ߡߐߖ߭ߑߕߓߊ߬ ߞߊߡߣߋߦߌ߫ ߞߊ߬ ߟߊ߬ߖߍ߲߬ߛߍ߲߬ߠߌ߲ ߘߏ߫ ߟߋ߬ ߞߍ߫ ߓߟߐߟߐ ߞߊ߲߬߸ ߏ߬ ߓߘߊ߫ ߣߊ߬ ߟߊ߬ߡߊ߮ ߘߌ߫ ߡߐ߱ ߟߎ߬ ߡߙߌߦߊ ߘߐ߫߸ ߞߊ߬ ߞߎߡߊ ߛߌߦߊߦߊ߫ ߘߍ߬ߞߙߏߝߏ ߟߎ߫ ߞߊ߲߬ ߝߊ߲߭ ߓߍ߯ ߘߐ߫، ߞߊ߬ߕߎ߲߯߸ ߏ߬ ߞߵߊ߬ ߟߊߖߍ߲ߛߍ߲߫ ߠߋ߬ ߌߞߛ ߞߊ߲߬ (ߊ߬ ߕߘߍ߬ ߝߐ߫ ߟߊ߫ ߡߍ߲ ߡߊ߬ ߞߏ߫ ߕߑߥߌߕߍߙ)߸ ߞߏ߫ ߌߛߌ߬ߙߊ߬ߌߟߊ߫ ߞߏߕߌ߯ ߝߟߐ ߓߍ߲ߖ߭ߊߡߍ߲ ߣߋߕߦߊߤߎ߫ ߓߘߊ߫ ߟߊ߬ߕߍ߰ ߞߍ߫، ߞߎߡߊ ߏ߬ ߟߋ ߕߊ߬ ߘߊ߫ ߡߐ߰ ߛߌߦߊߡߊ߲߫ ߓߟߏ߫ ߞߵߊ߬ ߟߊߖߍ߲ߛߍ߲߫ ߝߊ߲߭ ߓߍ߯ ߘߐ߫، ߞߏ߬ߣߌ߲߬߸ ߡߊ߲߬ߞߊ߲߬ߓߊ ߏ߬ ߓߍ߯ ߣߴߊ߬ ߕߊ߫߸ ߊ߲ ߡߊ߫ ߔߘߋߔߘߋߟߊߕߍ߯ߟߌ߫ ߖߐ߲ߖߐ߲߫ ߛߌ߫ ߛߐ߬ߘߐ߲߬ ߡߎߣߎ߲߬߸ ߞߊ߬ ߝߘߊ߫ ߌߛߌ߬ߙߊ߬ߌߟߊ߫ ߞߎ߲߬ߠߊ߬ߛߌ߮ ߟߊ߫߸ ߞߎߡߊߕߍ߫ ߡߊ߲߬ߕߏ߲߬ߕߍ߬ ߝߐ߰ߓߍ߬ߘߊ߬ ߜߘߍ߫ ߟߎ߫ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߕߎ߬ߢߊ ߟߋ߬ ߥߟߊ߫ ߥߎߦߊ ߟߋ߬، ߏ߬ ߘߐ߫߸ ߛߌߞߊ ߦߋ߫ ߌߙߊ߲߫ ߢߍߓߊ߯ ߛߊ߲ߘߐߕߊ ߟߊ߫ ߞߎߡߊ ߘߐ߫ ߡߎߣߎ߲߬߸ ߤߊ߲߯ ߞߊ߲߫ ߖߐ߲ߖߐ߲߫ ߦߋ߫ ߛߐ߬ߘߐ߲߫ ߕߎ߬ߡߊ ߡߍ߲ ߠߊ߫.

ߞߊ߬ߦߌ߯ ߞߍ߬ߟߍ ߣߌ߲߬ ߘߊߡߌ߬ߣߊ߬ ߘߊ߫߸ ߥߎߦߊ߫ ߞߎߡߊ߫ ߛߌߦߊߡߊ߲߫ ߠߋ߬ ߕߟߊ߫ ߟߊ߫ ߘߍ߬ߞߙߏߝߏ ߟߎ߫ ߞߊ߲߬ ߛߐ߲߬߸ ߓߍ߯ ߦߴߊ߬ ߢߣߊ߫ ߡߐ߯ ߟߊ߫ ߞߍ߬ߟߍ߫ ߟߋ߬ ߞߊ߲߬ ߞߌ߬ߓߊ߬ߙߏ߬ߦߊ߬ߟߌ ߞߊߡߊ߲ ߞߣߐ߫، ߊ߬ ߘߏ߲߬߸ ߣߋߕߦߊߤߎ߫ ߟߊ߫ ߛߊ߬ߦߊ ߟߊߕߋ߬ ߞߏ߬ ߝߟߐ߫ ߕߍ߫ ߣߌ߲߬ ߘߌ߫ ߡߐ߱ ߟߎ߬ ߓߟߏ߫، ߝߏ߫ ߘߏ߫ ߟߎ߫ ߞߊ߬ ߖߌ߬ߦߊ ߘߏ߫ ߟߎ߫ ߡߊߘߓߊ߬ߙߌ߫ ߖߍ߬ߘߍ߸ ߞߵߊ߬ ߦߌ߬ߘߊ߬ ߞߏ߫ ߕߎ߬ߢߊ ߟߴߊ߬ ߟߊ߫ ߛߦߊ߬ ߞߏ ߘߌ߫، ߏ߬ ߘߐ߫߸ ߊ߬ ߞߏ ߡߊ߫ ߟߊߕߍ߰ ߡߎߣߎ߲߬ ߤߊ߲߯ ߕߋ߲߬.

ߞߎߡߊ ߣߌ߲߬ ߞߊ߬ ߦߙߐ ߟߎ߬ ߟߊߝߏ߭ ߘߊߡߌ߬ߣߊ߬ ߞߎߣߎ߲߬ ߛߌ߬ߣߌ߲߬ߟߏ߲ ߠߋ߬ ߡߊ߬߸ ߕߙߊߓߊ ߕߟߋ߬ ߁߂، ߖߌ߬ߦߊ߬ߖߟߎ ߘߏ߫ ߟߋ߬ ߟߊߖߍ߲ߛߍ߲߫ ߘߊ߫߸ ߣߋߕߦߊߤߎ߫ ߦߋ߫ ߞߎߡߊ ߞߊ߲߬ ߝߐ߰ߓߍ߬ ߜߙߊ ߘߏ߫ ߘߐ߫، ߊ߬ ߟߊߞߙߐ߬ߛߌ߬ ߘߊ߫߸ ߞߏ߫ ߣߋߕߦߊߤߎ߫ ߓߟߏߞߏ߬ߋ߬ߣߍ߲ ߦߋ߫ ߥߐ߯ߙߐ߫ ߟߋ߬ ߘߌ߫ ߦߋ߲߬، ߏ߬ ߟߋ ߞߵߊ߬ ߦߌ߬ߘߊ߫ ߡߐ߰ ߛߌߦߊߡߊ߲߫ ߠߊ߫߸ ߞߏ߫ ߊ߬ ߝߊ߰ ߞߏ ߦߋ߫ ߕߎ߬ߢߊ ߟߋ߬ ߘߌ߫߸ ߓߊߏ߬ ߊ߬ ߖߍ߬ߘߍ ߡߊ߫ ߛߋ߫ ߖߌ߬ߦߊ߬ߖߟߎ ߏ߬ ߞߍ߫ ߟߊ߫߸ ߝߏ߫ ߦߟߌߟߊ߲ߘߌߦߊ߫ ߘߍ߲߰ߦߊ߬ߣߍ߲ ߠߊ߫ ߖߌ߬ߦߊ߬ ߡߊߘߓߊ߬ߙߌ߬ߣߍ߲.

ߊ߬ ߘߏ߲߬߸ ߊ߬ ߛߊ߲߬ߞߊ ߟߊߕߋ߭ ߌߙߊ߲߫ ߓߟߏ߫߸ ߘߊ߬ߟߎ߬ ߛߌ߫ ߡߊ߫ ߛߐ߬ߘߐ߲߬߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߣߋߕߦߊߤߎ߫ ߟߊ߫ ߟߎ ߥߟߴߊ߬ ߟߊ߫ ߛߓߍߘߊ ߖߊߡߎߙߊߣߍ߲߫ ߠߋ߬ ߖ߭ߋߙߎߛߊ߬ߟߍߡ߸ ߊ߬ ߟߊ߫ ߘߋ߲ߓߦߊ ߝߋ߲߫ ߘߏ߲߬ ߡߊ߫ ߝߙߋߞߋ߫ ߛߐ߬ߘߐ߲߬.

ߣߋߕߦߊߤߎ߫ ߡߊ߫ ߦߋ߫ ߦߋߟߌ ߡߍ߲ ߞߐߝߍ߬ ߡߎߣߎ߲߬߸ ߏ߬ ߞߍ߫ ߘߊ߫ ߕߙߊߓߊ ߕߟߋ߬ ߇ ߟߋ߬ ߡߊ߬߸ ߏ߬ ߡߍ߲ ߞߎ߲߬ߢߐ߲߰ ߞߋߟߋ߲ ߦߋ߫ ߕߋ߲߬، ߊ߬ ߞߵߊ߬ ߝߐ߫ ߖߌ߬ߦߊ߬ߞߊ߲߬ߛߏ ߟߊ߫ ߏ߬ ߟߏ߲ ߠߋ߬߸ ߞߏ߫ ߊ߬ߟߎ߬ ߦߋ߫ ߥߊ߬ߟߏ߲߬ߠߌ߲ ߞߊ߲߬، ߊ߬ ߘߋ߲ߞߍ߫ ߦߊ߬ߦߌߙ ߣߋߕߊ߲ߦߊߤߎ߫ ߞߊ߬ ߟߊ߬ߖߍ߲߬ߛߍ߲߬ߠߌ߲ ߘߏ߫ ߞߍ߫߸ ߞߏ߫ ߊ߬ߟߎ߬ ߟߊ߫ ߘߋ߲ߓߦߊ ߦߋ߫ ߟߊ߬ߞߊ߲߬ߘߊ߬ߟߌ ߘߝߊߣߍ߲ ߘߐ߫، ߕߋ߲߭ߕߋ߲߭ ߣߌ߲߬ ߘߐ߫߸ ߊ߲ ߧߋ߫ ߡߍ߲ ߞߊ߬ߟߊߡߊ߬߸ ߣߋߕߊ߲ߦߊߤߎ߫ ߦߴߊ߬ ߟߊ߫ ߞߏ ߟߎ߬ ߡߊߡߙߊ߬ ߟߊ߫ ߞߎ߲߬ߠߊ߬ߛߌ߮ ߟߊ߫ ߦߙߐ߫ ߟߊߞߊ߲ߘߊߣߍ߲ ߠߋ߬ ߘߐ߫.

ߊ߲ ߞߊ߬ ߟߌ߬ߤߟߊ ߘߏ߫ ߛߐ߬ߘߐ߲߬ ߣߋߕߊ߲ߦߊߤߎ߫ ߟߊ߫ ߞߍ߲ߘߍߦߊ߫ ߞߏ ߞߊ߲߬، ߞߊ߬ߕߎ߲߯߸ ߞߏ߲ߞߏߜߍ ߕߟߋ߬ ߁߈ ߡߊ߬߸ ߞߊ߲߬ߞߎߡߊ ߘߏ߫ ߟߊߖߍ߲ߛߍ߲߫ ߘߴߊ߬ ߖߘߍ߬ߞߊߣߌ߲ ߠߊ߫ ߘߊ߲ߘߊߟߌߟߊ ߓߟߏ߫، ߊ߬ߟߎ߫ ߞߵߊ߬ ߦߌ߬ߘߊ߬߸ ߞߏ߫ ߊ߬ ߝߐ ߡߍ߲ ߞߍߣߍ߲߫ ߞߏ߫ ߥߊ߲߬ߞߏ߲߬ ߖߊ߲ߞߊߙߏ ߘߏ߫ ߦߴߊ߬ ߟߊ߫߸ ߏ߬ ߕߍ߫ ߕߎ߬ߢߊ߬ ߘߌ߫، ߓߊ߬ߙߌ߬߸ ߊ߬ ߕߎ߲߬ ߓߘߊ߫ ߟߊߟߊ߫ ߖߊ߲߬ߞߊ߬ߙߏ߬ ߜߘߍ߫ ߓߟߏ߫߸ ߣߊߟߌ߬ߡߎ߲߫ ߘߌߦߊߞߘߎ߫ ߝߎߣߎ߲߫ ߖߊ߲ߞߊߙߏ ߘߌ߫߸ ߓߊ߬ߙߵߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߛߋ߫ ߘߴߏ߬ ߘߊ߲ߘߊ߫ ߟߊ߫، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߊ߬ߦߌ߯ ߂߀߂߃ ߟߊ߫߸ ߊ߬ߟߎ߫ ߞߵߊ߬ ߟߊ߫ ߛߐ߲߬ ߖߊ߲ߞߊߙߏ ߘߏ߫ ߘߊ߲ߘߊ߲߫߸ ߊ߬ ߛߐ߲߭ ߦߋ߫ ߓߊ߯ߙߊ߫ ߟߴߊ߬ ߢߌ߬ߡߊ ߟߊ߫ ߜߋߙߋ߲ߜߋߙߋ߲ߧߊ ߘߐ߫ ߡߎߣߎ߲߬ ߝߛߊߦߌ߫، ߏ߬ ߘߐ߫߸ ߞߏ߫ ߊ߬ߟߎ߬ ߡߊ߫ ߞߏ߫ ߛߌ߫ ߟߊߞߙߐ߬ߛߌ߫ ߊ߬ ߟߊ߫ ߞߐ ߢߌ߲߬ ߠߊ߫ ߕߋ߲߬ ߡߎߣߎ߲߬߸ ߡߍ߲ ߘߴߊ߬ ߦߌ߬ߘߊ߬ ߞߏ߫ ߊ߬ ߡߊ߲߫ ߞߍ߲ߘߍ߫.

ߏ߬ ߘߐ߫߸ ߣߋߕߊ߲ߦߊߤߎ߫ ߝߊ߰ ߞߏ ߕߴߛߋ߫ ߟߊߕߍ߰ ߟߊ߫ ߡߐ߰ ߓߟߏ߫ ߡߎߣߎ߲߬، ߓߊߏ߬߸ ߘߊ߬ߟߎ߬ ߖߐ߲ߖߐ߲߫ ߛߌ߫ ߡߊ߫ ߛߋ߫ ߛߐ߬ߘߐ߲߬ ߠߊ߫ ߝߟߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.