ߖߌ߬ߣߍ߬: ߙߌ߬ߦߏ߫ ߕߌ߲߬ߕߏ߬ ߓߘߴߊ߬ ߖߘߍ߬ߟߊ߬ߜߍ߫ ߊ߬ ߡߊߝߌ߲߬ߣߍ߲ ߞߐߝߍ߬ ߝߐ߰ߓߍ ߘߏ߫ ߘߐ߫ ߞߵߊ߬ ߓߍ߲߬ ߛߦߊ߬ ߞߏ߬ ߞߎߡߊ ߘߏ߫ ߡߊ߬ ߛߌߡߊ߲ߘߎ߯ ߘߊ߬ߡߊ߲߬ߘߊ ߟߊ߫

ߓߊ߯ߙߟߊ ߟߍ߬ ߣߌ߫ ߡߐ߰ߦߊ ߤߊߞߍ߫ ߡߞߊߘߊ߲߫ ߕߊ߲ߓߊ߲ ߣߐ߬ ߘߐ߬ߛߙߋ ߘߏ߫ ߟߋ߬ ߟߊߛߐ߬ߘߐ߲߬ ߠߊ߫߸ ߙߌ߬ߦߏ߫ ߕߌ߲߬ߕߏ߬ ߦߴߊ߬ ߖߘߍ߬ߟߊߜߍ߫ ߟߊ߫ ߡߍ߲ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߞߎߡߊ ߡߍ߲ ߝߐ߫ ߘߊ߫ ߂߀߂߅ ߞߏߟߌ߲ߞߏߟߌ߲ ߠߊ߫߸ ߊ߬ߟߎ߫ ߛߋ߲߬ ߕߴߊ߬ ߞߏߢߊ ߘߐ߫، ߏ߬ ߡߍ߲ ߟߐ߬ߣߍ߲߫ ߓߊ߯ߙߊߘߋ߲ ߘߏ߫ ߟߊ߫ ߛߦߊ߬ ߞߏ ߡߊ߬ ߛߌߡߊ߲ߘߎ߯ ߖߊ߬ߕߋ߬ߘߐ߬ߛߌ߮ ߓߊ߯ߙߊ ߘߐ߫.

ߙߌ߬ߦߏ߫ ߕߌ߲߬ߕߏ߬ ߞߙߎ ߞߊ߲߫ ߞߏ߫߸ ߞߏ߫ ߟߌ߬ߤߟߊ ߡߍ߲ ߠߊߛߋ߫ ߘߊ߫ ߂߀߂߅ ߞߏߟߌ߲ߞߏߟߌ߲ ߕߟߋ߬ ߁߇ ߡߊ߬߸ ߡߍ߲ ߞߎߡߊ߫ ߘߊ߫ ߓߌ߬ߟߊ߬ߒ߬ߘߐ߬ ߞߏ ߘߏ߫ ߞߊ߲߬ ߛߌߡߊ߲ߘߎ߯ ߘߊ߬ߡߊ߲߬ߝߍ ߘߐ߫ ߖߌ߬ߣߍ߬ ߞߣߐ߫، ߊ߬ߟߎ߬ ߟߊ߫ ߖߋ߬ߓߟߌ߬ ߛߓߍ ߣߌ߲߬ ߞߣߐ߫߸ ߥߊߟߌߘߊ ߞߊ߲߫ ߞߏ߫ ߖߊ߲߬ߖߏ߲ ߡߍ߲ ߠߊ߫ ߞߎߡߊ ߦߴߌߘߐ߫߸ ߏ߬ ߞߍ߫ ߘߊ߫ ߦߙߐ ߡߍ߲ ߘߐ߫߸ ߏ߬ ߟߋ ߞߎߘߎ߲ ߁߭ ߣߌ߫ ߂߲ ߘߌ߫߸ ߏ߬ ߦߋ߫ ߛߌߡߊ߲ߘߎ߯ ߥߌ߯ߣߌ߲ ߞߐ߲ߛߙߑߛߌߦߐߡ ߠߋ߬ ߕߊ߫ ߓߟߏ ߡߊ߬.

ߙߌ߬ߦߏ߫ ߕߌ߲߬ߕߏ߫ ߞߵߊ߬ ߝߐ߫ ߞߵߊ߬ ߟߊߕߍ߰߸ ߞߏ߫ ߊ߬ߟߎ ߕߍ߫ ߓߊ߯ߙߊ߫ ߟߊ߫ ߦߋ߲߬߸ ߦߋ߲߬ ߕߴߊ߬ߟߎ߬ ߕߊ߫ ߓߟߏ߫ ߡߊ߬، ߏ߬ ߘߐ߫߸ ߞߏ ߡߍ߲ ߓߊ߯ ߕߍ߰ ߦߋ߲߬߸ ߊ߬ߟߎ߬ ߟߊ߫ ߝߏߦߌ߬ ߕߴߏ߬ ߘߐ߫، ߊ߬ߟߎ߬ ߞߊ߲߫ ߝߣߊ߫߸ ߞߏ߫ ߊ߬ߟߎ߬ ߦߋ߫ ߦߋ߲߬ ߡߊߛߐ߬ߘߐ߲߬ ߠߊ߫ ߛߌߡߑߝߍߙ ߘߍ߬ߞߙߎ ߡߍ߲ ߝߣߊ߫ ߛߌߟߊ ߝߍ߬߸ ߏ߬ ߣߌ߫ ߘߐ ߣߌ߲߬ ߕߍ߫ ߓߊ߯ߙߊ߫ ߟߊ߫ ߘߊߞߎ߲߫ ߞߋߟߋ߲߫ ߘߐ߫، ߓߊߏ߬߸ ߛߌߡߊ߲ߘߎ߯ ߞߎߘߎ߲ ߃߲ ߣߌ߫ ߄߲ ߠߋ߬ ߏ߬ ߟߎ߬ ߓߟߏ߫، ߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߣߌ߫ ߥߌ߯ߣߌ߲ ߞߐ߲ߛߐߙߑߛߌߦߐߡ ߕߍ߫ ߓߊ߯ߙߊ߫ ߟߊ߫ ߦߙߐ߫ ߞߋߟߋ߲߫ ߘߐ߫߸ ߝߏ߫ ߟߐ߬ߟߌ߬ ߘߊߞߎ߲ ߘߏ߫ ߟߎ߫߸ ߏ߬ ߘߏ߲߬ ߦߋ߫ ߝߘߏ߬ߓߊ ߟߋ߬ ߘߌ߫ ߖߊ߬ߕߋ߬ߘߐ߬ߛߌ߮ ߖߍ߬ߘߍ ߘߐ߫.

ߒ߬ߓߊ߬߸ ߓߌ߬ߟߊ߬ߒ߬ߘߐ߬ ߡߍ߲ ߞߍ߫ ߘߊ߫ ߦߋ߲߬߸ ߣߴߊ߬ ߦߋ߫ ߖߊ߬ߕߋ߬ ߟߊ߫ ߡߊ߬ߛߎߓߊ ߘߌ߫߸ ߛߌߡߊ߲ߘߎ߯ ߣߌ߫ ߛߌߡߑߝߍߙ ߞߊ߲߫ ߞߏ߫ ߊ߬ߟߎ߫ ߞߊ߬ ߞߐߡߊߓߌ߲ߓߌ߲ߠߌ߲߫ ߛߌߟߊ ߘߏ߫ ߟߎ߫ ߛߌߟߊ ߟߊߞߊ߬ ߟߋ߬ ߥߌ߯ߣߌ߲ ߞߐ߲ߛߑߐߙߛߌߦߐߡ ߦߋ߫߸ ߊ߬ ߣߌ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬ ߞߵߊ߬ ߓߍ߲߬ ߟߊ߬ߞߊ߲߬ߘߊ߬ߟߌ ߝߊ߲߬ߞߊ ߟߊߥߊ߬ߙߊ ߡߊ߬ ߖߊ߬ߕߋ߬ߘߐ߬ߛߌ߮ ߓߊ߯ߙߊ ߘߐ߫، ߊ߬ߟߎ߬ ߞߊ߲߫ ߞߏ߫ ߣߌ߫ ߓߌ߬ߟߊ߬ߒ߬ߘߐ ߞߍ߫ ߘߊ߫ ߝߘߏ߬ߓߊ߬ ߘߌ߲ߞߌߙߊ ߘߏ߫ ߘߐ߫߸ ߡߍ߲ ߕߴߊ߬ߟߎ߬ ߟߊ߫ ߡߊ߬ߙߊ ߞߣߐ߫ ߝߊ߲ߞߊߢߊ߲߫߸ ߞߍߞߌߦߊ߫ ߟߎ߫ ߦߋ߫ ߦߋ߲߬߸ ߡߍ߲ ߠߎ߬ ߘߌ߫ ߛߴߊ߬ ߞߍ߫ ߟߊ߫߸ ߊ߬ߟߎ߬ ߘߌ߫ ߢߐ߲߮ ߡߊߘߍ߬ߡߍ߲߬ ߏ߬ ߞߏ ߢߊߢߌߣߌ߲ ߘߐ߫߸ ߊ߬ ߣߌ߫ ߞߵߊ߬ߟߎ߬ ߟߊ߫ ߟߐ߲ߠߌ߲ ߠߎ߬ ߟߊߓߊ߯ߙߊ߫ ߊ߬ ߘߐ߫.

ߙߌ߬ߦߏ߫ ߕߌ߲߬ߕߏ߬ ߞߊ߲߫ ߞߏ߫ ߛߌߡߊ߲ߘߎ߯ ߖߊ߬ߕߋ߬ߘߐ߬ߛߌ߮ ߓߊ߯ߙߊߢߐ߲߮ ߓߍ߯ ߦߋ߫ ߓߊ߯ߙߊ߫ ߟߊ߫ ߡߊ߲߬ߕߏ߲߬ߕߍ߬ ߛߙߊߕߌ ߘߏ߫ ߟߎ߫ ߟߋ߬ ߟߊ߫߸ ߞߵߊ߬ ߓߍ߲߬ ߟߊ߬ߞߊ߲߬ߘߊ߬ߟߌ ߣߌ߫ ߞߍ߲ߘߍߦߊ ߣߌ߫ ߓߐ߰ߝߍ ߣߌ߫ ߓߌ߬ߟߊ߬ߢߐ߲߰ߡߊ ߘߊߞߎ߲ ߡߊ߬، ߥߊߟߌߘߊ ߞߊ߲߫ ߞߏ߫ ߊ߬ߟߎ߬ ߦߴߊ߬ߟߎ߬ ߛߋߞߏ ߖߍ߬ߘߍߖߍ߬ߘߍ ߟߋ߬ ߞߍ߫ ߟߊ߫ ߞߵߊ߬ ߓߍ߲߬ ߊ߬ߟߎ߬ ߓߊ߯ߙߊߢߐ߲߮ ߠߎ߬ ߣߴߊ߬ߟߎ߬ ߓߟߏߞߘߐ߫ ߡߐ߮ ߟߎ߬ ߟߊߞߊ߲ߘߊ ߡߊ߬، ߝߣߊ߫߸ ߊ߬ߟߎ߬ ߕߴߊ߬ߟߎ߬ ߕߏߟߏ߲߫ ߠߊ߫ ߡߐ߰ ߞߏ ߟߊ߫߸ ߊ߬ߟߎ߫ ߘߏ߲߬ ߖߊ߲߬ߕߏ߬ߣߍ߲߫ ߞߏ ߟߎ߬ ߥߊ߫ ߢߊ ߘߐ߫߸ ߊ߬ߟߎ߬ ߦߋ߫ ߛߋ߫ ߟߊ߫ ߓߌ߬ߟߊ߬ߒ߬ߘߐ ߟߎ߬ ߡߊߕߊ߲߬ߞߊ߬ ߟߊ߫߸ ߊ߬ ߣߌ߫ ߝߊ߰ߟߌ߬ ߞߏ ߟߎ߬߸ ߡߍ߲ ߠߎ߬ ߓߍ߯ ߦߋ߫ ߟߊ߫ ߢߍߓߍ߲߬ ߠߴߊ߬ߟߎ߬ ߓߟߏ߫.

ߞߏߟߊߘߍ ߞߊ߲߫ ߞߏ߫ ߊ߬ߟߎ߫ ߖߛߎ߬ߞߎ߲ ߕߙߐߣߍ߲߫ ߠߋ߬ ߝߊ߰ߟߌ߬ ߞߏ ߣߌ߲߬ ߘߐ߫߸ ߓߊ߯ߙߊߘߋ߲ ߓߐ߬ߣߐ ߊ߬ ߣߌ ߘߐ߫ ߓߟߐߞߘߐ߫ ߡߐ߮ ߘߏ߫ ߓߟߏ߫ ߓߊ߯ߙߊ߫ ߘߊߞߎ߲ ߘߐ߫ ߛߌߡߑߝߍߙ ߟߊ߫ ߘߊ߬ߡߊ߲ ߞߣߐ߫ ߂߀߂߅ ߘߓߊ߬ߓߌߟߊ ߟߊ߫߸ ߏ߬ ߡߊ߫ ߘߌߦߴߊ߬ߟߎ߬ ߦߋ߫ ߢߊ߫ ߛߌ߫ ߟߋ߬ ߡߊ߬߸ ߢߊߢߌߣߌ߲ߠߌ߲ ߘߏ߲߬ ߘߐߘߎ߲߬ߧߊ߬ ߘߴߏ߬ ߞߏ ߘߐ߫ ߞߏߛߓߍ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.