ߞߏߟߐ߲ߓߌ߫ ߝߊ߰ߡߊ ߟߎ߬ ߣߊ߲߬ߕߌ߰ ߛߊ߲ߡߊߞߎߟߎ߲ ߘߏ߫ ߥߎ߬ߦߊ߬ ߞߏ ߟߊߛߋ߫ ߖߡߊ߬ߣߊ ߥߙߏ߬ߘߎ߮ ߘߐ߫߸ ߞߵߊ߬ ߛߐ߬ߘߐ߲߬ ߡߐ߰ ߁߂߅ ߦߴߊ߬ ߞߣߐ߫، ߛߊ߲ߡߊߞߎߟߎ߲߫ ߓߋ ߣߌ߲߬ ߘߐ߫߸ ߡߐ߰ ߈ ߠߋ߬ ߓߣߐ߬ ߘߴߊ߬ ߣߌ ߘߐ߫߸ ߞߊ߬ ߈߃ ߖߐߞߌ߫߸ ߞߊ߬ ߝߘߊ߫ ߘߌ߲߬ߞߌߙߊ ߏ߬ ߝߊ߰ߡߊ ߟߎ߬ ߟߊ߫.

ߣߊ߲߬ߕߌ߯ ߁߁߄ ߠߋ߬ ߕߎ߲߬ ߦߴߊ߬ ߞߣߐ߫߸ ߊ߬ ߣߌ߫ ߛߊ߲ߡߊߞߎߟߎ߲߫ ߓߏߙߌ ߘߏ߲߬ߞߏ߫ ߡߐ߰ ߁߁ ߢߐ߲߰، ߊ߬ߟߎ߬ ߟߊ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߔߋߘߙߏ ߛߊ߲ߛߋ߫ ߞߵߊ߬ ߝߐ߫ ߊ߬ ߟߊ߫ ߌߞߛ ߖߊ߬ߕߋ߬ߘߊ ߟߊ߫߸ ߞߏ߫ ߊ߬ߟߎ߫ « ߛߎ߬ߣߎ߲߬ߣߍ߲߬ߓߊ߫ ߘߍ߬ߜߍ ߟߋ߬ ߢߊߖߌ ߘߐ߫ ߕߋ߲߬ ߘߏߜߊ߫ »، ߓߊߏ߬߸ ߞߏߟߐ߲ߓߌ߫ ߣߊ߲߬ߕߌ߰ ߛߊ߲ߡߊߞߎߟߎ߲ ߘߏ߫ ߟߋ߬ ߣߐ߬ « ߓߌ߬ߟߊ߬ߒ߬ߘߐ߬ߖߎ߰ߓߊ߫ ߞߍ߫ ߟߊ߫ ߕߋ߲߬߸ ߊ߬ ߥߟߌ߬ ߕߎߡߊ ߟߊ߫ ߞߵߊ߬ ߛߐ߬ߘߐ߲߬ ߞߟߍ߬ߞߙߎ ߘߏ߫ ߦߴߊ߬ ߞߣߐ߫. ߣߌ߲߬ ߞߍ߫ ߘߊ߫ ߔߍ߳ߙߑߕߏ ߟߊߖߌߖ߭ߊߡߏ߫ ߟߋ߬߸ ߞߏߟߐ߲ߓߌ߫ ߣߌ߫ ߋߞߊߕߍ߳ߙ ߓߐߕߏ߲ ߠߊ߫.

ߖߐߣ ߜ߭ߊߓߙߌߦߍߟ ߡߍ߲ ߦߋ߫ ߔߕߎߡߊߦߏ߫ ߞߎ߲߬ߠߊ߬ߛߌ߰ߟߊ ߘߌ߫߸ ߏ߬ ߞߵߊ߬ ߦߌ߬ߘߊ߫ ߟߊߛߋ߬ߟߌ ߘߏ߫ ߘߐ߫ ߝߍߛߑߓߎߞ ߞߊ߲߬߸ ߡߍ߲ ߞߍ߫ ߘߊ߫ ߖߌ߬ߦߊ߬ߖߟߎ ߘߐ߫ ߊ߬ߟߎ߬ ߓߟߏ߫߸ ߞߏ߫ ߖߐߞߌߓߊ߯ߕߐ ߟߎ߬ ߡߊߘߏ߬ߣߌ߲ ߞߍߣߍ߲߫ ߓߊ߯ߙߓߊ߫ ߟߋ߬ ߘߌ߫ ߞߊ߬ ߓߐ߫ ߛߊ߲ߡߊߘߊ߲߫ ߘߋ߲ߣߍ߲ ߏ߬ ߟߊ߫ ߦߋ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.