ߡߊ߬ߛߎ߬ߓߊ߬ ߞߏ߫ ߟߋ߬ ߞߍߣߍ߲߫ ߝߊ߬ߙߊ߲߬ߛߌ߬ ߞߣߐ߫ ߞߊ߯ߙߌ ߣߌ߲߬ ߡߊ߬ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߈߸ ߞߵߊ߬ߟߎ߫ ߓߌ߬ߟߊ߬ ߛߎ߬ߣߎ߲ ߘߝߊߣߍ߲ ߘߐ߫، ߣߊ߲߬ߒ߬ߕߊ߲߬ ߛߊ߲ߡߊߞߎߟߎ߲ ߘߏ߫ ߟߋ߬ ߥߎ߬ߦߊ߬ߣߍ߲߫ ߛߐ߱ ߢߌ߲߬ ߡߊ߬ ߕߐ߲ߓߑߟߍ߲ߣ߸ ߣߊ߲ߛߌ߫ ߛߏ߫ ߞߐߞߊ߲ߠߊ ߘߐ߫߸ ߡߍ߳ߙߑߕߋ߫ ߋ߬ ߡߏߛߍߟ ߡߊ߬ߙߊ ߘߐ߫، ߛߊ߲ߡߊߞߎߟߎ߲ ߣߌ߲߬ ߓߋ߬ ߘߴߊ߬ ߥߌ߬ߟߌ ߞߐ ߟߋ߬ ߘߐ߫ ߕߎ߬ߡߊ߬ߣߍ߲߬ ߠߊ߫ ߕߋ߲߬ ߌߞߘߐ߫.

ߟߌ߬ߤߟߊ߫ ߞߎ߲߬ߝߟߐ ߡߍ߲ ߠߎ߬ ߟߊߛߋ߫ ߘߊ߫ ߝߊ߰ߡߊ ߟߎ߬ ߓߟߏ߫߸ ߞߏ߫ ߡߐ߰ ߁߁ ߡߍ߲ ߕߘߍ߬ ߛߊ߲ߡߊߞߎߟߎ߲ ߞߣߐ߫߸ ߊ߬ ߛߌ߫ ߡߊ߫ ߓߐ߫ ߊ߬ ߘߐ߫، ߝߊ߰ߓߊ߰ߕߐ ߟߎ߬ ߘߐ߫߸ ߛߊ߲ߡߊߞߎߟߎ߲߫ ߓߏߙߌߟߊ ߓߊ߬߸ ߖߎߙߊ߲ߞߊߡߊ߲ߕߌ߯ߦߊ ߡߞߊ߬ߙߊ߲߬ߧߊ߬ߟߌ߬ߟߊ߫ ߡߐ߰ ߟߏ߯ߟߎ߫߸ ߊ߬ ߣߌ߫ ߞߊ߬ߙߊ߲߬ߘߋ߲߬ ߟߏ߯ߟߎ߫߸ ߏ߬ ߟߎ߬ ߕߊ߯ߕߐ߫ ߕߍ߬ߘߍ߫ ߞߊ߬ߙߊ߲߬ߘߋ߲߬ ߟߏ߯ߟߎ ߏ߬ ߟߎ߫ ߟߋ߬ ߟߊ߫ ߡߞߊ߬ߙߊ߲߬ߧߊ߬ߟߌ ߘߊߡߌ߬ߣߊ߬ ߦߙߐ ߘߐ߫ ߜߊ߲ߠߌ߲ ߞߍߢߊ ߟߎ߬ ߘߐ߫، ߛߊ߲ߡߊߞߎߟߎ߲ ߓߋ߬ ߦߙߐ ߛߎ߬ߘߎ߲߬ߧߊ߬ ߘߊ߫ ߡߐ߱ ߟߎ߫ ߕߊ߬ߡߌ߲߬ ߦߙߐ ߟߊ߫ ߝߛߊߦߌ߫߸ ߒ߬ߞߊ߬ ߡߊ߲߬ߕߙߐ߬ ߡߊ߫ ߡߐ߰ ߜߘߍ߫ ߛߌ߫ ߛߐ߬ߘߐ߲߫ ߘߎ߱ ߡߊ߬.

ߛߊ߲ߡߊߞߎߟߎ߲ ߣߌ߲߬ ߖߎߙߊ߲߫ ߢߊ߫ ߡߊ߫ ߟߐ߲߫ ߤߊ߲߯ ߕߋ߲߬، ߞߍߟߊ߲ ߕߏ߫ ߘߊ߫ ߓߏ߬ߙߌ ߟߋ߬ ߟߊ߫ ߕߋ߲߬ ߞߵߊ߬ ߓߋ߲߬ ߌߞߘߐ߫ ߓߙߏߡߛߏ߫߸ ߜߟߊ߬ߜߟߊ߫ ߃߀߀ ߘߐߙߐ߲߫ ߠߋ߬ ߦߴߊ߬ ߓߋ߬ ߦߙߐ ߣߴߊ߬ ߥߟߌ߬ ߦߙߐ ߕߍ߫، ߊ߬ߟߎ߬ ߓߘߊ߫ ߞߙߎ ߘߏ߫ ߟߎ߫ ߟߊߥߟߌ߬߸ ߞߐߙߍ ߡߊߘߍ߬ߡߍ߲߬ ߞߊ߲ߡߊ߬߸ ߡߍ߲ ߠߎ߬ ߟߊ߫ ߡߐ߱ ߕߏߣߴߊ߬ ߘߐ߫߸ ߊ߬ ߣߌ߫ ߓߌ߬ߟߊ߬ߒ߬ߘߐ߬ߖߎ߮ ߖߍ߬ߘߍ ߞߍߣߍ߲߫ ߡߍ߲ ߠߎ߬ ߝߣߊ߫ ߢߣߊ߫߸ ߞߵߏ߬ ߟߎ߬ ߣߌ߫ ߘߊ߲ߘߊߟߌߟߊ ߘߏ߫ ߟߎ߫ ߢߊ ߟߊߓߐ߫ ߜߍ߫ ߞߋߟߋ߲ ߘߐ߫߸ ߛߊ߫ ߞߵߊ߬ߟߎ߫ ߖߎ߬ߛߎ ߡߟߊ߫ ߣߍ߲ߞߍ߫߸ ߞߊ߬ ߘߏ߫ ߓߐ߫ ߜߊ߬ߟߏ߲߬ߜߊߟߏ߲ ߠߊ߫.

ߢߊߢߌߣߌ߲ߠߌ߲߫ ߓߘߊ߫ ߛߌ߰ ߛߋ߲߬ߠߊ߫߸ ߞߵߊ߬ ߞߍߢߊ߫ ߖߐ߲ߖߐ߲ ߟߐ߲߫، ߝߊ߰ߡߊ ߟߎ߬ ߓߘߴߊ߬ߟߎ߬ ߞߊ߲ߠߊߘߌ߫ ߓߍ߯ ߡߊ߬߸ ߓߍ߯ ߦߴߊ߬ ߡߝߊ߫߸ ߞߵߊ߬ ߘߐߖߌ߬ߓߊ߬ߙߏ߬ ߞߏ߬ߖߎ߮ ߟߎ߬ ߡߊߕߊ߲߬ߞߊ߬߸ ߖߐ߲߰ߛߊ߫ ߞߏߢߊߢߌߣߌ߲ ߡߍ߲ ߦߴߌߘߐ߫߸ ߏ߬ ߦߋ߫ ߛߋ߫ ߞߍ߫ ߟߊ߫ ߣߐ߰ߦߊ߬ ߘߐ߫.