ߕߎ߲ߞߊ߲ߠߊߕߊ߯ߟߊ ߡߍ߲߬ ߠߎ߬ ߛߋ߫ ߘߊ߫ ߞߌ߲߬ߛߊߛߊ߬ ߓߌߟߏ߲ ߛߎ ߟߋ߬ ߘߐ߫߸ ߞߵߊ߬ ߘߎ߰ߛߊ ߜߍ߫ ߛߌ߬ߣߌ߲߬ߟߏ߲ ߠߊ߫߸ ߣߌ߲߬ ߦߋ߫ ߘߏߣߊߟ ߕߑߙߐ߲ߔ ߟߊ߫ ߞߎߡߊ߫ ߞߊ߲ ߕߊ߬ߣߍ߲ ߘߏ߫ ߟߋ߬ ߘߌ߫ ߊ߬ ߟߊ߫ ߡߊ߬ߡߌ߬ߘߊ߬ߟߌ ߕߎ߬ߡߊ ߟߊ߫߸ ߞߏ߫ ߊ߬ ߘߌ߫ ߕߎ߲ߞߊ߲ߠߊߕߊ߯ߟߊ߫ ߟߎ߬ ߜߍ߲߫ ߊ߬ ߟߊ߫ ߖߡߊ߬ߣߊ ߞߣߐ߫߸ ߒ߬ߓߊ߬߸ ߓߘߍ߬ߓߘߍ߬ߟߌ߬ ߝߊ߲ߝߘߊ ߏ߬ ߟߋ߬ ߓߟߏߦߊ ߦߴߌߘߐ߫ ߊ߬ ߓߟߏ߫ ߣߌ߲߬߸ ߓߊ߬ߙߌ߫߸ ߊ߬ ߛߋ߲߬ߧߊ߬ ߝߟߐ ߟߋ߬ ߕߋ߲߬ ߓߍ߯ߦߊ߫ ߞߏ߲߬ߞߏ߫ ߦߋ߫ ߊߡߋߙߌߞߌ߬ ߟߊ߫ ߡߐ߰ ߜߍ߲ߣߍ߲ ߠߎ߬ ߟߊߞߢߐ߬ߡߊ߫ ߊ߬ ߝߍ߬ ߦߋ߲߬߸ ߖߡߊ߬ߣߊ ߡߍ߲ ߠߎ߬ ߕߘߍ߬ ߓߘߊ߫ ߏ߬ ߞߍ߫ ߞߘߐ߬ߡߊ߲߫߸ ߏ߬ ߟߋ߬ ߦߋ߫ ߜ߭ߊ߯ߣߊ߬ ߣߌ߫ ߞߊߡߋߙߎߣ ߣߌ߫ ߖߡߊ߬ߣߊ߬ ߜߘߍ߫ ߟߎ߫ ߘߌ߫. 

ߗߍ߬ ߛߋߦߌ߲߫ ߣߌ߫ ߡߛߏ߬ ߥߐߙߐ߲ߝߌ߬ߟߊ ߟߋ߬ ߖߌ߰ ߘߊ߫ ߒߖߟߌ߫ ߛߊ߲ߡߊߘߊ߲ ߠߊ߫ ߓߌߟߏ߲ ߛߎ ߝߍ߬߸ ߓߍ߯ߦߊ߫ ߞߏ߲߬ߞߏ߬ ߞߊ߲ߕߌ߯ߘߊ ߞߍ߬ߙߍߝߍ߬߸ ߛߙߋ ߘߏ߫ ߟߊ߫ ߞߎߡߊ߫ ߘߐ߫ ߞߊ߬ߣߌ߲߬، ߛߙߋ߫ ߞߋߟߋ߲߫ ߣߌ߲߬ ߠߊ߫ ߝߐߟߌ߫ ߘߐ߫߸ ߕߎ߲ߞߊ߲ߠߊߕߊ߯ߟߊ߫ ߡߐ߰ ߜߍ߲ߣߍ߲ ߡߍ߲߬ ߠߎ߬ ߦߋ߫ ߔߋߙߎ߫ ߣߌ߫ ߋߞߌߥߊߕߏߙ ߖߡߊ߬ߣߊ߬ߘߋ߲ ߠߎ߬ ߟߋ߬ ߘߌ߫، ߞߊ߲ߕߌ߯ߘߊ ߞߙߍ߬ߝߍ߬ ߡߐ߮ ߣߌ߲߬ ߠߊ߫ ߢߍߕߊ߯ ߘߐ߫ ߞߎߡߊ ߘߐ߫߸ ߊ߬ߟߎ߫ ߞߊ߬ ߕߊ߯ߡߊߘߋ߲ ߡߍ߲ ߠߎ߬ ߟߊߓߍ߲߬߸ ߏ߬ ߟߎ߬ ߦߙߌߞߊ߫ ߟߐ߲ߣߍ߲߫ ߕߍ߫ ߊ߬ߟߎ߬ ߓߟߏ߫߸ ߓߊ߬ߙߌ߫߸ ߞߏ߫ ߕߊ߯ߡߊߘߋ߲߫ ߜߘߍ߫ ߟߎ߫ ߞߊߡߊ߲߫ ߞߊ߬ ߛߋ߫ ߊ߬ߟߎ߫ ߡߊ߬ ߟߏ߲߫ ߣߴߊ߬ ߣߊ߬ߕߐ ߟߎ߬ ߘߐ߫. 

ߓߍ߯ߦߊ߫ ߞߏ߲߬ߞߏ߫ ߞߎ߲߬ߠߊ߬ߛߌ߮ ߟߎ߬ ߖߍ߬ߘߍ ߞߊ߬ ߘߍ߬ߡߍ߲ ߢߌߣߌ߲߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߘߍ߬ߣߍ߲ ߝߍ߬߸ ߊ߬ ߟߊ߫ ߓߏߟߏ߲ߝߘߊ ߡߍ߲ ߦߋ߫ ߕߎ߲ߞߊ߲ߠߊߕߊ߯ߟߊ ߟߎ߬ ߟߊ߫ ߘߍ߬ߡߍ߲߬ߠߌ߲ ߞߎ߲߬ߠߊ߫߸ ߞߵߊ߬ ߓߍ߲߬ ߊ߬ߟߎ߬ ߟߊ߫ ߊߘߡߊߘߋ߲ߧߊ ߘߍ߬ߡߍ߲߬ ߞߍ߬ߟߊ߫ ߕߎ߲ߞߊ߲ߠߊߕߊ߯ߟߊ߫ ߁߅ ߜߍ߲ ߡߊ߬ ߊߡߋߙߌߞߌ߬ ߓߟߏ߫߸ ߓߏߟߏ߲ߝߘߊ ߡߍ߲ ߦߋ߫ ߕߎ߲ߞߊ߲ߠߊߕߊ߯ߟߊ ߟߎ߬ ߟߊ߫ ߘߍ߬ߡߍ߲ ߞߎ߲߬ߠߊ߫߸ ߏ߬ ߞߊ߲߫ ߞߏ߫ ߊ߬ߟߋ ߘߌ߫ ߛߋ߫ ߊ߬ߟߎ߫ ߘߍ߬ߡߍ߲߬ ߠߊ߫߸ ߞߵߊ߬ߟߎ߫ ߟߊߛߊ߬ߦߌ߲߬ ߊ߬ߟߎ߬ ߓߐ߫ ߖߡߊ߬ߣߊ ߟߎ߬ ߞߣߐ߫، ߣߴߊ߬ ߞߍ߫ ߘߊ߫ ߊ߬ߟߎ߫ ߖߍ߬ߘߍ ߟߊ߫ ߟߊ߬ߢߌ߬ߣߌ߲߬ ߘߌ߫ ߞߊ߬ߣߌ߲߬߸ ߣߌ߲߬ ߞߏ߬ߣߌ߲ ߦߋ߫ ߓߍ߯ߦߊ߫ ߞߏ߲߬ߞߏ߫ ߝߙߊ߬ߣߍ߲ ߠߋ߬ ߘߌ߫ ߝߘߊ߬ߝߌ߲߬ߠߊ߫ ߖߡߊߣߊ ߟߎ߫ ߞߊ߲߬. 

ߊ߬ߟߎ ߡߍ߲ ߠߎ߬ ߛߐ߲߬ ߘߊ߫ ߞߊ߬ ߕߊ߯ߡߊߘߋ߲߫ ߜߍ߲ߣߍ߲ ߠߎ߬ ߠߎ߬ ߟߊߞߢߐ߬ߡߊ߫ ߊ߬ߟߎ߫ ߝߍ߬ ߦߋ߲߬߸ ߡߍ߲ ߠߎ߬ ߜߍ߲ߠߌ߲ ߝߘߊߣߍ߲߫ ߊߡߋߙߌߞߌ߬ ߟߊ߫، ߖߡߊ߬ߣߊ ߡߍ߲ ߠߎ߬ ߕߎ߲߬ ߓߘߴߊ߬ ߞߍ߫ ߞߘߐ߬ߡߊ߲߫߸ ߏ߬ ߟߎ߫ ߟߋ߬ ߦߋ߫ ߜ߭ߊ߯ߣߊ߬߸ ߞߊߡߋߙߎߣ߸ ߖߌ߬ߣߍ߫ ߏߜ߭ߊߕߏߙߑߦߊߟ߸ ߛߎߘߊ߲߫߸ ߊ߬ ߣߌ߫ ߙߏߥߊ߲ߘߊ߫، ߝߘߊ߬ߝߌ߲߬ߠߊ߫ ߖߡߊ߬ߣߊ ߡߍ߲߬ ߠߎ߫ ߘߏ߲߬ ߝߣߊ߫ ߕߍ߫ ߊߡߋߙߌߞߌ߬ ߟߊ߫ ߕߎ߲ߞߊ߲ߠߊߕߊ߯ߟߊ߫ ߜߍ߲ߣߍ߲ ߠߎ߬ ߟߊߞߢߐ߬ߡߊ߫ ߦߋ߲߬ ߕߋ߲߬ ߜߊ߲ߛߊ߲߫ ߘߋ߬، ߊ߬ߟߎ߬ ߝߣߊ߫ ߦߋ߫ ߘߍ߬ߡߍ߲ ߘߏ߫ ߟߋ߬ ߛߐ߬ߘߐ߲߬ ߠߊ߫ ߞߊ߬ ߝߘߊ߫ ߊߡߙߌߞߌ߬ ߞߎ߲߬ߠߊ߬ߛߌ߮ ߟߎ߬ ߟߊ߫. 

ߥߟߊ߫ ߞߊ߬ ߓߍ߲߬ߞߊ߲ ߘߏ߫ ߛߐ߬ߘߐ߲߬ ߊ߬ߟߎ߬ ߣߌ߫ ߢߐ߲߯ ߕߍ߫߸ ߓߍ߯ߦߊ߫ ߞߏ߲߬ߞߏ߫ ߖߍ߬ߘߍ ߦߋ߫ ߦߙߐ ߡߍ߲ ߘߐ߫ ߕߋ߲߬߸ ߓߘߍ߬ߓߘߍ߬ߟߌ߬ ߝߙߍ ߣߌ߲߬ ߓߘߊ߫ ߞߍ߫ ߊ߬ߟߎ ߖߍ߬ߘߍ ߞߣߐ߬ߘߐ߬ߝߟߌ߬ߞߏ ߘߌ߫߸ ߞߊ߬ߕߎ߲߯߸ ߖߡߊ߬ߣߊ߬ߘߋ߲ ߠߎ߬ ߞߊ߲߫ ߞߏ߫ ߝߊ߲߬ߝߘߊ ߣߌ߲߬ ߡߊ߫ ߞߍ߫ ߞߏ߫ ߟߊߜߍߣߍ߲߫ ߘߌ߫ ߊ߬ߟߎ ߦߋ߫.