ߞߊ߲ߓߍ߲ ߞߊ߲ߕߌ߮߸ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߟߊ߫ ߝߏ߬ߟߌ߬ ߞߙߍߞߙߍߣߍ߲ ߠߊߛߋ߫ ߖߌ߬ߣߍ߬ߞߊ ߓߍ߯ ߟߊߘߍ߬ߣߍ߲ ߡߵߊ߬ ߟߊ߫ ߞߐߜߍ ߞߊ߲߬، ߞߊ߬ߝߏ߬ ߞߎ߲ߕߌ߮ ߞߵߊ߬ ߦߌ߬ߘߊ߬ ߞߏ߫ ߊ߬ ߣߴߊ߬ ߟߊ߫ ߘߋ߲ߓߦߊ ߦߋ߫ ߥߊ߯ߕߌ߫ ߞߎߘߎߣߍ߲߫ ߢߐߢߐ߲ߠߌ߲߫ ߠߋ߬ ߞߊ߲߬߸ ߦߊ߬ߣߴߊ߬ ߣߊ߬ߕߐ߫ ߊ߬ ߟߊ߫ ߓߊ߯ߙߊ ߟߎ߬ ߘߊߡߌ߬ߣߊ߬ ߟߴߊ߬ ߕߊ߲ߣߌߝߌ߬ߟߊ ߘߐ߫߸ ߦߏ߫ ߊ߬ ߕߘߍ߬ ߢߊ ߡߍ߲ ߡߊ߬.

ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߛߓߍߟߌ ߢߌ߲߬ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߞߎ߲߬ߠߊ߬ߛߌ߮ ߟߊ߫ ߓߊ߯ߙߊ ߟߎ߬ ߦߋ߫ ߞߍ߫ ߟߴߊ߬ ߢߌ߬ߡߊ ߟߊ߫߸ ߟߊ߬ߢߌߣߌ߲ ߡߍ߲ ߠߎ߬ ߘߏ߲߬ ߦߴߊ߬ ߟߊ߫߸ ߏ߬ ߟߎ߬ ߓߍ߯ ߟߊߘߍ߬ߣߍ߲ ߦߴߊ߬ߟߎ߬ ߢߊ ߟߋ߬ ߡߊ߬ ߖߐ߲.

ߊ߬ ߞߵߊ߬ ߛߓߍ߫ ߏ߬ ߟߋ ߘߐ߫ ߞߏ߫: <<ߖߌ߬ߣߍ߬ ߦߴߊ߬ ߞߊ߲߬ ߞߊ߬ ߥߊ߫ ߢߍ߫߸ ߊ߬ ߞߎ߲߬ߠߊ߬ߛߌ߰ߘߊ ߟߎ߬ ߦߋ߫ ߓߊ߯ߙߊ߫ ߟߊ߫߸ ߝߏߦߌ߬ ߕߴߊ߲ ߕߐ߰ߘߐߝߊ߰ ߖߡߊ߬ߣߊ ߟߥߊ ߘߐ߫ ߢߍߝߍ߬ ߞߵߊ߬ ߢߌߣߌ߲ߞߏ ߟߊߛߐ߬ߘߐ߲߬߸ ߊ߲ ߓߍ߯ ߘߍ߬ ߘߊ߫ ߞߊ߬ ߢߌߣߌ߲ߞߏ ߡߍ߲ ߠߎ߬ ߛߌ߰ ߢߐ߲߯ ߝߍ߬ ߖߡߊ߬ߣߊ߬ߘߋ߲ ߠߎ߬ ߟߊ߫ ߞߍߒߘߌߦߊ ߞߏߛߐ߲߬.>> ߊ߬ ߞߵߏ߬ ߟߊߛߋ߫.

ߞߊ߲ߕߌ߮ ߞߊ߬ ߕߡߊ߬ߖߌ ߓߐ߫ ߓߍ߯ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߣߌ߫ ߡߍ߲ ߺ ߍ ߺ ߡߍ߲߫ ߞߍߟߌ ߦߊ߫ ߞߊ߲߫߸ ߊ߰ ߛߋ߫ ߟߴߏ߬ ߓߍ߯ ߞߍ߫ ߟߊ߫ ߞߵߊ߬ ߕߏ߫ ߞߐߞߊ߲߬ ߦߋ߲߬.

<<ߒ ߕߏ߫ ߘߊ߫ ߦߋ߲߬ ߓߊ߬߸ ߒ ߞߍ߫ ߘߊ߫ ߝߊ߲߬ ߛߌ߫ ߘߐ߫߸ ߒ ߧߋ߫ ߖߡߊ߬ߣߊ ߟߊ߫ ߓߊ߯ߙߊ ߟߋ߬ ߟߊ߫߸ ߖߡߊ߬ߣߊ߬ߘߋ߲ ߠߎ߬ ߟߊ߫ ߞߏ ߞߏߛߐ߲߬.>> ߊ߬ ߞߵߏ߬ ߝߙߊ߬ ߞߎߡߊ ߞߊ߲߬، ߞߣߊ߬ߕߏ߫ ߖߌ߬ߣߍ߬ߞߊ ߓߍ߯ ߟߊߘߍ߬ߣߍ߲ ߝߏ߬ ߟߊ߫߸ ߞߊ߬ ߤߙߍ ߣߕߊ߬ ߓߍ߯ ߦߋ߫.

ߞߊ߲ߕߌ߮ ߟߊ߫ ߞߎߡߊ ߢߌ߲߬ ߞߍߣߍ߲߫ ߠߋ߬߸ ߞߵߊ߬ ߛߐ߬ߘߐ߲߬ ߊ߬ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߓߘߊ߫ ߥߙߊ߬ ߦߙߐ ߓߍ߯ ߘߐ߫߸ ߞߊ߬ ߓߍ߲߬ ߊ߬ ߝߊ߬ߘߌ߬ ߞߘߐ߬ ߞߏ ߡߊ߬، ߊ߬ ߣߌ߫ ߞߎߡߊ߫ ߛߌߦߊߡߊ߲߫ ߜߘߍ߫ ߟߎ߫، ߒ߬ߞߊ߬߸ ߊ߬ ߞߵߊ߬ ߟߊ߫ ߓߌ߬ ߛߓߍߟߌ ߢߍ߲߬ ߣߴߊ߬ ߟߊ߫ ߖߌ߬ߦߊ߬ߓߍ ߟߎ߫ ߟߋ߬ ߝߙߊ߬ ߢߐ߲߯ ߞߊ߲߬߸ ߊ߬ ߞߎ߲߬ߓߊ߫ ߖߌ߬ߦߊ ߢߌ߲߬ ߘߐ߫߸ ߞߏߛߓߍ߫߸ ߢߟߊ߫ ߝߌ߲ߡߊ߲ ߦߴߊ߬ ߢߊ ߟߊ߫߸ ߊ߬ ߓߟߏ ߦߴߊ߬ ߕߟߏ ߟߊ߫ ߦߙߐ ߘߏ߫ ߘߐ߫ ߞߵߊ߬ ߞߍ߫ ߦߏ߫ ߊ߬ ߦߋ߫ ߜߋߟߋ߲ߜߋߟߋ߲ ߠߋ߬ ߟߊ߫، ߊ߬ ߣߴߊ߬ ߟߊ߫ ߓߐ߬ߟߐ߲߬ߞߊ ߟߏߙߌߦߊߣ ߠߋ߬ ߦߋ߫ ߟߊ߫ ߖߌ߬ߦߊ ߢߌ߲߬ ߘߐ߫ ߞߊ߬ ߢߊ߬.

ߞߊ߲ߕߌ߮ ߟߊ߫ ߞߎߡߊ ߡߊ߲߫ ߛߌߦߊ߫ ߛߐ߲߬߸ ߊ߬ ߞߏ߬ߣߌ߲ ߓߘߊ߫ ߞߎߡߊ߫ ߣߌ߲߬ߛߋ߲߬ ߕߊ ߣߌ߲߬ ߘߐ߫، ߣߴߏ߬ ߕߍ߫߸ ߊ߬ ߕߍ߫ ߞߎߡߊ߫ ߟߴߊ߬ ߟߊ߫ ߕߊ߯ߡߊ ߟߎ߬ ߘߐ߫ ߞߘߐ߬ߡߊ߲߬، ߝߊߦߌߘߊ߫߸ ߢߌ߲߬ ߠߋ߬ ߞߍߣߍ߲߫ ߘߌ߫ ߞߍ߫ ߊ߬ ߛߋ߲߬ߢߊ߬ ߝߟߐ ߘߌ߫.