ߞߊ߲ߞߊ߲߫ ߞߊ߬ߝߏ߬ߙߋ߲ ߠߊ߫ ߓߌ߬ߟߊ߬ߒ߬ߘߐ߬ ߟߊߘߍ ߡߍ߲ ߞߎߡߊ ߕߎ߲߬ ߝߐ߫ ߘߊ߫ ߞߏ߲ߞߏߜߍ ߕߟߋ߬ ߅ ߣߌ߲߬ ߡߊ߬߸ ߏ߬ ߟߊߓߊ߲ ߡߊ߫ ߛߋ߫ ߞߍ߫ ߟߊ߫ ߡߎ߬ߕߎ߲߬ ߝߊߦߌߘߊ߫، ߞߕߐߙߐ߲ߘߓߐߟߌ߫ ߛߌߦߊߡߊ߲ ߠߎ߬ ߞߐߝߍ߬ ߢߐ߲߮ ߞߐ߫߸ ߞߊ߬ߝߏ߬ߙߋ߲ ߟߥߊ߬ߟߌ߬ߟߌ߬ߟߊ ߟߎ߬ ߣߴߊ߬ ߞߏߟߊߕߍ߮ ߟߎ߬ ߓߘߊ߫ ߕߎ߬ߡߘߊ߬ ߜߘߍ߫ ߝߐ߫ ߌߞߐ߫: ߏ߬ ߟߋ ߞߐ߬ߓߊ߬ߟߏ߲߫ ߣߊ߬ߕߐ ߘߌ߫߸ ߊ߬ ߦߌ߬ߘߊ߬ߣߍ߲߬ ߞߏ߫ ߟߊ߬ߘߍ߫ ߝߌ߬ߟߊ߬ߣߍ߲ ߓߍߣߊ߬ ߞߍ߫ ߡߍ߲ ߘߐ߫߸ ߞߊ߬ ߓߌ߬ߟߊ߬ߒ߬ߘߐ߬ ߟߊߘߍ ߣߌ߫ ߝߛߎߞߎ߫ ߟߊߘߍ ߘߌ߫.

Un homme portant une casquette et des lunettes, tenant un microphone, parle à l'extérieur d'un bâtiment avec des sièges et d'autres personnes en arrière-plan.

ߎߡߊߙ ߝߏߝߣߊ߫ ߕߍ߬ߘߍ߫ ߞߊ߬ߝߏ߬ߙߋ߲ ߠߊ߫ ߓߌ߬߸ ߊ߬ߟߋ ߡߍ߲ ߦߋ߫ ߓߌ߬ߟߊ߬ߢߐ߲߰ߡߊ ߥߛߊ߬ߓߊ߰ߦߊ ߞߊ߲ߕߌ߮ ߘߌ߫߸ ߏ߬ ߞߵߊ߬ ߟߊ߫ ߣߌߛߐߜߏߦߊ ߦߌ߬ߘߊ߫ ߣߌ߲߬ ߞߏ ߘߐ߫߸ ߞߵߊ߬ ߓߍ߲߬ ߞߕߐߙߐ߲ߘߓߐߟߌ߫ ߓߊ߲ߓߊߟߌ ߣߌ߲߬ ߡߊ߬، <<ߊߟߊ߫ ߟߊ߫߸ ߒ ߖߛߎ߬ߞߎ߲ ߕߙߐߣߍ߲߫ ߓߌ߬߸ ߞߵߊ߬ ߦߋ߫ ߞߏ߫ ߊ߲ ߞߊ߬ ߓߌ߬ߟߊ߬ߒ߬ߘߐ߬ ߟߊߘߍ ߡߍ߲ ߘߊߡߌ߬ߣߊ߫ ߞߊ߬ߦߌ߯ ߓߌ߲ߠߊߥߎߟߋ߲߫ ߞߊߙߏ ߟߊ߫߸ ߤߊ߲߯ ߓߌ߬ ߏ߬ ߕߐ߭ ߞߢߊ߬ߣߍ߲߬ ߟߊߓߊ߲߫ ߠߊ߫، ߊ߬ ߘߏ߲߬ ߝߐ߫ ߘߊ߫ ߟߋ߬ ߞߏ߫ ߞߵߊ߬ ߟߊߘߎ߲߫߸ ߓߊߏ߬ ߡߐ߱ ߟߎ߫ ߖߎ߬ߛߎ ߕߎ߲߬ ߓߘߊ߫ ߦߟߍ߬ ߝߏ߮ ߞߣߐ߫߸ ߞߵߊ߬ ߞߎ߲߬ߝߐ߮ ߟߐ߯ߟߊ߫ ߞߎ߲߬ߢߐ߲߯ ߣߊ߬ߕߐ ߟߊ߫، ߊ߲ ߣߊ߬ߕߐ߫ ߏ߬ ߟߐ߯ߞߎ߲߫ ߛߊ߬ߓߊ ߟߋ߬ ߡߊ߬ ߕߋ߲߬߸ ߏ߬ ߕߐ߭ ߡߊ߫ ߛߋ߫ ߟߊߓߊ߲߫ ߠߊ߫߸ ߊ߲ ߕߍ߫ ߛߴߏ߬ ߢߊߦߋ߫ ߟߊ߫.>> ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ ߞߏߟߊߕߍ߮ ߟߎ߬ ߦߋ߫ ߡߍ߲ ߝߍ߬߸ ߏ߬ ߟߋ ߕߏ߲ߘߋߓߊ߫ ߣߊ߯ߣߌ߲߫ ߘߐߞߣߍ ߘߌ߫: ߣߊ߲߬ߝߟߏ߬ ߞߏ (ߕߐ߬ߣߐ ߣߌ߫ ߖߐ߰ߣߍ߬ ߟߎ߬)߸ ߘߎ߰ ߞߏ߸ ߊ߬ ߣߌ߫ ߓߌߦߊ߲߫ ߡߌߣߊ߫ ߞߏ߸ ߞߵߏ߬ ߟߊ߫ ߞߊ߲ߞߊ߲߫ ߥߊ߬ߦߌ߬ߛߏ ߟߐ߬ߟߌ ߛߋ߲߬ߕߊ ߢߊߝߐ ߞߊ߲߬߸ ߏ߬ ߓߊ߯ ߞߍ߫ ߞߊߓߋ ߡߍ߲ ߘߐ߫ ߞߵߏ߬ ߘߐߞߣߍ߫ ߥߛߊ߬ߓߊ߰ߦߊ ߟߊ߫ ߘߊ߲߬ߕߍ߰ߟߌ ߟߊ߫.

<<ߊ߲ߠߎ߬ ߦߋ߫ ߘߎ߰ߘߋ߲ ߠߎ߬ ߟߋ߬ ߞߐߦߌ߬ߘߊ߬ ߟߊ߫، ߊ߬ ߘߏ߲߬߸ ߘߎ߰ߘߋ߲ ߠߎ߬ ߟߊߟߐ߲ߠߌ߲ ߞߏߢߊ ߢߌ߲߬ ߠߊ߫߸ ߏ߬ ߕߴߛߋ߫ ߞߍ߫ ߟߊ߫ ߝߙߋߞߋ߫ ߘߌ߫.>> ߊ߬ ߞߵߊ߬ ߖߊ߬ ߦߙߐ ߏ߬ ߞߊ߲߬.

Un homme assis dans un bureau, portant un costume beige, avec des microphones devant lui sur une table. On voit une fenêtre avec des rideaux et un ventilateur en arrière-plan.

ߟߥߊ߬ߟߌ߬ߟߌ ߘߊߞߎ߲ ߘߐ߫߸ ߊ߬ߙߊ߬ߝߊ߲߬ ߡߎߛߊ߫ ߞߎ߬ߟߌߓߊ߬ߟߌ߬ ߡߍ߲ ߦߋ߫ ߞߊ߬ߝߏ߬ߙߋ߲ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߞߊ߲ߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߛߋߒߞߏߟߊ߫ ߝߙߋߞߋ ߟߋ߬ ߞߵߊ߬ߟߎ߬ ߡߊߛߐ߬ߘߐ߲߬߸ ߊ߬ ߣߌ߫ ߞߵߊ߬ ߓߍ߲߬ ߊ߬ߟߎ߬ ߟߊ߫ ߘߐ߬ߛߙߋ ߘߏ߫ ߟߎ߫ ߘߝߊߓߊߟߌߦߊ ߡߊ߬߸ ߏ߬ ߟߋ ߞߵߊ߬ ߞߍߟߌ ߟߢߊߙߊ߲߫. <<ߊ߲ ߕߍ߫ ߛߴߊ߬ ߝߐ߫ ߟߊ߫ ߞߏ߫ ߊ߲ ߘߌ߫ ߟߊ߬ߘߍ ߘߏ߫ ߞߍ߫ ߓߌߟߏ߲ ߣߌ߲߬ ߡߊ߬߸ ߞߊ߬ ߓߊ߲߫ ߞߊ߬ ߘߏ߫ ߜߘߍ߫ ߞߍ߫ ߞߐ߬ߓߊ߬ߟߏ߲، ߞߵߊ߬ ߓߍ߲߬ ߞߏ ߟߎ߬ ߟߊߞߢߊ ߡߊ߬ ߛߊ߫߸ ߊ߲ ߞߵߊ߬ ߣߕߊ߬ ߞߏ߫ ߊ߲ ߧߴߊ߬ ߓߍ߯ ߟߊߘߍ߬ ߞߵߊ߬ ߞߍ߫ ߞߐ߬ߓߊ߬ߟߏ߲.>> ߊ߬ ߞߵߏ߬ ߟߋ ߢߊߝߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߓߘߊ߫ ߞߋߟߊ ߟߊߕߊ߯ ߊ߬ ߛߊ߲ߘߐ߫ ߡߐ߮ ߟߎ߫ ߡߊ߬߸ ߞߊ߬ ߓߍ߯ ߟߊߘߍ߬ߣߍ߲ ߡߊߞߟߌ߫ ߞߊ߬ߝߏ߬ߙߋ߲ ߘߐ߬ߞߘߌ߬ߟߌ߬ ߝߏ߮ ߞߣߐ߫ ߟߊ߬ߘߍ߫ ߝߌ߬ߟߊ ߏ߬ ߟߎ߬ ߞߍ߫ ߞߊ߲ߡߊ߬.

Femme s'exprimant devant une caméra, tenant un microphone, avec un poster d'un homme en uniforme militaire en arrière-plan.

ߞߊ߬ߛߌ߬ ߞߊ߲߬ ߞߋߟߋ߲߫ ߔߋ߫ ߟߋ߬ ߢߌ߲߬ ߠߎ߬ ߓߍ߯ ߘߊ߫߸ ߣߊߞߊ߬ߣߌ߲߫ ߞߏ߬ߣߊ߬ߕߍ߬ ߡߍ߲ ߦߋ߫ ߣߊ߲߬ߝߟߏ߬ߦߊ߬ߟߌ ߥߛߊ߬ߓߊ߰ߦߊ ߞߊ߲ߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߛߋ߲߬ߢߊ߬ ߣߊ߯ߣߌ߲ ߠߋ߬ ߕߋ߲߬߸ ߟߊ߬ߘߍ߬ ߞߏ ߣߌ߲߬ ߦߋ߫ ߘߐߛߊ߬ ߟߊ߫، <<ߖߡߊ߬ߣߊ߬ߘߋ߲ ߠߎ߬ ߦߋ߫ ߞߍ߫ ߟߊ߫ ߞߊ߬ߝߏ߬ߙߋ߲ ߠߊ߫ ߞߏ ߓߍ߯ ߞߊ߬ߟߊߡߊ߬ ߓߌ߬ߟߊ߬ߒ߬ߘߐ߬ ߟߊߘߍ ߢߌ߲߬ ߠߋ߬ ߘߐ߫، ߊ߲ ߣߐ߬ ߏ߬ ߟߋ ߡߞߊ߬ߛߌ߬ߟߌ ߞߍ߫ ߟߊ߫߸ ߛߴߊ߬ ߘߌ߫ ߟߐ߲߫߸ ߞߊ߬ߝߏ߬ߙߋ߲ ߣߊ߲߬ߝߟߏ ߟߎ߬ ߦߋ߫ ߘߏ߲߬ ߠߊ߫ ߘߊ ߡߍ߲ ߠߎ߬ ߝߍ߬، ߊ߲ ߠߊ߫ ߛߏ ߟߎ߬ ߞߣߐ߫߸ ߓߊ߯ߙߊ߫ ߛߌߦߊߡߊ߲߫ ߠߋ߬ ߞߍ߫ ߟߊ߫ ߖߡߊ߬ߣߊ߬ߘߋ߲ ߠߎ߬ ߕߐ߯ ߘߐ߫߸ ߣߴߊ߬ ߡߊ߫ ߟߊߛߴߊ߬ߟߎ߫ ߡߊ߬߸ ߊ߬ߟߎ߬ ߕߴߊ߬ ߟߐ߲߫.>> ߊ߬ ߞߵߏ߬ ߟߋ ߝߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߡߐ߰ ߛߌߦߊߡߊ߲߫ ߦߟߌ߫ ߟߊ߫ ߟߋ߬ ߕߋ߲߬߸ ߞߏ߫ ߞߎ߲߬ߡߙߎ߬ߟߌ ߟߋ߬ ߞߍߣߍ߲߫ ߘߌ߫ ߞߍ߫، ߣߊ߬ߣߌ ߡߴߏ߬ ߞߏߢߊ ߣߌ߫ ߕߡߊ߬ߖߌ߬ ߟߊߘߍ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ <<ߘߎ߰ߡߟߊ߬ߡߌ߬ߘߊ߬ ߞߏ ߤߊߡߌ߲߫ ߕߍ߫ ߒ߬ߠߎ߬ ߟߊ߫߸ ߡߍ߲ ߦߴߊ߲ ߕߙߐ߫ ߟߊ߫ ߘߐߙߐ߲߫߸ ߏ߬ ߟߋ ߟߊ߬ߘߍ ߞߍߓߊߟߌߦߊ ߘߌ߫.>>

ߘߊ߬ߟߎ ߡߍ߲ ߞߏ߬ߣߌ߲ ߛߐ߬ߘߐ߲߬ߣߍ߲߫ ߟߊ߬ߘߍ ߘߐߛߊ߬ ߞߏ߬ ߦߙߌߞߊ ߢߌ߲߬ ߠߎ߬ ߟߊ߫߸ ߏ߬ ߟߋ ߛߋߒߞߏߟߊ߫ ߝߙߋߞߋ ߟߎ߬ ߘߌ߫߸ ߊ߬ ߣߌ߫ ߡߎ߬ߙߊ߲ ߘߏ߫ ߟߎ߫ ߘߝߊߓߊߟߌߦߊ، ߏ߬ ߟߋ ߘߐ߫߸ ߊ߬ߟߎ߬ ߓߘߴߊ߬ ߣߕߊ߬ ߛߍߣߍ߲߬ ߞߏ߫ ߞߊ߬ ߟߊ߬ߘߍ߫ ߝߌ߬ߟߊ ߢߌ߲߬ ߠߎ߬ ߟߊߘߍ߬ ߞߵߊ߬ ߣߌ߫ ߣߊ߲߬ߝߟߏ߬ ߞߏ߬ ߟߊߘߍ ߞߍ߫ ߢߐ߲߮ ߝߍ߬، ߞߐ߬ߓߊ߬ߟߏ߲߫ ߣߊ߬ߕߐ ߟߎ߬ ߞߏ߬ߣߌ߲ ߝߐߣߍ߲߫߸ ߞߵߊ߬ ߓߍ߲߬ ߟߊ߬ߘߍ߬ ߞߏ ߣߌ߲߬ ߞߎߡߊ߫ ߛߌߦߊߡߊ߲ ߞߎ߲߬ߘߏ߲ ߡߊ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.