ߢߣߊߕߊߟߌ ߕߊߟߊ߲߫ ߞߊ߲ ߓߘߊ߫ ߜߊ߬ߛߌ߬، ߟߊ߬ߕߍ߰ߦߊ ߡߍ߲ ߠߊߓߐ߫ ߘߊ߫ ߂߀߂߆ ߞߏ߲ߞߏߜߍ ߕߋ߬ߟߋ߫ ߂߀ ߡߊ߬߸ ߣߴߊ߬ ߞߟߊ߬ߣߐ߬ߦߊ߬ ߘߊ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߟߏ߫߸ ߏ߬ ߞߊ߬ ߖߌ߬ߣߍ߬ߞߊ ߟߎ߬ ߡߊߞߟߌ߫ ߢߣߊߕߊߟߌ ߟߋ߬ ߡߊ߬ ߘߓߊ߬ߕߊ ߕߋ߬ߟߋ߫ ߂߄ ߣߊ߬ߕߐ ߣߌ߲߬ ߡߊ߬߸ ߞߏ߫ ߊ߬ߟߎ߬ ߦߋ߫ ߥߊ߫ ߥߛߊ߬ߘߋ߲߬ ߢߣߊߕߊߟߌ ߞߍ߫߸ ߊ߬ ߣߌ߫ ߞߊ߬ߝߏ߬ߙߋ߲ ߢߣߊߕߊߟߌ ߟߎ߬߸ ߓߍ߯ ߛߌ߰ߣߍ߲߫ ߏ߬ ߡߍ߲ ߡߊߞߐ߬ߣߐ߲ ߛߌ߱ ߘߐ߫.

ߡߐ߰ ߛߌߦߊߡߊ߲߫ ߤߊ߲ߞߟߌ ߦߋ߫ ߞߎߡߊߞߍߓߏ߲ ߠߋ߬ ߞߐ߫߸ ߣߊߟߌ߬ߡߎ߲߫ ߝߊ߬ߛߏ߬ ߜߙߊ ߘߌ߫، ߓߊ߬ߙߌ߬߸ ߦߙߐ߫ ߕߣߐ߬ߡߊ߬ ߜߘߍ߫ ߓߍ߫߸ ߏ߬ ߟߋ ߞߊ߬ߝߏ߬ߙߋ߲ ߘߌ߫߸ ߏ߬ ߦߋ߫ ߞߘߎ߬ߜߍ߬ߟߍ߲߬ߓߊ߫ ߟߋ߬ ߘߌ߫ ߘߌ߲߬ߞߌߙߊ ߟߎ߫ ߡߊ߬ߡߙߊ߬ߟߌ ߘߐ߫.

ߊߟߎ߫ ߦߴߊ߬ ߟߐ߲߫߸ ߞߊ߬ߝߏ߬ߙߋ߲ ߠߎ߬ ߞߏߟߊߕߍ߮ ߡߍ߲ ߠߎ߬ ߛߎߥߊ߲ߘߌߕߐ߫ ߣߌ߲߬߸ ߏ߬ ߟߎ߬ ߟߊߛߌ߰ߕߐ߫ ߛߊ߲߬ ߟߏ߯ߟߎ߫ ߟߐ߬ߒ߬ߞߋ߬ߟߊ ߟߋ߬ ߞߍ߫ ߞߊ߲ߡߊ߬߸ ߓߊ߯ߙߊ߫ ߛߌߦߊߡߊ߲߫ ߘߏ߲߬ߕߐ߫ ߡߍ߲ ߠߎ߬ ߞߊ߬ߓߊ ߞߘߐ߫߸ ߘߌ߲߬ߞߌߙߊ ߟߎ߬ ߟߊߥߙߎߞߌ ߘߐ߫ ߛߐ߬ߘߐ߲ ߛߌߟߊ ߝߍ߬߸ ߟߐ߲ߠߌ߲ߦߊ ߛߌߟߊ ߝߍ߬߸ ߊ߬ ߣߌ߫ ߊߘߡߊߦߊ ߖߍ߬ߘߍ ߛߌߟߊ ߝߍ߬ ߊ߬ߟߎ߫ ߘߌ߲߬ߞߌߙߊ ߘߐ߫.

ߊߟߎ߫ ߦߴߊ߬ ߟߐ߲߫ ߏ߬ ߘߐ߫߸ ߞߊ߬ߝߏ߬ߙߋ߲ ߠߎ߬ ߖߊ߬ߡߊ ߟߊ߫ ߛߌߦߊߦߊ ߣߴߊ߬ߟߎ߬ ߟߊ߫ ߘߐ߯ߦߊ߸ ߥߟߊ߫ ߛߌ߰ ߦߙߐ ߟߊ߫ ߛߌߦߊߦߊ ߣߴߊ߬ ߟߊ߫ ߘߐ߯ߦߊ߸ ߏ߬ ߦߋ߫ ߓߐ߫ ߟߊ߫ ߞߊ߬ߝߏ߬ߙߋ߲ ߛߌ߰ߓߊ߮ ߟߎ߬ ߟߊ߫ ߛߌߦߊߦߊ ߞߊߓߋ ߟߋ߬ ߘߐ߫، ߞߊ߬ߕߎ߲߯߸ ߞߏߟߊߕߍ߮ ߟߎ߬ ߘߐ߫ ߦߙߌߞߊ߫ ߝߐߍ߲ ߦߋ߫ ߁߁ ߠߋ߬ ߘߌ߫߸ ߓߏ߲߬ߓߊ ߦߋ߫ ߄߅ ߘߌ߫߸ ߡߍ߲ ߠߎ߬ ߦߋ߫ ߡߐ߰ ߂߀߀ ߀߀߀ ߛߊ߲ߘߐ߫ ߞߊ߬ߣߌ߲߬، ߒ߬ߓߊ߬߸ ߘߛߊߛߌ߯ߟߌ ߞߍߢߊ ߏ߬ ߟߋ ߞߍߕߐ߫ ߦߙߐ ߟߎ߬ ߞߊ߬ߝߏ߬ߙߋ߲ ߛߏ߯ߙߏ߫ ߢߊ ߓߐ߫ ߟߊ߫ ߢߐ߲߮ ߡߊ߬ ߛߏߓߊ ߟߎ߬ ߣߌ߫ ߛߏ߫ ߡߊ߲ߞߊ߲ ߠߎ߬ ߞߣߐ߫.

ߣߴߌ ߞߊ߬ ߞߊ߬ߙߏ߬ߝߋ߲ ߠߎ߬ ߛߌ߰ߟߊ߲ ߘߐߕߟߊ߫ ߢߊ ߕߊ߬

ߞߵߊ߬ ߓߍ߲߬ ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߕߐ߲ߛߋ߲ ߂߃߁߲ ߞߣߐ߫ ߞߎߡߊ ߡߊ߬:

  • ߦߙߐ ߡߍ߲ ߠߎ߬ ߛߌ߰ߓߊ߮ ߡߊ߫ ߡߐ߰ ߁߀ ߀߀߀ ߓߐ߫: ߞߏߟߊߕߍ߯ ߁߁ ߠߋ߬ ߦߋ߲߬ ߠߎ߬ ߘߐ߫.
  • ߡߍ߲ ߠߎ߬ ߦߋ߫ ߞߵߊ߬ ߕߊ߬ ߁߀ ߀߀߀ ߡߊ߬ ߞߵߊ߬ ߛߌ߰ ߂߀ ߀߀߀ ߠߊ߫: ߞߏߟߊߕߍ߯ ߁߇
  • ߞߵߊ߬ ߕߊ߬ ߂߀ ߀߀߁ ߡߊ߬ ߞߵߊ߬ ߛߌ߰ ߄߀ ߀߀߀ ߠߊ߫: ߞߏߟߊߕߍ߯ ߂߃
  • ߞߵߊ߬ ߕߊ߬ ߄߀ ߀߀߁ ߡߊ߬ ߞߵߊ߬ ߛߌ߰ ߇߀ ߀߀߀ ߟߊ߫: ߞߏߟߊߕߍ߯ ߂߉
  • ߞߵߊ߬ ߕߊ߬ ߇߀ ߀߀߁ ߡߊ߬ ߞߵߊ߬ ߛߌ߰ ߁߀߀ ߀߀߀ ߟߊ߫: ߞߏߟߊߕߍ߯ ߃߃
  • ߞߵߊ߬ ߕߊ߬ ߁߀߀ ߀߀߁ ߡߊ߬ ߞߵߊ߬ ߛߌ߰ ߁߅߀ ߀߀߀ ߟߊ߫: ߞߏߟߊߕߍ߯ ߃߇
  • ߞߵߊ߬ ߕߊ߬ ߁߅߀ ߀߀߁ ߡߊ߬ ߞߵߊ߬ ߛߌ߰ ߂߀߀ ߀߀߀ ߟߊ߫: ߞߏߟߊߕߍ߯ ߄߁
  • ߞߵߊ߬ ߕߊ߬ ߂߀߀ ߀߀߀ ߡߊ߬ ߞߊ߬ ߦߟߍ߬: ߞߏߟߊߕߍ߯ ߄߅ (ߏ߬ ߟߊ ߘߊ߲߭ ߘߌ߫ ߛߊ߬ߙߌ߬ߦߊ߬ ߓߟߏ ߡߊ߬).

ߞߵߊ߬ ߓߍ߲߬ ߕߘߍ߬ߒ߬ߘߐ߬ߟߌ ߛߙߊߕߌ ߟߎ߫ ߡߊ߬ ߛߊ߫

ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߕߐ߲ߛߋ߲ ߂߃߃ ߟߋ߬ ߞߵߏ߬ ߞߕߌ ߕߍ߰، ߏ߬ ߟߋ ߘߐ߫߸ ߣߴߌ ߦߴߊ߬ ߝߍ߬ ߞߊ߬ ߞߍ߫ ߞߊ߬ߝߏ߬ߙߋ߲ ߞߏߟߊߕߍ߮ ߘߌ߫߸ ߝߏ߫ ߞߏ߫ ߘߊ߲ߘߐ߫ ߦߋ߫ ߘߝߊ߫ ߌ ߟߊ߫ ߞߏ ߘߐ߫:

  • ߌ ߟߊ߫ ߝߊ߬ߛߏ߬ߦߊ ߞߍ߫ ߖߌ߬ߣߍ߬ ߘߌ߫.
  • ߌ ߦߋ߫ ߛߊ߲߭ ߂߁ ߓߐ߫ ߤߊ߲߯ ߞߊ߬ ߦߟߍ߬.
  • ߌ ߛߌ߰ߣߍ߲߬ ߦߋ߫ ߞߍ߫ ߞߊ߬ߝߏ߬ߙߋ߲ ߏ߬ ߞߣߐ߫ ߥߟߊ߫ ߌ ߟߊ߫ ߓߊ߯ߙߊ ߞߐߞߟߏ ߦߋ߫ ߞߍ߫ ߦߋ߲߬.
  • ߊ߬ ߦߋ߫ ߛߐ߬ߘߐ߲߬߸  ߌߦߴߊ߬ ߝߍ߬ ߞߊ߬ ߛߐ߬ߘߐ߲߬ ߞߊ߬ߝߏ߬ߙߋ߲ ߡߍ߲ ߞߏߟߊߕߍ߯ߦߊ ߘߐ߫߸ ߌ ߕߐ߮ ߦߋ߫ ߞߍ߫ ߢߣߊߕߊߟߌ߫ ߛߙߍߘߍ ߘߐ߫ ߦߋ߲߬.
  • ߊ߬ ߣߴߌ ߦߋ߫ ߛߋ߫ ߝߊ߬ߙߊ߲߬ߛߌ߬ ߞߊ߲ ߞߊ߬ߙߊ߲߬ ߠߊ߫ ߞߵߊ߬ ߛߓߍ߫ (ߏ߬ ߦߋ߫ ߘߐߖߊ߬ ߟߊ߫ ߓߊߞߍ߭ ߞߊ߬ߝߏ߬ߙߋ߲߬ߕߌ߮ ߣߴߊ߬ ߛߙߍߞߍ ߟߋ߬ ߝߍ߬).

ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߞߊ߬ ߡߐ߱ ߘߏ߫ ߟߎ߫ ߝߣߊ߫ ߣߍ߰ߓߐ߫ ߟߋ߬ ߝߋߎ߫߸ ߏ߬ ߟߎ߬ ߕߴߛߋ߫ ߞߍ߫ ߟߊ߫ ߞߊ߬ߝߏ߬ߙߋ߲ ߞߏߟߊߕߍ߮ ߘߌ߫߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߟߊ߫ ߘߎ߰ߘߋ߲߬ߧߊ ߤߊߞߍ ߓߏ߬ߛߌ ߘߌ߫ ߊ߬ߟߎ߬ ߟߊ߫߸ ߊ߬ߟߎ߫ ߖߊ߲߬ߞߌ ߞߏߛߐ߲߬ ߞߎ߲߬ߞߏ ߘߏ߫ ߘߐ߫߸ ߝߏ߫ ߣߌ߫ ߡߍ߲ ߤߊߞߍ ߟߊߛߊ߬ߦߌ߲߬ ߘߴߊ߬ ߡߊ߬ ߘߋ߬.

ߏ߬ ߡߐ߱ ߟߎ߬ ߝߟߍ߫ ߣߌ߲߬:

  • ߡߐ߰ ߞߎ߲߬ߞߋߟߋ߲ ߡߍ߲ ߓߘߊ߫ ߖߊ߲߬ߞߌ߫ ߞߎ߲߬ߞߏ߬ߓߊ ߘߏ߫ ߞߏߛߐ߲߬ ߥߟߊ߫ ߞߊ߬ߙߏ߲߬ߕߍ߰ ߞߏ ߘߏ߫ (ߡߍ߲ ߖߊ߲߬ߞߌ߬ߟߌ ߕߊ߬ߡߌ߲߬ߣߍ߲߫ ߛߊ߲߬ ߟߏ߯ߟߎ߫ ߟߊ߫).
  • ߡߍ߲ ߠߎ߬ ߓߘߊ߫ ߖߊ߲߬ߞߌ߫ ߞߊߙߏ߫ ߛߓߊ߬ ߥߛߎ߫ ߘߊߕߎ߲߯ߣߍ߲ ߠߊ߫ (ߥߟߊ߫ ߞߊߙߏ߫ ߥߐ߯ߙߐ߫ ߥߛߎ ߘߐ߲ߘߐߣߍ߲߫ ߡߍ߲ ߡߊ߬) ߞߎ߲߬ߞߏ߬ ߜߘߍ ߟߎ߬ ߘߐ߫.
  • ߊ߬ ߣߌ߫ ߡߐ߰ ߛߌ߫ ߖߊ߲߬ߞߌ߬ߣߍ߲߫ ߥߟߊ߫ ߞߊ߬ ߥߛߎ ߘߐ߲ߘߐ߫ ߌ ߡߊ߬ ߛߏ߲߬ߧߊ߬ߟߌ߬ ߞߏ ߘߐ߫߸ ߞߊ߲ߛߏ߲ߠߌ߲߫ ߞߏ ߘߐ߫߸ ߖߊ߲߬ߝߊ ߘߐ߫߸ ߖߊ߬ߡߊ ߓߟߏߝߋ߲ ߞߎ߲߬ߡߙߎ ߘߐ߫߸ ߊ߬ ߣߌ߫ ߦߙߎ߬ߞߎ߬ߦߙߎߞߎ ߕߊ߬ߣߍ߲ ߞߵߊ߬ ߟߊ߫ ߝߊ߲߬ߞߊ߬ ߟߊ߬ߖߊ߲ߞߏ ߣߌ߫ ߡߐ߰ ߕߙߐ߬ ߞߏ߫ ߜߘߍ߫ ߟߎ߫ ߞߊ߲߬߸ ߏ߬ ߟߎ߬ ߕߴߛߋ߫ ߞߍ߫ ߟߊ߫ ߡߊ߬ߡߌ߬ߣߊ߬ߟߌ߬ߟߊ߫ ߘߌ߫ ߞߊ߬ߝߏ߬ߙߋ߲ ߞߏߟߊߕߍ߯ߦߊ ߞߐ߫.

ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߣߴߌߟߋ ߦߋ߫ ߡߊ߬ߡߙߊ߬ߟߌ ߞߏߟߊߕߍ߮ ߟߋ߬ ߘߌ߫ (ߞߎ߲߬ߠߊ߬ߛߌ߰ߟߊ߸ ߡߙߊ߬ߓߊ߮߸ ߡߙߊ߬ߓߊ߰ߘߎ߯ߟߊ߸ ߡߙߊ߬ߓߊ߰ߘߊ ߝߘߏ߬ߓߊ߬ ߞߟߊ߬ߕߌ߮ ߟߎ߬ ߣߌ߫ ߞߊ߬ߝߏ߬ߙߋ߲ ߝߘߏ߬ߓߊ߬ ߞߟߊ߬ߕߌ߮ ߟߎ߬ ߣߴߊ߬ߟߎ߬ ߞߊ߲ߞߘߐߛߌ߮ ߟߎ߬)߸ ߏ߬ ߟߎ߬ ߕߴߛߋ߫ ߓߐ߫ ߟߴߊ߬ߟߎ߫ ߘߌ߲߬ߞߌߙߊ ߞߊ߬ߝߏ߬ߙߋ߲ ߞߏߏߟߊߕߍ߯ߦߊ ߞߐ߫߸ ߝߏ߫ ߊ߬ ߦߋ߫ ߛߐ߬ߘߐ߲߬ ߊ߬ߟߎ߬ ߓߘߊ߫ ߓߙߐߕߐ߫ ߞߊ߬ ߞߊߙߏ߫ ߥߐ߯ߙߐ߫ ߕߏ߫ ߢߣߊߕߊߟߌ߫ ߟߏ߲ ߠߊ߫.

ߏ߬ ߢߊ߫ ߞߋߟߋ߲ ߠߋ߬ ߝߣߊ߫ ߡߊ߬߸ ߗߋߘߊߕߌ߮ ߡߍ߲ ߺ ߍ ߺ ߡߍ߲߫ ߦߋ߫ ߓߊ߯ߙߊ߫ ߟߊ߫ ߘߎ߰ߞߣߍ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ ߞߏߕߌ߯ߘߊ ߟߊ߫߸ ߞߵߏ߬ ߟߊ߫ ߞߊ߬ߝߏ߬ߙߋ߲ ߓߊ߯ߙߟߊ ߕߐ߭ ߟߎ߫ ߞߊ߲߬߸ ߥߟߊ߫ ߖߡߊ߬ߣߊ ߗߋߘߊߕߌ߯ ߜߘߍ ߡߍ߲ ߠߎ߬ ߟߊߣߊ߬ߣߍ߲߫ ߞߊ߬ߝߏ߬ߙߋ߲ ߏ߬ ߞߣߐ߫߸ ߏ߬ ߟߎ߬ ߛߌ߫ ߕߴߛߋ߫ ߞߍ߫ ߟߊ߫ ߡߊ߬ߡߌ߬ߣߊ߬ߟߌ߬ߟߊ߫ ߘߌ߫ ߘߌ߲߬ߞߌߙߊ ߏ߬ ߘߐ߫ ߦߋ߲߬.

ߡߊ߬ߡߌ߬ߣߊ߬ߟߌ ߕߐ߯ ߟߊߘߏ߲

ߣߴߌ ߡߊ߫ ߢߊ߬ ߌ ߟߊ߫ ߡߊ߬ߡߌ߬ߣߊ߬ߟߌ ߟߊߘߏ߲߭ ߞߐ߫߸ ߝߏ߫ ߊ߬ ߦߋ߫ ߍ߫ ߞߊ߬ ߕߟߋ߬ ߄߅ ߟߋ߬ ߕߏ߫ ߢߣߊߕߊߟߌ߫ ߟߏ߲ ߠߊ߫، ߘߐ߬ߛߙߋ ߟߎ߬ ߦߋ߫ ߟߊߘߏ߲߬ ߠߊ߫ ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߟߋ߬ ߟߊ߫߸ ߣߴߊ߬ ߡߊ߫ ߢߊ߬ ߞߏ߫ ߏ߬ ߟߋ ߞߋߟߋ߲߫ ߦߋ߫ ߓߊ߯ߙߊ߫ ߦߙߐ߫ ߘߌ߫ ߕߋ߲߬߸ ߡߍ߲ ߘߐ߱ߘߏ߲߬ߣߍ߲߫ ߢߣߊߕߊߟߌ ߞߏߢߊ ߟߎ߬ ߡߊߡߊ߬ߙߊ ߟߊ߫.

ߘߐ߬ߛߙߋ߬ ߘߊ߲ߘߐ߫ ߟߋ߬ ߢߌߣߌ߲ߣߍ߲߫ ߡߊ߬ߡߌ߬ߣߊ߬ߟߌ߬ߟߊ ߓߍ߯ ߝߍ߬ ߞߐߘߍ߫:

߁߭ ߺ ߖߘߍ߬ߘߏ߲߬ߞߊ߲߬ߡߊ߫ ߞߟߊ߬ߣߐ߬ߦߊ߬ߣߍ߲.

߂߲ ߺ ߡߊ߬ߟߐ߲߬ ߞߐߕߐ߮ (ߌ ߕߐ߮߸ ߛߐ߬ߘߐ߲߬ ߕߎߡߊ ߣߴߊ߬ ߘߌ߲߬ߞߌߙߊ߸ ߓߊ߯ߙߘߊ߸ ߊ߬ ߣߌ߫ ߡߊ߬ߞߍ߬ߦߙߐ).

߃߲ ߺ ߌ ߦߴߊ߬ ߝߍ߬ ߞߊ߬ ߞߍ߫ ߞߊ߬ߝߏ߬ߙߋ߲ ߡߍ߲ ߞߏߟߊߕߍ߯ߦߊ ߡߊ߬ߡߌ߬ߣߊ߬ߟߌ߬ߟߊ ߘߌ߫߸ ߏ߬ ߕߐ߮.

߄߲ ߺ ߘߍ߭ ߖߊ߬ߕߋ߬ߘߐ߬ߛߌ߮.

߅߲ ߺ ߢߌߣߌ߲ߞߏ ߢߍߥߟߊ.

߆߲ ߺ ߝߊ߬ߛߏ߬ߦߊ߬ ߛߓߍ.

߇߲ ߺ ߘߎ߰ߘߋ߲߬ߧߊ߬ ߛߙߋߓߍ.

߈߲ ߺ ߞߍ߲ߘߍߦߊ߫ ߝߢߊߝߢߊ ߛߙߋߓߍ.

߉߲ ߺ ߛߐ߲߬ߒ߬ߕߊ߲߬ߧߊ ߛߓߍߟߋ߲ (ߡߍ߲ ߡߊ߫ ߞߊߙߏ߫ ߃ ߓߐ߫).

߁߀߲ ߺ ߛߐ߬ߘߐ߲߬ ߛߓߍ ߥߟߊ߫ ߡߊ߬ߟߐ߲߬ ߔߊ߬ߔߘߊ߬ ߢߎߡߍߙߋ߲ߡߊ.

߁߁߲ ߺ ߡߍ߲ ߠߎ߬ ߦߋ߫ ߖߘߍ߬ߦߋ߬ ߡߊ߬ߡߌ߬ߣߊ߬ߟߌ߬ߟߊ ߘߌ߫߸ ߏ߬ ߟߎ߬ ߣߌ߫ ߛߙߋߓߍ߫ ߟߋ߬ ߦߌ߬ߘߊ ߞߊ߫ ߞߊ߲߫߸ ߡߍ߲ ߝߘߊߣߍ߲߫ ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߟߊ߫ (ߛߋ߲߬ߢߊ ߣߌ߲߬ ߘߐ߫ ߞߊ߬ߣߌ߲߬).

߁߂߲ ߺ ߣߌ߫ ߡߍ߲ ߠߎ߬ ߞߍ߫ ߘߊ߫ ߞߟߐ߬ ߟߊߓߊ߯ߙߊ߫ ߟߊ߫߸ ߥߟߊ߫ ߞߎ߲߬ߞߊ߲߬ ߣߌ߫ ߕߐ߰ߡߊ߬ߦߋߙߋ߲߫߸ (ߡߐ߰ ߛߌ߫ ߡߊ߲߫ ߞߊ߲߫ ߞߊ߬ ߖߡߊ߬ߣߊ ߓߟߏߝߋ߲ ߠߎ߬ ߟߊߓߊ߯ߙߊ߫ ߏ߬ ߘߊߞߎ߲ ߘߐ߫߸ ߦߏ߫ ߖߏ߲߬ߖߏ߲ ߣߌ߫ ߞߎ߲߬ߞߊ߲).

ߛߌ߰ߦߙߐ߫ ߖߊ߬ߕߋ ߡߍ߲ ߝߍ߲߬ߛߍ߲߬ߣߍ߲߫ ߞߊ߬ߝߏ߬ߙߋ߲ ߦߋ߫߸ ߛߙߍߘߍ ߡߊ߬ߡߌ߬ߣߊ߬ߟߌ߬ߟߊ ߦߙߌߞߊ ߦߋ߫ ߓߍ߲߬ ߣߴߏ߬ ߟߋ ߡߊ߬.

ߦߙߐ߫ ߞߋߟߋ߲߫ ߡߊߜߟߍ߬ߦߊ߬ߣߴߊ߬ ߞߏ ߘߐ߫: ߝߏ߫ ߛߙߍߘߍ ߦߋ߫ ߓߍ߲߬ ߗߍ߭ ߣߌ߫ ߡߏ߬ߛߏ ߟߊ߫ ߞߊ߲ߧߊߟߌ ߞߛߊߞߊ ߡߊ߬߸ ߊ߬ ߘߐ߯ߦߊ߫ ߘߊ߫ ߢߊ߫ ߛߌ߫ ߡߊ߬ %߃߀ ߢߐ߲߰ ߦߋ߫ ߞߍ߫ ߡߏ߬ߛߏ ߘߌ߫، ߣߴߏ߬ ߕߍ߫߸ ߓߟߏ ߕߍ߫ ߛߌ߰ ߟߴߌ ߟߊ߫ ߡߊ߬ߡߌ߬ߣߊ߬ߟߌ ߞߘߐ߫.

ߦߙߐ߫ ߜߘߍ߫ ߝߣߊ߫ ߦߴߊ߬ ߘߐ߫ ߌߞߐ߫: ߞߊ߬ߝߏ߬ߙߋ߲ ߢߣߊߕߊߟߌ ߣߌ߫ ߥߛߊ߬ߘߋ߲߬ ߢߣߊߕߊߟߌ ߓߐߣߍ߲߫ ߠߋ߬ ߢߐ߲߯ ߡߊ߬߸ ߞߎߡߊߕߍ߫ ߞߊ߲ߕߌ߯ ߢߣߊߕߊߟ ߌߡߊ߬، ߊ߬ߟߋ ߘߐ߫߸ ߊ߬ ߕߍ߫ ߘߌߦߊߜߏߦߊ߫ ߘߌ߫ ߖߘߍ߬ߦߋ߬ ߡߊ߬ߡߌ߬ߣߊ߬ߟߌ߬ߟߊ ߟߎ߬ ߞߊ߲߬߸ ߞߏ߫ ߝߏ߫ ߊ߬ߟߎ߬ ߦߋ߫ ߞߐߡߊߓߌ߲ߓߌ߲ߓߊ߯ ߢߌߣߌ߲߫ ߛߌ߲߬ߝߏ߲߬ߘߊ߬ ߞߎ߲ߘߊ߫߸ ߏ߬ ߟߋ ߞߍߕߐ߫ ߡߐ߰ ߛߌߦߊߡߊ߲߫ ߞߎ߲߬ߠߊ߬ߘߌߦߊ߫ ߟߊ߫.

ߞߐߝߟߌ ߟߎ߬ ߟߊߥߊ߲߬ߞߊ߲

ߢߣߊߕߊߟߌ ߞߐߝߟߌ ߟߎ߬ ߦߋ߫ ߛߐ߰ ߟߊ߫ ߟߊߞߎ߲߬ߘߎ ߡߊ߬ ߢߣߊߕߊߟߌ߫ ߖߛߊ ߟߎ߫ ߟߋ߬ ߞߣߐ߫ ߡߎߣߎ߲߬߸ ߞߣߊ߬ߕߏ߫ ߊ߬ߟߎ߬ ߕߊ߲ߓߊ߲ߧߊ߫ ߟߊ߫ ߢߣߊߕߊߟߌ ߕߊ߲ߓߊ߲ߦߊߟߌ ߡߊ߬ߡߙߊ߬ߟߌ ߥߛߊ߬ߓߊ߰ߦߊ ߓߟߏ߫ (CACV)߸ ߏ߬ ߦߋ߫ ߞߍ߫ ߟߊ߫ ߕߋ߬ߟߋ߫ ߛߊ߬ߓߊ߫ ߟߋ߬ ߞߣߐ߫ ߢߣߊߕߊߟߌ ߞߐߝߍ߬ (ߞߵߊ߬ ߓߍ߲߬ ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߕߐ߲ߛߋ߲ ߂߃߉߲ ߝߐ߫ ߞߊ߲ ߡߊ߬).

ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߦߋ߫ ߞߐߝߟߌ ߟߎ߬ ߟߊߥߊ߲߬ߞߊ߲߬ ߠߊ߫ ߕߎ߬ߡߊ߬ߙߋ߲߬ ߇߂ ߞߎ߲߬ߕߊ߯ ߟߋ߬ ߞߣߐ߫ ߘߊߘߐߛߓߍ ߟߎ߬ ߟߊߛߐ߬ߘߐ߲ ߞߐ ߘߐ߫ ߊ߬ ߓߟߏ߫.

ߣߌ߫ ߡߐ߰ ߡߊ߫ ߛߐ߬ߘߐ߲߫ ߞߎ߲߬ߕߊ߰ ߟߊߕߍ߰ߣߍ߲ ߞߣߐ߫ ߛߊ߬ߙߌ߬ߦߊ߬ ߓߟߏ߫߸ ߞߊ߬ ߡߊ߬ߝߐ߬ߦߌ߲߬ߝߐ߬ߦߌ߲߬ߠߌ߲ ߞߍ߫߸ ߞߕߌߘߊ ߦߌߟߡߊ߫ ߝߟߐ ߘߌ߫ ߖߊߙߋ߫ ߞߐߝߟߌ߫ ߓߊ߲ߝߟߍ߬ߟߍ ߟߊߥߊ߲߬ߞߊ߲ ߠߊ߫، ߏ߬ ߘߐ߫߸ ߛߎߥߊ߲ߘߌߣߍ߲ ߠߎ߬ ߕߐ߮߸ ߊ߬ߟߎ߬ ߟߊ߫ ߟߐ߬ߖߟߎ ߞߊߓߋ߸ ߏ߬ ߘߎ߫ ߟߊߖߍ߲ߛߍ߲߫ ߝߘߏ߬ߓߊ߬ ߝߐ߯ߓߍ ߘߐ߫߸ ߊ߬ ߣߌ߫ ߢߣߊߕߊߟߌ ߞߌ߬ߓߊ߬ߙߏ߬ ߟߊ߬ߖߍ߲߬ߛߍ߲߬ ߦߙߐ ߕߐ߬ߡߊ ߓߍ߯.

ߞߊ߬ߝߏ߬ߙߋ߲߬ߕߌ߮ ߦߋ߫ ߛߎߥߊ߲ߘߌ߫ ߟߊ߫ ߢߣߊߕߊߟߌ ߞߐ ߟߋ߬ ߘߐ߫

ߞߊ߬ߝߏ߬ߙߋ߲ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߞߣߐ߫߸ ߟߥߊ߬ߟߌ߬ߟߌ ߦߋ߫ ߘߐߞߍ߫ ߟߊ߫ ߞߊ߬ߝߏ߬ߙߋ߲߬ߕߌ߮ ߣߴߊ߬ ߛߙߍߞߍ߫ ߝߌ߬ߟߊ߬ ߤߊ߲߯ ߥߐߙߐ߲ߝߌ߬ߟߊ߫ ߟߋ߬ ߟߊ߫߸ ߞߵߊ߬ ߓߍ߲߬ ߊ߬ߟߎ߬ ߟߊ߫ ߘߌ߲߬ߞߌߙߊ ߞߣߐ ߟߊ߫ ߓߏ߲߬ߧߊ ߡߊ߬.

ߢߣߊߕߊߟߌߟߊ ߟߎ߬ ߕߴߊ߬ߟߎ߬ ߟߊ߫ ߞߊ߬ߝߏ߬ߙߋ߲߬ߕߌ߮ ߛߎߥߊ߲ߘߌ߫ ߟߊ߫، ߡߍ߲ ߠߎ߬ ߛߎߥߊ߲ߘߌߣߍ߲߫ ߞߵߊ߬ߟߎ߬ ߞߍ߫ ߞߊ߬ߝߏ߬ߙߋ߲ ߞߏߟߊߕߍ߮ ߟߎ߬ ߘߌ߫߸ ߏ߬ ߟߎ߬ ߓߴߊ߬ߟߎ߬ ߟߊߘߍ߬ ߞߏߟߊߕߍ߮ ߟߎ߬ ߟߊ߫ ߟߊ߬ߘߍ߬ ߝߟߐߝߟߐ ߞߊ߲ߡߊ߬߸ ߏ߬ ߡߍ߲ ߦߋ߫ ߡߊߞߟߌ߫ ߟߊ߫ ߞߐߝߟߌ߫ ߓߊ߲ߝߟߍ߬ߟߍ ߟߊߥߊ߲߬ߞߊ߲ ߞߐ ߘߐ߫ ߕߟߋ߬ ߁߅ ߟߊ߫߸ ߏ߬ ߟߎ߬ ߘߌ߫ ߞߊ߬ߝߏ߬ߙߋ߲߬ߕߌ߮ ߛߎߥߊ߲ߘߌ߫ ߟߊ߬ߘߍ ߏ߬ ߘߐ߫، ߡߊ߬ߞߟߌ߬ߟߌ ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߟߊ߬ߘߍ ߘߌ߫ ߛߋ߫ ߡߊߞߟߌ߫ ߟߊ߫ ߓߊ߯ߙߊ߫ ߟߏ߲߫ ߝߟߐ ߡߊ߬ ߖߋ߬ߓߌ ߓߊ߲ߝߟߍ߬ߟߍ ߟߊߓߐ ߞߐ ߘߐ߫ ߌߞߘߐ߫.

ߢߣߊߕߊߟߌ ߦߋ߫ ߞߍ߫ ߟߊ߫:

  • ߜߎ߲߬ߘߎ ߟߋ߬ ߘߐ߫.
  • ߛߎߘߊ߲ߠߌ߲ ߖߊ߰ߟߋ߬ ߝߟߐ ߘߐ߫߸ ߏ߬ ߦߋ߫ ߓߐ߫ ߟߊ߫ ߞߊ߲ߧߊ߫ ߞߐߟߌߞߐߟߌ ߟߋ߬ ߘߐ߫.
  • ߖߊ߬ߟߋ߬ ߝߌߟߊߣߊ߲ ߕߊ ߦߋ߫ ߝߊ߲߬ߓߊ߬ߦߊ ߟߋ߬ ߓߟߏ߫.

ߣߴߊ߬ ߓߍ߲߬ ߘߊ߫ ߡߊ߬ߡߌ߬ߘߊ߬ߟߌ߬ߟߊ ߘߏ߫ ߟߎ߫ ߟߊ߫ ߞߊ߲߫ ߛߐ߬ߘߐ߲߬ߣߍ߲ ߞߊ߲ߧߊ ߡߊ߬߸ ߘߐ߬ߞߏ߬ߦߊ߬ߕߏ߬ߟߌ ߦߋ߫ ߞߍ߫ ߟߊ߫ ߡߏߏ߬ߛߏ ߟߋ߬ ߦߋ߫߸ ߣߴߏ߬ ߘߏ߲߬ ߕߍ߫߸ ߡߍ߲ ߦߋ߫ ߘߋ߲ߡߌߛߍ߲ ߘߌ߫.

ߞߊ߬ߝߏ߬ߙߋ߲߬ߕߌ߮ ߣߴߊ߬ ߛߙߍߞߍ ߟߎ߬ ߓߊ߯ ߛߎߥߊ߲ߘߌ߫ ߢߣߊߕߊߟߌ ߡߍ߲ ߘߐ߫߸ ߏ߬ ߞߐߖߋߓߌ ߦߋ߫ ߟߊߥߊ߲߬ߞߊ߲߬ ߠߊ߫ ߕߎ߬ߡߊ߬ߙߋ߲߫ ߂߄ ߠߋ߬ ߞߣߐ߫߸ ߞߵߊ߬ ߘߎ߲߫ ߞߊ߬ߝߏ߬ߙߋ߲ ߞߣߐ߫ ߦߋ߲߬߸ ߊ߬ ߣߌ߫ ߞߵߊ߬ ߟߊߡߌ߲߫ ߊ߬ߟߎ߬ ߛߊ߲ߘߐ߫ ߞߎ߲ߠߊߛߌ߮ ߡߊ߬߸ ߞߣߊ߬ߕߏ߫ ߊ߬

ߟߊߖߍ߲ߛߍ߲߫ ߠߊ߫ ߝߘߏ߬ߓߊ߬ ߝߐ߯ߓߍ ߘߐ߫.

ߟߊ߬ߘߍ ߦߋ߫ ߞߎ߲߬ߠߊߛߌ߰ ߟߊ߫ ߞߊ߬ߝߏ߬ߙߋ߲ ߞߏߟߊߕߍ߮ ߟߎ߬ ߘߐ߫ ߞߌ߬ߣߊ ߟߋ߬ ߓߟߏ߫߸ ߞߵߊ߬ ߓߟߏߡߊߘߍ߬ߡߍ߲߫ ߊ߬ߟߎ߬ ߓߍ߯ ߘߐ߫ ߘߋ߲ߡߌߛߍ߲߫ ߝߌ߬ߟߊ߬ ߟߊ߫ ߞߏߟߊߕߍ߮ ߟߎ߬ ߘߐ߫، ߣߌ߫ ߟߥߊ߬ߟߌ߬ߟߌ ߡߊ߫ ߛߋ߫ ߟߊߛߌ߰ ߟߊ߫ ߕߟߋ߬ ߁߅ ߞߎ߲߬ߕߊ߮ ߞߣߐ߫ ߢߣߊߕߊߟߌ ߞߐߝߟߌ ߟߊߓߐ ߞߐ ߘߐ߫߸ ߞߕߌߘߊ ߦߌߟߡߊ߫ ߝߟߐ ߘߌ߫ ߛߋ߫ ߟߊ߬ߛߌ߰ߟߌ ߞߍ߫ ߟߊ߫߸ ߓߊ߬ߙߌ߬ ߛߙߊߕߌ߫߸ ߞߏߟߊߕߍ߯ ߝߌ߬ߟߊ߫ ߢߐ߲߰ ߠߊ߫ ߡߞߊ߬ߛߌ߬ߟߌ ߦߋ߫ ߛߋ߫ ߦߋ߲߬.

ߞߕߌ߫ ߟߊߛߌ߮ ߘߏ߫ ߟߎ߫ ߘߌ߫ ߛߋ߫ ߞߍ߫ ߟߊ߫ ߢߣߊߕߊߟߌ ߘߐ߫

ߥߐ߬ߦߐ ߘߏ߫ ߟߎ߫ ߘߌ߫ ߛߋ߫ ߣߊ߬ ߟߊ߫ ߛߙߍߘߍ ߟߎ߬ ߟߊߘߏ߲߬ ߕߎߡߊ ߟߊ߫، ߣߌ߫ ߓߊ߲߬ ߞߍ߫ ߘߴߊ߬ ߡߍ߲ ߘߐ߫ ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߟߊ߫ ߓߏߟߏ߲ߝߘߊ ߘߏ߫ ߟߎ߫ ߓߟߏ߫߸ ߝߏ߫ ߓߊ߲߬ߒ߬ߘߐ ߏ߬ ߦߋ߫ ߢߊߝߐ߫ ߟߋ߬ ߛߓߍ ߘߏ߫ ߘߐ߫߸ ߞߊ߬ ߓߊ߲߫ ߞߊ߬ ߛߙߍߘߍ߫ ߟߊߘߏ߲ߠߊ ߟߊߟߐ߲ߠߌ߲߫ ߏ߬ ߞߏߢߊ ߟߊ߫ ߛߓߍ߫ ߟߊߘߏ߲ ߞߐ ߘߐ߫ ߕߟߋ߬ ߕߊ߲߫ ߢߐ߲߰ ߠߊ߫.

ߕߋ߬ߟߋ߫ ߝߌ߬ߟߊ߫ ߟߋ߬ ߘߌ߫ ߟߊ߫ ߛߓߍ߫ ߟߊߘߏ߲ߠߊ ߡߊ߬ ߏ߬ ߘߐ߫߸ ߞߊ߬ ߥߴߊ߬ ߡߊߘߊ߬ߛߌ߬ ߞߕߌߘߊ ߦߌߟߡߊ߫ ߝߟߐ ߟߊ߫߸ ߏ߬ ߡߍ߲ ߝߣߊ߫ ߞߍߕߐ߫ ߏ߬ ߞߏ ߛߌ߰ ߟߊ߫ ߞߟߊ߬ ߞߋߟߋ߲߫ ߠߊ߫ ߕߟߋ߬ ߟߏ߫ߟߎ߫ ߞߎ߲߬ߕߊ߯ ߞߣߐ߫، ߣߌ߫ ߛߐ߲߬ ߞߍ߫ ߘߊ߫ ߡߊ߬ߡߌ߬ߣߊ߬ߟߌ ߘߐ߫߸ ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߘߴߏ߬ ߟߊߞߎ߲߬ߘߎ߫ ߞߵߊ߬ ߟߊߖߍ߲ߛߍ߲߫߸ ߣߌ߫ ߡߊ߬ߞߐ߬ߣߐ߲߬ߠߌ߲߬ ߜߘߍ߫ ߛߌ߫ ߕߍ߫.

ߢߣߊߕߊߟߌ ߞߎ߲߬ߝߟߐ ߓߊ߯ ߓߊ߲߫ ߟߊߓߐ߫ ߟߊ߫߸ ߡߞߊ߬ߛߌ߬ߟߌ ߘߌ߫ ߛߋ߫ ߟߊߘߏ߲߬ ߠߊ߫ ߛߙߍߘߍ ߟߎ߬ ߘߐ߫ ߞߎ߲߭ ߠߎ߬ ߓߟߏ߫߸ ߥߟߊ߫ ߡߊ߬ߡߌ߬ߣߊ߬ߟߌ߬ߟߊ ߡߍ߲ ߟߐ߬ߒ߬ߞߋ߬ߟߦߊ߬ߣߍ߲߫߸ ߏ߬ ߦߋ߫ ߞߍ߫ ߟߴߏ߬ ߟߎ߬ ߓߟߏ߫ ߕߋ߬ߟߋ߫ ߛߊ߬ߓߊ߫ ߟߋ߬ ߞߣߐ߫، ߞߕߌߘߊ ߘߴߏ߬ ߞߏߢߊ ߛߌ߰ ߞߟߊ߬ ߞߋߟߋ߲߫ ߠߊ߫ ߕߎ߬ߡߊ߬ߙߋ߲߬ ߇߂ ߞߘߐ߫.

ߞߏ߫ ߝߌ߬ߟߊ߬ ߘߏ߫ ߘߐ߫ ߞߋߟߋ߲߫ ߘߌ߫ ߛߋ߫ ߞߍ߫ ߟߊ߫:

  • ߛߐ߲߬ ߞߍ ߢߣߊߕߊߟ ߌߞߐߝߟߌ ߡߊ߬ (ߏ߬ ߟߋ ߓߊ߲ߝߟߍ߬ߟߍ ߘߌ߫).
  • ߥߟߊ߫ ߓߊ߲߬ ߞߍ ߢߣߊߕߊߟߌ ߡߎ߰ߡߍ ߘߐ߫ ߞߵߊ߬ ߞߎ߲߭ ߞߍ߫ ߝߙߋߞߋ ߘߏ߫ ߟߎ߫ ߘߌ߫.

ߣߴߊ߬ ߕߏ߫ ߘߊ߫ ߢߣߊߕߊߟߌߘߐߛߊ߭ ߡߊ߬߸ ߞߎ߲߬ߠߊ߬ߛߌ߮ ߘߌ߫ ߢߣߊߕߊߟߌ߫ ߜߘߍ߫ ߛߌ߲߬ߝߏ߲߬ߧߊ߫ ߕߟߋ߬ ߆߀ ߞߎ߲߬ߕߊ߯ ߞߣߐ߫.

ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߞߊ߬ ߜߍߦߊ ߡߊߜߟߍ߬ߦߊ߫ ߟߋ߬: ߞߏߟߊߒߞߘߐߢߐ߲߯ߦߊ ߟߎ߬ ߞߐߝߍ߬߸ ߘߊߘߐߛߓߍ ߣߌ߫ ߢߣߊߕߊߟߌ߫ ߛߓߍߘߊ ߟߎ߬ ߟߊ߫ ߛߙߍߘߍ ߞߊ߫ ߞߊ߲߫ ߞߊ߬ ߟߊߖߍ߲ߛߍ߲߫ ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߟߊ߫ ߞߍߦߙߐ ߞߊ߲߬ ߠߋ߬، ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫߸ ߞߕߌߘߊ ߓߊ߯ ߓߊ߲߫ ߡߙߌߘߐ ߕߊ߬ ߟߊ߫ ߥߐ߬ߦߐ ߡߍ߲ ߞߊ߲߬߸ ߡߞߊ߬ߛߟߌ߬ ߜߘߍ߫ ߕߴߛߋ߫ ߞߍ߫ ߟߴߏ߬ ߞߊ߲߬ ߡߎ߬ߕߎ߲߬߸ ߏ߬ ߞߎߡߊ ߘߌ߫ ߝߐ߫ ߡߞߊ߬ߛߌ߬ߓߊ߰ߕߐ ߦߋ߫߸ ߞߵߊ߬ ߝߐ߫ ߢߣߊߕߊߟߌ ߛߌ߲߬ߝߏ߲߬ߘߊ ߝߣߊ߫ ߦߋ߫߸ ߛߊ߫ ߞߊ߬ ߡߙߌߘߐ ߏ߬ ߓߐ߫ ߊ߬ ߛߌߟߊ ߝߍ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.