ߛߌߞߊ߫ ߞߍߣߍ߲߫ ߞߏ߫ ߓߊ߰ߓߊ߰ߟߌ߬ߟߊ ߟߎ߫ ߣߐ߬ ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߞߍ߫ ߟߊ߫ ߓߙߌߞߎߣߊ߫ ߝߊ߬ߛߏ߫ ߘߎ߰ߣߍ߲ ߘߏ߫ ߟߊ߫߸ ߞߊ߬ ߣߊ߲߬ߒ߬ߕߊ߲߫ ߡߐ߰ ߁߂ ߝߊ߰߸ ߡߐ߰ ߞߐ߬ߣߐ߲߬ ߦߴߏ߬ ߟߎ߬ ߘߐ߫߸ ߏ߬ ߟߎ߬ ߦߋ߫ ߓߐߒߖߘߍߘߐ߫ ߞߟߍߞߍߟߊ ߟߎ߬ ߟߋ߬ ߘߌ߫߸ ߡߍ߲ ߠ߬ߎ ߦߋ߫ ߣߊ߲߬ߕߌ߮ ߟߎ߬ ߞߐߡߊߓߌ߲ߓߌ߲ ߞߊ߲߬ ߓߊ߰ߓߊ߰ߟߌ ߞߍ߬ߟߍ ߘߊߞߎ߲ ߘߐ߫، ߞߎߡߊ ߣߌ߲߬ ߟߐ߲߫ ߘߴߊ߲ ߓߟߏ߫ ߟߊ߬ߞߊ߲߬ߘߊ߬ߟߌ ߓߐߛߎ߲ ߘߏ߫ ߟߎ߫ ߟߋ߬ ߟߊ߫ ߞߊ߬ ߝߘߊ߫ ߘߌ߲߬ߞߌߙߊ ߏ߬ ߟߎ߬ ߟߊ߫ ߦߋ߲߬.

ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߖߡߊߣߊ ߡߍ߲ ߦߋ߫ ߕߋ߲߬߸ ߊ߬ߟߋ ߡߙߊ߬ߣߍ߲߫ ߣߊ߲߬ߕߌ߮ ߟߎ߫ ߟߋ߬ ߓߟߏ߫ ߞߊ߬ߦߌ߯ ߂߀߂߂ ߞߊ߬ߝߏ߬ ߖߊߛߏ߲ ߛߋ߲߭ߝߍ߬߸ ߊ߬ ߦߟߍ߬ߘߐ߬ߞߍ߬ ߞߋߟߋ߲߫ ߣߌ߫ ߞߐ ߟߋ߬ ߡߙߊ߬ߒ߬ߡߊ߬ߟߌ ߘߊߞߘߐ߫ ߕߋ߲߬߸ ߡߍ߲ ߦߋ߫ ߞߍ߫ ߟߊ߫ ߖߘߍ߬ߘߌ߬ߟߊ ߘߏ߫ ߟߎ߫ ߓߟߏ߫߸ ߣߴߊ߬ߟߎ߬ ߦߋ߫ ߘߊ߲ߞߎ߲߫ ߠߊ߫ ߊߟߑߞߊߦߌߘߊ ߣߌ߫ ߛߌ߬ߟߡߊ߬ ߝߊ߬ߕߐ߬ ߞߙߎ ߘߏ߫ ߟߎ߫ ߘߌ߫.

ߞߍ߲ߘߍߟߏ߲ ߣߌ߫ ߞߊ߯ߙߌ ߡߊ߬߸ ߡߙߊ߬ߒ߬ߡߊ߬ߟߌ ߘߏ߫ ߟߎ߫ ߞߍ߫ ߘߊ߫ ߢߐ߲߮ ߞߐ߫ ߦߋ߲߬߸ ߓߊ߰ߓߊ߰ߟߌ߬ߟߊ ߟߎ߬ ߟߋ߬ ߕߊ߯ ߘߊ߫ ߣߊ߲߬ߕߌ߮ ߟߎ߬ ߣߌ߫ ߓߐߒߖߘߍߘߐ߫ ߞߟߍߞߍߟߊ ߟߎ߬ ߞߊ߲ߡߊ߬ ߖߡߊ߬ߣߊ ߕߌ߲߬ߞߎ߬ߘߎ߲߬ ߓߐߣߍ߲߫ ߢߐ߲߰ ߡߊ ߘߏ߫ ߟߎ߫ ߞߣߐ߫، ߏ߬ ߝߐ߫ ߘߴߊ߬ߟߋ߬ ߓߐߛߎ߲߫ ߞߋߟߋ߲ ߠߋ߬ ߓߟߏ߫.

ߡߙߊ߬ߒ߬ߡߊ߬ߟߌ ߣߌ߲߬ ߘߐ߫߸ « ߓߊ߰ߓߊ߰ߟߌ߬ߟߊ » ߟߎ߬ ߕߊ߯ ߘߊ߫ ߘߎߙߑߕߋ߲ߜ߭ߊ߫ ߘߎ߰ߣߍ߲ ߠߋ߬ ߜߙߊ߬߸ ߏ߬ ߡߍ߲ ߦߋ߫ ߖߡߊ߬ߣߊ ߕߊ߲ߓߊ߲ ߕߟߋ߬ߓߐ ߘߐ߫߸ ߞߊ߬ ߡߐ߰ ߓߍߒߖߘߍߘߐ߫ ߞߟߍߞߍߟߊ߫ ߞߐ߬ߣߐ߲߬ߘߐ߫ ߝߊ߰ ߦߋ߲߬߸ ߊ߬ߟߎ߬ ߟߊ߫ ߞߎ߲߬ߕߌ߮ ߦߴߏ߬ ߘߐ߫، ߏ߬ ߝߐ߫ ߘߊ߫ ߞߏߟߊߕߍ߮ ߘߏ߫ ߟߋ߬ ߓߟߏ߫ ߝߐ߰ߓߍ߬ߦߊ߬ߟߊ ߟߎ߬ ߦߋ߫، ߡߐ߰ ߛߓߊ߬ ߜߘߍ ߡߍ߲ ߝߊ߰ ߘߊ߫ ߣߊ߬ߒ߬ߕߊ߲ ߕߐ߭ ߟߎ߬ ߘߐ߫߸ ߡߛߏ߬ ߞߋߟߋ߲߫ ߦߴߏ߬ ߘߐ߫.

ߦߋ߲߬ ߛߌ߰ߓߊ߮ ߘߏ߫ ߞߵߊ߬ ߦߌ߬ߘߊ߫ ߒ߬ ߠߊ߫ ߞߏ߫: « ߊ߬ߟߎ߫ ߞߊ߬ ߕߌߢߍߟߌ߫ ߛߌߦߊߡߊ߲߫ ߠߋ߬ ߞߍ߫ ߒ߬ ߠߊ߫ ߘߎ߱ ߞߣߐ߫߸ ߞߊ߬ ߡߣߐ߬ߓߏ߲߬ ߛߌߦߊߡߊ߲߫ ߘߊ ߞߊߘߌ߫߸ ߞߊ߬ ߕߊ ߛߎ߫ ߛߌߦߊߡߊ߲߫ ߜߘߍ߫ ߟߎ߫ ߟߊ߫. » ߊ߬ ߞߵߊ߬ ߟߊ߫ ߞߎߡߊ ߞߊ߲߬ ߌߞߐ߫ ߞߏ߫ ߊ߬ߟߎ߫ ߞߊ߬ ߕߎ߬ߡߊ߬ߙߋ߲߬ ߞߋߟߋ߲ ߘߝߊ߫ ߟߋ߬߸ ߊ߬ߟߎ߬ ߦߋ߫ ߡߎ߯ߕߋ ߞߊ߲߬، « ߡߊ߬ߝߊ ߓߘߊ߫ ߘߏ߲߬ ߕߋ߲߬ ߝߋߎ߫߸ ߒ߬ߞߊ߬ ߞߊ߬ߦߌ߯ ߞߎߣߎ߲߬ (ߞߐ߬ߓߊ߬ߟߏ߲)߸ ߡߐ߰ ߛߌߦߊߡߊ߲߫ ߦߴߊ߬ ߓߏ߬ߙߌ ߞߊ߲߬ ߞߊ߬ ߛߏ ߓߌ߬ߟߊ߬߸ ߊ߬ߟߎ߬ ߛߌߟߊ߲ ߞߏߛߐ߲߬ ߛߊ߫ ߓߋ߬ߒ߬ߞߊ߲߬ߠߌ߲߬ ߜߘߍ߫ ߞߊߣߊ߬ ߞߍ߫ ߢߊ ߡߍ߲ ߡߊ߬. » ߘߎ߰ߘߋ߲ ߏ߬ ߟߋ ߞߊ߲߫ ߕߋ߲߬.

ߡߙߊ߬ߒ߬ߡߊ߬ߟߌ߬ ߛߌߦߊߡߊ߲߫ ߓߘߊ߫ ߞߍ߫ ߦߋ߲߬ ߞߐ ߢߌ߲߬ ߠߊ߫ ߞߵߊ߬ ߟߐ߬ ߝߊ߬ߛߏ ߡߊߞߊ߲ߞߊ߲ ߓߐߒߖߘߍߘߐ ߟߎ߫ ߡߊ߬߸ ߓߊ߰ߓߊ߰ߟߌ߬ ߞߙߎ ߡߍ߲ ߕߐ߯ ߞߏ߫ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߞߐߡߊߓߌ߲ߓߌ߲߫ ߞߙߎ߸ ߏ߬ ߟߎ߫ ߟߋ߬ ߊ߬ ߦߌ߬ߘߊ߬ ߟߊ߫ ߞߏ߫ ߊ߬ߟߎ߫ ߣߐ߭ ߟߋ߬ ߏ߬ ߟߎ߬ ߘߌ߫، ߕߟߋ߬ ߕߊ߲߫ ߣߌ߫ ߞߐ ߣߌ߲߬ ߞߣߐ߫߸ ߝߐߢߐ߲߯ߞߐ ߟߎ߫ ߖߊ߬ߕߋ߬ߓߐ߬ߘߊ ߦߴߊ߬߬ ߦߌ߬ߘߊ߬ ߟߊ߫ ߞߏ߫ ߡߐ߰ ߁߃߀ ߟߋ߬ ߓߘߊ߫ ߝߊ߰ ߏ߬ ߞߣߐ߫.