ߡߊ߬ߟߌ ߞߎ߲߬ߠߊ߬ߛߌ߮ ߓߘߊ߫ ߟߊ߬ߛߋ߬ߟߌ߬ ߞߙߍߞߙߍߣߍ߲߫ ߞߍ߫߸ ߞߵߊ߬ ߦߌ߬ߘߊ߬ ߞߏ߫ ߖߌߥߎ߫ ߞߏߖߊ ߡߍ߲ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߦߋ߫ ߛߏ ߟߊ߫߸ ߖߡߊ߬ߣߊ ߞߣߐ߫߸ ߏ߬ ߕߍ߫ ߕߎ߬ߢߊ߬ ߘߌ߫ ߤߊ߲߫، ߟߊ߬ߛߋ߬ߟߌ ߢߌ߲߬ ߠߊߖߍ߲ߛߍ߲ߣߍ߲߫ ߓߌ߬ ߛߌ߬ߣߌ߲߬ߟߏ߲ ߢߌ߲߬ ߠߋ߬ ߡߊ߬߸ ߂߀߂߆ ߕߙߊߓߊ ߕߟߋ߬ ߁߃ ߡߊ߬ ߓߡߊ߬ߞߐ߫، ߏ߬ ߟߊߛߋ߫ ߘߊ߫ ߞߏߖߊ ߟߎ߬ ߡߊߡߊ߬ߙߊ ߘߏ߲߬ߖߟߎ߬ߡߊ߬ߟߌ߬ ߕߊ߲ߓߊ߲ ߠߋ߬ ߓߟߏ߫߸ ߏ߬ ߡߍ߲ ߘߍ߲ߣߍ߲߫ ߣߊ߲߬ߒ߬ߕߊ߲ ߠߎ߬ ߟߊߕߊ߲߬ߞߊ ߣߌ߫ ߟߊ߬ߞߊ߲߬ߘߊ߬ߟߌ ߞߏߕߌ߯ߘߊ ߟߊ߫ ߞߊ߬ߣߌ߲߬، ߊ߬ߟߎ߬ ߞߊ߲߫ ߞߏ߫ ߡߐ߱ ߟߎ߬ ߛߐ ߦߴߌߘߐ߫ ߖߌߥߎ ߟߊ߫ ߞߊ߬ ߢߊ߬߸ ߦߏ߫ ߊ߬ ߘߋ߬ߙߌ߬ߣߍ߲߬ ߞߍ߫ ߟߊ߫ ߢߊ ߡߍ߲ ߡߊ߬.

ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫߸ ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ ߓߘߊ߫ ߕߎ߬ߡߊ߬ߣߍ߲߬ ߓߐ߫߸ ߊ߬ߟߎ߬ ߓߘߴߊ߬ ߟߊߞߙߐ߬ߛߌ߬߸ ߖߊ߬ߡߊ ߖߐ߬ߣߍ߲߬ ߢߐ߲߮ ߞߊ߲߬ ߖߌߥߎߘߊ߫ ߛߌߦߊߡߊ߲߫ ߠߊ߫، ߟߊ߬ߡߊ߮ ߏ߬ ߓߘߊ߫ ߞߍ߫ ߕߙߎ߬ ߘߌ߫ ߞߵߊ߬ ߕߋ߬ ߖߡߊ߬ߣߊ ߢߊߝߍ߬߸ ߞߏ߫ ߖߌߥߎ߫ ߞߏߖߊ ߓߘߊ߫ ߘߏ߲߬߸ߥߟߴߊ߬ ߦߴߊ߬ ߝߍ߬ ߞߊ߬ ߘߏ߲߬.

ߏ߬ ߘߐ߫߸ ߊ߬ߟߎ߬ ߞߊ߲߫ ߞߏ߫ ߕߎ߬ߢߊ߫ ߞߌ߬ߛߍ߬ ߞߋߟߋ߲ ߕߴߊ߬ ߘߐ߫߸ ߊ߬ ߣߌ߫ ߞߏ߫ ߊ߬ߟߎ߬ ߓߘߊ߫ ߘߐ߬ߖߊ ߓߍ߯ ߞߍ߫߸ ߛߊ߫ ߖߌߥߎ ߘߌ߫ ߡߐ߱ ߟߎ߬ ߟߊߛߐ߬ߘߐ߲߬߸ ߦߏ߫ ߊ߬ ߞߊ߫ ߞߊ߲߫ ߢߊ ߡߍ߲ ߡߊ߬ ߖߡߊ߬ߣߊ ߞߣߐ߫.

ߊ߬ߟߎ߫ ߞߵߊ߬ߟߎ߬ ߞߊ߲ߠߊߘߌ߫ ߖߡߊ߬ߣߊ߬ߘߋ߲ ߠߎ߬ ߡߊ߬߸ ߊ߬ߟߎ߬ ߦߴߊ߬ߟߎ߬ ߡߝߊ߫߸ ߞߊ߬ ߝߘߊ߫ ߜߟߍ߬ߦߊ ߟߊߘߏ߲߬ ߠߊ߫ ߞߏ߫ ߘߐ߫߸ ߡߍ߲ ߕߴߦߋ߲߬، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߥߎߦߊ߫ ߞߌߓߊߙߏ ߟߎ߬ ߓߘߊ߫ ߛߌߦߊߦߊ߫߸ ߏ߬ ߘߐ߫ ߓߍ߯ ߦߴߊ߬ ߝߊ߲ߕߊ߲߬ߞߊ߲߫ ߞߌ߬ߓߊ߬ߙߏ߬ ߞߙߌߞߙߊ ߟߎ߬ ߟߊߡߍ߲ ߡߊ߬߸ ߛߊ߫ ߖߌߥߎ߫ ߞߏߖߊ ߞߊߣߊ߬ ߟߊߘߏ߲߬߸ ߞߵߊ߬ ߛߐ߬ߘߐ߲߬ ߊ߬ ߕߴߦߋ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.