ߜߍߞߊ߲ߠߊ ߘߐ߲߬ߞߟߌ߬ߟߊ߬ߟߊ߫ ߡߊ߲߬ߘߋ߲߬ ߝߏߘߋ߫ ߡߍ߲ ߕߐ߯ ߓߘߍ ߦߋ߫ ߝߏߘߋ߫ ߟߊ߲߱ߛߌ߬ߣߍ߬ ߞߋߕߊ߬ ߘߌ߫߸ ߊ߲ ߛߙߋߦߊ߫ ߘߴߏ߬ ߟߋ ߡߊ߬ ߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߟߊ߫ ߓߌ߬، ߞߵߏ߬ ߞߎ߲߭ ߞߍ߫ ߡߞߊ߬ߛߟߌ߬ ߞߍ ߘߴߊ߬ ߞߊ߲߬ ߦߋ߲߬.

ߡߊ߲߬ߘߋ߲߬ ߝߏߘߋ߫ ߟߊ߫ ߘߐ߲߬ߞߟߌ߬ ߞߎߘߊ ߘߏ߫ ߟߋ߬ ߓߐߣߍ߲߫߸ ߊ߬ ߦߴߊ߬ ߝߐ߫ ߟߊ߫ ߡߍ߲ ߘߐ߫ ߞߏ߫ <<ߟߊ߬ ߜ߭ߑߙߊ߲ߘ>>، ߏ߬ ߟߋ ߞߎߡߊ ߓߘߊ߫ ߛߏ ߕߊ߬߸ ߞߊ߬ ߖߡߊ߬ߣߊ ߟߊߝߏ߬ ߝߊߦߌߘߊ߫، ߝߏ߫ ߘߏ߫ ߟߎ߫ ߟߊ߫ ߓߛߌ߬ߞߌ߬ߟߌ߫ ߞߵߊ߬ ߦߌ߬ߘߊ߬ ߞߏ߫ ߞߘߐߡߊߕߍ߯ߟߌ߫ ߘߐ߲ߞߟߌ ߟߋ߬߸ ߞߵߏ߬ ߞߎ߲߭ ߞߍ߫ <<ߓߊߖߍ߯ ߟߊߞߘߎ߫>> ߞߏ߫ ߞߎߡߊ ߟߎ߬ ߘߌ߫ ߘߐ߲߬ߞߟߌ ߣߌ߲߬ ߘߐ߫.

ߟߊ߬ߞߙߐ߬ߛߌ߬ߟߌ ߟߎ߬ ߘߐ߫߸ ߡߞߊ߬ߛߌ߬ߓߊ߰mߐ ߡߍ߲ ߦߋ߫ ߣߌ߲߬߸ ߡߙߊߡߊ߫ ߛߙߋ߫ ߞߊ߬ߓߊ߸ ߡߍ߲ ߡߊߟߐ߲ߣߍ߲߫ ߓߍ߯ ߓߟߏ߫ ߓߟߐߟߐ ߞߊ߲߬ ߞߏ߫ <<ߟߊ߬ ߟߌߦߐߣ>> ߊ߬ߟߋ ߣߐ߬ ߘߌ߫ ߞߍ߫ ߘߐ߲߬ߞߟߌ ߏ߬ ߟߋ ߞߎߡߊ ߘߏ߫ ߟߎ߫ ߦߋ߫ ߟߴߊ߬ ߣߌ߭ ߘߌ߫߸ ߞߵߊ߬ ߡߊߞߊ߬ߛߌ߫ ߛߊ߬ߙߌ߬ߦߊ߬ ߟߊ߫ ߘߐ߲߬ߞߟߌ ߟߊߓߊ߮ ߞߊ߲߬، ߞߊ߬ߕߎ߲߯߸ ߖߌ߬ߦߊ߬ߖߟߎ߬ ߞߍ߬ߟߊ߬ ߜߘߍ ߕߐ߭ ߟߎ߬ ߓߍ߯ ߣߐ߬ ߊ߬ ߦߌ߬ߘߊ߬ ߟߊ߫ ߝߊߦߌߘߊ߫߸ ߞߏ߫ ߊ߬ߟߋ ߟߋ߬ ߛߎߡߊ߲ߣߍ߲߫ ߘߐ߲߬ߞߟߌ߬ ߞߎߘߊ ߣߌ߲߬ ߘߐ߫.

ߞߏߢߊ ߣߌ߲߬ ߞߟߊ߬ߡߊ߬ߓߊ߮ ߟߎ߬ ߟߊ߫ ߟߊ߬ߛߏ߬ߓߟߌ߬ ߘߐ߫߸ ߞߏ߫ ߡߞߊ߬ߛߟߌ߬ ߞߍ߫ ߘߊ߫ ߝߏߘߋ߫ ߟߊ߲߱ߛߌ߬ߣߍ߫ ߞߊ߲߬ ߞߟߍ߬ߡߐ߰ߘߊ ߟߋ߬ ߝߟߐ߫ ߟߊ߫ ߡߎߣߎ߲߬߸ ߖߊ߲߭ ߣߌ߫ ߖߏ߮ ߣߌ߫ ߘߋ߲ߣߍ߲ߧߊ߫ ߟߊߕߊ߲߬ߞߊ ߛߓߍߘߊ ߟߊ߫ (ߖߖߘߟߛ = OPROGEM). ߞߏߢߊ ߓߐߣߍ߲߫ ߞߟߍ߬ߡߐ߰ߘߊ ߟߊ߫ ߦߋ߲߬ ߠߋ߬ ߛߊ߫߸ ߞߵߊ߬ ߟߊߕߊ߬ߡߌ߲߬ ߞߕߌߘߊ ߦߌߟߡߊ߫ ߝߟߐ ߟߊ߫ ߞߕߌ ߞߏߢߊߓߐ ߕߐ߭ ߟߎ߬ ߞߊ߲ߡߊ߬.

ߞߊ߬ߦߌ߯ ߡߞߊ߬ߛߌ߬ߟߌ ߞߏ߬ߣߌ߲ ߡߊ߫ ߓߐ߫ ߊ߬ ߘߐ߫ ߕߎ߬ߡߊ ߡߍ߲ ߠߊ߫߸ ߡߊ߲߬ߘߋ߲߬ ߝߏߘߋ߫߫ ߞߊ߬߬ ߖߌ߬ߦߊ߬ߖߟߎ ߞߍ߫ ߊ߬ ߖߍ߬ߘߍ ߟߊ߫ ߞߐߜߍ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߊ߬ ߡߊ߫ ߡߐ߰ ߞߘߐߡߊߕߍ߰، ߘߐ߲߬ߞߟߌ ߣߌ߲߬ ߟߊߣߴߊ߬ ߓߟߏ߫ ߟߊ߬ߟߌ߬ߟߌ߬ ߞߊ߲ ߠߋ߬ ߡߊ߬، ߝߣߊ߫߸ ߞߎߡߊ ߘߏ߫ ߟߎ߫ ߝߐߣߍ߲߫ ߊ߬ ߘߐ߫߸ ߏ߬ ߟߎ߬ ߟߊߥߟߌ߬ߣߍ߲߫ ߣߎ߲ߓߍ߲ ߛߎߡߊ߲ ߠߋ߬ ߡߊ߬ (ߛߊ߫ ߞߎߡߊ ߟߎ߬ ߟߊߓߊ߲ ߘߌ߫ ߓߍ߲߬ ߢߐ߲߮ ߡߊ߬). ߞߏ߫ ߞߊ߬ ߓߐ߫ ߟߊ߬ߟߌ߬ߟߌ ߞߐ߫߸ ߊ߬ ߣߌ߫ ߊߘߡߊߦߊ ߟߊ߲߬ߓߋ ߟߊߕߊ߲߬ߞߊ ߞߐ߫߸ ߊ߬ ߡߊ߫ ߘߐ߲߬ߞߟߌ ߣߌ߲߬ ߟߊ߫ ߡߐ߰ ߞߊ߲ߡߊ߬.

ߝߏߘߋ߫ ߟߊ߲߱ߛߌ߬ߣߍ߬ ߞߋߕߊ߬ ߟߊߣߍ߲ ߡߙߊߡߊ߫ ߛߙߋ߫ ߞߊ߲߬߸ ߊ߬ߟߎ߬ ߛߌ߫ ߡߊ߫ ߜߍ߫ ߘߐ߫ ߟߊߛߋߟߌ߫ ߞߍ߫ ߣߌ߲߬ ߞߏ ߞߊ߲߬ ߡߎߣߎ߲߬، ߓߊ߬ߙߌ߬߸ ߊ߬ ߦߌ߬ߘߊ߬ ߘߴߊ߲ ߠߊ߫ ߊ߲ ߠߊ߫ ߟߞߊ߬ߟߌ߬ߕߊ߬ ߢߌ߬ߣߌ߲߬ߠߊ ߓߟߏ߫ ߞߕߌߘߊ ߟߊ߫ ߦߋ߲߬߸ ߞߏ߫ ߟߊ߬ ߟߌߦߐߣ ߣߊ߬ߕߊ ߦߋ߫ ߞߏߢߊ ߣߌ߲߬ ߞߕߌߕߍ߱ ߟߋ߬ ߘߌ߫߸ ߞߵߊ߬ ߢߊߘߐߜߍ ߓߌ߬ߟߊ߬ ߜߍ ߘߐ߫.

ߏ߬ ߘߐ߫߸ ߊ߲ ߧߋ߫ ߞߎߡߊ ߣߌ߲߬ ߛߓߍ ߞߊ߲߬ ߕߎ߬ߡߊ ߡߍ߲ ߠߊ߫ ߣߌ߲߬߸ ߢߊߝߐߟߌ߫ ߡߊ߫ ߞߍ߫ ߞߊ߬ ߝߘߊ߫ ߡߐ߰ ߝߌ߬ߟߊ ߣߌ߲߬ ߝߋ߲߫ ߠߊ߫ ߡߎߣߎ߲߬߸ ߞߎߡߊߕߍ߫ ߞߕߌ ߝߊ߰ߡߊ ߟߎ߫ ߡߊ߬.