ߊ߬ ߦߌ߬ߘߊ߬ ߘߊ߫ ߟߌ߬ߤߟߊ ߘߏ߫ ߟߎ߫ ߘߐ߫ ߞߊ߬ ߝߘߊ߫ ߡߊ߬ߟߌ ߘߊ߯ߘߐ ߞߎ߲߬ߕߌ߮ ߟߊ߫ ߟߊ߬ߛߋ߬ߟߌ߬ ߛߓߍ ߘߏ߫ ߟߊ߫߸ ߞߏ߫ ߡߊ߬ߟߌ ߣߊ߲߬ߕߌ߮ ߘߏ߫ ߟߎ߫ ߟߊߡߙߊ߬ߣߍ߲߫ ߕߍ߬ߘߍ߫ ߓߊ߰ߓߊ߰ߟߌ߬ߟߊ ߟߎ߬ ߓߟߏ߫߸ ߡߍ߲ ߠߎ߬ ߞߵߊ߬ߟߎ߫ ߘߏ߲߰ ߞߎ߲߬ߞߊ߬ߙߌ߬ߝߊ߬ߟߌ߬ ߘߊ߮ ߘߏ߫ ߞߣߐ߫ ߡߏߙߌߕߊߣߌ߫ ߘߎ߰ߞߟߏ ߞߊ߲߬. ߒ߬ߓߊ߬߸ ߡߏߙߌߕߊߣߌ߫ ߞߊ߬ ߛߙߊ߬ߣߎ߲ ߕߊ߬ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߞߊ߬ ߞߎߡߊ ߏ߬ ߟߋ ߥߎߦߊߒߕߋߦߊ߫߸ ߊ߬ ߣߐ߬ ߡߍ߲ ߓߛߌ߬ߞߌ߬ ߟߊ߫ ߡߊ߬ߝߌ߲߬ߠߌ߲ ߘߌ߫.

ߡߏߙߌߕߊߣߌ߫ ߞߎ߲߬ߠߊ߬ߛߌ߮ ߣߐ߬ ߟߊ߬ߛߋ߬ߟߌ߫ ߟߋ߬ ߞߍ߫ ߟߊ߫߸ ߞߵߊ߬ߟߎ߫ ߓߊ߲߬ ߡߊ߬ߝߌ߲߬ߠߌ߲߬ ߞߊ߲ ߣߌ߲߬ ߘߐ߫ ߝߊߦߌ߲߫ <<ߘߊ߬ߟߎ߫ ߞߟߊ߬ߟߡߊ߬ ߛߌ߫ ߕߴߊ߬ ߟߊ߫.>> ߟߊ߬ߛߋ߬ߟߌ ߣߌ߲߬ ߕߊ߫ ߖߊ߬ߕߋ߬ ߘߐ߫ ߝߣߊ߫߸ ߊ߬ ߦߋ߫ <<ߘߊ߲ߕߌߢߍߟߌ߫ ߖߎ߯ߓߊ߫ ߟߋ߬ ߘߌ߫>>

ߊ߬ߟߎ߫ ߞߵߊ߬ ߦߌ߬ߘߊ߬߸ ߞߏ߫ ߘߊ߮ ߡߍ߲ ߞߎߡߊ ߝߐߣߴߊ߬ߟߎ߬ ߓߟߏ߫ ߟߊ߬ߛߋ߬ߟߌ߬ ߛߓߍ ߞߣߐ߫ ߞߎ߲߬ߞߊ߬ߙߌ߬ߝߊ߬ߟߌ߬ ߘߊ߯ ߘߌ߫߸ ߏ߬ ߟߋ ߒߓߋߙߊ߫ ߘߌ߫ ߡߏߙߌߕߊߣߌ߫ ߕߟߋ߬ߓߐ ߘߐ߫، ߊ߬ߟߎ߬ ߞߊ߲߫ ߞߏ߫ <<ߊ߬ ߛߊ߲߬ ߓߌߛߊ߬ߓߊ߫ ߢߐ߲߰ ߠߋ߬ ߕߋ߲߬߸ ߞߎ߲߬ߞߊ߬ߙߌ߬ߝߊ߬ߓߊ߰ߕߐ߫ ߡߐ߰ ߥߊ߯ ߕߊ߲߫ ߣߌ߫ ߞߐ߫ ߦߋ߫ ߟߊߞߢߐ߬ߡߊ߬ ߟߊ߫ ߦߙߐ ߡߍ߲ ߘߐ߫߸ ߡߍ߲ ߝߊ߲߬ߓߊ ߦߋ߫ ߡߊ߬ߟߌ߬ߞߊ ߟߎ߬ ߘߌ߫.>>

ߊ߬ߟߎ߫ ߞߵߊ߬ ߟߊ߫ ߞߎߡߊ ߞߊ߲߬ ߌߞߐ߫߸ ߞߏ߫ <<ߘߊ߮ ߣߌ߲߬ ߘߏ߲߬ ߦߋ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߜߋ߬ߟߎ߲߬ߠߌ߲߬ ߓߟߋߓߟߋ ߟߋ߬ ߞߣߐ߫߸ ߞߊ߬ ߕߏ߫ ߞߎ߲߬ߞߊ߬ߙߌ߬ߝߊ߬ߓߊ߰ߕߐ ߟߎ߬ ߟߊߛߣߍ߫ ߟߊ߫ ߦߋ߲߬، ߡߐ߰ߦߊ ߡߊߘߍ߬ߡߍ߲ ߛߌ߲߬ߝߏ߲߬ߘߊ߫ ߡߊ߲߬ߕߏ߲߬ߕߍ߬ߟߊ߬ߞߊ ߛߌߦߊߡߊ߲߫ ߣߌ߫ ߛߘߞ ߘߍߣߍ߲ߒߖߘߍ߬ߟߊ ߛߌߦߊߡߊ߲߫ ߠߋ߬ ߦߋ߫ ߘߊ߮ ߣߌ߲߬ ߠߊ߫ ߞߏ ߞߊ߬ߟߊߡߊ߬.>>

ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߡߏߙߌߕߊߣߌ߫ ߦߋ߫ ߡߌ߲ ߝߍ߬߸ ߏ߬ ߟߋ ߝߘߊ߬ߝߌ߲߬ߠߊ߫ ߕߟߋ߬ߓߋ ߞߎ߲߬ߠߊ߬ߛߘߌ ߝߙߋߞߋ ߟߎ߬ ߝߎߟߋ߲ ߘߌ߫߸ ߞߵߊ߬ߟߎ߬ ߘߐߛߎߡߊ߫ ߔߐߍ߫، ߏ߬ ߟߋ ߘߐ߫߸ ߡߍ߲ ߗߋ߲߰ ߓߊ߯ߙߊ ߟߊߕߊ߯ ߢߊ ߘߐ߫߸ ߏ߬ ߟߋ ߦߋ߫ <<ߕߍߓߊ߯ߦߊ ߘߊߘߐߖߊߥߏ ߟߎ߬ ߘߌ߫ ߊ߬ߟߎ߬ ߣߌ߫ ߡߊ߬ߟߌ ߝߊ߰ߡߊ ߟߎ߬ ߕߍ߫߸ ߛߴߊ߬ߟߎ߬ ߘߌ߫ ߞߛߌ߫ ߦߍ߬ߟߍ ߡߊ߬ ߢߐ߲߯ ߞߊ߲߬߸ ߞߊ߬ ߓߟߏ ߟߎ߬ ߘߌ߫ ߢߐ߲߮ ߡߊ߬.>> ߟߊ߬ߛߋ߬ߟߌ ߣߌ߲߬ ߞߵߏ߬ ߟߋ ߔߘߋߔߘߋߟߊߕߍ߰.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.