ߞߵߊ߬ ߓߍ߲߬ ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߫ ߡߊ߬߸ ߗߍ߭ ߘߏ߫ ߟߋ߬ ߣߐ߬ ߊ߬ ߖߘߍ߬ ߞߍ߫ ߟߊ߫ ߘߊ߲ߘߊߟߌߟߊ߫ ߘߌ߫߸ ߞߊ߬ ߕߏ߫ ߡߐ߱ ߟߎ߬ ߡߊߝߟߍ߫ ߟߴߊ߬ ߟߊ߫ ߟߎ ߡߊ߬ ߛߐ߲߬߸ ߘߊ߲ߘߊߟߌ߫ ߡߎߙߊ߲߫ ߡߊߘߓߊ߬ߙߌ߬ߣߍ߲ ߘߏ߫ ߟߎ߫ ߦߴߊ߬ ߓߟߏ߫ ߦߋ߲߬، ߕߍ߮ ߞߍߣߍ߲߫ ߏ߬ ߟߋ ߘߐ߫ ߜ߭ߑߙߊ߲ ߦߐߝ ߕߐ߲ߓߟߏߡߊ ߟߎ߬ ߓߟߏ߫.
ߣߌ߲߬ ߞߍߣߍ߲߫ ߘߊ߬ߞߊ߯ߙߎ߫ ߟߋ߬߸ ߛߣߍ߬ߜ߭ߊߟߌ߫ ߞߎߓߋߘߊ ߟߊ߫߸ ߝߊ߰ߡߊ ߟߎ߫ ߣߐ߬ ߊ߬ߟߎ߬ ߕߍ߯ ߞߍ߫ ߟߊ߫ ߖߌ߬ߣߍ߬ߞߊ߫ ߘߊ߲ߘߊߟߌߟߊ߫ ߝߏߝߏ ߘߏ߫ ߟߋ߬ ߘߐ߫߸ ߡߍ߲ ߦߋ߫ ߘߊ߲ߘߊߟߌ ߞߍ߫ ߟߊ߫ ߛߊ߬ߙߌ߬ߦߊ߬ ߞߊ߲ߞߘߐߡߊ߬ ߞߌ߲߬ߘߊ߬ ߛߌߦߊߡߊ߲߫ ߞߣߐ߫ ߦߋ߲߬، ߟߌ߬ߤߟߊ ߡߍ߲ ߠߎ߬ ߛߐ߬ߘߐ߲߬ߣߍ߲߫ ߛߣߍ߬ߜ߭ߊߟߌ߫ ߞߌ߬ߓߊ߬ߙߏ߬ߘߊ߫ ߛߣߋߥߍߓ ߓߟߏ߫߸ ߊ߬ ߦߌ߬ߘߊ߬ߣߍ߲߫ ߞߏ߫ ߗߍ߭ ߘߏ߫ ߟߋ߬ ߣߌ߲߬ ߘߌ߫ ߕߋ߲߬߸ ߡߍ߲ ߕߐ߮ ߦߴߊ߲ ߓߟߏ߫ ߜߎ߬ߕߙߎ ߘߐ߫߸ ߊ߬ ߛߌ߭ ߦߋ߫ ߛߊ߲߬ ߓߌߣߊ߯ߣߌ߲߫ ߢߐ߲߰ ߘߐ߫߸ ߏ߬ ߟߋ ߡߌ߬ߣߊ߬ߣߍ߲߫ ߞߊߙ ߦߊߟߟߊ߫ ߂߀߂߅ ߣߍߣߍߓߊ ߕߋ߬ߟߋ߫ ߂߇ ߡߊ߬، ߞߊ߬ߕߎ߲߯߸ ߡߞߊ߬ߛߌ߬ߟߌ߫ ߟߋ߬ ߞߍߣߴߊ߬ ߞߊ߲߬߸ ߏ߬ ߞߏ ߢߊߢߌߣߌ߲ ߠߋ߬ ߣߐ߬ ߊ߬ ߞߍ߫ ߟߊ߫߸ ߤߊ߲߯ ߊ߬ ߟߊߞߏߟߐ߲߫ ߘߊ߫ ߢߊ ߣߌ߲߬ ߡߊ߬ ߞߊ߬ ߥߊ߫ ߕߍ߮ ߞߍ߫ ߊ߬ ߘߐ߫.
ߣߌ߲߬ ߞߏߢߊ ߓߍ߯ ߘߊߡߌ߬ߣߊ߬ ߘߊ߫ ߣߍߣߍߓߊ ߕߋ߬ߟߋ߫ ߂߃ ߟߋ߬ ߡߊ߬߸ ߗߍ߬ ߛߊ߲߬ ߓߌߥߐ߯ߙߐ ߘߏ߫ ߟߋ߬ ߥߊ߫ ߘߴߊ߬ ߡߊ߬߸ ߏ߬ ߕߐ߯ ߞߏ߫ ߛߌ߬ߟߊ߸ ߛߐ߲߬ ߖߊ߲ߞߊߙߏ ߟߋ߬ ߕߍ߬ߘߍ߫ ߏ߬ ߞߊ߲߬߸ ߏ߬ ߟߋ ߞߏߢߊ ߟߊߓߊ߲ߣߍ߲߫ ߗߍ߭ ߏ߬ ߟߊ߫ ߡߞߊ߬ߛߌ߬ߟߌ ߡߊ߬ ߜ߭ߑߙߊ߲߫ ߦߐߝ ߕߐ߲ߕߌ߯ߟߊ߫ ߡߎ߬ߕߎ߲߬ ߛߊ߫، ߊ߬ ߞߊ߬ ߘߊ߲ߘߊߟߌߟߊ߫ ߝߏߝߏ ߣߌ߲߬ ߡߊߝߌ߲߬ ߠߋ߬߸ ߘߏ߫ ߟߎ߫ ߦߴߊ߬ߟߋ ߡߍ߲ ߞߟߌ߫ ߟߊ߫ ߞߏ߫ <<ߜ߭ߊߛߑߔߊߙ>>߸ ߞߏ߫ ߏ߬ ߣߐ߬ ߛߍߝߊ ߥߊ߯ ߓߌߞߐ߬ߣߐ߲߬ߘߐ߫ (߄߅߀ ߀߀߀) ߓߐ߫ ߟߴߊ߬ ߓߟߏ߫ ߞߊ߲ߛߏ߲ߠߌ߲߫ ߓߟߏ ߡߊ߬߸ ߞߏ߫ ߊ߬ ߘߴߊ߬ ߘߊ߲ߘߊ߫، ߘߊ߲ߘߊߟߌߟߊ߫ ߝߏߝߏ ߣߌ߲߬ ߖߍ߬ߘߍ ߞߊ߬ ߗߍ߭ ߖߋ߬ߟߌߕߊ߬ ߟߋ߬ ߢߐ߲߯ߦߋ߫ ߞߏ߫ ߝߟߐ ߏ߬ ߘߐ߫߸ ߞߊ߬ ߓߊ߲߫ ߞߊ߬ ߖߌ߬ߦߊ߬ߖߟߎ ߘߏ߫ ߟߎ߫ ߦߌ߬ߘߊ߫ ߏ߬ ߟߊ߫߸ ߊ߬ ߓߘߊ߫ ߡߐ߱ ߡߍ߲ ߠߎ߬ ߘߐߓߛߏ߫߸ ߞߵߏ߬ ߞߍ߫ ߡߐ߱ ߟߎ߬ ߤߊ߲ߞߟߌ ߛߏ߲߬ߧߊ߬ߟߊ߲ ߘߌ߫ ߞߵߊ߬ߟߎ߬ ߟߊߛߐ߲߬ ߊ߬ ߦߋ߫.
ߕߐ߲ߓߟߏߡߊ ߟߎ߬ ߟߊߟߐ߲ߠߌ߲ ߡߍ߲ ߞߍ߫ ߘߊ߫ ߛߊ߫߸ ߏ߬ ߟߎ߬ ߝߣߊ߫ ߞߊ߬ ߝߊ߲߬ߝߘߊ ߘߏ߫ ߡߊߗߍ߲߬߸ ߞߊ߬ ߥߎߦߊ߫ ߖߊ߲ߞߊߙߏߕߐ ߘߏ߫ ߘߐߓߍ߲߬߸ ߊ߬ ߡߊ߫ ߛߋ߫ ߕߟߊ߫ ߟߊ߫ ߖߐ߭ ߏ߬ ߟߊ߫ ߝߋߎ، ߓߊߏ߬߸ ߜ߭ߊߛߑߔߊߙ ߡߌ߬ߣߊ߬ ߘߊ߫ ߝߊ߲߬ߝߘߊ ߏ߬ ߟߋ ߟߊ߫، ߞߊ߬ߕߎ߲߯߸ ߖߊ߲߬ߞߊߙߏ߬ߕߐ ߏ߬ ߥߊ ߡߊ߬ߝߟߍ߬ߟߌ߬ ߞߊ߲ߡߵߊ߬ ߓߘߊ ߦߋ߲߬߸ ߏ߬ ߣߌ߫ ߕߐ߲ߓߟߏߡߊ ߟߎ߫ ߟߋ߬ ߥߊ߫ ߘߊ߫ ߞߋߟߋ߲ߘߌ߫، ߊ߬ ߡߌ߬ߣߊ߬ ߘߊ߫ ߞߵߊ߬ ߛߐ߬ߘߐ߲߬ ߓߐ߬ߘߐ ߘߏ߫ ߦߴߊ߬ ߓߟߏ߫߸ ߘߊ߲ߘߊߟߌ߫ ߘߐߛߙߋ߫ ߝߏߝߏ߫ ߜߊ߲߰ߛߊ߲ ߦߴߊ߬ ߞߣߐ߫߸ ߡߊ߬ߝߟߍ߬ߟߌ߬ ߛߓߍ߫ ߂߅ ߦߴߊ߬ ߞߣߐ߫߸ ߡߍ߲ ߠߎ߬ ߘߐߞߏߟߏ߲ ߦߋ߫߸ ߓߊ߬ߙߵߊ߬ߟߎ߫ ߓߊ߬ߘߌ߬ߣߍ߲߫߸ ߊ߬ ߣߌ߫ ߡߊ߬ߝߟߍ߬ߟߌ߬ ߕߍ߯ߟߍ߲ ߣߌ߫ ߖߎ߯ߓߍߟߌ߫ ߛߓߍ ߘߏ߫ ߟߎ߫߸ ߞߵߏ߬ ߟߊ߫ ߡߏߦߌ߫ ߛߙߋߓߍ ߟߎ߬ ߞߊ߲߬߸ ߊ߬ ߣߌ߫ ߘߊ߲ߘߊߟߌ߫ ߡߎߙߊ߲߫ ߛߌߦߊߡߊ߲߫ ߕߊ߬ߣߍ߲ ߞߵߊ߬ ߟߊ߫ ߥߊߟߌߘߊ ߡߊ߬ߟߐ߲߬ ߔߊߔߘߊ ߞߊ߲߬.
ߊ߬ߟߋ߬ ߗߍ߭ ߦߋ߫ ߢߣߊߥߛߎ ߟߊ߫ ߕߋ߲߬، ߊ߬ ߓߘߊ߫ ߢߊߦߋ߫ ߞߏ߫ ߊ߬ ߓߊ߯ߙߊ߫ ߘߊ߫ ߘߊ߬ߞߊ߯ߙߎ߫ ߓߎ߬ߙߋ߬ ߛߌߦߊߡߊ߲߫ ߠߋ߬ ߞߣߐ߫߸ ߖߐ߲ߓߐ߲߫ ߕߴߊ߬ ߓߟߏ߫، ߞߏ߬ߣߵߊ߬ ߦߋ߫ ߘߊ߲ߘߊߟߌ߫ ߛߓߍ ߟߎ߬ ߘߌ߫ ߟߊ߫߸ ߊ߬ ߦߋ߫ ߡߊ߬ߝߟߍ߬ߟߌ ߟߎ߬ ߞߍ߫ ߟߊ߫ ߞߌ߲߬ߘߊ߬ ߓߐߣߍ߲߫ ߢߐ߲߰ ߡߊ ߟߎ߬ ߞߣߐ߫، ߒ߬ߓߊ߬߸ ߓߌ߬ߟߊ߬ ߞߍߣߴߊ߬ߟߋ ߞߐ߫ ߟߋ߬߸ ߞߏ߫ ߊ߬ ߓߘߊ߫ ߘߊ߲ߘߊߟߌ ߞߍ߫ ߛߊ߬ߙߌ߬ߦߊ߬ ߛߐ߬ߛߐ߬ ߓߟߏ ߡߊ߬߸ ߊ߬ ߣߌ߫ ߞߊ߬ߙߏ߲߬ߕߍ߮߸ ߞߵߏ߬ ߟߊ߫ ߕߐ߯ ߝߏߝߏ߫ ߟߊߡߌߣߊ ߞߊ߲߬߸ ߊ߬ ߣߌ߫ ߘߐ߬ߛߙߋ߬ ߛߏ߲߬ߧߊ߬ ߞߏ ߣߌ߫ ߥߎߦߊ ߣߌ߫ ߥߎߦߊ ߟߊߓߊ߯ߙߊ߸ ߊ߬ ߟߊߓߊ߲ ߘߐ߫߸ ߡߐ߰ ߜߘߍ ߟߊ߫ ߢߣߊߡߦߊ ߓߌ߬ߟߊ߬ ߖߐ߬ߘߐ ߘߐ߫߸ ߓߌ߬ߟߊ߬ ߞߍߣߴߊ߬ ߞߐ߫ ߣߌ߲߬ ߓߍ߯ ߟߋ߬ ߘߐ߫.
ߒ߬ߓߊ߬߸ ߝߊ߰ߡߊ ߟߎ߬ ߦߋ߫ ߡߍ߲ ߢߊߢߌߣߌ߲ ߞߊ߲߬ ߕߋ߲߬ ߛߊ߫߸ ߊ߬ ߟߊ߫ ߞߏ߫ ߛߋߣߍ߲߫ ߡߐ߱ ߡߍ߲ ߠߎ߬ ߡߊ߬߸ ߞߵߏ߬ ߟߎ߬ ߢߊߢߌߣߌ߲߫ ߞߵߊ߬ߟߎ߬ ߟߐ߲߫، ߞߏ ߥߊ߫ ߢߊ ߞߏ߬ߣߌ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߟߊ߫ ߝߙߋߞߋ ߓߍߣߊ߬ ߖߎ߯ߦߊ߫ ߞߏߛߓߍ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
Aucun commentaire pour le moment.