ߡߊ߬ߟߌ ߘߐ߬ߕߊߡߌ߲ ߞߊ߲ߕߌ߮߸ ߞߟߍ߬ߕߌ߰ ߊߛߡߌ߫ ߜ߭ߏ߬ߦߌ߬ߕߊ߬ ߓߘߊ߫ ߞߍ߫ ߡߊ߬ߟߌ ߞߊ߲ߓߍ߲ ߞߊ߲ߕߌ߮ ߘߌ߫ ߡߎ߬ߕߎ߲߬߸ ߓߊߏ߬ ߊ߬ ߓߘߴߊ߬ ߛߐ߲߬ ߘߐ߬ߕߊߡߌ߲ ߞߏߟߊߕߍ߯ߘߊ߫ ߝߊ߬ߛߏ߬ߟߊ߬ߞߊ ߟߊ߫ ߛߊ߬ߙߌ߬ߦߊ߬ ߛߎߥߊ߲ߘߌߣߍ߲ ߡߊ߬߸ ߏ߬ ߞߍ߫ ߘߊ߫ ߞߎߣߎ߲߬ ߓߌߟߏ߲ ߠߋ߬ ߡߊ߬߸ ߞߊ߬ߙߌ߬ߝߐ ߕߟߋ߬ ߁߀. ߛߊ߬ߙߌ߬ߦߊ ߏ߬ ߡߍ߲ ߞߵߊ߬ ߝߐ߫ ߞߊ߬ߣߌ߲߬ ߞߏ߫ ߊ߬ ߟߊ߫ ߟߐ߬ߒ߬ߞߋ߬ߟߊ ߓߘߊ߫ ߡߊߞߊ߬ߝߏ߫ ߛߊ߲߬ ߟߏ߯ߟߎ߫ ߟߊ߫߸ ߘߊ߲߬ ߕߍ߫ ߡߍ߲ ߠߊߞߎߘߦߊ ߟߊ߫߸ ߊ߬ ߘߌ߫ ߛߋ߫ ߟߊߞߎߘߦߊ߫ ߟߊ߫ ߢߊ ߓߍ߯ ߡߊ߬߸ ߘߌߦߊߜߏߦߊ߫ ߣߌ߫ ߞߘߊߡߊߟߌ߫ ߘߏ߲߬ ߕߴߊ߬ ߞߊ߲߬ ߞߊ߲ߕߌ߯ ߢߣߊߕߊߟߌ ߛߌ߲߬ߝߏ߲߬ߧߊ߬ ߞߏ ߘߐ߫.
ߊ߬ ߘߏ߲߬ ߓߘߊ߫ ߕߎ߬ߡߊ߬ ߖߊ߲߫ ߓߐ߫߸ ߡߊ߬ߟߌ ߝߊ߰ߡߊ ߟߎ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߕߍߣߊ߬ ߛߋ߫ ߟߊ߫ ߢߣߊߕߊߟߌ ߛߌ߲߬ߝߏ߲߬ߧߊ߬ ߟߊ߫ ߡߎߣߎ߲߬߸ ߝߊ߬ߣߌ߫ ߖߡߊ߬ߣߊ ߡߊ߫ ߓߊߛߌ߰ ߞߊ߬ ߘߏ߲߬ ߟߊ߬ߞߊ߲߬ߘߊ߬ߟߌ ߞߣߐ߫، ߏ߬ ߟߵߊ߬ ߦߌ߬ߘߊ߬ ߟߊ߫ ߞߏ߫ ߛߊ߬ߙߌ߬ߦߊ ߣߌ߲߬ ߕߍ߫ ߡߙߌߦߊ߫ ߞߎߘߊ߫ ߘߌ߫߸ ߊ߬ ߦߋ߫ ߞߘߐ߬ߡߊ߲ ߠߋ߬ ߘߌ߫ ߞߵߊ߬ ߓߍ߲߬ ߖߡߊ߬ߣߊ ߟߊߕߊ߯ߡߊ߫ ߢߊ ߓߘߍ߬ߓߘߍ߬ߟߌ ߡߊ߬، ߏ߬ ߟߋ ߘߐ߫߸ ߊ߬ߟߎ߫ ߞߊ߬ ߞߏߟߊߒߞߘߐߢߐ߲߯ߦߊ ߟߎ߫ ߛߌ߰ ߛߋ߲߬ߠߊ߫߸ ߖߐ߲߰ߛߊ߫ ߘߐ߬ߕߊߡߌ߲ ߓߊߛߌ߰ߞߊ߲ ߘߌ߫ ߛߋ߫ ߡߊߝߊ߬ߟߋ߲߬ ߠߊ߫، ߊ߬ߟߎ߬ ߟߊ߫ ߞߏߟߊߒߞߘߐߢߐ߲߯ߦߊ ߏ߬ ߛߋ߫ ߘߊ߫ ߓߐ߫ ߟߊ߫ ߜߍߟߊ߫߸ ߝߏ߫ ߊ߬ߟߎ߬ ߓߘߊ߫ ߛߊ߲߬ ߟߏ߯ߟߎ߫ ߘߌ߫ ߊߛߡߌ߫ ߡߊ߬ ߕߎ߲߯߸ ߡߍ߲ ߖߊ߬ߕߋ ߘߊߡߌ߬ߣߊ߬ߕߐ߫ ߂߀߂߅ ߢߌ߲߬ ߠߊ߫߸ ߞߵߊ߬ ߛߌ߰ ߂߀߃߀ ߟߊ߫߸ ߊ߬ߟߋ ߡߍ߲ ߦߋ߫ ߞߞߢ ߞߊ߲ߕߌ߮ ߘߌ߫ ߕߋ߲߬ ߞߊ߬ߣߌ߲߬.
ߊ߬ߟߎ߫ ߣߐ߬ ߞߊ߲ ߡߍ߲ ߞߍ߫ ߟߴߊ߬ߟߎ߬ ߓߟߏߏߞߍ߫ ߦߙߌ ߘߌ߫߸ ߞߏ߫ ߊ߬ߟߎ߬ ߡߊ߫ ߞߕߐߙߐ߲ߘߓߐߟߌ ߣߌ߲߬ ߞߍ߫ ߦߋ߲߬ ߕߋ߲߬ ߜߊ߲ߛߊ߲߫ ߘߋ߬߸ ߊ߬ ߕߊ߬ߣߍ߲߫ ߛߌ߰ߞߊ߬ߝߐ߫ ߕߊ߬ߡߌ߲߬ߣߍ߲ ߓߍ߲߬ߡߊ߬ߞߊ߲ ߠߎ߬ ߟߋ߬ ߡߊ߬߸ ߞߵߊ߬ ߓߍ߲߬ ߖߡߊ߬ߣߊ ߟߊ߫ ߟߊ߬ߞߊ߲߬ߘߊ߬ߟߌ ߘߊߞߎ߲ ߡߊ߬߸ ߏ߬ ߡߍ߲ ߓߘߴߊ߬ ߞߍ߫ ߢߣߊߕߊߟߌ߫ ߕߴߛߋ߫ ߛߌ߲߬ߝߏ߲߬ߧߊ߬ ߟߊ߫ ߡߎߣߎ߲߬߸ ߕߋߟߋ߲ ߣߌ߫ ߜߍߦߊ ߞߣߐ߫، ߞߊ߬ߦߌ߯ ߝߊ߲߬ߞߊ ߕߊ߬ ߛߊ߲ ߊ߬ߟߎ߬ ߓߟߏ߫߸ ߊ߬ߟߎ߬ ߦߋ߫ ߡߙߌߦߊ߫ ߞߋߟߋ߲ ߢߌ߲߬ ߠߋ߬ ߞߊ߲߬߸ ߞߏ߫ ߢߣߊߕߊߟߌ߫ ߞߏ߫ ߞߎߡߊ߫ ߕߴߦߋ߲߬߸ ߣߌ߫ ߖߡߊ߬ߣߊ ߡߊ߫ ߓߊߛߌ߰.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.