ߛߏߕߌ߯ ߓߏߟߏ߲ ߠߊ߫ ߞߊ߬ߛߙߋ߬ߡߊ߬ߟߊ ߞߐ ߘߐ߫߸ ߞߊ߲ߞߊ߲߫ ߞߕߌ߫ ߡߛߊߦߌ߲ߘߊ ߝߘߏ߬ߓߊ߬ ߞߕߌߓߋߟߋ߲ ߝߣߊ߫ ߓߘߊ߫ ߘߐ߬ߛߏ߰ߙߋ߬ߟߌ߬ ߞߏ ߝߐ߫ ߣߌ߲߬ ߞߏ ߘߐ߫߸ ߞߊ߬ ߓߊ߲߫ ߞߵߊ߬ ߞߊ߲ߠߊߘߌ߫ ߖߡߊ߬ߣߊ߬ߘߋ߲ ߠߎ߬ ߡߊ߬߸ ߞߏ߫ ߓߍ߯ ߦߋ߫ ߘߍ߬ߡߍ߲߬ ߢߐ߲߮ ߞߊ߲߬ ߝߘߏ߬ߓߊ߬ ߝߋ߲ ߠߎ߬ ߟߊߕߊ߲߬ߞߊ ߘߐ߫.

ߞߊ߲ߞߊ߲߫ ߞߕߌ߫ ߡߛߊߦߌ߲ߘߊ ߝߘߏ߬ߓߊ߬ ߞߕߌߞߊ߲ߘߊ ߓߘߊ߫ ߞߎ߲߬ߘߐ߬ߦߌ߬ߘߊ߬ߟߌ ߘߏ߫ ߞߍ߫ ߟߊ߬ߛߋ߬ߟߌ ߘߏ߫ ߘߐ߫ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߉ ߣߌ߲߬ ߡߊ߬߸ ߞߵߊ߬ ߓߍ߲߬ ߞߊ߲ߞߊ߲߫ ߛߏ߫ ߞߣߐߟߊ ߢߎߡߍߞߏ ߜߊ߲߬ߞߎ߲߬ߢߐ߲߰ߠߊ ߓߊ߯ߙߊ߫ ߡߎߙߊ߲ ߘߏ߫ ߟߎ߫ ߛߏ߲߬ߧߊ߬ ߞߏ ߡߊ߬، ߝߘߏ߬ߓߊ߬ ߞߕߌߞߊ߲ߘߊ ߡߊߙߑߥߊߣ ߓߊߟߑߘߋ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߛߎ߬ߣߎ߲߬ߣߍ߲ ߠߋ߬ ߣߐ߬ ߣߌ߲߬ ߞߎߡߊ ߡߍ߲߫ ߠߊ߫߸ <<ߞߵߊ߬ ߓߍ߲߬ ߛߊ߬ߙߌ߬ߦߊ߬ ߛߐ߬ߛߐ߬ ߓߊ߯ߙߊ ߣߌ߲߬ ߡߊ߬.>> ߏ߬ ߟߋ ߘߐ߫߸ ߊ߬ ߓߘߊ߫ ߞߊ߲߬ߞߊߙߌ ߟߊ߫ ߓߍ߯ ߦߋ߫߸ ߡߍ߲ ߠߎ߬ ߛߋ߲߬ ߦߋ߫ ߕߊ߬ߟߌ߬ ߞߏ ߣߌ߲߬ ߘߐ߫߸ ߡߍ߲ ߠߎ߬ ߦߋ߫ ߖߊ߬ߡߊ ߟߊ߫ ߢߎߡߍ߫ ߟߊߛߐߘߐ߲߫ ߦߙߐ ߣߌ߲߬ ߝߋ߲ ߠߎ߬ ߕߊ߭ ߞߊ߲߬߸ ߊ߬ ߓߘߴߊ߬ ߖߊ߬ߛߙߋ߫ ߞߊ߬ߛߙߋ߫.

ߊ߬ ߟߊ߫ ߟߊ߬ߛߋ߬ߟߌ ߣߌ߲߬ ߘߐ߫߸ ߊ߬ ߞߊ߲߫ ߞߏ߫: <<ߡߐ߰ ߛߌ߫ ߛߋ߲߬ ߦߋ߫ ߘߊ߫ ߣߌ߲߬ ߞߏ ߘߐ߫߸ ߡߍ߲ ߞߵߊ߬ ߞߍ߫ ߓߊ߬߸ ߡߍ߲ ߕߐ߮ ߜߊ߬ߛߌ߬ ߘߴߊ߬ ߟߊ߫ ߓߊ߬߸ ߡߐ߰ ߛߌ߫ ߞߊ߬ ߖߊ߬ߕߋ߬ߘߐ߬ߛߌ߮ ߣߌ߲߬ ߓߊ߯ߙߊ߫ ߡߎߙߊ߲ ߠߎ߬ ߕߊ߬߸ ߏ߬ ߘߌ߫ ߣߐ߬ߝߍ߬ߜߍ߲߫ ߞߵߊ߬ ߞߕߌ߫ ߞߊ߬ ߞߏߟߊߕߐ߲߫ ߊ߬ ߟߊ߫ ߦߏ߫ ߛߊ߬ߙߌ߬ߦߊ߬ ߛߓߍ ߟߎ߫ ߞߵߊ߬ ߝߐ߫ ߢߊ ߡߍ߲ ߡߊ߬.>> ߊ߬ ߞߊ߬ ߖߊ߬ߡߊߙߌ ߘߌ߫ ߞߊ߲ߓߍ߲ ߞߕߌߞߊ߲ߘߊ ߟߎ߬ ߣߌ߫ ߖߏߣߡߊߞߕߌߘߊߟߋ߲ ߠߎ߬ ߡߊ߬߸ ߡߍ߲ ߠߎ߬ ߘߍ߲ߣߍ߲߫ ߞߊ߲ߞߊ߲߫ ߞߕߌ߫ ߡߛߊߦߌ߲ߘߊ ߟߊ߫߸ ߞߏ߫ ߞߊ߬ ߘߐ߬ߛߏ߰ߙߋ߬ߟߌ ߛߌ߰ ߛߋ߲߬ߠߊ߫ ߣߌ߲߬ ߞߏ ߘߐ߫߸ ߊ߬ ߞߍߓߊ߮ ߟߎ߫ ߓߊ߬߸ ߊ߬ߟߎ߫ ߛߋ߲߬ߘߏ߲߬ߢߐ߲߮ ߠߎ߫ ߓߊ߬߸ ߞߵߊ߬ߟߎ߬ ߓߍ߯ ߣߐ߬ߝߍ߬ߜߍ߲߫.

ߞߕߌߓߋߟߋ߲ ߠߊ߫ ߞߎߡߊ ߣߌ߲߬ ߞߍߣߍ߲߫ ߛߏߕߌ߯ ߓߏߟߏ߲ ߕߊ ߘߎ߰ߛߊ߬ߜߍ ߟߋ߬ ߡߊ߬߸ ߏ߬ ߟߎ߬ ߡߍ߲ ߠߎ߬ ߝߣߊ߫ ߞߵߊ߬ ߦߌ߬ߘߊ߬ ߂߀߂߆ ߓߌ߲ߠߊߥߎߟߋ߲ ߕߟߋ߬ ߈ ߡߊ߬߸ ߞߏ߫ ߊ߬ߟߎ߬ ߦߴߊ߬ߟߎ߫ ߞߊ߬ߛߙߋ߬ߡߟߊ߬ ߟߊ߫ ߓߍ߯ ߟߊߘߍ߬ߣߍ߲ ߦߋ߫، ߊ߬ߟߎ߬ ߟߊ߫ ߓߋߟߋ߲ߕߌ߮ ߡߏ߬ߤߊ߬ߡߍ߬ߘ ߟߊ߬ߡߌߣ ߞߊ߬ߓߊ߸ ߡߍ߲ ߞߊ߲߬ߕߐ߮ ߦߋ߫ ߙߌ߲ߜ߭ߏ߫ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߞߏ߫ ߛߎ߮ ߏ߬ ߟߎ߬ <<ߡߊߡߊ߬ߟߏ߬ߦߊ߬ߣߍ߲߫ ߠߋ߬>> ߊ߬ ߣߌ߫ ߞߏ߫ <<ߛߏߕߌ߮ ߖߎ߬ߛߎߞߊ߬ߛߌ߬ߣߍ߲ ߣߐ߬ ߞߎߡߊ ߡߍ߲ ߡߍ߲߫ ߠߊ߫߸ ߣߊߟߌ߬ߡߎ߲߫ ߜߊ߲߬ߞߎ߲߬ߢߐ߲߰ߠߊ߬ ߢߎߡߍ ߣߌ߲߬ ߓߊ߯ߙߊ߫ ߝߋ߲ ߠߎ߬ ߛߏ߲߬ߧߊ ߘߌ߫، ߏ߬ ߣߐ߬ ߛߏߕߌ߮ ߕߙߐ߫ ߟߊ߫ ߟߋ߬ ߢߊ ߓߍ߯ ߡߊ߬.>>

ߞߵߊ߬ ߓߍ߲߬ ߊ߬ ߞߏ ߟߊ߫ ߖߎ߯ߦߊ ߡߊ߬߸ <<ߡߍ߲ ߓߊ߯ ߡߌ߬ߣߊ߬߸ ߞߏߟߊߕߐ߲ ߡߍ߲ ߝߐߣߍ߲߫ ߖߡߊ߬ߣߊ ߛߊ߬ߙߌ߬ߦߊ ߞߣߐ߫߸ ߊ߬ߟߎ߬ ߦߴߏ߬ ߞߕߌ߫ ߏ߬ ߛߊ߬ߙߌ߬ߦߊ߬ ߜߍߟߍ߲ ߠߊ߫.>> ߊ߬ ߞߵߊ߬ ߦߌ߬ߘߊ߬ ߝߣߊ߫߸ <<ߣߴߊ߬ߟߎ߫ ߞߊ߬ ߡߍ߲ ߦߋ߫ ߏ߬ ߞߐߛߊ߯ߘߊ߫ ߟߊ߫߸ ߒߠߋ ߘߋ߲ ߠߋ߬߸ ߒߠߋ ߓߏߙߌ߲߫߸ ߒ ߠߊ߫ ߟߊ߬ߡߐ߰ߘߋ߲ ߠߋ߬߸ ߊ߬ߟߎ߬ ߦߴߏ߬ ߕߌ߱ ߝߣߊ߫ ߡߌ߬ߣߊ߬ ߞߵߊ߬ ߟߴߊ߬ ߞߊ߲߬. ߕߌߢߍߟߌߟߊ ߡߍ߲ ߠߎ߬ ߦߴߏ߬ ߘߌ߫߸ ߡߐ߰ ߛߓߍ߫ ߘߋ߲߫ ߠߎ߫ ߕߍ߫، ߡߐ߰ ߡߊ߲߫ ߞߊ߲߫ ߞߵߊ߬ߟߎ߬ ߟߊ߫ ߘߋ߲ߧߊ߫ ߡߊߞߊ߬ߛߌ߬، ߓߊ߸ ߊ߬ߟߎ߫ ߣߐ߬ ߖߊ߬ߡߊ ߟߋ߬ ߕߙߐ߫ ߟߴߊ߬ߟߎ߬ ߞߋߟߋ߲߫ ߡߎ߬ߛߞߊ߬ ߢߌߣߌ߲ ߞߏߛߐ߲߬.>>

ߣߌ߫ ߕߍ߮ ߞߍ߫ ߘߊ߫ ߡߍ߲ ߘߐ߫߸ ߏ߬ ߟߎ߬ ߦߴߊ߬ ߟߐ߲߫ ߞߏ߫ ߝߊ߬ ߕߴߊ߬ߟߎ߬ ߟߊ߫߸ ߣߊ߫ ߕߴߊ߬ߟߎ߬ ߟߊ߫.> ߊ߬ ߣߌ߫ ߞߏ߫ ߛߏߕߌ߯ ߓߏߟߏ߲ ߕߍߣߊ߬ <<ߡߞߊ߬ߘߊ߲߬ߠߌ߲߬ ߝߏߦߌ߬ ߞߍ߫ ߟߴߏ߬ ߘߐ߫߸ ߞߏ߫ ߞߵߊ߬ߟߎ߫ ߓߌ߬ߟߊ߬.>> ߛߏߕߌ߯ ߓߏߟߏ߲ ߝߣߊ߫ ߞߵߊ߬ ߞߊ߲ߠߊߘߌ߫ ߏ߬ ߢߊ߫ ߞߋߟߋ߲ ߠߋ߬ ߡߊ߬߸ ߞߏ߫ ߓߍ߯ ߦߴߊ߬ ߓߟߏ ߘߌ߫ ߢߐ߲߮ ߡߊ߬ ߞߊ߬ ߡߐ߰ ߞߏߙߏ߲ ߢߌ߲߬ ߠߎ߬ ߟߊ߫ ߕߋ߬ߟߋ ߟߊ߫߸ ߛߊ߫ ߖߊ߬ߡߊ ߓߟߏߝߋ߲ ߘߌ߫ ߟߊߞߊ߲ߘߊ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.