ߡߊ߬ߘߋ߲߫ ߢߙߊ߬ ߘߏ߲ߛߏ ߡߍ߲ ߕߐ߯ ߞߏ߫ ߛߊߟߌߝߎ߬ ߞߋߕߊ߬߸ ߏ߬ ߓߘߴߊ߬ ߡߊߞߎ߲߬ ߕߋ߬ߟߋߝߌ߬ߟߊ ߣߌ߲߬ ߘߐ߫ ߡߎߣߎ߲߬، ߞߵߊ߬ ߟߊ߫ ߘߐ߲߬ߞߟߌ߬ߟߊ߬ ߓߊ߯ߙߊ ߟߊߘߎ߲߫ ߝߟߐ߫، ߡߊ߬ߞߎ߲߬ ߜߘߍ߫ ߞߏ߬ߣߌ߲߬߸ ߞߵߊ߬ ߡߝߊ߫ ߓߊߛߌ ߞߘߐ߫߸ ߛߴߊ߬ ߘߴߊ߬ ߝߊ߬ߘߌ ߛߐ߬ߘߐ߲߬ ߦߏ߫ ߊ߬ ߦߴߊ߬ ߝߍ߬ ߢߊ ߡߍ߲ ߡߊ߬، ߥߎ߬ߣߎ߲߬ߥߎ߬ߣߎ߲߬ ߞߎߡߊ ߘߏ߫ ߟߎ߫ ߦߋ߫ ߡߊ߬ߟߌ ߓߟߐߟߐ߫ ߞߊ߲߫ ߡߐ߮ ߘߏ߫ ߟߎ߫ ߘߊ߫ ߞߊ߬ ߓߍ߲߬ ߡߊ߲߬ߘߋ߲߬ ߡߊ߲ߛߊ ߟߊ߫ ߞߏߢߊ ߡߊ߬߸ ߏ߬ ߟߎ߬ ߕߍ߫ ߞߊ߬ߟߊ߫ ߞߊ߲߬، ߊ߬ ߞߙߍ߬ߝߍ߬ ߡߐ߮ ߟߎ߬ ߞߊ߲߫ ߞߏ߫: ߡߊ߲߬ߘߋ߲߫ ߘߊ߲߬ߞߊߙߊ߲ ߦߋ߫ ߘߊ߲ߘߊߟߌߟߊ ߟߎ߬ ߕߊ߫ ߓߟߏ ߡߊ߬߸ ߊ߬ ߓߍߣߊ߬ ߥߌ߬ߟߌ߫ ߝߊ߲߬ߞߊ߬ ߞߎߘߊ߫ ߘߌ߫ ߕߎ߲߯.

ߡߊ߬ߟߌ ߊߞߑߕߎ߳ ߞߍߦߙߐ ߞߵߊ߬ ߦߌ߬ߘߴߊ߬ ߟߊ߫ ߢߊߝߐߟߌ ߘߏ߫ ߘߐ߫ ߞߏ߫߸ ߊ߬ ߡߊߛߎ߬ߘߎ߲߬ߧߊ߬ ߡߐ߮ ߟߎ߬ ߞߊ߲߫ ߞߏ߫: <<ߊ߬ ߦߋ߫ ߘߊ߲ߘߊߟߌ ߟߋ߬ ߘߊߞߘߐ߫ ߡߎߣߎ߲߬߸ ߛߴߊ߬ ߘߴߊ߬ ߝߊ߬ߘߌ ߛߐ߬ߘߐ߲߬>>

ߛߊߟߌߝߎ߬ ߞߋߕߊ߬ ߛߊ߲߬ ߇߆ ߟߋ߬ ߕߋ߲߬߸ ߊ߬ ߓߘߊ߫ ߡߊ߲߬ߘߋ߲߬ ߟߐ߲ߠߌ߲ߦߊ ߟߎ߬ ߣߌ߫ ߡߊ߲߬ߘߋ߲߬ ߞߊ߲ ߡߊߦߌ߬ߘߊ߬ ߖߊ߯ߓߊߟߌ ߣߌ߲߬ ߝߊ߲߭ ߓߍ߯ ߘߐ߫، ߊ߬ ߞߙߍ߬ߝߍ߬ ߡߐ߰ ߜߐߞߎ ߘߏ߫ ߞߊ߲߫ ߞߏ߫: <<ߛߊߟߌߝߎ߬ ߦߋ߫ ߟߋ߬ ߦߏ߫ ߛߋ߬ߘߊ߬ߖߎ߬ߓߊ߸ ߊ߬ ߘߴߊ߬ ߞߟߏ߫ ߝߢߐ ߞߘߐ߫ ߕߎ߬ߡߊ߬ ߘߐ߫ ߟߎ߫ ߟߊ߫߸ ߓߊ߬ߙߵߊ߬ ߟߌߟߌ߲ ߓߊ߲ߓߊ߲ߣߍ߲߫ ߠߋ߬ ߘߎ߱ ߘߐ߫߸ ߡߍ߲ ߕߴߛߋ߫ ߥߎ߬ߦߊ߬ ߟߊ߫.>> ߏ߬ ߘߐ߫߸ ߞߏ߫ ߡߙߌߘߐ߫ ߟߋ߬ ߕߊ߬ߣߴߊ߬ߟߎ߬ ߓߟߏ߫߸ ߞߵߊ߬ ߡߊߕߊ߯ ߓߊ߲ߓߋ ߞߊ߲߬ߠߊ ߟߊ߫ ߡߎߣߎ߲߬߸ ߖߐ߲߰ߛߴߊ߬ ߘߴߊ߬ ߝߊ߬ߘߌ ߛߐ߬ߘߐ߲߬ ߊ߬ ߢߊ ߡߊ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.