ߖߌ߬ߣߍ߬ ߟߐ߲ߠߌ߲ߦߊ ߦߋ߫ ߛߎ߬ߣߎ߲ ߘߐ߫߸ ߛߏߘߌߦߊ߫ ߟߊߓߐߟߊ ߟߎ߫ ߕߊ߬ߣߍ߲ ߞߵߊ߬ ߟߊ߫ ߛߏߘߌߦߊ߫ ߘߐߜߍߟߊ ߟߎ߫ ߞߊ߲߬߸ ߏ߬ ߟߎ߬ ߓߍ߯ ߢߊߖߌߞߎߘߎ߲ߕߐ ߟߋ߬ ߕߋ߲߬، ߞߊ߬ߕߎ߲߯߸ ߞߐ߲ߘߗߍ ߟߋ߬ ߓߘߊ߫ ߘߎߢߊ߫ ߕߏ߫߸ ߞߵߊ߬ ߖߊ߲߬ߞߊ߬ߙߏ߬ߕߐ ߕߏ߫ ߘߎ߬ߓߙߋߞߊ߬ ߘߊ߲߲ߘߊߛߏ ߟߊ߫، ߊ߬ߟߋ ߡߍ߲ ߡߊߟߐ߲ߣߍ߲߫ ߡߐ߱ ߟߎ߬ ߓߟߏ߫ ߛߏߘߌߦߊ߫ ߛߌߦߊߡߊ߲߫ ߘߐ߫߸ ߊ߬ ߟߊ߫ ߖߊߡߊ߲ ߣߴߊ߬ ߟߊ߫ ߞߏߟߊߕߐ߲ ߘߐ߫߸ ߊ߬ ߞߊ߬ ߡߐ߱ ߟߎ߬ ߢߣߊߜߍ߫ ߝߊ߬ߛߊߟߌ߫ ߖߌ߬ߦߊ߬ߖߟߎ ߘߐ߫ ߞߏߛߓߍ߫.

 ߓߌ߬ ߞߊ߯ߙߌ ߣߌ߲߬ ߡߊ߬߸ ߂߀߂߆ ߓߌ߲ߠߊߥߎߟߋ߲ ߕߟߋ߬ ߁߁ ߡߊ߬߸ ߞߊ߬ߙߌ߬ߝߊߟߊ߬ ߞߐ߲ߘߍ߫ ߛߊ߲߬ߞߊ ߟߊߕߋ߬ ߘߊ߫߸ ߊ߬ߟߋ ߡߍ߲ ߞߊ߲߬ߕߐ߮ ߦߋ߫ <<ߓߋ߅߂ ߘߌ߫ ߥߟߊ߫ ߜ߭ߊ߬ߙߊ߲߬ ߓߋ>>، ߞߐ߬ߣߌ߲߬߸ ߓߍ߯ ߟߊߘߍ߬ߣߍ߲ ߞߵߊ߬ ߟߐ߲߫ ߕߐ߮ ߡߍ߲ ߡߊ߬߸ ߏ߬ ߟߋ ߞߐ߲ߘߞߍ ߘߌ߫، ߛߏߘߌߦߊ߫ ߟߊߓߐߟߊ ߣߌ߲߬ ߛߊ߬ ߘߊ߫ ߞߵߊ߬ ߕߏ߫ ߘߎ߬ߓߙߋߞߊ߬߸ ߞߐߣߊߞߙߌ߫ ߡߙߊ ߘߐ߫߸ ߊ߬ ߟߊߟߊߣߍ߲߫ ߕߍ߬ߘߍ߫ ߦߋ߲߬ ߡߍ߲ ߘߐ߫ ߕߟߋ߬ ߘߊ߲ߘߐ ߣߌ߲߬ ߞߣߐ߫ ߖߊ߲߬ߞߊߙߏ ߞߏߛߐ߲߬.

ߗߍ߭ ߣߌ߲߬ ߦߋ߫ ߓߐ߫ ߟߊ߫ ߜߊ߲ߥߏߙߌߦߊ߫ ߟߋ߬߸ ߏ߬ ߦߋ߫ ߝߙߊߣߊ߫ ߟߋ߬ ߘߐ߫، ߞߐ߲ߘߞߍ ߞߊ߬ ߛߊ߲߬ ߦߙߌߞߊ߫ ߟߋ߬ ߞߍ߫ ߛߏߘߌߦߊ߫ ߘߐ߫ ߝߟߐ߫ ߣߌ߫ ߓߌ߬ ߘߐ߫߸ ߊ߬ ߕߐ߮ ߦߋ߫ ߓߍ߯ ߘߊ߫، ߊ߬ ߡߊߟߐ߲ߣߍ߲߫ ߡߐ߰ ߛߌߦߊߡߊ߲߫ ߓߟߏ߫߸ ߞߵߊ߬ ߕߎ߬ߙߎ ߞߍ߫ ߡߎ߲߬ ߘߌ߫߸ ߊ߬ ߞߋߟߋ߲߫ ߔߋ߫ ߟߋ߬ ߊ߬ ߛߎ߮ ߘߌ߫߸ ߊ߬ ߣߌ߫ ߡߐ߰ ߘߍ߬ ߕߴߏ߬ ߘߌ߫، ߊ߬ ߟߊ߫ ߖߊߡߊ߲߸ ߣߴߊ߬ ߟߊ߫ ߕߎ߬ߢߊ߬ ߟߊ߬ߝߛߊ ߟߋ߬ ߘߐ߫ ߛߏߘߌߦߊ߫ ߟߎ߫ ߘߐ߫، ߡߍ߲ ߠߎ߬ ߖߊ߲߬ ߦߋ߫ ߝߊ߬ߛߊߟߌ߫ ߘߐ߫߸ ߡߍ߲ ߠߎ߬ ߖߊ߲߬ ߦߋ߫ ߛߏߘߌߦߊ߫ ߜߘߍ߫ ߟߎ߫ ߘߐ߫߸ ߦߏ߫ ߛߎ߬ߕߎߙߊ ߟߋ߬ ߘߎߢߊ߫ ߞߏ ߟߎ߬ ߟߊ߫߸ ߏ߬ ߟߎ߫ ߞߵߊ߬ ߟߐ߲߫ ߞߏߛߓߍ߫، ߊ߬ ߞߍ߫ ߘߊ߫ ߛߏߘߌߦߊ߫ ߝߊ߲߬ߞߊߘߏ߲߬ߓߊ߮ ߟߋ߬ ߘߌ߫.

ߞߐ߲ߘߞߍ ߓߘߊ߫ ߛߊ߬߸ ߊ߬ ߓߘߊ߫ ߛߏߘߌߦߊ߫ ߛߊ߬ߓߊ߰ߕߐ߬ ߞߘߐ ߘߏ߫ ߟߎ߫ ߣߐ߭ߡߌ߬ߣߊ߬߸ ߞߊ߱ߓߌ߬ߣߍ߬ ߣߌ߫ ߓߍ߲ߜ߭ߊߖ߭ߌ߫߸ ߖߋ߬ߛߎ߬ ߞߎߦߊߕߍ߫ (ߗߡߍ߬ ߛߏߘߌߦߊ߫)߸ ߊ߬ߟߌ߬ߡߊߡߌ߲߬ ߞߎߦߊߕߍ߫ (ߞߏ߬ߟߏ߲߬ ߛߏߘߌߦߊ߫) ߓߟߏߞߏߖߌ߫ ߟߊߣߍ߲ ߊߡߌߣߊߕߊ߬ ߓߊߟߑߘߋ߬ ߟߎ߫ ߞߊ߲߬߸ ߛߙߍߘߍ ߖߊ߲߰ߡߊ߲߬ ߞߏߛߓߍ߫، ߞߐ߲ߘߞߍ ߖߍ߬ߘߍ ߛߋ߲߬ߘߏ߲߬ߢߐ߲߮߸ ߡߊ߬ߡߊ߬ߘߌ߬ ߞߎߦߊߕߍ߫ (ߞߎ߲߬ߕߞߏ߬)߸ ߞߵߏ߬ ߟߊ߫ ߡߎߛߊ߫ ߞߋߕߊ߬ ߞߊ߲߬ (ߞߏ߬ߝߏߦߌ߬)، ߏ߬ ߟߎ߬ ߓߍ߯ ߓߘߊ߫ ߘߎߢߊ߫ ߕߏ߫߸ ߊ߬ ߣߌ߫ ߛߌߦߊߡߊ߲߫ ߜߘߍ߫ ߟߎ߫.

ߒ߬ߓߊ߬߸ ߛߏߘߌߦߊ߫ ߡߐ߰ߓߊ ߟߎ߬ ߦߋ߫ ߥߊ ߞߊ߲߬߸ ߖߊ߲߬ߞߊߙߏ ߦߋ߫ ߘߏ߫ ߟߎ߫ ߛߋ߲߬ߘߐ߫߸ ߕߟߋ߬ ߞߎߘߊ ߣߌ߲߬ ߘߋ߲ߡߌߛߍ߲ ߠߎ߬ ߞߊ߫ ߞߊ߲߫ ߞߵߊ߬ߟߎ߬ ߢߊ ߟߐ߬ ߞߘߐ߬ߡߊ߲ ߠߎ߬ ߘߐ߫߸ ߛߏߘߌߦߊ߫ ߡߐ߬ߟߐ߲ ߞߊߣߊ߬ ߕߊ߬ߡߌ߲߫ ߖߌ߰ ߟߊ߫ ߡߐ߰ߓߊ ߟߎ߬ ߟߊ߫ ߛߊ߬ߦߊ ߞߐ ߘߐ߫߸ ߊ߬ ߦߋ߫ ߞߍ߫ ߦߟߍ߬ ߝߋ߲ ߠߋ߬ ߘߌ߫،ߞߐ߲ߘߞߍ ߓߘߊ߫ ߛߊ߬߸ ߞߵߊ߬ ߛߐ߬ߘߐ߲߬ ߊ߬ ߣߴߊ߬ ߛߋ߲߬ߘߏ߲߬ߢߐ߲߮ ߠߎ߫ ߞߊ߬ ߓߏ߲߬ߓߊ߬ ߞߍ߫ ߡߊ߲߬ߘߋ߲߬ ߡߐ߬ߟߐ߲ ߞߘߐߕߊ߭ ߘߐ߫.

ߣߴߊ߬ ߕߏߕߐ߫ ߛߊ߬ߦߊ ߟߋ߬ ߡߊ߬߸ ߊ߲ ߧߴߊ߲ ߘߐߖߊ߬ ߞߊ߬ ߞߍ߫ ߘߏߞߍߟߊ ߘߌ߫߸ ߊ߬ߟߎ߬ ߟߊ߫ ߖߌ߬ߦߊ߬ߖߟߎ ߟߎ߬ ߓߘߊ߫ ߞߍ߫ ߛߌ߲ߞߐ߲ ߘߌ߫߸ ߏ߬ ߕߍ߫ ߞߍ߫ ߕߎߣߎ߲߫ ߝߋ߲߫ ߘߌ߫ ߡߎ߬ߕߊ߬، ߒ߬ߓߊ߬߸ ߊ߲ ߧߴߊ߲ ߘߐߖߊ߬ ߞߊ߬ ߛߓߍߟߌ ߝߙߊ߬ ߓߟߏߟߊ߫߸ ߞߊ߬ ߛߴߊ߲ ߠߊ߫ ߛߏߘߌߦߊ߫ ߟߊߓߐߟߊ ߟߎ߬ ߟߊ߫ ߘߐ߬ߝߐ ߟߊߘߊ߲߫ ߠߊ߫، ߣߴߏ߬ ߕߍ߫߸ ߣߌ߫ ߡߍ߲ ߠߎ߬ ߛߊ߬ ߘߊ߫߸ ߏ߬ ߦߴߏ߬ ߟߎ߬ ߓߊ߲ߣߍ߲ ߠߋ߬ ߘߌ߫، ߏ߬ ߟߋ ߣߌ߫ ߡߊ߬ߕߊ߲ߞߊ ߞߊ߫ ߞߊ߲߫ ߡߎ߬ߕߎ߲߬.

ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߟߊ߫ ߘߎ߬ߥߊ߬ߥߎ ߦߴߊ߬ ߦߋ߫߸ ߊߟߊߡߵߊߟߊ߫ ߤߌߣߊ߫ ߘߴߊ߬ ߟߊ߫߸ ߞߵߊ߬ ߞߐ ߣߴߊ߬ ߢߍ ߘߐߓߍ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.