊ߫ ߃ ߀߀߀ ߓߘߊ߫ ߓߌ߬ߟߊ߫ ߞߣߐ߬ߘߐ߬ߝߟߌ ߘߐ߫߸ ߞߵߊ߬ߟߎ߬ ߟߊߓߐ߫ ߊ߬ߟߎ߬ ߟߊ߫ ߟߎ ߟߎ߬ ߞߣߐ߫ ߢߞߊߛ ߡߙߊ߬ߓߊ߰ߘߊ ߞߣߐ߫.

ߝߘߊ߬ߝߌ߲߬ߠߊ߫ ߞߍߞߎߘߊ ߟߎ߬ ߝߐ߰ߓߍ߬ߦߊ߬ߘߊ ߟߊ߫ ߝߐߟߌ߫ ߘߐ߫߸ ߞߏ߫ ߢߞߊߛ ߛߏߕߌ߮߸ ߊ߬ߟߋ ߡߍ߲ ߕߐ߯ ߞߏ߫ ߛߋߕ ߏߟߎߥߏߛ ߊߜ߭ߑߥߊ߲ߘߊ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߊ߬ ߕߟߋ߬ ߘߊ߲ߘߐ ߟߋ߬ ߕߋ߲߬߸ ߖߌ ߓߘߊ߫ ߥߊ߬ߙߊ߫ ߛߐ߲ߘߎ߫ ߡߌߙߎ߫ ߞߐ߭ ߡߊ߬߸ ߞߊ߬ ߥߎ߲߬ߝߊ߲߬ ߦߙߐ ߓߍ߯ ߘߐ߫، ߓߊ ߏ߬ ߝߊ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߘߋ߲ߓߦߊ߫ ߥߊ߯ ߛߊ߬ߓߐ߫ ߟߐ߬ ߓߐ߫ ߟߊ߫ ߞߵߊ߬ߟߎ߬ ߟߊ߫ ߟߎ ߓߌ߬ߟߊ߬، ߊ߲ ߓߘߊ߫ ߓߣߐ߬ ߊ߲ ߠߊ߫ ߛߣߍ߬ ߘߎ߮ ߟߎ߬ ߟߊ߫߸ ߖߌ ߓߐ߫ ߞߏߖߎ߯ߦߊ ߞߏߛߐ߲߬، ߊ߲ ߣߐ߬ ߛߍ߬ߣߍ ߡߍ߲ ߠߎ߬ ߞߍ߫ ߟߊ߫߸ ߛߌ ߡߍ߲ ߠߎ߬ ߟߊ߲߬ߣߍ߲߫߸ ߦߙߌ ߡߍ߲ ߠߎ߬ ߟߊ߲߬ߣߍ߲߫߸ ߢߐ߭ ߣߌ߫ ߛߐ߬ߛߐ߸ ߛߊ߬ߢߐ߸ ߣߊߞߘߐ ߟߎ߬߸ ߛߙߊߖߋ߭ ߕߊ߬ߣߍ߲ ߞߵߊ߬ ߟߊ߫ ߣߡߊ߬ߛߊ ߣߌ߫ ߛߌߦߊߡߊ߲߫ ߜߘߍ߫ ߟߎ߫ ߞߊ߲߬، ߕߋ߲߭ߕߋ߲߭ ߣߌ߲߬ ߘߐ߫߸ ߒ ߧߋ߫ ߞߎߡߊ߫ ߟߴߊߟߎ߫ ߦߋ߫ ߦߙߐ ߡߍ߲ ߘߐ߫ ߕߋ߲߬߸ ߡߐ߱ ߟߎ߬ ߓߘߊ߫ ߟߊߕߊ߯ ߡߞߊ߬ߘߊ߲߬ߠߌ߲߬ ߦߙߐ߫ ߛߋߦߌ߲߫ ߢߐ߲߰ ߘߐ߫.>> ߛߏߕߌ߮ ߟߋ߬ ߞߊ߲߫ ߕߋ߲߬.

ߟߐ߲ߞߏߦߟߊ ߟߎ߬ ߞߊ߲߫ ߞߏ߫ ߓߊ߲ߘߊ߫ ߦߟߍߡߊ߲ ߠߋ߬ ߣߌ߲߬ ߕߎ߬ߙߎ ߘߌ߫߸ ߏ߬ ߘߏ߲߬ ߞߎ߲߬ߘߐߖߊ߲߰ߧߊ ߣߴߊ߬ ߞߎ߲߬ߘߐߛߎ߬ߘߎ߲߬ߧߊ ߦߋ߫ ߓߐ߫ ߟߊ߫ ߓߊ߲ߘߊ ߟߌ߬ߤߟߊ ߟߋ߬ ߘߐ߫، ߞߊ߬ߕߎ߲߯߸ ߡߐ߱ ߟߎ߫ ߟߋ߬ ߞߍߣߴߊ߬ ߕߎ߬ߙߎ ߘߌ߫.

ߕߌߙߌ߲ߠߌ߲ ߠߎ߬ ߞߐߝߟߌ ߞߵߊ߬ ߦߌ߬ߘߊ߫ ߟߋ߬ ߞߏ߫ ߦߟߍ߬ߘߐ߬ߞߍ߫ ߝߌ߬ߟߊ߬ ߟߊ߬ߓߊ߲ ߣߌ߲߬ ߞߣߐ߫߸ ߕߎ߬ߡߊ ߘߏ߫ ߟߎ߫ ߟߊ߫߸ ߛߊ߲ߖߌߓߊ ߟߋ߬ ߖߌ߰ ߟߊ߫ ߝߘߊ߬ߝߌ߲߬ߠߊ߫ ߕߟߋ߬ߓߐ ߞߊ߲߬، ߕߎ߬ߡߊ ߘߏ߫ ߟߎ߫ ߝߣߊ߫ ߟߊ߫߸ ߛߊ߲ߖߌ ߕߍ߫ ߦߋ߫ ߟߊ߫ ߢߊ ߟߊ߫ ߦߋ߲߬ ߠߎ߬ ߘߐ߫ ߞߐ߯ߟߐ߫ ߘߊ߲߬ߠߊߕߊ߬ߡߌ߲߬ߣߍ߲ ߓߟߏ߫. ߓߊ߲ߘߊߦߟߍߡߊ߲ ߠߋ߬ ߘߏ߲߬ ߦߴߏ߬ ߓߍ߯ ߕߎ߬ߙߎ ߘߌ߫߸ ߡߐ߱ ߟߎ߬ ߦߋ߫ ߡߍ߲ ߛߓߊߓߎ ߘߌ߫ ߞߊ߬ߣߌ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.