ߛߊ߲ߡߊ߫ ߝߏߘߏ߲ߠߌ߲ ߘߏ߫ ߛߋ߲߭ߝߍ߬ ߡߊ߬ߟߌ ߞߐߘߐ߲ ߝߊ߲߭ߝߍ߬߸ ߣߊ߲߬ߕߌ߮ ߟߎ߬ ߞߊ߬ ߟߊ߬ߛߋ߬ߟߌ߬ ߛߓߍ ߘߏ߫ ߟߋ߬ ߟߊߓߐ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߏ߬ ߡߍ߲ ߞߣߐ߫ ߞߏ߫ ߊ߬ߟߎ߬ ߓߘߊ߫ ߛߌ߬ߟߡߊ߬ ߝߊߕߐ߫ ߂߀ ߢߐ߲߰ ߓߐ߬ߣߐ߫ ߊ߬ ߣߌ ߘߐ߫ ߛߊ߲ߡߊ߫ ߝߏߘߏ߲ߠߌ߲ ߘߐ߫߸ ߣߌ߲߬ ߞߍ߫ ߘߊ߫ ߞߎ߲߬ߢߐ߲߰ ߟߊߓߊ߲߫ ߣߌ߲߬ ߠߋ߬ ߞߣߐ߫߸ ߡߋߣߞߊ߫ ߞߊ߬ߝߏ ߞߣߐ߫، ߝߏߘߏ߲ߠߌ߲ ߣߌ߲߬ ߞߍߣߍ߲߫ ߠߋ߬ ߞߵߊ߬ ߕߘߍ߬ ߓߊ߰ߓߊ߰ߟߌ߬ߟߊ ߡߍ߲߬ ߠߎ߬ ߓߘߊ߫ ߜߛߏ ߟߊ߫ ߣߊ߲߬ߕߌ߮ ߟߎ߬ ߣߴߊ߬ߟߎ߬ ߞߐߡߊߓߌ߲ߓߌ߲ߓߊ߮ ߟߎ߬ ߢߍ߫߸ ߍߡߑߛߊ߫ ߖߍ߬ߘߍ ߟߊ߬ߞߊ߲߬ߘߊ߬ߟߌ߬ ߞߙߎ ߞߊ߬ ߓߊ߰ߓߊ߰ߟߌ߬ߟߊ߫ ߄߀ ߢߐ߲߰ ߠߋ߬ ߟߊ߫ ߝߊ߰ߟߌ ߞߏߝߐ߫߸ ߡߍ߲ ߞߍ߫ ߘߊ߫ ߊߞߓߊߙߌ߬߸ ߡߋߣߞߊ߫ ߥߙߏ߬ߘߎ߮ ߝߊ߲߭ߝߍ߬߸ ߡߊ߬ߟߌ ߣߌ߫ ߖߋ߬ߟߌ߬ߓߊ߬ߘߎ߯ ߓߐߕߏ߲ ߠߊ߫߸ ߖߊ߬ߕߋ߬ ߞߋߟߋ߲߫ ߡߊ߫ ߝߐ߫ ߓߊ߰ߓߊ߰ߟߌ߬ߟߊ ߟߎ߬ ߞߊ߲߬߸ ߊ߬ߟߎ߬ ߟߊ߫ ߟߊ߬ߛߋ߬ߟߌ߬ ߛߓߍ ߘߐ߫߸ ߣߊ߲߬ߕߌ߮ ߟߎ߫ ߞߊ߬ ߓߊ߰ߓߊ߰ߟߌ߬ߟߊ ߡߐ߰ ߂߀ ߢߐ߲߰ ߠߋ߬ ߟߊ߫ ߝߊ߰ߟߌ ߞߏߝߐ߫߸ ߓߊ߬ߙߌ߫߸ ߍߡߑߛߊ߫ ߟߊ߬ߞߊ߲߬ߘߊ߬ߟߌ߬ ߞߙߎ ߦߋ߫ ߡߐ߰ ߄߀ ߢߐ߲߰ ߠߋ߬ ߞߏߝߐ߫ ߟߊ߫߸ ߣߴߊ߲ ߞߵߊ߬ ߡߊߝߟߍ߫.

ߡߊ߬ߟߌ



ߛߊ߲ߡߊ߫ ߝߏߘߏ߲ߠߌ߲߫ ߡߍ߲߬ ߠߎ߬ ߞߍ߸ ߏ߬ ߞߍ߫ ߘߊ߫ ߛߌ߬ߟߡߊ߬ ߝߊߕߐ ߟߎ߬ ߟߊ߫ ߞߏߢߊ ߘߏ߫ ߟߋ߬ ߞߍ ߘߌ߫߸ ߡߍ߲ ߞߍ߫ ߘߴߊ߬ߟߎ߬ ߓߟߏ߫ ߞߵߊ߬ ߞߎ߲߬ߛߌ߲߫ ߣߊ߲߬ߕߌ߮ ߟߎ߬ ߣߴߊ߬ߟߎ߫ ߞߐߡߊߓߌ߲ߓߌ߲ߓߊ߮ ߟߎ߬ ߣߌ߫ ߍߡߑߛߊ߫ ߟߊ߬ߞߊ߲߬ߘߊ߬ߟߌ߬ ߞߙߎ ߡߊ߬߸ ߣߴߏ߬ ߦߋ߫ ߜߛߏ ߟߊߛߌ߰ ߘߌ߫ ߊ߬ߟߎ߬ ߢߍ߫ ߓߌߟߏ߲ ߕߊ߬ߡߌ߲߬ߣߍ߲ ߡߊ߬߸ ߡߋߣߞߊ߫ ߞߐߘߐ߲ ߘߐ߫߸ ߞߊߘߌߢߐ߲߯ߘߐ ߞߍߣߍ߲ ߊ߬ߟߎ߬ ߓߟߏ߫߸ ߛߙߋ ߘߏ߫ ߟߊ߫ ߝߐߟߌ߫ ߘߐ߫߸ ߞߊ߬ ߝߘߊ߫ ߕߐ߲߫ ߓߟߏߡߊ ߟߎ߬ ߟߊ߫߸ ߏ߬ ߞߎߡߊ߫ ߘߊ߫ ߘߏ߲߰ ߘߐ߫߸ ߞߵߊ߬ ߦߌ߬ߘߊߞߊ߬ ߞߏ߫ ߣߊ߲߬ߕߌ߮ ߟߎ߬ ߛߋ߫ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊߛߊ߬ߦߌ߲߬ ߠߊ߫߸ ߊ߬ ߣߌ߫ ߞߏ߫ ߣߊ߲߬ߕߌ߮ ߟߎ߬ ߞߵߊ߬ߟߎ߬ ߟߊ߫ ߓߏ߬ߙߌ߬ߝߋ߲߫ ߛߌߦߊߡߊ߲߫ ߠߋ߬ ߡߌ߬ߣߊ߫߸ ߊ߬ ߣߌ߫ ߊ߬ߟߎ߬ ߟߊ߫ ߞߟߍ߬ ߖߐ߯ߙߊ߲߫ ߛߌߦߊߡߊ߲߫߸ ߛߙߋ ߣߌ߲߬ ߠߊ߫ ߝߐߟߌ߫ ߘߐ߫߸ ߣߊ߲߬ߕߌ߰ ߞߋߟߋ߲߫ ߠߋ߬ ߝߊ߰ ߘߊ߫߸ ߊ߬ ߣߌ߫ ߞߊ߬ ߞߏ߫ ߟߊߛߋ߫ ߣߊ߯ߣߌ߲߫ ߡߊ߬߸ ߓߊ߬ߙߌ߫߸ ߣߊ߲߬ߕߌ߮ ߟߎ߬ ߟߊ߫ ߟߊ߬ߛߋ߬ߟߌ ߣߌ߲߬ ߘߐ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߓߊ߰ߓߊ߰ߟߌ߬ ߢߍߡߐ߮ ߊ߬ߓߎ ߊߟߑߜ߭ߊߓߊߛ ߌߗߡߊߟߌ߫ ߝߊ߰߸ ߊ߬ ߘߏ߲߬ ߗߍ߭ ߣߌ߲߬ ߡߊߟߐ߲ߣߍ߲߫ ߕߘߍ߬ ߦߋ߫ ߞߏߢߊ߫ ߛߌߦߊߡߊ߲߫ ߠߋ߬ ߘߐ߫߸ ߡߋߣߞߊ߫ ߞߊ߬ߝߏ ߞߣߐ߫߸ ߡߍ߲ ߕߘߍ߬ ߦߋ߫ ߟߐ߬ ߟߊ߫ ߣߊ߲߬ߒߕߊ߲ ߠߎ߫ ߡߊ߬.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.