ߌߛߌ߬ߙߊ߬ߌߟߊ߫ ߣߊ߲߬ߕߌ߮ ߟߎ߬ ߣߐ߬ ߥߊ߬ߟߏ߲߬ߠߌ߲߬ߓߊ߫ ߟߋ߬ ߞߍ߫ ߟߊ߫ ߜ߭ߏߓߋߦߌߙ ߞߌ߲߬ߘߊ ߟߊ߫ ߓߌ߬ ߞߊ߯ߙߌ ߣߌ߲߬ ߡߊ߬߸ ߥߊ߬ߛߌ߬ߥߙߊ ߕߟߋ߬ ߁߄߸ ߓߋߦߌߙߎߕ ߛߏ߫ ߞߐߞߊ߲߫ ߝߊ߲ ߝߍ߬߸ ߟߌߓߊ߲߫ ߖߡߊ߬ߣߊ ߞߊ߲߬، ߊ߬ߟߎ߬ ߟߊ߫ ߞߊ߲߫ ߞߏ߫ ߦߋ߲߬ ߦߋ߫ <<ߤߋߖ߭ߑߓߏߟߊ ߟߎ߬ ߟߊ߫ ߝߘߏ߬ߓߊ߬ ߞߌ߲ߘߊ.>> ߟߋ߬ ߘߌ߫، ߌߛߌ߬ߙߊ߬ߌߟߊ߫ ߞߏߕߌ߯ ߝߟߐ ߓߍ߲ߖ߭ߊߡߍ߲ ߣߋߕߦߊߤߎ߫ ߣߌ߫ ߊ߬ߟߎ߬ ߟߊ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߌߖ߭ߑߙߊߦߍߟ ߞߊߕ ߛߋ߫ ߘߊ߫ ߘߊ߬ߟߎ ߡߍ߲ ߝߐ߫ ߟߊ߫ ߡߙߊ߬ߒ߬ߡߊ߬ߟߌ ߣߌ߲߬ ߘߐ߫߸ ߞߏ߫ ߊ߬ߟߎ߫ ߣߐ߬ ߊ߬ߟߎ߬ ߕߊ ߟߋ߬ ߛߙߊ߬ ߟߊ߫ ߤߋߖ߭ߑߓߏߟߊ ߟߎ߬ ߟߊ߫߸ ߊ߬ߟߎ߬ ߞߍ ߘߐ߫ ߞߊ߬ ߡߊ߬ߙߌ߬ߝߊ߬ߕߋ ߞߍ߫ ߞߵߊ߬ ߞߎ߲߬ߛߌ߲߫ ߌߛߌ߬ߙߊ߬ߌߟߊ߫ ߟߊ߫، ߏ߬ ߘߐ߫߸ ߞߏ߫ ߊ߬ߟߎ߬ ߦߴߊ߬ߟߎ߫ ߖߊ߰ߛߙߋ߬ߡߟߊ߬ ߟߊ߫߸ ߡߍ߲ ߺ ߍ ߺ ߡߍ߲߫ ߡߙߊ߬ ߘߊ߫ ߌߛߌ߬ߙߊ߬ߌߟߊ߫ ߡߊ߬߸ ߊ߬ߟߎ߬ ߕߍߛߵߏ߬ ߘߐߞߏߟߏ߲߫ ߕߏ߫ ߟߊ߫ ߘߋ߬߸ ߊ߬ߟߎ߬ ߘߴߏ߬ <<ߕߊߢߐ߲߯ߓߐ߫ ߕߊߢߐ߲߯ߓߐ ߞߐߘߊ߲.>> ߠߊ߫.

ߟߌߓߊ߲߫ ߣߊ߲߬ߒ߬ߕߊ߲߬ߧߊ߫ ߡߊ߬ߞߊ߲߬ߞߊ߲߬ߠߌ߲ ߠߊ߫ ߝߐߟߌ߫ ߘߐ߫߸ ߡߐ߰ ߛߊ߬ߓߊ߫ ߟߋ߬ ߝߊ߰ ߘߊ߫߸ ߡߍ߲ ߠߎ߬ ߛߋߣߍ߲߫ ߟߊߓߐ߫ ߟߊ߫ ߜߊ߲ߜߘߊ ߞߘߐ߫ ߡߎߣߎ߲߬ ߜ߭ߏߓߋߦߙߌ߫ ߞߌ߲߬ߘߊ ߟߊ߫߸ ߊ߬ ߣߌ߫ ߖߐߞߌߓߊ߯ߕߐ ߡߐ߰ ߥߐ߯ߙߐ߫߸ ߏ߬ ߟߎ߬ ߦߋ߫ ߘߊ߲ߘߊߛߏ ߟߊ߫ ߕߋ߲߬،  ߊ߬ߟߑߊ߬ߙߊ߬ߓߌߦߊ߬ ߝߐ߰ߓߍ߬ߘߊ ߟߊ߫ ߓߐߛߎ߲ ߘߏ߫ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߤߋߖ߭ߑߓߏߟߊ ߟߎ߬ ߟߊ߫ ߞߎ߲߬ߕߌ߮ ߘߏ߫ ߝߊ߰ߣߍ߲߫ ߊ߬ ߞߏ ߘߐ߫߸ ߊ߬ߟߋ ߡߍ߲ ߕߐ߯ ߞߏ߫ ߊ߬ߟߌ߫ ߊ߬ߟߑߤߊߖ.

ߊߡߙߌߞߌ߬ ߓߘߴߊ߬ ߘߟߊߞߊߟߌߦߊ߫ ߞߏ߫ ߊ߬ ߛߙߊ߬ ߘߴߊ߬ ߟߊ߫߸ ߓߊ߬ߙߵߊ߬ ߡߊ߫ ߞߏߟߊߒߞߘߐߢߐ߲߯ߦߴߊ߬ ߘߐ߫، ߌߛߌ߬ߙߊ߬ߌߟߊ߫ ߣߌ߫ ߊߡߙߌߞߌ߬ ߝߊ߰ߡߊ ߟߎ߬ ߞߊ߲߫ ߞߏ߫ ߕߎ߬ߢߊ ߟߋ߬ ߝߋߎ߫߸ ߌߛߌ߬ߙߊ߬ߌߟߊ߫ ߣߊ߲߬ߕߌ߮ ߟߎ߬ ߞߊ߬ ߊߡߙߌߞߌ߬ ߡߊ߬ߡߙߊ߬ߟߌ߬ ߕߊ߲ߓߊ߲ ߠߊߟߐ߲ߠߌ߲߫ ߠߋ߬ ߥߊ߬ߟߏ߲߬ߠߌ߲߬ ߞߏ ߟߊ߫ <<ߞߊ߬ ߕߎ߬ߡߊ߬ߣߍ߲߬ ߕߏ߫ ߊ߬ ߟߊ߫>> ߝߛߊߦߌ߫، ߓߊ߬ߙߌ߬߸ ߊ߬ߟߎ߬ ߡߴߊ߬ߟߎ߬ ߟߊ߫ ߘߌ߬ߢߍ߬ ߞߏ߫ ߣߴߊ߬ߟߎ߬ ߟߊ߫ ߖߡߊ߬ߙߌ߬ ߞߏ߫ ߢߌߣߌ߲߫.

ߣߌ߲߬ ߞߋߟߋ߲ ߜߊ߬ߣߍ߲߫ ߠߋ߬ ߘߏߣߊߟ ߕߑߙߐ߲ߔ ߟߊ߫ ߞߟߋ߫، ߊ߬ ߘߏ߲߬ ߝߐ߫ ߟߊ߫߸ ߞߏ߫ ߣߌ߫ ߛߋ߲߬ߓߊ ߣߡߊ߫ ߘߊ߫߸ ߞߏ߲ߞߏ ߡߎ߰ߡߍ ߟߵߏ߬ ߟߊ߬ߡߊ߮ ߟߊߞߏߟߐ߲߫ ߠߊ߫، ߘߏߣߊߟ ߕߑߙߐ߲ߔ ߞߊ߬ ߞߎߡߊ ߘߏ߫ ߟߊߦߍ߬ߟߍ߫ ߘߍ߬ߞߙߏߝߏ ߞߊ߲߬߸ ߊߡߙߌߞߌ߬ ߞߊ߲ߕߌ߮ ߞߵߊ߬ ߦߌ߬ߘߊ߬ ߞߏ߫ ߌߛߌ߬ߙߊ߬ߌߟߊ߫ ߕߎ߲߬ ߡߊ߲߫ ߞߊ߲߫ <<ߞߊ߬ ߣߊߡߙߊ߫ ߜߘߍ߫ ߓߌ߬ߟߴߊ߬ߟߎ߫ ߛߋ߲߬ߘߐ߫>> ߡߎ߬ߕߎ߲߬ ߝߋߎ߫، ߓߊߏ߬߸ ߞߏ߫ ߊ߬ߟߎ߫ ߕߎ߲߬ ߓߘߊ߫ ߛߌߦߊߡߊ߲߫ ߞߍ߫ ߊ߬ߟߎ߬ ߣߌ߫ ߌߙߊ߲߫ ߠߊ߫ ߞߎߡߊߢߐ߲߯ߦߊ ߘߐ߫، ߓߊ߬ߙߌ߬߸ ߌߛߌ߬ߙߊ߬ߌߟߊ߫ ߓߘߴߊ߬ߟߎ߫ ߕߋ߬ߟߋ߲ ߞߍ߫ ߊ߬ ߥߎߙߊ߲ߖߊ߲ ߘߌ߫، ߊ߬ ߞߊ߲߫ ߞߏ߫ ߊ߬ߟߋ ߟߊ߫ ߖߡߊ߬ߣߊ ߕߎ߲߬ ߓߘߊ߫ ߛߎ߬ߘߎ߲߬ߧߊ߫ ߓߍ߲߬ߘߐ ߟߊ߫ ߝߋߝߋ߫، ߏ߬ ߟߋ ߘߐ߫߸ ߊ߬ ߞߵߊ߬ ߝߐ߫ ߌߛߌ߬ߙߊ߬ߌߟߊ߫ ߣߌ߫ ߟߌߓߊ߲߫ ߡߊ߬߸ ߞߏ߫ ߓߍ߯ <<ߦߴߊ߬ ߖߘߍ߬ߘߐߡߌ߬ߣߊ߬>> ߛߍߣߍ߲߬߸ ߛߊ߫ <<ߖߛߎ߬ߛߎ߬ߡߊ߬ ߘߎߡߊߣߍ߲>> ߘߌ߫ ߘߏ߲߬ ߝߊ߲߬ߞߣߐ ߏ߬ ߘߐ߫، ߊ߬ ߞߊ߲߫ ߞߏ߫ ߊ߬ ߞߏ߬ߣߌ߲߬ ߞߍ߫ ߘߊ߫ ߢߊ߫ ߛߌ߫ ߡߊ߬ ߝߣߊ߫߸ ߌߛߌ߬ߙߊ߬ߌߟߊ߫ ߝߣߊ߫ ߣߴߊ߬ ߖߘߍ߬ ߡߊߞߊ߲ߞߊ߲ ߞߊ߫ ߞߊ߲߫ ߘߋ߬، ߓߊ߬ߙߌ߬߸ ߕߑߙߐ߲ߔ ߞߊ߲߫ ߞߏ߫ ߤߋߖ߭ߏߓߏߟߊ ߟߎ߬ ߕߊ ߣߌ߲߬ ߦߋ߫ ߕߣߐ߬ߒ߬ߕߊ߲ ߠߋ߬ ߘߌ߫.

ߊߡߙߌߞߌ߬ ߞߍ߬ߟߍ ߝߘߏ߬ߓߊ߬ ߞߟߊ߬ߕߌ߮߸ ߔߌ߯ߕ ߤߍߖ߭ߑߛߍߕ ߞߵߊ߬ ߦߌ߬ߘߊ߬ ߛߓߌߍߛ ߝߐ߰ߓߍ߬ߘߊ ߟߊ߫ ߞߏ߫ ߌߛߌ߬ߙߊ߬ߌߟߊ߫ ߟߊ߫ ߥߊ߬ߟߏ߲߬ߠߌ߲ ߢߌ߲߬ ߕߍ߫ ߓߍ߲߬ߞߊ߲ ߣߌ߲߬ ߝߊ߲߭ ߺ ߊ  ߺ ߝߊ߲߬ ߠߋ߬ ߕߌߢߍ߫ ߟߊ߫، ߓߊߏ߬ <<ߊ߬ ߓߍ߲߬ ߞߏ ߕߍ߫ ߘߋ߬߸ ߓߊ߬ߙߵߊ߬ ߘߌ߫ ߓߍ߲߬ ߕߎ߬ߡߊ߫ ߢߌ߬ߡߊ߲߬>> ߊ߬ߟߋ ߞߊ߲߫ ߞߏ߫ ߞߎߡߊ ߦߋ߫ ߦߋ߲߬ ߠߋ߬ ߛߍߣߍ߲߬.

ߌߙߊ߲ߞߊ ߟߎ߫ ߝߊ߲߭ ߝߍ߬߸ ߊ߬ߟߎ߬ ߡߊ߫ ߣߌ߲߬ ߞߏ ߣߌ߫ ߓߌ߬ߟߊ߬ ߞߊ߬ ߛߎߡߊ߫ ߟߊߘߍ߬، ߊ߬ߟߎ߬ ߟߊ߫ ߛߌ߰ߞߊ߬ߝߐ ߞߎ߲߬ߕߌ߮ ߡߏ߬ߤߊ߲ߡߊߘ ߓߊߞߍߙ ߞߊߟߌߓߊߝ ߞߊ߲߫ ߞߏ߫ ߌߛߌ߬ߙߊ߬ߌߟߊ߫ ߣߐ߬ ߥߊ߬ߟߏ߲߬ߠߌ߲ ߡߍ߲ ߞߍ߫ ߟߊ߫ ߟߌߓߊ߲߫ ߣߌ߲߬ <<ߏ߬ ߓߘߊ߫ ߕߊ߬ߡߌ߲߫ ߊ߬ ߦߌ߬ߘߊ߬ ߟߊ߫ ߞߏ߫ ߞߊ߬ߝߏ߫ ߘߍ߬ߣߍ߲ ߕߴߊ߬ ߞߎߡߊ߫ ߞߊ߲ ߡߊߓߏ߲߬ߧߊ߬ ߟߊ߫ ߤߊߟߌ߬ ߞߋߟߋ߲߫، ߊ߬ ߥߊ߬ߣߌ߲߬ߞߋ߬ ߕߴߊ߬ߟߎ߬ ߟߊ߫߸ ߊ߬ ߖߛߎ߬ ߕߴߊ߬ߟߎ߬ ߞߣߐ߫.>> ߊ߬ ߞߵߏ߬ ߦߌ߬ߘߊ߫ ߞߵߊ߬ ߟߊ߫ ߞߎߡߊ ߞߊ߲߬ ߌߞߐ߫߸ ߞߏ߫: <<ߞߏ ߟߎ߬ ߘߐߛߎߡߊ߫ ߜߏߡߊ߲߫ ߣߌ߲߬ ߘߐ߫ ߘߋ߬.>>ߞߟߍ߬ߕߌ߯  ߡߏ߬ߤߊ߲߬ߡߊ߬ߘ ߖߊߝߝߊߙ ߊߛߊߘߌ߫ ߡߍ߲ ߦߋ߫ ߌߙߊ߲߫ ߣߊ߲߬ߕߌ߮ ߟߎ߬ ߟߊ߫ ߝߙߍߕߍ߫ ߂߲ ߘߌ߫߸ߏ߬ ߞߵߊ߬ ߦߌ߬ߘߊ߬ ߞߏ߫ <<ߌߛߌ߬ߙߊ߬ߌߟߊ߫ ߦߋ߫ ߕߌߢߍߟߌ ߡߍ߲ ߞߊ߲߬ ߟߌߓߊ߲߫ ߛߏ߫ ߞߐߞߊ߲ߠߊ ߟߎ߬ ߘߐ߫ ߣߌ߲߬߸ ߏ߬ ߘߐߞߏߟߏ߲߫ ߕߍߣߊ߬ ߕߏ߫ ߟߊ߫ ߝߋߎ߫.>>

ߣߴߏ߬ ߕߍ߫߸ ߓߌ߬ ߕߋ߬ߟߋ ߘߊߡߌ߬ߣߊ߬ߣߍ߲߫ ߠߋ߬߸ ߞߵߊ߬ ߛߐ߬ߘߐ߲߬ ߓߍ߯ ߓߘߊ߫ ߕߟߏߞߘߐߜߊ߬ ߕߑߙߐ߲ߔ ߟߊ߫ ߞߎߡߊ ߟߊ߫، ߓߊߏ߬߸ ߘߏߣߊߟ ߕߑߙߐ߲ߔ ߣߌ߫ ߔߊߞߌߛߑߕߊ߲߫ ߞߏߕߌ߯ ߝߟߐ ߛ߭ߋߤߑߓߊߖ߭ ߛ߭ߊ߬ߙߌߝ߸ ߤߐ߰ ߝߌ߬ߟߊ ߏ߬ ߓߍ߯ ߞߵߊ߬ ߝߐ߫ ߟߋ߬ ߞߊ߬ߦߌ߯ ߞߍ߲ߘߍߟߏ߲ ߞߏ߫ ߊ߬ߟߎ߬ ߦߟߌ߫ ߦߋ߫ ߓߍ߲߬ߘߐ߬ ߞߏ ߟߊ߫ ߓߌ߬ ߞߊ߯ߙߌ ߣߌ߲߬ ߡߊ߬، ߝߏ߫ ߞߕߊߙ ߗߋߘߋ߲ ߘߏ߫ ߟߎ߫ ߖߍ߬ߘߍ ߕߎ߲߬ ߓߘߊ߫ ߥߌ߬ߟߌ߫ ߞߊ߬ ߕߊ߯ ߕߤߋߙߊ߲߫ ߛߐ߰ߡߊ߬ߘߊ ߢߌ߲߬ ߠߊ߫߸ ߛߴߊ߬ߟߎ߬ ߘߌ߫ ߦߟߌߓߌߟߊߛߓߍ ߓߊ߯ߙߊ ߞߎ߲߭ߘߏ߲߬߸ ߛߌ߰ ߞߍߣߍ߲߫ ߞߵߏ߬ ߡߍ߲ ߡߊߞߐ߬ߣߐ߲߬، ߊ߬ߟߋ߬ ߞߏߢߊ ߣߌ߲߬ ߞߟߊ߬ߡߊ߬ߓߊ߮ ߘߏ߫ ߞߊ߲߫߸ ߞߏ߫ ߘߐ߬ߛߙߋ ߡߍ߲ ߞߎߡߊ ߦߴߌߘߐ߫ ߣߌ߲߬߸ ߐߙߑߡߎߖ߭ ߖߌߓߐߟߐ߲ ߘߊߦߟߍ߬ ߞߏ ߦߴߊ߬ ߞߣߐ߫߸ ߣߴߌߙߊ߲߫ ߛߐ߲߬ ߘߴߏ߬ ߡߊ߬߸ ߊߡߙߌߞߌ߬ ߝߣߊ߫ ߣߐ߬ ߌߙߊ߲߫ ߘߊ߲ߞߊ߲ ߠߎ߬ ߘߟߊߛߌ߱ ߡߍ߲ ߞߍ߫ ߟߊ߫߸ ߏ߬ ߟߎ߬ ߘߴߏ߬ ߟߊߟߐ߬߸ ߞߵߏ߬ ߞߍ߫ ߢߐ߲߮ ߠߊ߫ ߞߎ߲߬ߘߊ߲߬ ߛߙߊ ߘߌ߫، ߕߟߋ߬ ߆߀ ߡߍ߲ ߣߊ߬ߕߐ߫ ߞߟߊ߬ߣߐ߬ߦߊ߬ߟߌ ߞߐߝߍ߬߸ ߊ߬ߟߎ߬ ߘߌ߫ ߌߙߊ߲߫ ߠߊ߫ ߝߕߌߝߏߘߏ߲߫ ߞߏ ߘߐߖߊ߬ߥߏ߫ ߏ߬ ߞߣߐ߫، ߊ߬ ߘߏ߲߬ ߝߐ߫ ߟߊ߫ ߛߊ߲߬ߘߊ ߘߐ߫߸ ߞߏ߫ ߓߟߏߞߌߣߌ߲ ߦߋ߫ ߡߍ߲ ߟߐ߬ ߟߊ߫߸ ߓߟߏߣߎߡߊ߲ ߘߌ߫ ߛߴߏ߬ ߕߌߢߍ߫ ߟߊ߫ ߕߎ߬ߡߊ߬ߣߌ߲߬ ߞߋߟߋ߲߫ ߕߋ߲߬ ߌߞߘߐ߫.

ߌߙߊ߲߫ ߘߏ߲߬ ߠߊ߫ ߛߙߊߕߌ߫ ߝߐߣߍ߲ ߠߎ߬ ߘߏ߫ ߟߋ߬ ߟߌߓߊ߲߫ ߞߍ߬ߟߍ ߢߌ߲߬ ߠߊߟߐ߭ ߘߌ߫، ߐ߲߸ ߣߴߏ߬ ߞߐߝߟߌ ߞߍ߫ ߘߊ߫ ߡߐ߰ ߝߊ߮ ߘߌ߫ ߓߌ߬߸ ߊ߬ߝߐ߫ ߞߎߡߊ ߏ߬ ߘߐߓߎ߬ߘߎ߲߬ ߞߊ߲ ߠߋ߬ ߕߴߏ߬ ߘߌ߫ ߓߊ߬.