ߞߎߣߎ߲ߟߏ߲ ߂߀߂߆ ߞߏ߲ߞߏߜߍ ߕߟߋ߬ ߁߁߸ ߕߊ߫ ߥߎ߬ߣߊ߲߬ߞߏߙߏ߲ ߠߋ߬ ߓߐ߫ ߘߊ߫ ߓߊ߲߬ߞߐ߫ ߛߎ߬ߥߊ߬ߙߋ߬ߟߊ߫߸ ߞߊ߬ ߓߟߏߝߋ߲߫ ߛߌߦߊߡߊ߲߫ ߕߌߢߍ߫، ߓߏ߲߫ ߛߌߦߊߡߊ߲߫ ߕߊ߬ߣߍ߲ ߞߵߊ߬ ߟߊ߫ ߡߎ߬ߙߊ߲ ߠߎ߬ ߞߊ߲߬߸ ߏ߬ ߟߎ߫ ߟߋ߬ ߖߋ߬ߣߌ߲߬ ߘߊ߫ ߕߊ ߣߌ߲߬ ߓߟߏ߫ ߞߎߙߍ߫، ߊ߬ ߓߘߊ߫ ߘߏ߫ ߟߎ߫ ߓߌ߬ߟߊ߬ ߓߏߒߕߊ߲ߧߊ ߘߐ߫߸ ߞߊ߬ ߖߌ߰ߕߍ߮ ߟߊߘߏ߲߬ ߞߐߙߍ߫ ߛߌߦߊߡߊ߲߫ ߞߣߐ߫.

ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߕߊ ߣߌ߲߬ ߓߐ߫ ߘߊ߫ ߛߊߟߌߝߣߊ߫ ߥߊ߯ߕߌ ߟߋ߬ ߟߊ߫، ߞߊ߬ ߓߏ߲߫ ߕߊ߲߫ ߖߋ߬ߣߌ߲߬߸ ߜߊ߬ ߛߓߊ߬߸ ߔߏߔߏ߫ ߥߐ߯ߙߐ߫߸ ߊ߬ ߣߌ߫ ߣߌߘߐ߫ ߛߓߊ߬߸ ߞߵߏ߬ ߟߊ߫ ߞߐ߲߬ߛߏ߬ ߞߋߟߋ߲߫ ߞߊ߲߬߸ ߕߊ ߞߵߏ߬ ߟߎ߬ ߞߍ߫ ߟߋ߬ ߞߎߙߍ߫، ߕߊ ߟߊ߫ ߖߋ߬ߣߌ߲߬ߠߌ߲ ߝߊ߲߬ߞߊ ߥߊ߬ߙߊ ߞߏߛߐ߲߬߸ ߓߟߏߝߋ߲߫ ߛߌ߫ ߡߊ߫ ߛߋ߫ ߛߐ߬ߘߐ߲߬ ߠߊ߫ ߓߏ߲߫ ߖߋ߬ߣߌ߲߬ߣߍ߲ ߢߌ߲߬ ߠߎ߬ ߞߣߐ߫ ߝߊߦߌߘߊ߫.

ߓߟߏߝߋ߲߫ ߖߋߣߌ߲ ߏ߬ ߟߎ߫ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߛߣߍ߬ ߛߎߡߊ߲ ߛߌߦߊߡߊ߲߫ ߠߋ߬ ߕߌߢߍ߫ ߘߊ߫߸ ߞߵߊ߬ߟߎ߬ ߞߍ߫ ߛߌ߬ߛߌ ߘߌ߫، ߝߊߘߌߦߊߓߐ ߟߎ߫ ߕߊ߬ߣߍ߲ ߞߵߊ߬ ߟߊ߫ ߡߊ߬ߖߐ߯ߙߊ߲ ߠߎ߬ ߞߊ߲߬߸ ߕߊ ߞߵߏ߬ ߟߎ߬ ߛߌߦߊߡߊ߲߫ ߠߋ߬ ߖߋ߬ߣߌ߲߬، ߞߎ߲߬ߠߊ߬ߘߌߦߊ ߞߍ߫ ߘߊ߫ ߡߍ߲ ߘߌ߫߸ ߡߐ߰ ߡߊ߫ ߓߐ߬ߣߐ߫ ߊ߬ ߣߌ ߘߐ߫.

ߞߵߊ߬ ߓߍ߲߬ ߕߊ ߢߌ߲߬ ߠߊ߫ ߕߌߢߍߟߌ ߡߊ߬߸ ߊ߬ ߣߴߊ߬ ߡߊ߲߬ߕߙߐ ߣߐ߬ ߡߍ߲ ߠߎ߬ ߓߌ߬ߟߊ߬ ߟߊ߫ ߞߣߍߡߊ߫ ߛߌ߯ߟߌ ߘߐ߫߸ ߊ߬ߟߎ߬ ߢߌߣߌ߲ߣߍ߲߫ ߡߊ߬ߜߍ߲ ߡߊ߬ ߕߋ߲߬ ߞߏߛߓߍ߫.

ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߞߏ߬ߣߌ߲ ߡߊ߫ ߛߋ߫ ߕߊ ߣߌ߲߬ ߓߐ ߞߎ߲߬ ߖߐ߲ߖߐ߲ ߛߐ߬ߘߐ߲߬ ߠߊ߫.

ߖߐ߲߬ߡߊߛߌߣߌ߲ߟߐ߲߫ ߞߊ߬ߟߐ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊߓߊ߮ ߘߏ߫ ߛߌ߯ߙߌ߲߫