ߝߘߊ߬ߝߌ߲߬ߠߊ߫ ߘߌ߯ߣߊ߫ ߞߎ߲ߕߌ߮ ߘߏ߫ ߟߎ߫ ߟߋ߬ ߕߊ߯ߣߍ߲߫ ߓߐߒߡߊߟߌ ߟߊ߫ ߗ߭ߋ߬ߙߎ߳ߛߊ߬ߟߍߡ߸ ߏ߬ ߞߏ ߞߎߡߊ ߓߘߊ߫ ߛߌߦߊߦߊ߫ ߛߣߍ߬ߜ߭ߊߟߌ߫ ߞߣߐ߫، ߓߊߏ߬߸ ߦߋ߲߬ ߢߍߓߊ߮ ߟߎ߬ ߟߊ߫ ߘߍ߭ ߞߊ߲߫ ߞߏ߫ ߕߊ߯ߡߊ߫ ߛߎ߮ ߏ߬ ߦߋ߫ ߖߡߊ߬ߣߊ ߟߊ߫ ߞߐߘߏ߲ߓߊ߯ߦߊ ߟߋ߬ ߦߌ߬ߘߊ߬ ߟߊ߫ ߜߍ ߘߐ߫ ߥߛߊߞߙߊ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߣߌ߫ ߔߊߟߍߛߑߕߌߣߌ߲߬ ߕߍ߫ ߝߊ߲߬ ߞߋߟߋ߲߫ ߝߍ߬، ߓߍ߯ ߘߏ߲߬ ߞߵߊ߬ ߟߐ߲߫ ߞߏ߫ ߛߣߍ߬ߜ߭ߊߟߌ߫ ߦߋ߫ ߔߊߟߍߛߑߕߌߣߌ߲߬ ߠߋ߬ ߞߐߡߊߓߌ߲ߓߌ߲߫ ߠߊ߫ ߝߟߐ߫ ߣߌ߫ ߓߌ߬ ߘߐ߫.
ߛߣߍ߬ߜ߭ߊߟߌ߫ ߘߌ߯ߣߊ߫ ߟߊߛߋߟߊ ߟߎ߬ ߣߴߊ߬ ߢߍߓߊ߮ ߟߎ߬ ߟߊ߫ ߘߍ߭ ߞߊ߬ ߟߊ߬ߛߋ߬ߟߌ ߘߏ߫ ߟߋ߬ ߞߍ߫ ߞߎߣߎ߲߬ ߞߐ߬ߓߊ߬ߟߏ߲ ߡߊ߬߸ ߞߏ߫ ߛߣߍ߬ߜ߭ߊ߬ߟߌ߬ ߘߌ߯ߣߊ߫ ߢߍߡߐ߮ ߡߍ߲ ߠߎ߬ ߕߊ߯ߣߍ߲߫ ߓߐߒߡߊߟߌ ߟߊ߫ ߌߛߌ߬ߙߊ߬ߌߟߊ߫߸ ߏ߬ ߡߊ߫ ߘߌߦߴߊ߬ߟߎ߬ ߦߋ߫ ߢߊ߫ ߛߌ߫ ߡߊ߬، ߊ߬ߟߎ߬ ߟߊ߫ ߟߊ߬ߛߋ߬ߟߌ ߘߐ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߘߌ߯ߣߊ߫ ߢߍߡߐ߮ ߡߍ߲ ߠߎ߬ ߥߊߣߍ߲߫ ߕߊ߯ߡߊ ߣߌ߲߬ ߘߐ߫߸ ߏ߬ ߟߎ߬ ߕߍ߫ <<ߖߡߊ߬ߣߊ ߢߍߓߊ߮ ߟߎ߬ ߞߐߦߌߘߊ߫ ߘߌ߫ ߦߋ߲߬߸ ߞߎߡߊߕߍ߫ ߛߣߍ߬ߜ߭ߊ߬ߟߌ߬ߞߊ ߕߐ߭ ߟߎ߫ ߡߊ߬>> ߊ߬ߟߎ߬ ߥߊߣߴߊ߬ߟߎ߫ ߖߍ߬ߘߍ߫ ߟߋ߬ ߕߐ߯ ߘߐ߫، ߊ߬ߟߎ߬ ߞߊ߲߫ ߞߏ߫ ߓߐߒߡߊߟߌ߫ ߛߎ߮ ߣߌ߲߬ ߦߋ߫ ߖߡߊ߬ߣߊ߫ ߝߌ߬ߟߊ ߘߊߞߍ ߟߋ߬ ߘߌ߫ ߢߐ߲߯ ߘߐ߫߸ ߣߴߏ߬ ߦߋ߫ ߛߣߍߜ߭ߊߟߌ߫ ߣߌ߫ ߔߊߟߍߛߑߕߌߣߌ߲߬ ߘߌ߫.
ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߊ߬ߦߌ߯ ߁߉߇߅ ߟߊ߫߸ ߛߣߍ߬ߜ߭ߊߟߌ߫ ߟߋ߬ ߡߊ߲߬ߕߏ߲߬ ߠߊߘߍ߬ߣߍ߲ ߠߊ߫ ߘߍ߬ߘߊ߫ ߞߎ߲߬ߠߊ߫߸ ߡߍ߲ ߦߋ߫ ߔߊߟߍߛߑߕߌߣߌ߲߬ ߡߌ߬ߙߌ߲߬ߘߌ ߤߊߞߍ߫ ߡߞߊߘߊ߲߫ ߓߊ߯ߙߊ ߟߎ߫ ߞߎ߲߬ߠߊ߬߸ ߏ߬ ߘߏ߲߬ ߦߋ߫ ߞߏ߫ ߟߋ߬ ߘߌ߫߸ ߕߊ߯ߡߊ߫ ߛߎ߮ ߣߌ߲߬ ߦߋ߫ ߡߍ߲ ߠߊ߫ ߛߍ߰ ߞߍߣߍ߲ ߠߎ߬ ߞߍ߫ ߟߊ߫ ߖߌ ߟߊ߫.
ߌߛߌ߬ߙߊ߬ߌߟߊ߫ ߞߌ߬ߓߊ߬ߙߏ߬ߘߊ ߘߏ߫ ߟߎ߫ ߟߊ߫ ߝߐߟߌ߫ ߘߐ߫߸ ߞߏ߫ ߓߐߒߡߊߟߌ ߣߌ߲߬ ߛߌ߰ߣߍ߲߫ ߛߋ߲߬ߠߊ߫ ߌߛߌ߬ߙߊ߬ߌߟߊ߫ ߞߐߞߊ߲ߞߏ ߟߎ߬ ߞߏߕߌ߮ ߟߋ߬ ߓߟߏ߫، ߞߙߎ ߡߍ߲ ߠߎ߬ ߥߊߣߍ߲߫߸ ߢߍߓߊ߮ ߟߎ߬ ߦߴߊ߬ ߘߐ߫߸ ߝߐ߰ߓߍ߬ߦߊ߬ߟߊ ߟߎ߬ ߦߴߊ߬ ߘߐ߫߸ ߡߍ߲ ߠߎ߬ ߓߐߣߍ߲߫ ߖߡߊ߬ߣߊ߬ ߘߊ߲ߘߐ߫ ߘߐ߫: ߛߣߍ߬ߜ߭ߊߟߌ߫߸ ߕߜ߭ߏ߫߸ ߜߋ߲ߞߐ߰ߖߌ߬ߘߊ߸ ߓߋߣߍ߲߫߸ ߊ߬ ߣߌ߫ ߞߊߡߋߙߎߣ߸ ߊ߬ߟߎ߬ ߣߌ߫ ߌߛߌ߬ߙߊ߬ߌߟߊ߫ ߞߊ߲ߕߌ߮ ߖߍ߬ߘߍ ߞߊ߬ ߢߐ߲߮ ߦߋ߫ ߞߏߟߌ߲ߞߏߟߌ߲ ߕߟߋ߬ ߁߭ ߡߊ߬߸ ߞߊ߲ߕߌ߮ ߏ߬ ߡߍ߲ ߕߐ߯ ߞߏ߫ ߌߖ߭ߊߞ ߤߍߙߑߖ߭ߐߜ߭.
ߓߐߒߡߊߟߌ ߣߌ߲߬ ߞߎߡߊ߫ ߡߌߛߍ߲ ߓߘߊ߫ ߛߌߦߊߦߊ߫ ߛߣߍ߬ߜ߭ߊߟߌ߫ ߞߣߐ߫߸ ߓߊߏ߬ ߔߊߟߍߛߑߕߌߣߌ߲߬ ߠߋ߬ ߘߌߡߊ߲߫ ߊ߬ ߛߌߦߊߡߊ߲߫ ߦߋ߫ ߘߌ߯ߣߊ߫ ߞߏ ߞߏߛߐ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.