ߓߌ߬ ߂߀߂߆ ߥߊ߬ߛߌߥߊ߬ߙߊ ߕߟߋ߬ ߄ ߡߊ߬ ߸ ߝߏߣߌ߲ߞߋ ߦߊߦߊ߬ ߞߊ߬ߡߙߊ߬ ߡߍ߲ ߓߣߊ߬ߓߊ߰ߕߐ ߢߊߖߌߞߎߘߎ߲ߕߐ ߕߘߍ߬ ߦߴߊ߬ ߟߊ߫ ߓߣߊ߬ ߞߏ ߞߎߡߊ ߝߐ ߞߊ߲߬ ߸ ߏ߬ ߟߋ ߣߐ߬ ߟߊ߬ߕߍ߮ ߞߍ߫ ߟߊ߫ ߓߌ߬ ߞߏߣߊߞߙߌ߫. 

ߝߏߣߌ߲ߞߋ ߡߍ߲ ߛߊ߬ߣߍ߲߫ ߕߋ߲߬ ߞߵߊ߬ ߕߏ߫ ߊ߬ ߟߊ߫ ߘߋ߲ߡߌߛߍ߲ߧߊ ߕߊ߲ߣߌߝߌ߬ߟߊ ߘߐ߫ ߸ߊ߬ ߟߊ߫ ߞߏ ߞߍߣߍ߲߫ ߞߌ߬ߣߌ߲߬ߞߌ߬ߣߌ߲߬ߞߏ߬ߓߊ߫ ߟߋ߬ ߘߌ߫ ،ߞߊ߬ߡߊߛߐ߬ߘߐ߲߬ ߊ߬ ߟߊ߫ ߞߏ ߡߌ߬ߣߊ߬ߢߊ ߡߊ߬ ߊ߬ ߖߍ߬ߘߍ ߟߊ߫ ߝߐߟߌ߫ ߘߐ߫ ߸ ߊ߬ ߞߊ߲߫ ߞߏ߫ <<ߒ ߧߋ߫ ߞߊ߬ߙߊ߲߬ߘߋ߲ ߠߋ߬ ߘߌ߫ ߸ ߡߍ߲ ߦߋ߫ ߞߊ߬ߙߊ߲߬ߓߏ߲ ߠߊߓߊ߲ ߠߊ߫ "ߕߍߙߑߡߌߣߊߟ" ߞߊ߬ߣߌ߲߬ ߸ ߞߏ߫ ߛߋ߲߬ ߘߌߡߌ߲߫ ߓߣߊ ߘߏ߫ ߟߋ߬ ߞߵߊ߬ ߡߌ߬ߣߊ߬ ߞߊ߬ߦߌ߯ ߂߀߁߇ ߟߊ߫ ߏ߬ ߕߎ߬ߡߊ ߞߊ߬ ߒ ߛߐ߬ߘߐ߲߫ ߞߊ߬ߙߊ߲߬ߓߏ߲ ߟߏ߯ߟߎߣߊ߲ ߠߋ߬ ߟߊ߫ ،ߓߊ߬ߙߌ߬ ߸ߒ ߕߎ߲߬ ߦߋ߫ ߛߋ߫ ߟߊ߫ ߒ ߠߊ߫ ߞߏ ߟߎ߬ ߞߍ߫ ߟߊ߫ ߒ ߓߟߏߝߍ߬ ،ߏ߬ ߕߎ߬ߡߊ ߖߊ߲߬ߞߊ߬ߙߏ ߡߊ߫ ߖߎ߯ߦߊ߫ ߒ ߣߌ߫ ߒ ߛߐ߬ߘߐ߲߬ ߝߊ ߕߎ߲߬ ߞߊ߫ ߘߌ߫ ߏ߬ ߕߎ߬ߡߊ ߟߊ߫ ߝߋߎ߫ . ߝߐ߫ ߒ ߛߋ߫ ߡߍ߲ ߞߍ߫ ߘߊ߫ ߞߊ߬ߙߊ߲߬ߓߏ߲ ߉߲ ߠߋ߬ ߟߊ߫߸ ߒ ߛߋ߲߭ ߞߊ߬ ߖߎ߯ߦߊ ߘߊߡߌ߬ߣߊ߬ ߸ ߒ ߛߐ߬ߘߐ߲߬ ߝߊ ߞߵߌ ߓߊ߲߬ ߒ ߘߐ߫ ߞߊ߬ ߒ ߕߏ߫ ߒ ߣߊ߫ ߣߌ߫ ߕߍߣߍ߲ߡߛߏ߫ ߓߟߏ߫ ߸ ߏ߬ ߟߎ߬ ߝߣߊ߫ ߞߵߊ߬ߟߎ߬ ߛߋߞߏ ߞߍ߫ ߒ ߘߊ߲ߘߊ ߘߐ߫ ߤߊ߲߯ ߕߎ߬ߡߊ߫ ߞߎ߲߬ߘߐ߬ߖߊ߲߬ ߞߐߝߍ߬. ߒ߬ߓߊ߬ ߸ ߊ߬ߟߎ߬ ߕߊ߯ ߘߊ߫ ߛߋ߫ ߘߊ߲ߘߊߟߌߟߊ ߘߏ߫ ߟߋ߬ ߡߊ߬ ߸ ߏ߬ ߞߵߊ߬ ߝߐ߫ ߞߏ߫ ߊ߬ ߦߋ߫ ߒ ߛߋ߲߭ ߘߐߓߛߏ߫ ߟߊ߫ ߸ߓߊ߬ߙߌ߬ ߏ߬ ߕߋߙߌߞߍ߫ ߞߵߊ߬ ߝߐ߫ ߊ߬ ߦߋ߫ ߞߏ߫ ߛߋ߲߭ ߢߌ߲߬ ߕߍ߫ ߛߋ߲߬ ߘߐ߬ߓߛߏ߬ߕߊ߫ ߘߌ߫ ،ߞߏ߫ ߒߠߋ ߓߘߊ߫ ߘߋ߬ߙߌ߬ ߞߊ߬ ߖߊ߲߬ߞߊߙߏ ߢߌ߲߬ ߛߎ߮ ߘߏ߫ ߦߋ߫. ߞߏ߬ߣߌ߲ ߥߊߘߌ ߦߋ߫ ߘߊ߲ߘߊߟߌߟߊ ߓߟߏ߫ ߸ߊ߬ ߞߵߊ߬ ߣߊ߬ߕߊ߫ ߞߏ߫ ߝߐ߫ ߛߋ߲߭ ߘߐߓߛߏߣߍ߲߫ ߊ߬ ߓߟߏ߫ ߞߵߊ߬ ߝߐ߫ ߘߐ ߏ߬ ߡߊ߬ ߞߏ߫ ߓߌ߬ߟߊ߬ ߒ ߞߐ߫ ߸ ߌ ߦߋ߫ ߒߠߋ ߟߋ߬ ߓߟߏ߫ ߦߊ߲߬ ߸ߏ߬ ߟߋ߬ ߞߍ߫ ߘߊ߫ ߒ ߛߋ߲߭ ߘߐߓߛߏߢߊ ߘߌ߫ ،ߞߊ߬ߦߌ߯ ߏ߬ ߟߋ ߞߍ߫ ߘߊ߫ ߸ߊ߬ ߡߊ߫ ߓߍ߲߬ ߡߎ߬ߕߎ߲߬ ߝߋߎ߫ ߸ߘߏ߫ ߕߊ߬ߡߌ߲߬ ߘߊ߫ ߝߙߊ߬ ߟߊ߫ ߒ ߛߋ߲߭ ߠߊߖߎ߯ߦߊ ߞߊ߲߬ ߞߊ߬ ߝߎߣߎ߲߫ ߞߊ߬ ߛߋ߲߬ ߞߋߟߋ߲ ߓߏ߲߬ߧߊ߬ ߞߋߟߋ߲ ߘߌ߫>> 

ߡߊ߲ߡߊߘߎ߫ ߦߊߦߊ߬ ߞߊ߬ߡߙߊ߬ ߖߍ߬ߘߍ ߢߊߖߌߞߎߘߎ߲ߕߐ ߟߋ߬ ߞߊ߬ ߞߎߡߊ ߏ߬ ߝߐ߫ ߞߊ߬ߡߊߛߐ߬ߘߐ߲߬ ߞߏ߫ ߘߊ߲ߘߊߟߌߟߊ ߓߘߴߊ߬ ߟߊ߫ ߛߌߣߌ߲ߢߍߛߌ߮ ߘߐߕߌߢߍ߫ ߊ߬ ߡߊ߬ ߕߋ߲߬ ߝߎ߯ ߥߊߘߌ ߣߊ߬ߕߊ ߡߊ߬.

ߒ߬ߓߊ߬ ߸ ߡߐ߱ ߟߎ߬ ߞߊ߬ ߓߟߏߟߊߘߍ ߘߏ߫ ߛߌ߰ ߛߋ߲߬ߠߊ߫ ߛߊ߫ ߡߊ߲ߡߊߘߎ߫ ߦߊߦߊ߬ ߞߊ߬ߡߙߊ߬ ߘߌ߫ ߟߊߕߊ߯ ߞߐߞߊ߲߬ ߊ߬ ߘߊ߲ߘߊ߫ ߦߙߐ ،ߓߊ߬ߙߌ߬ ߸߂߀߂߆ ߘߓߊ߬ߕߊ ߕߟߋ߬ ߅ ߡߊ߬ ߸ ߊ߬ߟߎ߬ ߡߊߛߐ߲߬ ߡߊ߲ߡߊߘߎ߫ ߦߊߦߊ߬ ߞߊ߬ߡߙߊ߬ ߟߊߕߊ߯ߟߌ ߡߊ߬ ߞߐߞߊ߲߬ ߸ߞߵߏ߬ ߞߍ߫ ߊ߬ ߟߊߛߊ߬ߦߌ߬ߢߊ ߘߌ߫ ߸ߏ߬ ߞߍ߫ ߘߊ߫ ߖߌ߬ߣߍ߬ ߛߊ߲ߡߊߘߊ߲ ߊߤߑߡߍߘ ߛߋߞߎ߫ ߕߎ߬ߙߋ߫ ߟߋ߬ ߟߊ߫ ߸ߊ߬ߟߎ߬ ߕߏߣߍ߲߫ ߟߊ߬ߛߊ߬ߦߌ߲߬ߠߌ߲ ߛߌ߱ ߏ߬ ߟߋ߬ ߘߐ߫ ߣߌ߲߬ ߤߊ߲߯ ߊ߬ ߓߘߊ߫ ߡߊ߰ߙߌ ߟߊ߫ ߞߟߌߟߌ ߟߊߡߌ߬ߘߊ߬.