ߛߣߍ߬ߜ߭ߊ߬ߟߌ߬ ߦߋ߫ ߛߍߥߊ ߟߋ߬ ߕߍߡߊ߬ ߕߋ߲߬߸ ߣߴߏ߬ ߦߋ߫ ߝߘߊ߬ߝߌ߲߬ߠߊ߫ ߡߊ߲߬ߕߏ߲ ߠߎ߬ ߟߊ߫ ߂߀߂߅ ߖߌߟߊߝߍ ߘߌ߫߸ ߏ߬ ߡߍ߲ ߓߘߴߊ߬ߟߎ߬ ߞߍ߫ ߝߘߊ߬ߝߌ߲߬ߠߊ߫ ߖߡߊ߬ߣߊ ߓߍ߯ ߘߐ߫ ߞߟߏߞߏ߬ߕߏ ߘߌ߫، ߒ߬ߓߊ߬߸ ߖߊ߲߬ߖߏ߲߬ߓߊ߫ ߟߋ߬ ߛߌ߰ߣߍ߲߫ ߛߋ߲߬ߠߊ߫ ߛߣߍ߬ߜ߭ߊߟߌ߫ ߞߊ߲ߕߌ߯ ߞߎߓߋ ߟߊ߫߸ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬ ߟߊ߫ ߓߏ߲߬ߧߊ ߞߣߐ߫.
ߞߊ߲ߓߍ߲ ߞߊ߲ߕߌ߮ ߞߊ߬ ߟߌߦߐ߲ ߘߋ߬ ߟߊ߬ ߕߋߙߊ߲ߜ߭ߊ ߟߊߛߣߍ߫ ߟߊ߬ߞߢߐ߬ߡߊ߬ߟߌ߬ ߖߌ߲ߘߊ߲ߡߊ ߟߋ߬ ߘߐ߫߸ ߞߊ߬ ߝߘߊ߬ߝߌ߲߬ߠߊ߫ ߞߟߏߞߕߏ ߟߎ߫ ߛߐ߲߭ ߛߎߡߊ߫߸ ߞߵߊ߬ߟߎ߫ ߝߏ߬ ߊ߬ߟߎ߬ ߟߊ߫ ߓߊ߯ߙߊ߫ ߓߘߍ ߟߊ߫߸ ߞߵߊ߬ߟߎ߫ ߝߏ߬ ߘߐ߬ߝߐ ߟߊߘߊ߲ ߘߐ߫ ߊ߬ߟߎ߬ ߓߟߏ߫߸ ߏ߬ ߡߍ߲ ߓߘߊ߫ ߞߍ߫ ߖߡߊ߬ߣߊ ߡߎ߰ߡߍ ߞߎ߲߬ߠߊ߬ߦߋߙߋ߲ ߘߌ߫، ߕߏ߬ߟߊ߲߬ߕߊ߲߬ߠߊ ߟߎ߫ ߕߘߍ߬ ߞߣߍ ߞߊ߲߬߸ ߛߋߒߞߏߟߊ߫ ߞߙߎ ߟߎ߬߸ ߊ߬ ߣߌ߫ ߕߏ߬ߟߊ߲ ߡߊߡߙߊ߬ߓߊ߮ ߟߎ߬߸ ߞߊ߲ߓߍ߲ ߞߊ߲ߕߌ߮ ߞߵߊ߬ߟߎ߫ ߝߏ߬ ߞߵߊ߬ߟߎ߬ ߞߏߢߌߡߊߟߐ߲߫ ߞߐ߲ߘߐ߲߫ ߛߌߦߊߡߊ߲߫ ߠߊ߫، ߓߊߏ߬߸ ߊ߬ߟߎ߬ ߓߘߊ߫ ߞߎ߲߬ߠߊ߬ߦߋߙߋ߲ ߘߌ߫ ߖߡߊ߬ߣߊ ߡߊ߬߸ ߝߏ߫ ߞߵߊ߬ߟߎ߬ ߝߣߊ߫ ߞߎ߲߬ߠߊ߬ߦߋߙߋ߲߫ ߠߋ߬.
ߕߏ߬ߟߊ߲߬ߕߊ߲߬ߠߊ ߓߍ߯ ߞߊ߬ ߞߋ߬ߟߋ߲߬ߠߊ߬ ߞߐ߲ߘߐ߲߫ ߛߐ߬ߘߐ߲߬߸ ߛߍߝߊ ߞߋ߲߬ߥߟߎ߬ ߇߅߸ ߞߵߏ߬ ߟߊ߫ ߘߎ߱ ߘߏ߫ ߞߊ߲߬߸ ߡߍ߲ ߝߊ߲߬ߝߘߊ߬ߢߊ ߦߋ߫ ߜߟߊ߬ߝߘߎ߬ߓߍ߲߬ ߁ ߅߀߀ ߘߌ߫߸ ߔߋ߬ߕߌߕ ߞߐߕ ߞߊ߲߬، ߏ߬ ߞߍ߫ ߘߊ߫ ߞߏߓߊ߫ ߟߋ߬ ߘߌ߫ ߞߎ߲߬ߠߊ߬ߛߌ߮ ߓߟߏ߫߸ ߞߊ߬ ߡߐ߰ ߟߎ߬ ߥߊߟߢߌߡߊߟߐ߲߫߸ ߡߍ߲ ߠߎ߬ ߣߐ߬ ߖߡߊ߬ߣߊ ߖߏ߲߬ߖߏ߲ ߠߊߖߊ߲ߞߏ߫ ߟߊ߫.
ߛߣߍ߬ߜ߭ߊߟߌ߫ ߕߏ߬ߟߊ߲߬ߕߊ߲ ߞߙߎߝߊ ߛߌ߲߬ߝߏ߲ ߠߎ߬ ߝߣߊ߫߸ ߏ߬ ߟߎ߫ ߞߊ߬ ߞߣߐߘߐߘߌߦߊ ߛߐ߬ߘߐ߲߬، ߏ߬ ߟߎ߫ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߘߌ߫ ߛߍߝߊ ߞߋ߲߬ߥߟߎ߬ ߅߀ ߛߐ߬ߘߐ߲߬߸ ߞߵߏ߬ ߟߊ߫ ߘߎ߱ ߜߟߊ߬ߝߘߎ߬ߓߍ߲߬ ߁ ߀߀߀ ߞߊ߲߬߸ ߏ߬ ߟߎ߬ ߝߣߊ߫ ߕߊ ߏ߬ ߦߋ߫ ߔߋ߬ߕߌߕ ߞߐߕ ߟߋ߬، ߣߴߌ ߘߏ߲߬ ߞߊ߬ ߗߋߘߋ߲ ߠߎ߬ ߕߊ߬߸ ߡߍ߲ ߠߎ߬ ߕߊ߯ ߘߊ߫ ߛߘߍߞߎߘߎ߲ ߡߊߟߐ߬߸ ߏ߬ ߟߎ߬ ߝߣߊ߫ ߞߋ߬ߟߋ߲߬ߞߋߟߋ߲ ߛߐ߫ ߘߊ߫ ߛߍߝߊ ߞߋ߲߬ߥߟߎ߫ ߂߀ ߠߊ߫߸ ߊ߬ ߣߌ߫ ߘߎ߱ ߜߟߊ߬ߝߘߎ߬ߓߍ߲߫ ߅߀߀ ߘߌ߫ ߘߴߊ߬ߟߎ߬ ߝߣߊ߫ ߡߊ߬.
ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬ ߞߊ߬ ߢߌ߲߬ ߠߋ߬ ߞߍ߫ ߕߏ߬ߟߊ߲ ߕߊ߲ߠߊ ߟߎ߬ ߣߴߊ߬ ߞߐߞߘߐߘߌߦߟߊ ߟߎ߬ ߦߋ߫ ߓߌ߬߸ ߞߵߏ߬ ߞߍ߫ ߊ߬ߟߎ߬ ߞߣߐߘߐߘߌߦߊ ߘߌ߫߸ ߊ߬ߟߎ߬ ߟߊ߫ ߖߘߍ߬ ߘߌ ߞߏߛߐ߲߬ ߖߡߊ߬ߣߊ ߡߊ߬߸ ߝߏ߫ ߊ߬ߟߎ߬ ߓߘߊ߫ ߛߣߍ߬ߜ߭ߊߟߌ߫ ߞߍ߫ ߛߊ߲ߡߊߟߏߟߏ ߘߌ߫ ߝߘߊ߬ߝߌ߲߬ߠߊ߫ ߕߏ߬ߟߊ߲߬ ߞߏ ߘߐ߫߸ ߞߊ߬ ߞߟߏߞߕߏߦߊ ߘߴߊ߬ߟߎ߫ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.