ߓߙߎߞߌߣߊ߫ ߞߊ߲ߕߌ߮ ߣߐ߬ ߘߋ߲ߡߌߛߍ߲߫ ߟߢߊ߬ߟߌ߬ߟߊ ߟߎ߬ ߣߌ߫ ߕߌߙߌ߲ߠߌ߲ߠߊ ߟߎ߬ ߞߟߌ߫ ߟߊ߫ ߓߊ߯ߙߊ ߟߋ߬ ߡߊ߬ ߖߡߊ߬ߣߊ ߦߋ߫߸ ߊ߬ ߞߊ߬ ߕߌߙߌ߲ߠߌ߲ ߟߊ߬ߘߍ߬ߓߊ ߟߋ߬ ߓߍ߲߬ߒ߬ߛߋ߲߬ߡߊ ߕߣߐ߬ߓߐ߫ ߞߵߊ߬ ߡߙߌߦߊ߫ ߛߊߣߌ߲ ߏ߬ ߟߊߛߋ߫.

ߛߋߒߞߏߟߊߘߐߦߊ ߟߊ߬ߞߎ߬ߘߦߊ߬ߟߌ ߟߎ߬ ߣߌ߫ ߟߐ߲ߞߏ߫ ߕߌߙߌ߲ߠߌ߲ ߟߊ߬ߘߍ߬ߓߊ ߞߍߞߏ߫ ߁߅߲ ߡߍ߲ ߞߍ߫ ߘߊ߫ ߓߙߎߞߌߣߊ߫ ߝߊ߬ߛߏ߬ ߞߏߓߌߕߌ߮ ߕߋ߬ߟߋ߫ ߂߂ ߡߊ߬߸ ߞߊ߲ߕߌ߮ ߞߵߏ߬ ߟߋ ߓߍ߲߬ߒ߬ߛߋ߲߬ߡߊ ߕߣߐ߬ߓߐ߫ ߞߊ߬ ߓߙߎߞߌߣߊ߫ ߕߌߙߌ߲ߠߌ߲ߠߊ ߟߎ߬ ߡߊߞߟߌ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߓߍߣߊ߬ ߡߎ߬ߙߊ߲ ߘߏ߫ ߟߎ߫ ߘߌ߫߸ ߊ߬ ߕߍ߫ ߡߍ߲߫߸ ߡߍ߲ ߘߌ߫ ߞߍ߫ ߕߙߎ߬ ߘߌ߫ ߞߊ߬ ߕߌߙߌ߲ߠߌ߲ߠߊ ߟߎ߫ ߘߍ߬ߡߍ߲߫ ߊ߬ߟߎ߬ ߟߊ߫ ߓߊ߯ߙߊ ߟߎ߬ ߘߐ߫ ߛߊ߲߭ ߣߊ߬ߕߐ.

<<ߒ ߓߘߊ߫ ߟߊ߬ߤߘߌ ߕߊ߬߸ ߂߀߂߆ ߟߊ߫߸ ߕߎ߬ߡߊ߬ߘߐ߫ ߊ߬ ߞߊߙߏ߫ ߛߓߊ߫ ߝߟߐ߸ ߖߐ߯ߙߊ߲߫ ߞߎߘߊߞߎߘߊ߫ ߞߊ߬ߞߎ߬ߘߊ߬ߡߊ ߘߏ߫ ߟߎ߫ ߘߌ߫ ߣߊ߬ ߕߌߙߌ߲ߠߌ߲ߠߊ ߟߎ߬ ߦߋ߫ ߓߙߎߞߌߣߊ߫ ߝߊ߬ߛߏ߬.>> ߊ߬ ߞߵߏ߬ ߟߋ ߝߐ߫ ߢߣߊߓߊ߮ ߟߎ߬ ߢߊߞߘߐ߫ ߦߋ߲߬߸ ߞߵߊ߬ ߦߌ߬ߘߊ߬ ߞߏ߫ ߕߐ߬ߣߐ ߦߋ߫ ߡߍ߲ ߠߊ߫߸ ߏ߬ ߟߋ ߟߐ߲ߞߏߦߟߊ ߟߎ߬ ߞߍ ߘߌ߫ ߞߵߊ߬ߟߎ߬ ߟߊ߫ ߟߐ߲ߠߌ߲ ߠߎ߫ ߓߌ߬ߟߊ߫ ߖߡߊ߬ߣߊ ߕߊ߫ ߓߟߏ߫ ߞߊ߲߬߸ ߞߵߞߊ߬ ߞߍ߫ ߖߡߊ߬ߣߊ ߦߋ߫.

ߞߊ߲ߕߌ߮ ߓߊ߲߫ ߘߊ߫ ߞߊ߬ ߘߋ߲ߡߌߛߍ߲ ߠߎ߬ ߞߟߌ߫߸ ߞߏ߫ ߊ߬ߟߎ߬ ߦߴߊ߬ߟߎ߬ ߘߐߖߊ߬߸ ߊ߬ߟߎ߬ ߦߋ߫ ߛߋ߫ ߟߊ߬ߘߊ߲߬ߠߌ߲ ߠߎ߬ ߞߍ߫ ߟߊ߫߸ ߞߊ߬ ߛߋ߫ ߢߊߞߎߘߦߊߟߌ ߟߎ߬ ߞߍ߫ ߟߊ߫߸ ߞߵߏ߬ ߞߍ߫ ߖߡߊ߬ߣߊ ߡߊߜߍ߲ ߘߌ߫، <<ߊ߲ ߘߌ߫ ߣߊ߬ ߡߐ߲߬ߘߐ߲߫ ߝߌ߬ߟߊߝߌ߬ߟߊ ߘߌ߫߸ ߛߊ߫ ߡߍ߲ ߠߎ߬ ߘߌ߫ ߛߋ߫ ߟߊ߬ߘߊ߲߬ߠߌ߲ ߞߍ߫ ߟߊ߫߸ ߏ߬ ߟߎ߬ ߦߴߏ߬ ߞߍ߫߸ ߡߍ߲ ߠߎ߬ ߘߌ߫ ߛߋ߫ ߛߌ߲ߘߟߌ ߞߍ߫ ߟߊ߫߸ ߏ߬ ߟߎ߬ ߦߋ߫ ߛߴߏ߬ ߞߍ߫ ߟߊ߫.>>

ߌߓߙߊߤߌߡ ߕߙߊߥߟߋ߫ ߟߊ߫ ߡߙߌߦߊ ߏ߬ ߦߋ߫ ߖߡߊ߬ߣߊ߬ߘߋ߲ ߠߎ߬ ߟߊ߫ ߝߙߊ߬ ߢߐ߲߰ ߞߊ߲߬ ߡߙߌߦߊ ߟߋ߬ ߘߌ߫ ߞߏ߫ ߞߋߟߋ߲߫ ߔߋ߫ ߞߊ߲߬߸ ߏ߬ ߟߋ ߓߊ߯ߙߊ ߞߍ ߘߌ߫ ߖߡߊ߬ߣߊ ߦߋ߫߸ ߞߊ߬ ߛߋ߫ ߓߙߎߞߌߣߊ߫ ߝߊ߬ߛߏ߬ ߞߍ߫ ߟߴߊ߬ ߖߘߍ߬ ߘߌ߫߸ ߟߐ߲ߞߏ ߡߊ߬ߣߊߡߊ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.