ߝߊ߯ߞߊ߲ߓߋ߲߫ ߕߐ߲ߕߐ߲ ߘߏ߫ ߟߋ߬ ߓߐߣߍ߲߫ ߖߋ߬ߟߌ߬ߓߊ߬ߘߎ߯߸ ߝߊ߯ߞߊ߲ߓߋ߲߫ ߈߀ ߢߐ߲߰߸ ߞߊ߬ ߞߎߘߍ߫ ߁ ߄߀߀ ߓߏ߬ߙߌ߫ ߞߊ߬ ߣߊ߬ ߘߏ߲߬ ߡߊ߬ߟߌ ߟߊ߫߸ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߣߊ߲߬ߕߌ߮ ߟߎ߫ ߟߋ߬ ߞߵߊ߬ߟߎ߫ ߓߌ߬ߟߊ߬ߛߌ߬ߟߊ߫، ߣߊ߬ߟߌ ߏ߬ ߡߍ߲ ߞߍߣߍ߲߫ ߞߐߡߊߓߌ߲ߓߌ߲ߠߌ߲ ߕߐ߰ߡߊ߬ߛߙߋ ߘߌ߫ ߖߋ߬ߣߌ߲߬ߕߊ߬ ߞߏ ߘߐ߫߸ ߡߍ߲ ߕߐ߬ߣߐ ߦߋ߫ ߖߡߊ߬ߣߊ ߞߊ߲߬ ߕߋ߲߬ ߞߏߛߓߍ߫.
ߘߎ߰ߞߎߟߎ߲ ߘߏ߫ ߟߎ߫ ߟߋ߬ ߟߝߊߣߍ߲߫߸ ߞߊ߬ ߣߊ߲߬ߕߌ߮ ߟߎ߫ ߓߌ߬ߟߴߊ߬ߟߎ߬ ߞߐ߫ ߟߊ߬ߞߊ߲߬ߘߊ߬ߟߌ߬ ߝߊߘߌ ߖߍ߬ߘߍߖߍ߬ߘߍ ߘߐ߫ ߞߵߏ߬ ߞߍ߫ ߡߊ߬ߟߌ ߡߊߜߍ߲ ߘߌ߫ ߖߋ߬ߣߌ߲߬ߕߊ߬ ߞߏ ߘߐ߫߸ ߏ߬ ߡߍ߲ ߞߏߖߊ ߓߘߊ߫ ߞߍ߫ ߥߙߊ߬ߒ߬ߘߊ߬ߡߊ ߘߌ߫ ߦߋ߲߬ ߕߋ߲߬ ߞߊ߬ߣߌ߲߬، ߓߍ߯ ߘߏ߲߬ ߞߵߊ߬ ߟߐ߲߫ ߞߏ߫ ߖߡߊ߬ߣߊ ߟߊ߫ ߛߐ߬ߘߐ߲ ߞߐߞߟߏ ߘߏ߫ ߟߋ߬ ߦߋ߫ ߖߋ߬ߣߌ߲߬ߕߊ ߘߌ߫. ߏ߬ ߟߋ ߘߐ߫߸ ߓߡߊ߬ߞߐ߫ ߝߊ߰ߡߊ ߟߎ߬ ߛߍߥߊ߫ ߘߊ߫ ߣߌ߲߬ ߞߏ ߟߊ߫ ߞߏߛߓߍ߫ ߞߵߊ߬ ߕߊ߲߬ߘߏ߬߸ ߞߏ߫ ߣߌ߲߬ ߦߋ߫ ߞߏ߫ ߓߘߍߓߊ߫ ߘߌ߫ ߞߌ߬ߢߍ߬ߞߏ߬ߞߏ߲߬ߞߏ߬ ߖߡߊߣߊ ߟߎ߫ ߖߘߍ߬ ߘߡߊ ߣߌ߫ ߢߐ߲߯ ߕߍ߫.
ߘߍ߲߰ߦߊ߬ߟߌ ߞߏߕߌ߮߸ ߡߎߛߊ߫ ߊߟߛߊߣ ߖߊߟߏ߫߸ ߏ߬ ߞߊ߬ ߣߌ߲߬ ߞߏ ߛߍߥߊ ߞߍ߫ ߟߋ߬ ߝߋߎ߫߸ ߞߵߊ߬ ߦߌ߬ߘߊ߬ ߞߏ߫: <<ߊ߬ ߘߌ߫ ߘߏ߫ ߞߍ߫ ߖߋ߬ߣߌ߲߬ߕߊ߬ ߞߏ ߡߊ߬ߛߐ߬ߟߌ ߟߊߣߐ߰ߦߊ ߘߐ߫ ߖߡߊ߬ߣߊ ߞߣߐ߫.>> ߊ߬ ߞߊ߬ <<ߞߎߟߎ߲ߖߋߟߌ ߝߏ߬ߟߌ߬ ߓߟߏߕߍ߰ߓߊߟߌ>> ߟߊߛߋ߫ ߖߋ߬ߟߌ߬ߓߊ߬ߘߎ߯ ߡߊ߬ ߡߊ߬ߟߌ ߕߐ߯ ߘߐ߫߸ ߊ߬ߟߎ߬ ߟߊ߫ ߘߍ߬ߡߍ߲߫ ߢߐ߲߰ߦߋ߬ߜߏ ߣߌ߲߬ ߞߏߛߐ߲߬.
ߞߐߡߊߓߌ߲ߓߌ߲ߠߌ߲ ߡߍ߲ ߦߋ߫ ߕߋ߲߬߸ ߏ߬ ߦߋ߫ ߞߌ߬ߢߍ߬ߞߏ߲߬ߞߏ߬ ߖߡߊߣߊ ߟߎ߬ ߟߊ߫ ߞߣߐߜߍ߫ ߢߐ߲߰ ߢߍ ߕߐ߰ߡߊ߬ߛߙߋ ߘߏ߫ ߟߋ߬ ߘߌ߫߸ ߖߋ߬ߟߌ߬ߓߊ߬ߘߎ߯ ߣߌ߫ ߓߙߎߞߌߣߊ߫ ߝߊ߬ߛߏ߬ ߣߌ߫ ߡߊ߬ߟߌ ߞߊ߬ߣߌ߲߬، ߞߊ߬ߕߎ߲߯߸ ߊ߬ߟߎ߬ ߦߋ߫ ߢߐ߲߯ ߡߊߘߍ߬ߡߍ߲߬ ߠߊ߫ ߞߏ߫ ߛߌߦߊߡߊ߲߫ ߘߐ߫ ߕߋ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.