ߒߞߏߡߐ߮ ߟߎ߬ ߸ ߊ߲ ߧߋ߫ ߝߘߊ߫ ߢߐ߲߮ ߠߊ߫ ߢߍߥߟߊ ߟߎ߬ ߡߊߝߌ߲߬ ߠߊ߫ ߕߋߟߋ߲ߓߊߟߌߦߊ ߟߊ߫ ، ߣߌ߫ ߒߞߏߡߐ߮ ߟߎ߬ ߞߌߙߏ߲߫ ߘߊ߫ ߦߙߐ߫ ߛߌ߫ ߊ߲ ߧߴߊ߬ ߟߐ߲߫ ߞߏ߫ ߒߞߏ ߕߍߣߊ߬ ߛߎߘߊ߲߫ ߠߊ߫ ߦߋ߲߬ ߝߛߍߞߘߎ߫ ߹

ߒߞߏ ߟߊߛߎߘߊ߲ ߠߋ߬ ߘߏ߲߬ ߦߋ߫ ߒ߬ ߓߍ߯ ߟߊ߫ ߝߘߏ߬ߓߊ߬ ߢߍߥߟߊ ߘߌ߫.

ߏ߬ ߘߐ߫ ߞߊ߬ ߒߞߏߡߐ߮ ߘߏ߫ ߟߊ߫ ߢߍߥߟߊ ߡߊߝߌ߲߬ ߓߊߏ߬ ߞߏ߫ ߊߟߎ߫ ߕߍ߫ ߞߎ߲߬ߕߋ߬ߟߋ߲߬ ߞߋߟߋ߲߫ ߞߊ߲߬ ߏ߬ ߦߋ߫ ߞߏߖߎ߯ߓߊ߫ ߣߌ߫ ߛߌߟߊ߫ ߖߎ߯ߓߊ߫ ߟߋ߬ ߘߌ߫ ߡߍ߲ ߘߌ߫ ߒߞߏ ߟߊߥߙߎߞߌ ߣߴߊ߬ ߟߊ߫ ߢߝߍߕߊ߮ ߟߊߣߐ߯ ، ߓߊߏ߬ ߌ ߓߊ߯ ߡߍ߲ ߕߊ߫ ߢߍߥߟߊ ߟߊߣߐ߯ ߸ ߊ߬ ߡߍ߲߫ ߏ߬ ߡߍ߲߫ ߏ߬ ߕߌ߰ ߝߣߊ߫ ߘߴߌ ߦߋ߫ ߢߍߥߟߊ ߘߏ߫ ߘߐ߫ ߟߏ߲ ߘߏ߫ ߊ߬ ߘߌ߫ ߛߋ߫ ߡߍ߲ ߟߊߣߐ߯ ߟߊ߫ ߌ ߓߟߏ߫ ، ߐ߲ ߸ ߣߴߊ߬ ߞߍ߫ ߘߊ߫ ߕߋ߲߬ ߊ߬ ߡߊߣߊ߬ ߕߏ߫ ߢߐ߲߯ ߠߊߣߐ߮ ߟߋ߫ ߡߊ߬ ߏ߬ ߘߌ߫ 😀

ߓߌ߬ ߸ ߘߎߢߊ߫ ߓߍ߯ ߞߵߊ߬ ߟߐ߲߫ ߞߏ߫ ߒߞߏ ߘߏ߲߬ߞߏ ߟߎ߬ ߦߴߊ߬ ߕߊ߫ ߡߊ߲߬ߕߏ߲߬ ߓߟߏߡߊߞߊ߬ߣߍ߲߫ ߠߋ߬ ߘߌ߫ ߡߊ߲߬ߘߋ߲߫ ߡߌ߬ߙߌ߲߬ߘߌ ߕߐ߭ ߟߎ߬ ߕߍߡߊ߬ ߝߘߊ߬ߝߌ߲߬ߠߊ߫ ߕߟߋ߬ߓߋ ߡߊ߲߬ߘߋ߲߬ ߖߡߊߣߊ ߟߎ߬ ߞߣߐ߫ ߦߊ߲߬ ߡߍ߲ ߠߎ߬ ߞߙߍߞߙߍߣߍ߲߫ ߡߊ߲߬ߘߋ߲߫ ߡߌ߬ߙߌ߲߬ߘߌ ߕߐ߭ ߟߎ߬ ߓߟߏ߫ ߒߞߏߡߐ߯ߦߊ߫ ߕߐ߮ ߘߌ߫ ، ߒߞߏߡߐ߯ߦߊ߫ ߕߐ߮ ߏ߬ ߘߏ߲߬ ߓߘߊ߫ ߓߊ߲߫ ߞߍ߫ ߟߴߊ߲ ߝߊߘߌߦߊߓߐ߫ ߢߊ߬ߒ߬ߞߐ߬ߓߊߟߌ ߘߌ߫ ߡߍ߲ ߕߍ߫ ߛߋ߫ ߓߐ߫ ߟߴߊ߲ ߠߊ߫ ߏ߬ ߞߐ߫ ߹

ߏ߬ ߟߋ ߞߏߛߐ߲߬ ߤߊߟߌ ߒߞߏ߫ ߞߊߙߊ߲ߓߊߟߌ ߡߍ߲ ߓߊ߯ ߞߍ߫ ߊ߬ ߡߊ߬ߞߏ ߘߏ߫ ߝߐ߫ ߞߏ ߘߐ߫ ߒߞߏ߫ ߞߊߙߊ߲ߠߊ ߘߏ߫ ߢߍ߫ ߸ ߝߴߏ߬ ߦߴߊ߲ ߞߟߌ߫ ߟߋ߬ ߞߏ߫ ߒߞߏߡߐ߮ ߟߎ߬.

ߒ߬ߓߊ߬ ߸ ߒ߬ ߡߊ߬ߟߐ߲ ߡߍ߲ ߞߍߣߍ߲߫ ߒ߬ ߠߊ߫ ߒߞߏߞߏ ߓߊ߯ߙߊ ߣߴߊ߬ ߛߍ߬ߘߏ߲ ߡߊ߬ ߏ߬ ߘߌ߫ ߕߐ߭ ߓߟߏ߫ ߗߐ߫ ߏ߬ ߟߋ ߓߎ ߞߍߣߍ߲߫ ߊ߲ ߕߐ߮ ߘߌ߫ ߞߵߊ߲ ߞߙߍߞߙߍ߫ ߡߊ߲߬ߘߋ߲߬ߞߊ ߕߐ߭ ߟߎ߬ ߕߍߡߊ߬ ، ߏ߬ ߘߏ߲߬ ߦߋ߫ ߡߐ߬ߟߐ߲ ߠߋ߬ ߘߌ߫ ߤߊ߲ߞߟߌߡߊ ߕߴߊ߬ ߓߊ߲߬ ߡߍ߲ ߘߐ߫.

ߤߊߟߌ ߣߴߊ߬ ߞߵߊ߬ ߕߘߍ߬ ߞߏ߫ ߗߋߦߊߟߌ߫ ߞߙߍߞߙߍߣߍ߲ ߣߌ߲߬ ߦߋ߫ ߓߘߍ߬ߓߘߍ߬ߟߌ ߛߌߟߊ ߟߋ߫ ߞߊ߲߬ ߓߊ߬ߙߌ߬ ߊ߬ ߦߋ߫ ߗߋߦߊߟߌ ߣߌ߲߬ ߘߊߞߘߐ߫ ߒߞߏ ߟߊ߫ ߝߘߏ߬ߓߊ߬ ߕߣߐ ߟߋ߬ ߡߞߊߘߊ߲߫ ߞߊ߲ߡߊ߬ ߛߌߞߊ߫ ߛߌ߫ ߕߴߏ߬ ߘߐ߫.

 

ߡߍ߲ ߠߎ߫ ߘߏ߲߬ ߞߊ߬ ߗߋߦߊߟߌ ߣߌ߲߬ ߞߊ߬ߙߌ߬ߝߊ߬ ߒߞߏ߫ ߞߊߙߊ߲ߠߊ ߟߎ߬ ߟߊ߫ ߏ߬ ߟߎ߬ ߞߏ߫ ߟߴߊ߲ ߡߊ߬ ߞߏ߫ ߒߞߏߡߐ߮ ߟߎ߬ ، ߗߋߦߊߟߌ ߏ߬ ߘߏ߲߬ ߝߣߊ߫ ߞߊ߬ߙߌ߬ߝߊ߬ߣߍ߲߫ ߊ߲ ߠߊ߫ ߞߵߊ߲ ߗߋ߫ ߒ߬ ߡߙߌߞߋߟߋ߲ߢߐ߲߮ ߠߎ߫ ߟߋ߬ ߡߊ߬ ߞߊ߬ ߓߍ߲߬ ߒߞߏ ߟߊ߫ ߝߘߏ߬ߓߊ߬ ߢߍߥߟߊ ߘߏ߫ ߟߊߛߎߘߊ߲߫ ߛߌߟߊ ߟߊߞߎߙߊ߲ ߡߊ߬ ، ߏ߬ ߘߐ߫ ߊ߲ ߧߋ߫ ߛߌߟߊ߲߫ ߢߐ߲߮ ߛߋ߲ߞߘߐߡߊߕߍ߯ߟߌ ߞߐߝߟߌ߫ ߖߎ߮ ߢߍ߫ ߒߞߏ ߞߊ߲߬ ، ߣߴߏ߬ ߕߍ߫ ߣߌ߫ ߒߞߏߡߐ߯ ߞߋߟߋ߲߫ ߞߌߙߏ߲߫ ߘߊ߫ ߞߎ߲߬ ߜߘߍ߫ ߟߊ߫ ߏ߬ ߝߎ߬ߕߎ߲߬ߕߌ ߘߌ߫ ߞߊߟߌߦߊ߫ ߘߊ߲ߘߊ߫ ߟߊ߫ ߸ ߓߊ߬ߙߌ߬ ߣߌ߫ ߒߞߏߡߐ߮ ߘߏ߫ ߞߌߙߏ߲߫ ߘߊ߫ ߒߞߏߡߐ߯ ߜߘߍ߫ ߟߊ߫ ߞߎ߲߭ ߠߊ߬ ߏ߬ ߦߋ߫ ߕߊ ߟߋ߬ ߛߎߣߍ߲ ߘߌ߫ ߦߊ߬ߦߊ߬ߟߋ߲߬ ߖߊߙߊ߲ ߠߊ߫ ߕߙߊߓߊ߫ ߕߟߋ ߘߐ߫ ߝߏߟߏ߲ߞߏ߲߬ߖߏ߲ ߞߊߟߌߡߊ߲߫ ߏ߬ ߡߍ߲ ߡߊ߬ߞߏ߬ߛߊ ߝߊ߲߬ߞߊߘߏ߲߬ ߠߊ߫ ߞߊ߬ߣߌ߲߫.

ߒߞߏ ߘߌ߫ ߛߎߘߊ߲߫ ߣߌ߫ ߒߞߏߡߐ߮ ߟߎ߬ ߡߊ߫ ߞߌߙߏ߲߫ 💪🏿💪🏿💪🏿

ߖߌ߯ߓߊ߫ ߥߊ߲߬ߞߙߊ ߛߌ߬ߛߋ ߝߙߊ߬ߓߊ߬ߘߐ߬ߞߊ ߓߟߏ߫