ߢߐ߯ߙߐߞߊ ߟߎ߬ ߕߍ߫ ߟߊ߬ߝߍ߬ߙߍ ߦߋ߫ ߟߊ߫ ߕߋ߲߬ ߛߎ߲ߞߊߙߏ ߢߌ߲߬ ߘߐ߫߸ ߞߵߊ߬ ߛߊߓߎ ߞߍ߫ ߓߊ߰ߓߊ߰ߟߌ߬ߟߊ ߟߎ߬ ߜߛߏ߫ ߟߊߛߌ߮ ߘߌ߫ ߊ߬ߟߎ߫ ߞߊ߲߬߸ ߏ߬ ߡߍ߲ ߞߎ߲߬ߕߊ߮ ߓߘߊ߫ ߞߊߙߏ߫ ߘߊ߲ߘߐ߫ ߓߐ߫ ߕߋ߲߬߸ ߓߊߟߏ ߞߏ ߣߌ߫ ߓߊߛߌ ߟߎ߬߸ ߝߊߦߌߘߊ߫ ߊ߬ߟߎ߫ ߡߊ߬ߞߏ߬ߢߊ߬ ߝߋ߲ ߓߍ߯ ߟߋ߬ ߘߛߍߣߍ߲߫ ߊ߬ߟߎ߬ ߘߐ߫߸ ߓߊ߰ߓߊ߰ߟߌ߬ߟߊ ߟߎ߬ ߓߘߊ߫ ߛߌߟߊ ߟߎ߬ ߕߍ߰߸ ߏ߬ ߓߘߊ߫ ߞߍ߫ ߕߎ߬ߙߎ߫ ߘߌ߫ ߞߊ߬ ߡߎ߬ߙߊ߲ ߠߎ߬ ߟߊ߫ ߕߊ߯ߟߌ ߜߟߍ߬ߦߊ߫ ߦߋ߲߬߸ ߛߙߋ ߡߍ߲ ߛߐ߬ߘߐ߲߬ ߘߊ߫߸ ߏ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߝߋ߲ ߠߎ߬ ߛߐ߲߬ߞߐ ߓߍ߯ ߓߘߊ߫ ߜߟߍ߬ߦߊ߫.

ߛߏ߬ߓߏ ߟߎ߬ ߛߐ߲߬ߞߐ ߓߘߊ߫ ߦߍ߬ߟߍ߫߸ ߞߵߏ߬ ߟߊ߫ ߣߟߊߞߍ߫ ߝߋ߲ ߘߏ߫ ߟߎ߫ ߞߊ߲߬߸ ߤߊߟߌ߬ ߖߋ߬ߣߌ߲߬ߕߊ ߕߍ߫ ߛߐ߬ߘߐ߲߬ ߠߊ߫߸ ߏ߬ ߘߏ߲߬ ߝߣߊ߫ ߓߘߊ߫ ߥߟߏ߫ ߢߎߡߍ߫ ߞߏ߫ ߜߟߍߦߊ ߟߊ߫߸ ߛߙߋ ߟߎ߬ ߘߏ߲߬ ߓߘߴߊ߬ ߦߌ߬ߘߊ߬ ߞߏ߫ ߊ߬ ߞߏ ߓߘߊ߫ ߞߍ߫ ߊ߬ߟߎ߫ ߡߊ߬ ߕߙߐ ߣߌ߫ ߖߛߎ߬ߞߊߛߌ ߘߌ߫߸ ߘߎ߰ߘߋ߲ ߠߎ߬ ߦߴߊ߬ߟߎ߬ ߞߊ߲ߠߊߓߐ߫ ߟߊ߫ ߞߎ߲߬ߠߊ߬ߛߌ߮ ߟߎ߫߸ ߊ߬ߟߎ߬ ߦߴߊ߬ߟߎ߬ ߞߐߝߣߍ߫ ߊ߬ߟߎ߫ ߡߊ߬ ߞߊ߬ ߟߊ߬ߞߊ߲߬ߘߊ߬ߟߌ ߝߊ߲߬ߞߊߘߏ߲߬ ߡߊ߬ߙߊ ߣߌ߲߬ ߞߣߐ߫߸ ߖߐ߲߰ߛߊ߫ ߊ߬ߟߎ߬ ߘߌ߫ ߛߴߊ߬ߟߎ߬ ߟߊ߫ ߖߌ߰ߣߌ߬ߞߊ߬ߦߟߍ ߟߎ߬ ߞߍ߫ ߟߊ߫ ߣߐ߰ߦߊ ߘߝߊߣߍ߲ ߘߐ߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.