ߛߊ߲߬ ߠߊ߬ߓߊ߲ ߢߊ߰ߢߊ߮ ߝߍ߬߸ ߓߌ߬ߟߊ߬ߒ߬ߘߐ߬ߖߎ߰ ߛߌߦߊߡߊ߲߫ ߠߋ߬ ߞߍ߫ ߘߊ߫ ߛߌߟߊ ߞߊ߲߬ ߖߡߊ߬ߣߊ ߝߊ߲߭ ߠߎ߬ ߘߐ߫، ߝߊ߬ߛߏ ߕߐ߲ߓߟߏߡߊ ߟߎ߬ ߟߊ߫ ߝߐߟߌ߫ ߘߐ߫߸ ߓߌ߬ߟߊ߬ߒ߬ߘߐ߬ߖߎ߰ ߁߇ ߟߋ߬ ߞߍ߫ ߘߊ߫ ߂߀߂߅ ߞߏߟߌ߲ߞߏߟߌ߲ ߃߁ ߣߌ߫ ߂߀߂߆ ߓߌ߲ߠߊߥߎߟߋ߲ ߁߭ ߕߍߟߊ ߘߐ߫߸ ߡߍ߲ ߞߊ߬ ߡߐ߰ ߛߌߦߊߡߊ߲߫ ߓߐ߬ߣߐ߫ ߊ߬ ߣߌ ߘߐ߫߸ ߞߊ߬ ߓߟߏߝߋ߲߫ ߛߌߦߊߡߊ߲߫ ߕߌߢߍ߫.
ߛߊ߲߬ ߞߎߘߊ ߞߎ߲߬ߓߐ ߢߊ߰ߢߊ߮ ߝߍ߬߸ ߞߊ߬ߛߙߊ ߘߏ߫ ߟߎ߫ ߞߊ߬ ߡߐ߰ߦߊ ߛߐ߬ߘߐ߲߫ ߖߌ߬ߣߍ߬ ߞߣߐ߫، ߝߊ߬ߛߏ ߕߐ߲ߓߟߏߡߊ ߟߎ߬ ߟߊ߫ ߝߘߏ߬ߓߊ߬ ߗߋߕߌ߰ߘߊ (ߝߕߝߗ) ߞߊ߬ ߟߊ߬ߛߋ߬ߟߌ ߘߏ߫ ߟߋ߬ ߞߍ߫ ߜߍ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߓߌ߬ߟߊ߬ߒ߬ߘߐ߬ߖߎ߰ ߁߇ ߟߋ߬ ߞߍ߫ ߘߊ߫ ߛߌߟߊ ߞߊ߲߬ ߖߡߊ߬ߣߊ ߝߊ߲߭ ߓߍ߯ ߟߊߘߍ߬ߣߍ߲ ߘߐ߫ ߂߀߂߅ ߣߌ߫ ߂߀߂߆ ߛߌ߬ߢߣߊ ߝߍ߬.
ߊ߬ߟߎ߬ ߟߊ߫ ߖߊ߬ߕߋ߬ ߝߐߣߍ߲ ߠߎ߬ ߘߐ߫߸ ߓߌ߬ߟߊ߬ߒ߬ߘߐ߬ߖߎ߮ ߏ߬ ߟߎ߫ ߞߊ߬ ߡߐ߰ ߟߏ߯ߟߎ߫ ߓߐ߬ߣߐ߫ ߊ߬ ߣߌ ߘߐ߫߸ ߞߊ߬ ߡߐ߰ ߡߎ߬ߥߊ߲ ߣߌ߫ ߛߓߊ߬ ߖߐߞߌ߫߸ ߞߊ߬ ߓߟߏߝߋ߲߫ ߛߌߦߊߡߊ߲߫ ߕߌߢߍ߫، ߁߇ ߏ߬ ߘߐ߫߸ ߕߊ߲߫ ߞߍ߫ ߘߊ߫ ߞߐߣߊߞߙߌ߫ ߛߏ ߟߋ߬ ߞߣߐ߫߸ ߥߐߙߐ߲ߝߌ߬ߟߊ߬ ߞߍ߫ ߘߊ߫ ߖߡߊ߬ߣߊ ߞߣߐߟߊ ߘߐ߫.
ߖߌ߬ߣߍ߬ ߞߎߓߋߘߊ ߟߊ߫ ߞߐߣߊߞߙߌ߫߸ ߡߐ߰ ߞߋߟߋ߲߫ ߠߋ߬ ߝߊ߰ ߘߊ߫ ߦߋ߲߬، ߖߡߊ߬ߣߊ ߞߣߐߟߊ ߘߐ߫߸ ߡߐ߰ ߛߊ߬ߓߊ߫ ߝߊ߰ ߘߊ߫ ߝߏߙߋߞߊߙߌߦߊ߫߸ ߞߊ߬ ߡߐ߰ ߞߋߟߋ߲߫ ߖߐߞߌ߫ ߦߋ߲߬، ߡߐ߰ ߞߋߟߋ߲߫ ߝߊ߰ ߘߊ߫ ߞߌ߲ߘߌߦߊ߫، ߏ߬ ߞߐߝߍ߬߸ ߡߐ߰ ߝߌ߬ߟߊ߫ ߟߋ߬ ߖߐߞߌ߫ ߘߊ߫ ߓߏߝߊ߬߸ ߞߊ߬ ߡߐ߰ ߞߋߟߋ߲߫ ߖߐߞߌ߫ ߞߊ߲ߞߊ߲߫߸ ߞߊ߬ ߡߐ߰ ߝߌ߬ߟߊ߬ ߖߐߞߌ߫ ߝߙߊߣߊ߫߸ ߞߊ߬ ߡߐ߰ ߛߓߊ߬ ߖߐߞߌ߫ ߒߛߙߍߜߘߍ߬.
ߝߊ߬ߛߏ ߕߐ߲ߓߟߏߡߘߊ ߞߵߊ߬ ߦߌ߬ߘߊ߬߸ ߞߏ߫ ߓߏ߬ߙߌ߬ߝߋ߲ ߛߎ߯ߦߊ߫ ߛߌߦߊߡߊ߲߫ ߠߋ߬ ߘߏ߲߬ ߞߊ߬ ߓߌ߬ߟߊ߬ߒ߬ߘߐ߬ߖߎ߮ ߢߌ߲߬ ߠߎ߬ ߞߍ߫߸ ߘߎ߰ߞߎ߬ߟߎ߲߬ ߡߌ߬ߛߍ߲߬ߣߍ߲߬ ߛߋߦߌ߲߫߸ ߞߊ߲ߓߋ߲߫ ߝߌ߬ߟߊ߬߸ ߖߌ߰ߖߊ߰ߟߋ߲߬ ߞߋߟߋ߲߫߸ ߞߕߊ߬ߞߕߊ߬ߣߍ߲߬ ߞߋߟߋ߲߫߸ ߊ߬ ߣߌ߫ ߔߏߔߏ߫ ߕߊ߲ ߣߌ߫ ߥߐߙߐ߲ߝߌ߬ߟߊ߬߸ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߓߏ߬ߙߌ߬ߝߋ߲߫ ߛߋ߲߬ߝߌ߬ߟߊ߬ߡߊ ߟߎ߫ ߟߋ߬ ߟߊ߫ ߓߌ߬ߟߊ߬ߒ߬ߘߐ߬ߖߎ߮ ߥߙߊ߬ ߘߊ߫ ߓߊߞߍ߭ ߢߊ߰ߢߊ߮ ߣߌ߲߬ ߝߍ߬.
ߓߌ߬ߟߊ߬ߒ߬ߘߐ߬ߖߎ߰ ߞߏ ߣߌ߲߬ ߓߐߣߍ߲ ߞߐ ߊ߬ ߟߊ߫߸ ߝߊ߬ߛߏ ߕߐ߲ߓߟߏߡߊ ߟߎ߬ ߟߊ߫ ߝߘߏ߬ߓߊ߬ ߗߋ߬ߕߌ߰ߘߊ ߞߵߊ߬ ߟߊߛߋ߫߸ ߞߏ߫ ߖߊ߬ߡߊ ߟߊ߫ ߖߛߎ߬ߛߎߡߊ ߘߐߖߐ߲߰ߛߐ߬ ߘߊ߫ ߛߎ ߣߌ߲߬ ߘߐ߫، ߁ߙߋ߲ ߕߎ߬ߡߊ ߟߋ߬ ߟߊ߫߸ ߘߋ߲ߡߌߛߍ߲ ߠߎ߬ ߞߊ߬ ߛߌߟߊ߫ ߕߍ߮ ߟߎ߬ ߞߍ߫߸ ߞߊ߬ ߞߓߊ߫ ߟߊߝߟߌ ߟߎ߬ ߞߍ߫ ߔߑߙߍ߲ߛ ߝߏ߲߬ߘߏ ߞߊ߲߬ ߊߞߛ ߞߣߐ߫߸ ߊ߬ ߕߌ߯ߕߌ߯ ߤߊߡߑߘߟߊߦߌ߬ ߣߌ߫ ߞߏߖ߭ߊ߬ ߓߍ߲߬ߕߍ ߘߐ߫، ߕߐ߲߫ ߓߟߏߡߊ ߟߎ߬ ߞߏ߬ߣߌ߲ ߥߊ߫ ߘߊ߫ ߦߋ߲߬ ߞߊߟߌߦߊ߫ ߘߐ߫߸ ߞߊ߬ ߞߏ ߟߎ߬ ߓߌ߬ߟߊ߫ ߞߟߊ߬ ߞߋߟߋ߲߫ ߞߊ߲߬߸ ߞߊ߬ ߡߊ߲߬ߞߊ߲ ߘߐߛߎߡߊ߫ ߦߙߐ ߏ߬ ߟߎ߬ ߘߐ߫ ߦߋ߲߬.
ߕߐ߲ߓߟߏߡߊ ߟߎ߬ ߟߊ߫ ߗߋߕߌ߯ߘߊ ߞߊ߬ ߛߦߊ߬ ߝߏߟߌ ߟߊߛߋ߫ ߛߊ߬ߓߊ߰ߕߐ ߟߎ߬ ߞߐߙߍ ߡߊ߬߸ ߞߊ߬ ߞߍ߲ߘߍߦߊ ߝߣߊ߫ ߣߊ߬ߕߊ߫ ߖߐߞߌߓߊ߯ߕߐ ߟߎ߬ ߦߋ߫، ߊ߬ߟߎ߫ ߞߵߊ߬ ߦߌ߬ߘߊ߬ ߦߟߌߓߌߟߊߟߌ߫ ߓߟߏ ߡߊ߬߸ ߞߏ߫ ߞߵߊ߬ ߟߊߥߌ߬ߟߌ߫ ߢߊ߰ߢߊ߮ ߟߊ߬ߞߊ߲߬ߘߊ߬ߟߌ ߓߟߏߡߦߊ ߡߊ߬߸ ߛߊ߫ ߡߐ߱ ߟߎ߬ ߟߊ߫ ߖߌ߰ߣߌ߬ߦߟߍ ߝߣߊ߫ ߘߌ߫ ߣߐ߰ߦߊ߫߸ ߊ߬ߟߎ߬ ߛߋ߫ ߘߊ߫ ߕߐ߲ߓߟߏߡߊ ߥߛߊ߬ߘߊ߬ߕߌ߯ ߡߐ߰ ߇ ߀߀߀ ߟߊߖߌ߰ ߟߊ߫ ߞߣߍ ߞߊ߲߬߸ ߘߎ߰ߞߎߟߎ߲߫ ߂߀߀ ߢߐ߲߰ ߞߣߐ߫߸ ߊ߬ ߣߌ߫ ߔߏߔߏ ߟߎ߬ ߞߊ߲߬߸ ߛߊ߲߬ ߠߊ߬ߓߊ߲ ߢߊ߰ߢߊ߮ ߟߏ߲ ߣߴߊ߬ ߞߐ ߘߐ߫ ߞߐߣߊߞߙߌ߫ ߞߣߐ߫߸ ߊ߬ ߣߌ߫ ߖߡߊ߬ߣߊ ߞߣߐߟߊ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.