ߞߕߌߖߌ߲ ߛߊ߲ߘߐߕߊ ߓߘߊ߫ ߂߀߂߅ ߞߏߟߌ߲ߞߏߟߌ߲ ߂߈ ߞߊ߲ߕߌ߯ ߢߣߊߕߊߟߌ ߞߐߝߟߌ߫ ߓߊ߲ߝߟߍ߬ߟߍ ߟߊߓߐ߫ ߞߊ߯ߙߌ ߣߌ߲߬ ߡߊ߬، ߢߣߊߕߊߟߌ ߘߐ߫߸ ߡߊ߬ߡߌ߬ߘߊ߬ߟߌ߬ߟߊ߫ ߞߐ߬ߣߐ߲߬ߘߐ߫ ߟߋ߬ ߕߘߍ߬ ߓߙߊ ߘߐ߫߸ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߋ߬ ߞߊ߬ ߢߝߍߟߊ ߕߊ߬ ߝߙߋߟߋ߲߫߸ ߏ߬ ߟߊ߬ߛߋ߬ߟߌ ߟߋ߬ ߞߍ߫ ߘߊ߫ ߖߌ߲ߘߊ߲ߓߊ߫ ߘߐ߫ ߓߌ߬.

ߖߌ߬ߣߍ߬ ߞߊ߲ߓߍ߲ ߞߕߌߖߌ߲ ߛߊ߲ߘߐߕߊ ߓߘߊ߫ ߟߊ߬ߛߋ߬ߟߌ ߞߍ߫ ߛߍߣߍ߲߬ ߝߛߊߦߌ߫߸ ߞߊ߯ߙߌ ߣߌ߲߬ ߡߊ߬ ߂߀߂߆ ߓߌ߲ߠߊߥߎߟߋ߲ ߕߟߋ߬ ߄߸ ߞߊ߬ ߂߀߂߅ ߞߏߟߌ߲ߞߏߟߌ߲ ߂߈ ߞߊ߲ߕߌ߯ ߢߣߊߕߊߟߌ ߞߐߝߟߌ߫ ߓߊ߲ߝߟߍ߬ߟߍ ߘߌ߫߸ ߞߊ߬ ߕߡߊ߬ߖߌ ߓߐ߫ ߓߍ߯ ߘߐ߫، ߟߊ߬ߛߋ߬ߟߌ ߣߌ߲߬ ߠߋ߬ ߣߐ߬ ߘߊ߲߭ߛߌ߰ ߟߊ߫ ߢߣߊߕߊߟߌ ߞߏߢߊ ߟߎ߬ ߟߊ߫ ߡߎ߬ߕߎ߲߬߸ ߞߵߊ߬ ߓߍ߲߬ ߛߌ߰ߞߊ߲ ߣߌ߫ ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߝߐ߫ ߞߊ߲ ߠߎ߬ ߡߊ߬.

ߞߕߌߖߌ߲ ߛߊ߲ߘߐߕߊ ߓߘߊ߫ ߡߐ߰ ߞߋߟߋ߲߫ ߛߎߥߊ߲ߘߌ߫ ߡߎ߬ߕߎ߲߬߸ ߡߍ߲ ߘߌ߫ ߞߍ߫ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮ ߘߌ߫ ߖߊ߰ߟߋ߬ ߝߟߐ ߣߌ߲߬ ߘߐ߫߸ ߛߊ߲߬ ߇ ߟߐ߬ߒ߬ߞߋ߬ߟߊ ߞߊ߲ߡߊ߬.

ߞߕߌߖߌ߲ ߛߊ߲ߘߐߕߊ ߣߐ߬ ߖߋ߬ߓߌ ߡߍ߲ ߠߎ߬ ߟߊߓߐ߫ ߟߊ߫߸ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߋ߬ ߣߊ߬ ߘߊ߫ ߢߍߝߍ߬ ߓߊߞߍ߭߸ %߈߆،߇߂ ߢߐ߲߰ ߠߊ߫، ߊߓߘߎߟߊߦߌ߫ ߦߋߙߏ߬ ߓߊߑߘߋ߬ ߟߋ߬ ߕߎ߲߰ ߘߴߊ߬ߟߋ ߟߊ߫߸ ߏ߬ ߡߍ߲ ߦߋ߫ ߖߌ߬ߣߍ߬ ߓߍ߯ߦߊ ߞߟߊߘߊ ߞߊ߲ߕߌ߮ ߘߌ߫߸ ߏ߬ ߞߊ߬ %߆،߅߉ ߟߋ߬ ߛߐ߬ߘߐ߲߬، ߞߊ߬ ߝߊ߭ߦߊ߬ ߡߟߌ߬ߡߣߏ߫ ߕߎ߲߰ ߏ߬ ߟߊ߫߸ ߞߊ߲ߠߊߓߌߟߊ ߘߍ߭ ߞߙߎߞߊ ߞߊ߲ߕߌ߮ ߟߵߏ߬ ߘߌ߫߸ ߏ߬ ߞߊ߬ %߂،߀߄ ߠߋ߬ ߛߐ߬ߘߐ߲߬.

ߡߊ߬ߡߌ߬ߘߊ߬ߟߌ߬ߟߊ ߕߐ߭ ߟߎ߬߸ ߏ߬ ߟߎ߫ ߖߌ߰ ߘߊ߫ ߟߋ߬ %߂ ߘߎ߰ߟߊ߫߸ ߡߊ߬ߞߊߟߋ߫ ߞߡߊ߬ߙߊ߬ (ߝߊ߬ߛߏ ߢߌ߲߬ߧߊ ߞߟߊߘߊ)߸ ߏ߬ ߞߊ߬ %߁،߅߉ ߟߋ߬ ߛߐ߬ߘߐ߲߬، ߌߓߙߊߤߌߡߊ߫ ߊߓߋ߬ ߛߌ߬ߟߊ (ߞߊ߲ߓߍ߲ ߓߐ߲ߛߐ߲ߘߊ߫ ߞߎߘߊ)߸ ߏ߬ ߕߊ ߦߋ߫ %߀،߈߇، ߡߏ߬ߤߊ߬ߡߍߘ ߣߊ߰ߓߋ ߟߋ߬ ߕߎ߲߰ ߘߴߏ߬ ߟߊ߫߸ (ߢߊߞߎߘߦߊߟߌ ߣߌ߫ ߢߍߕߊ߮ ߢߌ߲߬ߧߊ)߸ %߀،߈߃، ߊߓߘߎߟߊߦߌ߬ ߞߙߎ߬ߡߊ߬ (ߥߙߎߞߌ ߣߌ߫ ߡߏߦߌߞߎߘߊߘߌ ߟߊ߬ߘߍ)߸ ߏ߬ ߞߊ߬ %߀، ߅߆ ߟߋ߬ ߛߐ߬ߘߐ߲߬، ߣߴߌ ߘߏ߲߬ ߞߊ߬ ߓߎߣߊ߬ ߞߋߕߊ߬ ߕߊ߬߸ ߖߌ߬ߣߍ߬ ߤߙߍߟߡߊ ߟߊ߬ߘߍ ߞߙߎߞߊ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߟߵߏ߬ ߘߌ߫߸ ߏ߬ ߞߊ߬ %߀،߅߂ ߟߋ߬ ߛߐ߬ߘߐ߲߬، ߊ߬ ߟߊߓߊ߲ ߦߋ߫ ߡߏ߬ߤߊ߬ߡߍߘ ߛߋ߬ߙߌߝ ߕߎ߲߬ߞߙߊ߬ ߡߍ߲ ߘߌ߫߸ ߣߴߏ߬ ߣߊ߬ ߘߊ߫ ߖߘߍ߬ߦߋ߬ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߛߙߍߘߍ ߘߐ߫߸ ߏ߬ ߞߊ߬ %߀،߂߈ ߠߋ߬ ߛߐ߬ߘߐ߲߬.

ߖߋ߬ߓߌ ߢߌ߲߬ ߠߋ߬ ߣߐ߬ ߡߊ߬ߡߊ߬ߘߌ߬ ߘߎ߲ߓߎߦߊ߫ ߛߎߘߊ߲߫ ߠߊ߫߸ ߞߵߊ߬ ߞߍ߫ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮ ߘߌ߫ ߖߊ߰ߟߋ߬ ߝߟߐ ߣߌ߲߬ ߘߐ߫߸ ߊ߬ߟߋ ߟߋ߬ ߓߍߣߊ߬ ߖߡߊ߬ߣߊ ߡߊ߬ߙߊ߫ ߛߊ߲߬ ߇ ߣߊ߬ߕߐ ߞߣߐ߫߸ ߏ߬ ߡߍ߲ ߦߋ߫ ߓߍ߲߬ ߠߊ߫ ߟߐ߬ߒ߬ߞߋ߬ߟߊ߬ ߞߋߟߋ߲ ߡߊ߬ ߞߊ߬ߣߌ߲߬.

ߒ߬ߓߊ߬߸ ߟߊ߬ߥߊ߲߬ߞߊ߲߬ߠߌ߲ ߣߌ߲߬ ߞߍ߫ ߘߊ߫ ߞߊ߬ ߞߊ߲ߓߍ߲ ߛߌ߲߬ߝߏ߲߬ߘߊ ߟߎ߬ ߞߊ߲ߕߌ߮ ߟߎ߬ ߢߊ ߕߏ߫ ߜߍ ߘߐ߫߸ ߊ߬ ߣߌ߫ ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬ ߣߌ߫ ߡߊ߬ߡߌ߬ߘߊ߬ߟߌ߬ߟߊ ߟߎ߬߸ ߞߵߏ߬ ߟߊ߫ ߕߍߓߊ߯ߦߟߊ ߟߎ߬ ߣߌ߫ ߡߊ߲߬ߕߏ߲߬ߕߍ߬ ߛߌ߲߬ߝߏ߲߬ߘߊ ߟߎ߬ ߞߐߦߌߘߊ ߟߎ߫ ߞߊ߲߬߸ ߦߏ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߣߌ߫ ߝߕߞߡߘ ߣߌ߫ ߝߊ߬ߙߊ߲߬ߛߌ߬ߞߊ߲߬ߝߐ߬ ߖߡߊߣߊ ߟߎ߬ ߟߊ߫ ߘߍ߭߸ ߦߏ߫ ߟߊ߬ߛߋ߬ߟߌ ߛߓߍ ߞߵߊ߬ ߝߐ߫ ߢߊ ߡߍ߲ ߡߊ߬ ߞߎߣߎ߲߬.

ߟߊ߬ߛߋ߬ߟߌ ߘߐ߫߸ ߞߕߌߖߌ߲ ߛߊ߲ߘߐߕߊ ߞߵߊ߬ ߦߌ߬ߘߊ߫ ߟߋ߬ ߞߏ߫ ߞߐߝߟߌ߫ ߓߊ߲ߝߟߍ߬ߟߍ ߣߌ߲߬ ߦߋ߫ ߡߊ߬ߛߐ߬ߛߐ߬ߓߊߟߌ ߟߋ߬ ߘߌ߫߸ ߡߞߊ߬ߛߟߌ߬ ߜߘߍ߫ ߕߴߊ߬ߟߋ ߞߐ߫، ߛߌߟߊ ߟߋ߬ ߓߘߊ߫ ߟߊߞߊ߬ ߞߊ߲ߕߌ߯ ߞߎߘߊ ߢߍ߫ ߏ߬ ߘߌ߫ ߛߊ߫߸ ߞߵߊ߬ ߕߏ߫ ߟߊ߬ߛߌ߰ߟߌ ߢߍߥߟߊ ߟߎ߫ ߡߊ߬ ߡߎ߬ߕߎ߲߬߸ ߖߡߊ߬ߣߊ ߡߙߊ߬ ߞߊ߲ߡߊ߬ ߛߊ߲߬ ߇ ߞߘߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.