ߓߊߙߑߛߊ ߓߘߊ߫ ߗߍ߬ߦߊ ߞߍ߫ ߝߋߎ߫߸ ߞߏ߬ߣߵߊ߬ ߟߊ߫ ߡߊ߫ ߛߋ߫ ߞߐ߭ ߕߍ߰ ߟߊ߫، ߓߊߏ߬߸ ߊ߬ ߛߋ߫ ߘߊ߫ ߊߕߟߋߕߌߞߏ߫ ߡߊߘߙߌߘ ߘߊ߬ߘߌ߬ ߟߊ߫ ߞߎߔ ߘߎ߳ ߙߏߥߊ ߟߊ߬ߓߊ߲ ߢߍߕߊ ߞߐߛߊߦߌ߲ߠߌ߲ ߢߌ߲߬ ߘߐ߫ ߕߎ߬ ߃-߀ ߞߊ߲߬، ߊ߬ ߘߏ߲߬߸ ߞߕߊߟߊ߲ ߘߊ߬ߘߌ߬ ߘߊ߫ ߕߌߞߏ߬ ߓߟߏ߫ ߕߎ߬ ߄ ߠߋ߬ ߟߊ߫߸ ߝߏ߫ ߊ߬ߟߎ߫ ߕߘߍ߬ ߄ ߏ߬ ߘߝߊ߫ ߟߋ߬ ߥߟߊ߫ ߞߊ߬ ߕߊ߬ߡߌ߲߫ ߏ߬ ߞߊ߲߬، ߓߊ߬ߙߌ߬ ߥߊߦߌߞߊ߫߸ ߊ߬ߟߎ߬ ߟߊ߫ ߛߎߘߊ߲ ߡߴߊ߬ߟߎ߬ ߞߛߌ߫ ߖߛߎ߬ߞߊߛߌ ߡߊ߬، ߡߍ߲ ߞߵߊ߬ ߡߐߣߍ ߜߟߍ߬ߦߊ߫ ߏ߬ ߓߍ߯ ߘߌ߫߸ ߖ߭ߎ߳ߟ ߞߎ߲ߘߋ߫ ߖߐߞߌ߫ ߘߊ߫ ߟߋ߬.

ߓߊߙߑߛߊ ߟߊ߫ ߘߐ߬ߖߊ ߓߍ߯ ߣߴߊ߬ ߟߊ߫߸ ߤߊ߲ߛߌ߫ ߝߟߌߞ ߟߊ߫ ߗߍ߬ߓߊ߬ ߞߋߟߋ߲ ߠߎ߬ ߛߋ߲߲߭ ߖߊ߬ ߘߊ߫ ߟߋ߬ ߓߐ߱ ߘߐ߫، ߞߊ߬ߕߎ߲߯߸ ߟߊ߬ߡߌߣ ߦߊ߬ߡߊߟ ߞߵߊ߬ ߛߋߞߏ ߞߍ߫߸ ߝߏ߫ ߓߊߙߑߛߊ ߞߊ߬ ߓߙߊ߫ ߞߣߐߟߊ ߞߍ߫ ߊ߬ ߕߊ ߘߌ߫، ߡߊߙߞ ߓߍߙߑߣߊߟ ߟߋ߬ ߞߊ߬ ߖߐ߭ ߟߞߊߘߌ߫߸ ߞߵߊ߬ ߟߴߊ߬ ߞߣߐ߫ ߡߌ߬ߛߍ߲ ߂߉ ߡߊ߬ ߛߎߟߍ߫߸ ߞߊ߬ ߟߊ߬ߡߌߣ ߦߊ߬ߡߊߟ ߟߊ߫ ߓߊ߯ߙߊ ߘߌߦߊߘߏ߲߬ ߊ߬ ߘߐ߫، ߞߊ߬ ߞߐ߲߰ ߢߐߢߐ߲ߠߌ߲ ߢߍ߫߸ ߡߌ߬ߛߍ߲ ߄߅߲ ߡߊ߬ ߕߋ߲߬߸ ߙߊߝߌߣߊ߫ ߝߣߊ߫ ߞߊ߬ ߓߌ߲߬ߓߊߥߏ ߕߊߒߞߎ߲ ߦߟߍ߬ߡߊ߲߫ ߕߎ߬ ߁ ߘߌ߫߸ ߞߊ߬ ߓߊߙߑߛߊ߬ ߟߊ߫ ߕߎ߭ ߘߝߊ߫ ߝߌ߬ߟߊ߬ ߟߊ߫.

ߓߊ߬ߙߌ߬ ߕߏ߬ߟߊ߲ ߘߊߡߌߣߊ ߞߍ߫ ߘߊ߫ ߖߛߎ߬ߞߊߛߌ ߟߋ߬ ߘߌ߫߸ ߞߵߏ߬ ߞߎ߲߭ ߞߍ߫ ߞߎ߲ߘߋ߫ ߖߐߞߌ ߘߌ߫ ߞߊ߬ ߕߏ߬ߟߊ߲ ߕߏ߫ ߡߌ߬ߛߍ߲߬ ߁߁ ߘߐ߫. ߏ߬ ߞߍ߸ ߊߟߋߖ߭ߊ߲ߘߙߏ߫ ߓߊߟߑߘߋ߬ ߘߏ߲߬ ߘߊ߫ ߘߐ߲߭ ߘߐ߫߸ ߏ߬ ߝߣߊ߫ ߡߊ߫ ߛߋ߫ ߕߏߟߏ߲ ߞߎ߲߭ߝߊ߰ ߟߊ߫ ߓߏ߲߬߸ ߊ߬ ߖߐߞߌ߫ ߘߊ߫ ߟߋ߬.

ߞߎ߲߬ߕߊ߰ ߝߌߟߊߣߊ߲ ߘߐ߫߸ ߓߊߙߑߛߊ߬ ߞߵߊ߬ ߛߋߞߏ ߞߍ߫ ߖߐ߫߸ ߟߊ߬ߡߌߣ ߦߊ߬ߡߊߟ ߟߊ߫ ߘߐ߬ߖߊ ߞߣߐߡߊ߬، ߓߊ߬ߙߌ߬ ߤߋߦߌ߬߸ ߓߊߙߑߛߊ ߟߊ߫ ߖߐ߬ߞߊ߲ߘߊ ߞߵߊ߬ ߘߐߖߊ߬ ߞߟߋ߫، ߓߊߎ߬߸ ߖ߭ߏߥߊ߲ ߜߵߊߙߑߛߌߦߊ߫ ߞߊ߬ ߖ߭ߎ߳ߟߌߦߊ߲ ߊߟߑߝ߭ߊߙߍߖ߭ ߟߊ߫ ߕߏ߬ߟߊ߲ ߥߙߍߓߊߓߊ ߟߋ߬ ߟߊߟߐ߬، ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫߸ ߓߊߙߑߛߊ ߟߊ߫ ߓߍ߲߬ߒ߬ߛߋ߲߬ߡߊ߬߬ ߛߌߦߊߡߊ߲߫ ߝߣߊ߫ ߘߐߕߌߢߍ߫ ߘߊ߫ ߕߌߞߏ߬ ߟߊ߫ ߖߐ߬ߞߊ߲ߘߊ߫ ߖ߭ߎߥߊ߲ ߡߎߛߏ߫ ߓߟߏ߫.

ߕߏ߫ ߞߍ߫ ߘߴߏ߬ ߟߋ ߘߐ߫߸ ߡߌ߬ߛߍ߲ ߇߂߲ ߡߊ߬߸ ߡߊߙߞ ߓߍߙߑߣߊߟ ߞߵߊ߬ ߟߊ߫ ߕߎ߬ ߂߲ ߟߊ߫ ߖߐ߭ ߟߊ߫߸ ߞߊ߬ ߓߊߙߑߛߊ߬ ߟߊ߫ ߕߎ߭ ߘߝߊ߫ ߃ ߟߊ߫߸ ߕߌߞߏ߬ ߟߊ߫ ߀߸ ߏ߬ ߣߊ߬ ߘߊ߫ ߞߣߐ߬ߘߐ߬ߝߟߌ ߘߌ߫ ߓߙߊ ߞߣߐ߫. ߓߊ߬ߙߌ߬ ߞߏ ߓߍ߯ ߞߍ߫ ߘߊ߫߸ ߓߑߟߏߜ߭ߙߊߣߊ ߡߊ߫ ߛߋ߫ ߕߎ߭ ߣߊ߯ߣߌ߲ߣߊ߲ ߘߏ߲߬ ߠߊ߫ ߡߎ߰ߡߍ߫߸ ߞߵߏ߬ ߞߍ߫ ߊ߬ߟߎ߬ ߟߊ߫ ߗߌߙߏ߲ ߕߐ߰ߡߊ߬ߛߙߋ ߘߌ߫، ߝߎ߬ߟߋ ߟߊߓߊ߲ ߝߍ߫ ߘߊ߫ ߟߋ߬߸ ߓߊߙߑߛߊ ߡߊ߫ ߛߋ߫ ߞߏ߫ ߣߐ߬ ߟߊ߫ ߞߊ߬ ߕߎ߭ ߡߊߞߊ߬ߝߏ߬، ߏ߬ ߞߍ߫ ߘߊ߫ ߓߍ߲߬ߒ߬ߛߋ߲߬ߡߊ߬ ߘߌ߫ ߖߋߜ߭ߏ߫ ߛߌߡߐߣ ߠߊ߫ ߡߐ߱ ߟߎ߬ ߦߋ߫߸ ߞߊ߬ ߟߊ߬ߓߊ߲ ߕߊ߲ߠߌ߲ ߡߊߜߍ߲߫.

ߏ߬ ߘߐ߫߸ ߓߊߙߑߛߊ߬ ߟߊ߫ ߛߍߥߊ ߞߍ߫ ߘߊ߫ ߝߊ߲߬ߞߋ߬ߟߋ߲߬ߡߊ ߟߋ߬ ߘߌ߫. ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.