ߞߐߣߊߞߙߌ߫ ߞߕߌ߫ ߡߛߊߦߌ߲ߘߊ ߝߘߏ߬ߓߊ߬ ߞߕߌߓߋߟߋ߲ ߓߘߊ߫ ߟߊ߬ߛߋ߬ߟߌ߬ ߞߟߊߒߞߋ ߘߏ߫ ߞߍ߫ ߂߀߂߆ ߕߙߊߓߊ ߕߋ߬ߟߋ߫ ߂߁ ߣߌ߲߬ ߡߊ߬߸ ߞߊ߬ ߓߍ߲߬ ߛߌߞߊߒߡߊߓߊ߯ߕߐ ߘߏ߫ ߟߎ߫ ߡߌ߬ߣߊ߬ ߞߏ ߡߊ߬ ߓߊ߰ߓߊ߰ߟߌ߬ ߞߏ ߣߌ߫ ߓߊ߬ߓߊ߰ߟߌ߬ ߞߙߎ ߟߎ߬ ߞߏߟߊߘߍߢߐ߲߯ߦߊ ߞߏߛߐ߲߬ ߖߌ߬ߣߍ߬ ߞߊ߲ߓߍ߲ ߞߣߐ߫، ߣߌ߲߬ ߞߍ߫ ߘߊ߫ ߦߙߍߞߍߟߌߓߊ߫ ߟߋ߬ ߘߌ߫߸ ߖߌ߬ߣߍ߫ ߛߏ߬ߙߌ߬ߡߊ߬ߘߋ߲ ߠߎ߬ ߞߊ߬ ߡߍ߲ ߛߌ߰ ߛߋ߲߬ߠߊ߫ ߜߘߋߜߘߋߦߟߊ߫ ߕߌߢߍߟߌߟߊ߫ ߓߊ߬ߓߊ߰ߟߌ߬ߟߊ ߟߎ߫ ߞߍ߬ߟߍ ߘߊߞߎ߲ ߘߐ߫߸ ߡߍ߲ ߞߏߢߊ ߞߎ߬ߘߎ ߦߋ߫ ߖߡߊ߬ߣߊ ߞߊ߲ߠߊ߫ ߞߏߛߓߍ߫.

ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫߸ ߊ߬ ߦߌ߬ߘߊ߬ߣߍ߲߬ ߞߏ߫ ߕߍ߮ ߞߍߣߍ߲߫ ߡߐ߰ ߁߁ ߠߋ߬ ߘߐ߫߸ ߟߏ߲ߟߊ߲ ߠߎ߬ ߦߋ߫ ߡߍ߲ ߠߎ߬ ߘߐ߫߸ ߡߊ߬ߟߌ߬ߞߊ߫ ߡߐ߰ ߥߐߙߐ߲ߝߌ߬ߟߊ߬߸ ߖߋ߬ߟߌ߬ߓߟߊ߬ߞߊ߫ ߝߌ߬ߟߊ߬߸ ߓߙߎߞߌߣߞߊ߫ ߞߋߟߋ߲߫ ߣߌ߫ ߖߌ߬ߣߍ߬ߞߊ߬ ߞߋߟߋ߲߫، ߏ߬ ߟߎ߫ ߡߌ߬ߣߊ߬ ߘߊ߫ ߞߊ߬ߦߌ߯ ߂߀߂߅ ߞߏ߲ߞߏߘߓߌ߫ ߞߊߙߏ ߟߋ߬ ߟߊ߫߸ ߛߌ߯ߙߌ߲߫ ߡߙߊ߬ߓߊ߰ߘߊ ߞߣߐ߫߸ ߊ߬ ߣߌ߫ ߡߊ߲߬ߖߊ߲߬ߠߊ߫߸ ߞߵߊ߬ ߛߌ߰ ߞߊ߲ߞߊ߲߫ ߠߊ߫، ߓߊߏ߬߸ ߊ߬ߟߎ߬ ߡߊ߫ ߡߌ߬ߣߊ߬ ߦߙߐ߫ ߞߋߟߋ߲߫ ߘߐ߫.

ߘߐ߬ߛߏ߰ߙߋ߬ߟߌ ߣߌ߫ ߞߏߢߊߢߌߣߌ߲ ߠߎ߬ ߟߋ߬ ߞߍ߫ ߘߊ߫ ߕߙߎ߬ ߘߌ߫߸ ߤߊ߲߯ ߓߟߏ ߟߊ߫ ߘߊ߫ ߛߌߞߊߒߡߊߓߊ߯ߕߐ ߢߌ߲߬ ߠߎ߬ ߘߐ߫، ߡߊ߬ߟߌ߬ߞߊ߬ ߞߋߟߋ߲߫ ߦߴߊ߬ ߘߐ߫߸ ߞߏ߫ ߝߏߕߜ߭ߌ߫ ߘߊߥߎ߬߸ ߏ߬ ߡߌ߬ߣߊ߬ ߘߊ߫ ߞߊ߲ߞߊ߲߫ ߝߊ߬ߛߏ ߞߟߍ߬ߡߐ߰ߘߊ ߟߋ߬ ߓߟߏ߫، ߊ߬ߟߋ ߦߋ߫ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ߬ ߞߐߡߊߓߌ߲ߓߌ߲߫ ߞߙߎ ߓߏߟߏ߲ߝߘߊ ߘߏ߫ ߟߋ߬ ߛߌ߲߬ߝߏ߲ ߘߌ߫.

ߖߌ߬ߣߍ߬ ߞߕߌ ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߎ߬ ߟߊ߫ ߢߊ߬ߢߌ߬ߣߌ߲߬ߠߌ߲ ߠߎ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߡߌ߬ߣߊ߬ߓߊ߰ߕߐ ߢߌ߲߬ ߠߎ߬ ߣߌ߫ ߓߊ߰ߓߊ߰ߟߌ߬ߟߊ ߟߎ߬ ߓߟߏ߫ ߦߋ߫ ߢߐ߲߯ ߓߟߏ߫ ߓߟߐߟߐ ߞߊ߲߬ ߝߋߝߋ߫. <<ߘߐ߬ߛߏ߰ߙߋ߬ߟߌ ߟߎ߬ ߞߵߊ߬ ߦߌ߬ߘߊ߬ ߞߏ߫ ߗߋߛߓߍߢߐ߲߯ߦߊ߫ ߞߙߎ ߘߏ߫ ߦߴߊ߬ߟߎ߬ ߓߟߏ߫ (ߥߛߊߔ ߞߊ߲߬)߸ ߡߍ߲ ߠߎ߬ ߣߌ߫ ߛߛߞ ߓߟߏ߫ ߦߋ߫ ߢߐ߲߯ ߓߟߏ߫߸ ߊ߬ ߛߌ߲߬ߝߏ߲ ߥߊߣߍ߲߫ ߠߋ߬ ߝߏ߯ ߡߐ߰ ߅߁߃߸ ߡߍ߲ ߠߎ߬ ߛߌߦߊߡߊ߲ ߦߋ߫ ߖߌ߬ߣߍ߬ߞߊ ߟߎ߬ ߘߌ߫.>> ߟߊ߬ߛߋ߬ߟߌ߬ ߛߓߍ ߣߌ߲߬ ߞߵߏ߬ ߔߘߋߔߘߋߟߊߕߍ߰. ߞߙߎ ߡߍ߲ ߠߎ߬ ߦߴߊ߬ߟߎ߬ ߓߟߏ߫߸ ߏ߬ ߘߏ߫ ߟߋ߬ ߕߐ߯ ߞߏ߫ <<ߛ߭ߊ߬ߙߌߦߊ>>߸ ߊ߬ ߣߌ߫ <<ߘߊߙߎߟ ߝߊߕߑߥߊ>>߸ ߊ߬ ߣߌ߫ ߘߏ߫ ߝߣߊ߫ ߕߐ߯ ߞߏ߫ <<ߌߛߑߟߊߡ߸ ߟߎ߳ߣߌߞ ߛߏߟߎ߳ߛߌߦߐ߲ ߝߌߣߊߟ ߏ߬ ߡߐ߲ߘ>>߸ ߏ߬ ߡߍ߲ ߞߘߐ ߦߋ߫ ߞߏ߫ <<ߛߌ߬ߟߡߊ߬ߦߊ ߟߋ߬ ߘߎߢߊ߫ ߓߐߘߊ߫ ߟߊߓߊ߲ ߘߌ߫.>> ߡߐ߰ ߝߌ߬ߟߊ߫ ߡߌ߬ߣߊ߬ ߘߊ߫ ߣߌ߲߬ ߞߏ ߘߐ߫߸ ߞߋߟߋ߲ ߕߐ߯ ߞߏ߫ ߌߓߙߊߤߌߡ ߛߏ߸ ߏ߬ ߡߌ߬ߣߊ߬ ߘߊ߫ ߛߌ߯ߙߌ߲߫ ߠߋ߬߸ ߊ߬ ߕߐ߬ ߞߋߟߋ߲ ߕߐ߯ ߞߏ߫ ߛ߭ߍߞ ߌߓߙߊߤߌߡ ߛߝ߭ߊ߬ߣߋ߸ ߏ߬ ߡߌ߬ߣߊ߬ ߘߊ߫ ߞߐߣߊߞߙߌ߫ ߟߋ߬، ߊ߬ ߦߋ߫ ߘߊ߫߸ ߞߏ߫ ߡߐ߰ ߝߌ߬ߟߊ ߏ߬ ߟߎ߬ ߓߍ߯ ߛߋ߲߬ ߦߋ߫ ߓߊ߰ߓߊ߰ߟߌ߬ ߞߙߏߝߏ ߣߌ߲߬ ߘߐ߫߸ ߊ߬ߟߎ߬ ߦߋ߫ ߞߙߎ ߏ߬ ߟߎ߫ ߛߌ߲߬ߝߏ߲߬ ߞߟߏߡߊ ߟߎ߫ ߟߋ߬ ߘߌ߫ ߥߛߊߔ ߞߊ߲߬ ߝߋߝߋ߫.

ߡߍ߲ ߖߎ߯ߡߊ߲߫ ߣߌ߲߬ ߓߍ߯ ߘߌ߫߸ ߝߏߕߜ߭ߌ߫ ߘߊߥߎ߬ ߘߊߘߐߢߌ߬ߣߌ߲߬ߞߊ ߡߍ߲ ߞߍ߫ ߘߊ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ߫ ߛߐ߬ߘߐ߲߬ ߘߊ߫ ߞߏ߫ ߘߐ߫߸ ߣߴߏ߬ ߦߋ߫ <<ߡߐ߱ ߟߎ߫ ߡߌ߬ߣߊ ߘߌ߫߸ ߞߵߏ߬ ߟߎ߫ ߓߌ߬ߟߊ߬ ߞߏ ߘߍ߲߫ ߞߎ߲߬ߞߘߐ߬ߛߌ߮ ߘߏ߫ ߛߊ߬ߙߊ ߟߊ߫߸ ߞߵߊ߬ ߛߐ߬ߘߐ߲߬ ߖߡߊ߬ߣߊ ߕߴߊ߬ ߞߊ߬ߟߊߡߊ߬>> ߛߊ߬ߙߌ߬ߦߊ߫ ߘߏ߲߬ ߞߵߏ߬ ߟߊߕߐ߲߫ ߠߋ߬. ߞߊ߬ߕߎ߲߯߸ ߥߊߘߌ ߏ߬ ߟߎ߫ ߟߋ߬ ߞߍ߫ ߟߴߊ߬ߟߎ߬ ߓߟߏ߫ ߞߵߊ߬ߟߎ߬ ߡߊߘߍ߬ߡߍ߲߬ ߊ߬ߟߎ߬ ߟߊ߫ ߛߌ߲߬ߝߏ߲߬ߘߊ ߣߊ߲߬ߝߟߏ߬ ߞߏ ߟߎ߬ ߢߊߓߐ߫ ߟߊ߫߸ ߞߵߊ߬ߟߎ߬ ߟߊ߫ ߓߊ߯ߙߊ ߟߎ߬ ߞߍ߫ ߏ߬ ߥߊߘߌ߫ ߛߐ߬ߘߐ߲߬ߣߍ߲ ߠߎ߬ ߟߊ߫ ߓߊ߰ߓߊ߰ߟߌ ߘߊߞߎ߲ ߘߐ߫، ߊ߬ ߘߏ߲߬߸ ߖߡߊ߬ߣߊ ߞߏߟߊߕߐ߲ ߛߊ߬ߙߌ߬ߦߊ߬ߛߎ߲ ߞߵߏ߬ ߟߊߕߐ߲߫ ߠߋ߬.

ߡߐ߰ ߘߊ߲ߘߐ ߡߍ߲ ߠߎ߬ ߓߘߊ߫ ߛߋ߫ ߞߊߟߎߡ ߞߕߌߘߊ ߦߌߟߡߊ߫ ߝߟߐ ߢߊߞߘߐ߫߸ ߊ߬ߟߎ߬ ߡߊߝߌ߲߭ ߞߐ ߣߌ߲߬ ߘߐ߫߸ ߊ߬ߟߎ߬ ߓߘߊ߫ ߓߌ߬ߟߊ߬ ߞߕߌ߫ ߡߊߞߐߣߐ߲߫ ߥߛߎ ߟߊ߫ ߦߋ߲߬، ߏ߬ ߟߋ ߘߐ߫߸ ߝߘߏ߬ߓߊ߬ ߞߕߌߓߋߟߋ߲ ߞߵߊ߬ ߦߌ߬ߘߊ߬ ߞߏ߫ <<ߖߡߊ߬ߣߊ ߝߊ߰ߡߊ ߟߎ߬ ߓߌߣߍ߲߫ ߠߋ߬ ߣߌ߲߬ ߞߏ ߘߐ߫߸ ߞߵߊ߬ ߛߍ߲߬ߛߍ߲߫ ߊ߬ ߢߊ ߖߍ߬ߘߍߖߍ߬ߘߍ ߡߊ߬߸ ߛߊ߫ ߡߐ߱ ߟߎ߬ ߣߴߊ߬ߟߎ߬ ߓߟߏߝߋ߲ ߠߎ߬ ߘߌ߫ ߟߊߞߊ߲ߘߊ߲߫ ߖߡߊ߬ߣߊ ߝߊ߲߭ ߓߍ߯ ߟߊߘߍ߬ߣߍ߲ ߘߐ߫ ߢߊ ߡߍ߲ ߡߊ߬.>>

ߏ߬ ߛߌߟߊ߫ ߞߋߟߋ߲ ߠߋ߬ ߝߍ߬߸ ߊ߬ߟߎ߫ ߞߵߊ߬ߟߎ߬ ߞߊ߲ߠߊߘߌ߫ ߖߡߊ߬ߣߊ߬ߘߋ߲ ߠߎ߬ ߡߊ߬߸ ߊ߬ߟߎ߬ ߦߴߊ߬ߟߎ߬ ߞߊߘߊ߲߫ ߞߊ߬ ߛߋ߫ ߘߍ߬ߡߍ߲߬ ߠߊ߫ ߝߊ߰ߡߊ ߟߎ߫ ߞߊ߲߬߸ ߊ߬ߟߎ߬ ߓߊ߯ ߛߌߞߊ߫ ߞߏ߫ ߛߌ߫ ߣߌ߫ ߡߐ߰ ߛߌ߫ ߡߊ߬߸ ߏ߬ ߟߎ߬ ߦߋ߫ ߛߋ߫ ߞߎ߲߬ߘߐߦߌ߬ߘߊ߬ ߟߊ߫، ߊ߬ߟߎ߬ ߞߊ߲߫ ߞߏ߫ ߓߊ߰ߓߊ߰ߟߌ ߞߍ߬ߟߍ ߟߋ߬ ߦߋ߫ ߞߎ߲߬ߠߊ߬ߛߌ߮ ߟߊ߫ ߞߏ ߓߍ߯ ߢߍߝߍ߬ ߕߋ߲߬.

ߊ߲ ߞߏ߬ߣߌ߲ ߞߊ߬ ߞߏ ߘߏ߫ ߟߊߞߙߐ߬ߛߌ߫ ߣߌ߲߬ ߞߏ ߘߐ߫߸ ߕߍ߮ ߞߍ߫ ߘߊ߫ ߡߐ߱ ߢߌ߲߬ ߠߎ߬ ߘߏ߫ ߟߎ߫ ߘߐ߫ ߞߊ߬ߦߌ߯ ߂߀߂߅ ߞߏ߲ߞߏߘߓߌ ߟߋ߬ ߟߊ߫،ߟߊ߬ߛߋ߬ߟߌ ߡߊ߫ ߞߍ߫ ߏ߬ ߞߊ߲߬ ߝߏ߫ ߞߊߙߏ߫ ߁߁ ߕߊ߬ߡߌ߲ ߞߐߝߍ߬، ߕߎ߬ߡߊ߬ߘߐ߫߸ ߏ߬ ߦߋ߫ ߛߊ߬ߙߌ߬ߦߊ߬ ߟߊ߫ ߓߊ߯ߙߊ ߞߍߢߊ ߟߋ߬ ߘߌ߫ ߓߊ߬߸ ߞߊ߬ ߓߍ߲߬ ߣߌ߲߬ ߞߏ ߢߍ߬ߣߍ߲ ߥߊ߬ߙߊ ߡߊ߬، ߖߐ߲߰ߛߴߊ߬ߟߎ߬ ߘߴߊ߬ߟߎ߬ ߓߟߏ ߟߴߊ߬ ߓߊ ߘߐ߫ ߓߘߍߞߍ߭.

ߝߊ߰ߡߊ ߟߎ߫ ߞߏ߬ߣߌ߲ ߓߘߴߊ߬ߟߎ߬ ߞߊ߲ߠߊߘߌ߫ ߓߍ߯ ߡߊ߬߸ ߡߍ߲ ߓߊ߯ ߛߌߞߊ߫ ߌߞߘߐ߫߸ ߏ߬ ߦߋ߫ ߝߊ߰ߡߊ ߟߎ߬ ߟߊߟߐ߲ߠߌ߲߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.