ߊߘߊߡߊ߬ ߞߎ߬ߟߌߓߊ߬ߟߌ߫ ߟߋ߬ ߖߐߞߌ߫ ߘߊ߫ ߡߊ߬ߙߌ߬ߝߊ ߟߊ߫߸ ߊ߬ ߖߍ߬ߘߍ ߝߘߎߗߍ ߓߟߏ߫ ߞߎ߬ߡߊ߰ߣߊ߬ ߛߏ ߞߣߐ߫߸ ߏ߬ ߦߋ߫ ߞߙߎ߬ߛߊ߫ ߡߊ߬ߙߊ ߟߋ߬ ߘߐ߫، ߊ߬ ߕߊ߬ ߘߊ߫ ߞߟߊߡߊ߲ ߘߐ߫ ߞߎ߬ߡߊ߰ߣߊ߫ ߦߋ߲߬ ߠߋ߬ ߞߊ߬ ߣߵߊ߬ ߘߌ߫ ߞߙߎ߬ߛߊ߫ ߘߊ߲ߘߊߛߏߓߊ ߟߊ߫߸ ߏ߬ ߟߎ߫ ߞߵߊ߬ ߟߊ߫ ߞߏ ߦߋ߫ ߞߘߎ߬ߛߌ߰ߒ߬ߞߊ߲߬ߠߊ߫ ߞߏ߫ ߘߌ߫ ߏ߬ ߟߋ ߘߐ߫߸ ߞߵߊ߬ ߟߊߣߊ߬ ߞߊ߲ߞߊ߲߫.

ߊ߬ ߛߋ ߞߊ߲ߞߊ߲߫߸ ߊ߬ ߟߊߘߏ߲߬ ߘߊ߫ ߖߏߣߡߊ߫ ߓߏ߲ ߠߋ߬ ߞߣߐ߫ ߡߎߣߎ߲߬߸ ߞߣߊ߬ߕߏ߫ ߊ߬ ߟߊߕߊ߯ ߟߊ߫ ߦߙߐ߫ ߘߐ߫߸ ߡߍ߲ ߠߎ߬ ߣߌ߫ ߘߐ߰ߘߏ߲ ߦߊ߫ ߞߊ߲߫ ߊ߬ ߟߊ߫ ߞߏ ߟߊ߫، ߏ߬ ߟߋ ߡߊ߫ ߛߌߟߊߓߐߛߐ߯ߣߊ߫ ߕߏ߫ ߛߌ߰ ߘߐ߫߸ ߊ߲ ߛߋ߫ ߘߴߊ߲ ߥߟߌ߬ ߟߊ߫ ߞߊ߬ ߕߊ߯ ߘߊ߲ߘߊߛߏ ߟߊ߫߸ ߞߊ߬ ߘߊ߲ߘߊߟߌߟߊ ߟߎ߬ ߟߊߡߍ߲߫߸ ߊ߬ ߣߌ߫ ߞߐߙߍ.

Femme portant une blouse blanche et un foulard rose, assise devant un bureau, regardant avec réflexion.

ߞߏ߲߬ߓߏ ߝߊ߲ߕߊ߬ ߝߏߝߣߊ߫ ߢߌ߬ߣߌ߲߬ߞߊ߬ߣߍ߲߸ ߊ߬ߟߋ ߡߍ߲ ߦߋ߫ ߓߟߏߡߊߘߍߡߍ߲ߠߊ߫ ߘߌ߫ ߕߟߏ ߣߌ߫ ߣߎ߲ ߣߌ߫ ߞߊ߲ߣߏ߮ ߗߋߘߢߊ ߟߊ߫ ߞߊ߲ߞߊ߲߫ ߕߌ߲߬ߞߎߘߎ߲ ߘߊ߲ߘߊߛߏ ߟߊ߫߸ ߏ߬ ߞߊ߬ ߛߋߒߞߏߟߊ߫ ߞߎߡߊ ߘߏ߫ ߟߎ߫ ߝߐ߫ ߞߵߊ߬ ߓߍ߲߬ ߖߐߞߌߓߊ߯ߕߐ ߟߊ߫ ߞߍ߲ߘߍߦߊ ߡߊ߬.

<<ߖߊ߲߬ߞߊ߬ߙߏ߬ߕߐ ߛߐ߰ ߘߊ߫ ߟߊߘߏ߲߭ ߡߊ߬ ߘߊ߲ߘߊߛߏ ߖߏߣߡߊ߫ ߘߌ߲ߞߌߙߊ ߟߋ߬ ߘߐ߫ ߡߎߣߎ߲߬، ߢߌߣߌ߲߫ ߞߍ߫ ߘߴߊ߲ ߡߊ߬ ߦߋ߲߬ ߠߋ߬ ߛߊ߫، ߊ߲ ߓߊ߲ ߞߐ ߊ߬ ߞߏ ߘߐߢߌߣߌ߲߫ ߡߊ߲߫߸ ߊ߲ ߞߵߊ߬ ߦߋ߫ ߞߏ߫ ߊ߬ ߞߊ߫ ߞߊ߲߫ ߞߊ߬ ߟߊߕߊ߬ߡߌ߲߫ ߕߟߏ ߣߌ߫ ߣߎ߲ ߣߌ߫ ߞߊ߲ߣߏ߮ ߗߋߢߘߊ ߟߋ߬ ߟߊ߫߸ ߛߴߊ߬ ߟߊ߫ ߞߏ ߘߌ߫ ߕߊ߬ ߦߏ߫ ߊ߬ ߣߌ߫ ߡߍ߲ ߞߊ߫ ߞߊ߲߫.>> ߊ߬ ߞߵߏ߬ ߟߋ ߝߐ߫.

ߘߊ߲ߘߟߊ ߢߌ߲߬ ߠߊ߫ ߝߐߟߌ߫ ߘߐ߫߸ ߓߎ߬ߙߋ ߡߊ߬ߝߟߍ߬ߟߌ ߟߎ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߞߎ߲߭ ߡߊߘߌߡߌ߲ߣߍ߲߫ ߞߏߛߓߍ߫، <<ߊ߲ ߞߊ߬ ߣߊߡߛߏ ߕߊ߬ ߞߊ߬ ߣߵߊ߬ ߘߌ߫߸ ߞߊ߬ ߣߵߊ߬ ߡߊߝߟߍ߫߸ ߞߎ߲߭ ߦߙߐ ߘߏ߫ ߟߎ߫ ߝߙߊߣߍ߲߫ ߠߋ߬߸ ߞߵߊ߬ ߘߊߡߌ߬ߣߊ߬ ߕߋ߲ ߡߊ߬ ߞߊ߬ ߖߌ߰ ߢߊߞߘߐߟߊ ߘߐ߫، ߊ߬ ߣߴߊ߬ ߣߎ߲߫ ߞߟߏ ߏ߬ ߟߎ߬ ߓߍ߯، ߌߞߏߡߌ߲߬ ߊ߬ ߢߊ ߝߣߊ߫ ߞߊ߬ ߞߏ߫ ߛߐ߬ߘߐ߲߬߸ ߊ߲ ߞߊ߬ ߢߊ߫ ߓߊ߯ߙߟߊ ߟߎ߬ ߝߣߊ߫ ߞߟߌ߫، ߝߣߊ߫߸ ߊ߱ ߣߊ߬ ߟߊ߫ ߥߊ߯ߕߌ ߡߍ߲ ߠߊ߫߸ ߖߋ߬ߟߌ߬ ߛߌߦߊߡߊ߲߫ ߠߋ߬ ߕߘߍ߬ ߓߐ߫ ߟߴߊ߬ ߡߊ߬، ߊ߲ ߠߊ߫ ߓߊ߯ߙߊ߫ ߝߟߐ ߞߍ߫ ߘߊ߫ ߖߋ߬ߟߌ߬ߓߐ ߏ߬ ߟߊߟߐ߭ ߟߋ߬ ߘߌ߫ ߡߎߣߎ߲߬߸ ߞߊ߬ ߓߊ߲߫ ߞߊ߬ ߦߙߐ߫ ߝߙߊߣߍ߲ ߏ߬ ߟߎ߬ ߞߙߊ߫.>> ߘߊ߲ߘߊߟߌߟߊ ߟߋ߬ ߞߊ߲߫ ߕߋ߲߬.

ߊ߬ߟߎ߬ ߓߊ߲߫ ߘߊ߫ ߞߊ߬ ߖߌ߬ߦߊ߬ߕߍ߬ߟߌ ߟߎ߬ ߝߣߊ߫ ߞߍ߫، <<ߖߌ߬ߦߊ߬ߕߍ߬ߟߌ ߞߐߝߟߌ ߞߵߊ߬ ߦߌ߬ߘߊ߬ ߞߏ߫ ߞߎ߲߬ߛߍ߲ߓߍ ߦߙߐ ߘߏ߫ ߟߎ߫ ߓߍ߫߸ ߖߋ߬ߟߌ߬ߛߎ ߓߘߊ߫ ߛߌ߰ ߏ߬ ߟߎ߫ ߞߊ߲߬، ߏ߬ ߟߋ ߘߐ߫߸ ߊ߲ ߞߵߊ߬ ߦߋ߫ ߞߍߕߊ߫ ߘߌ߫߸ ߞߏ߫ ߊ߬ ߣߌ߫ ߟߊ߬ߕߊ߰ߟߌ ߟߋ߬ ߦߊ߫ ߞߊ߲߫ ߦߙߐ߫ ߘߐ߫߸ ߡߍ߲ ߠߎ߬ ߓߟߏߡߊߞߊ߬ߣߍ߲߫ ߏ߬ ߓߊ߯ߙߊ߫ ߛߎ߮ ߟߎ߬ ߞߊ߲ߡߊ߬߸ ߞߐߣߊߞߙߌ߫߸ ߥߟߊ߫ ߓߡߊ߬ߞߐ߬.>> ߞߏ߲߬ߓߏ ߝߏߝߣߊ߫ ߞߵߏ߬ ߟߋ ߟߴߊ߬ ߟߊ߫ ߛߙߊ߬ߣߎ߲ ߞߊ߲߬߸ ߞߵߊ߬ ߦߌ߬ߘߊ߬ ߞߏ߬ߣߌ߲ ߞߏ߫ ߖߊ߲߬ߞߊ߬ߙߏ߬ߕߐ ߘߴߊߟߊ߫ ߕߊ߲߬ߘߏ߫ ߕߋ߲߬.

Un homme portant une coiffe traditionnelle, assis sur un banc, entouré de microphones de différents médias, dans un environnement extérieur.

ߗߍ߭ ߡߍ߲ ߛߊ߬ߣߍ߲߫߸ ߞߣߐ߬ߘߐ߬ߝߟߌ ߣߌ߫ ߓߊ߬ߟߌ߸ ߏ߬ ߦߴߏ߬ ߟߊ߫ ߡߐ߱ ߟߎ߫ ߞߊ߲߬ ߕߋ߲߬ ߞߏߛߓߍ߫، ߊ߬ ߛߐ߬ߘߐ߲߬ ߝߊ ߟߊ߬ߡߌߣߌ߲߬ ߞߐ߲ߘߍ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߡߊ߫ ߝߐߢߐ߲߯ߞߐ߫ ߣߌ߫ ߜߐ߬ߛߐ߲߬ߞߐ߬ ߟߊߞߙߐ߬ߛߌ߫ ߊ߬ߟߎ߬ ߕߍ߫ ߟߏ߲߫ ߞߋߟߋ߲߫߸ ߞߎߡߊߕߍ߫ ߤߊ߲ߞߟߌ߫ ߟߊ߫ ߖߊ߲ߞߊߙߏ߫ ߞߏ߫ ߡߊ߬.

<<ߣߌ߲߬ ߞߏ ߓߍ߯ ߘߊߡߌ߬ߣߊ߬ ߘߊ߫ ߛߎߓߊ߯ߘߊ ߟߋ߬ ߝߍ߬، ߊ߬ ߡߏ߬ߛߏ ߕߎ߲߬ ߓߘߊ߫ ߓߐ߫ ߞߣߍߡߊ߬ ߜߊ߬ ߘߊ ߞߘߐ߫ ߞߊ߬ ߕߊ߫ ߟߊߘߊ߲ ߘߊߡߌ߬ߣߊ߬ ߘߊߓߐ߫ ߞߏ ߢߊߓߐ߫ ߞߊ߲ߡߊ߬، ߊ߬ߟߎ߬ ߓߊ߲߫ ߘߊ߫ ߞߊ߬ ߘߏ߲߬ ߓߏ߲ ߠߊ߫ ߞߋߟߋ߲ߘߌ߫، ߘߏߣߍ߲߫ ߕߋ߲߬߸ ߒ ߞߊ߬ ߡߊ߬ߙߌ߬ߝߊ߬ ߞߊ߲߬ ߝߟߐ ߡߍ߲߫، ߊ߬ ߞߵߊ߬ ߝߐ߫ ߞߏ߫ ߊ߬ ߟߊ߫ ߡߊ߬ߙߌ߬ߝߊ ߟߋ߬ ߝߏߘߏ߲ߣߴߊ߬ ߖߍ߬ߘߍ߫ ߡߊ߬߸ ߞߏ߫ ߊ߬ ߡߊ߫ ߛߋ߫ ߡߐ߰ ߛߌ߫ ߡߊ߬.>> ߗߍ߭ ߟߋ߬ ߞߊ߲߫ ߕߋ߲߬.

ߊ߬ ߟߊ߫ ߝߐߟߌ߫ ߘߐ߫߸ ߡߊ߬ߙߌ߬ߝߊ߬ ߞߊ߲߬ ߝߌߟߊߣߊ߲ ߝߣߊ߫ ߣߊ߬ ߘߊ߫ ߓߐ߫ ߡߌ߬ߛߍ߲߬ ߘߊ߲ߘߐ߫ ߕߋ߲߬. <<ߒ ߧߋ߫ ߒ ߞߕߐߘߏ߲߬ ߠߊ߫߸ ߊ߬ ߞߊ߲߫ ߞߏ߫ ߔߏ߫، ߒ ߣߌ߫ ߡߏ߬ߛߏ ߟߎ߫ ߞߵߊ߲ ߓߏ߬ߙߌ߫ ߞߊ߬ ߣߊ߬ ߓߏ߲߫ ߘߊ ߟߊ߫߸ ߞߣߵߊ߬ ߛߐ߬ߘߐ߲߬ ߊ߬ ߣߴߊ߬ ߡߏ߬ߛߏ ߟߊߣߍ߲߫ ߖߋ߬ߟߌ ߕߍߡߊ߬. ߒ ߞߊ߬ ߞߟߍ߬ߡߐ߰ߘߊ ߟߊߟߐ߲ߠߌ߲߫ ߏ߬ ߢߊ ߟߋ߬ ߡߊ߬.>> ߛߐ߬ߘߐ߲߬ ߝߊ ߟߊ߫ ߞߎߡߊ ߟߵߏ߬ ߘߌ߫߸ ߞߊ߬ ߓߊ߲߫ ߞߊ߬ ߞߵߊ߬ ߞߊ߲ߠߊߘߌ߫ ߥߊ߬ߣߌ߲߬ߞߋ߬ ߢߌ߬ߡߊ߬ ߕߌ߮ ߟߎ߫ ߡߊ߬߸ ߞߏ߫ ߓߍ߯ ߦߴߊ߬ߟߎ߬ ߡߊߜߍ߲߫ ߛߊ߫ ߡߏ߬ߛߏ ߡߍ߲ ߖߊ߲߬ߞߊ߬ߙߏ߬ߕߐ ߟߊߟߊߣߍ߲߫߸ ߏ߬ ߘߌ߫ ߛߋ߫ ߘߊ߲ߘߊ߫ ߟߊ߫ ߢߊ ߡߍ߲ ߡߊ߬.

Un homme assis devant des journalistes avec des microphones, portant une veste à carreaux et un bonnet.

ߊߘߊߡߊ߬ ߞߎ߬ߟߌߓߊ߬ߟߌ߫ ߛߐ߬ߘߐ߲߬ ߝߊ߸ ߡߊ߬ߡߎߘߎ߬ ߞߎ߬ߟߌߓߊ߬ߟߌ߬߸ ߏ߬ ߞߎߡߊ߫ ߘߊ߫ ߢߡߊߟߐ ߘߐ߫ ߞߏߛߓߍ߫، ߊ߬ ߞߵߊ߬ ߦߌ߬ߘߊ߬ ߞߏ߫: <<ߒ ߕߴߛߋ߫ ߞߎߡߊ߫ ߟߊ߫ ߤߊ߲߯ ߦߙߐ ߘߏ߫، ߒ ߝߊ߭ߘߐ߰ߣߍ߲߫ ߠߋ߬ ߞߊ߬ ߒ ߞߟߌ߫ ߞߏ߫ ߊ߬ߟߎ߬ ߓߘߊ߫ ߒ ߘߋ߲ߡߛߏ߫ ߓߏ߲߫߸ ߞߏ߫ ߒ ߓߌߘߊ߲ߞߍ߫ ߝߣߊ߫ ߓߘߴߊ߬ ߖߍ߬ߘߍ߫ ߝߊ߰، ߒߠߋ ߞߏ߬ߣߌ߲ ߡߊ߫ ߞߟߍ߬ ߞߏ߫ ߟߐ߲߫ ߊ߬ߟߎ߬ ߕߍ߫ ߞߘߐ߬ߡߊ߲߬.>> ߘߋ߲ߡߛߏ߫ ߡߊ߬ߘߌ߬ߡߌ߲߬ߓߊ߰ߕߐ ߝߊ߬ ߟߋ߬ ߞߊ߲߫ ߕߋ߲߬.

ߊ߬ ߘߋ߲ߡߛߏ߫ ߕߊ߬ ߕߎߡߊ ߟߊ߫ ߞߊ߬ ߥߴߊ߬ ߘߌ߫ ߞߙߎ߬ߛߊ߫߸ ߊ߬ ߕߘߍ߬ ߜߍ ߘߐ߫ ߦߋ߲߬߸ ߊ߬ ߣߌ߫ ߞߊ߲ߞߊ߲߫ ߣߊߟߌ ߡߍ߲ ߝߣߊ߫ ߦߋ߫ ߕߋ߲߬، ߊ߬ ߞߵߊ߬ ߦߌ߬ߘߊ߬ ߞߏ߫ ߦߋ߲߬ ߝߊ߰ߡߊ ߟߎ߫ ߕߘߍ߬ ߘߊ߫ ߣߌ߲߬ ߞߏ ߘߐ߫. <<ߘߊ߲ߘߊߟߌߟߊ ߟߎ߫ ߞߏ߬ߣߌ߲ ߓߘߴߊ߬ ߦߌ߬ߘߊ߬ ߞߏ߫ ߊ߬ ߞߊ߫ ߞߊ߲߫ ߞߊ߬ ߥߊ߫ ߞߐߣߊߞߙߌ߫ ߟߋ߬߸ ߥߟߊ߫ ߓߡߊ߬ߞߐ߬، ߓߊ߬ߙߌ߬߸ ߛߋ߫ ߕߴߊ߲ߠߎ߬ ߦߋ߫، ߊ߲ ߧߋ߫ ߛߌ߬ߟߡߊ߬ ߓߘߍ ߟߎ߬ ߣߌ߫ ߥߊ߬ߣߌ߲߬ߞߋ߬ ߢߌ߬ߡߊ߬ ߕߌ߮ ߟߎ߬ ߟߊ߫ ߘߍ߬ߡߍ߲ ߢߌߣߌ߲߫ ߠߊ߫.>> ߊ߬ ߞߵߏ߬ ߝߙߊ߬ ߞߎߡߊ ߞߊ߲߬.

ߖߊ߲߬ߞߊ߬ߙߏ߬ߕߐ ߞߏ߬ߣߌ߲ ߦߋ߫ ߞߊ߲ߞߊ߲߫ ߘߊ߲ߘߊߛߏ ߟߊ߫ ߡߎߣߎ߲߬ ߟߌ߬ߤߟߊ ߣߌ߲߬ ߛߓߍ߫ ߕߎߡߊ ߟߊ߫، ߝߊ߰ߡߊ ߟߎ߬ ߟߊ߫ ߟߊ߬ߛߋ߬ߟߌ߬ ߡߊ߫ ߡߍ߲߫ ߊ߬ ߞߏ ߞߊ߲߬ ߡߎߣߎ߲߬߸ ߢߊߢߌߣߌ߲ߠߌ߲߫ ߞߏ߫ ߞߎߡߊ߫ ߘߏ߲߬ ߝߣߊ߫ ߡߊ߫ ߡߍ߲߫ ߊ߲ ߓߟߏ߫ ߡߎߣߎ߲߬߸ ߞߵߊ߬ ߟߐ߲߫ ߊ߬ ߞߏ ߞߍ߫ ߘߊ߫ ߘߌ߬߸ ߊ߬ ߣߌ߫ ߡߎ߲߬ ߞߊ߫ ߞߊ߲߫ ߞߊ߬ ߞߍ߫. ߣߌ߲߬ ߞߏ ߞߏ߬ߣߌ߲ ߞߊ߬ ߞߎ߬ߡߊ߰ߣߊ߬ ߣߴߊ߬ ߟߊߡߌߣߌ߲ ߓߌ߬ߟߊ߫ ߞߣߐ߬ߘߐ߬ߝߟߌ߬ߓߊ߫ ߟߋ߬ ߘߐ߫߸ ߞߊ߬ ߢߊ ߡߊߖߌ߰ ߦߙߐ ߛߌߦߊߦߊ߫ ߞߵߊ߬ ߓߍ߲߬ ߡߙߊ߬ߒ߬ߡߊ߬ߝߋ߲߬ ߞߏ ߟߎ߫ ߡߊ߬ ߟߎ ߞߣߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.