ߕߟߋ߬ ߘߊ߲ߘߐ߫ ߢߣߊߥߛߎ ߞߐ ߘߐ߫߸ ߟߞߊ߬ߙߊ߲߬ߠߌ߲߬ߠߊ߫ ߓߋߟߊ߬ ߓߊ ߓߘߊ߫ ߓߌ߬ߟߊ߬ ߞߕߌ߫ ߡߊߞߐߣߐ߲߫ ߥߛߎ ߟߊ߫ ߓߌߟߏ߲ ߣߌ߲߬ ߡߊ߬߸ ߘߌ߬ߞߑߛߌߣ ߞߕߌߘߊ ߦߌߟߡߊ߫ ߝߟߐ ߓߟߏ߫، ߊ߬ ߘߌߣߴߊ߬ߟߎ߬ ߢߊߞߘߐ߫ ߊ߬ ߞߕߌ߫ ߞߊ߲ߡߊ߬ ߞߐ߬ߓߊ߬ߟߏ߲.

ߓߋߟߊ߬ ߓߊ ߟߊ߫ ߞߏ ߓߘߊ߫ ߛߋ߫ ߛߊ߬ߙߌ߬ߦߊ߬ ߓߟߏߞߘߐ߫ ߡߎ߬ߕߎ߲߬، ߞߊ߬ߕߎ߲߯߸ ߘߓߊ߬ߓߌߟߊ ߕߟߋ߬ ߁߃ ߢߌ߲߬ ߡߊ߬߸ ߊ߬ ߛߋ߫ ߘߊ߫ ߘߌ߬ߞߑߛߌߣ ߞߕߌߘߊ ߦߌߟߡߊ߫ ߝߟߐ ߓߟߏߞߘߐ߫، ߞߵߊ߬ ߛߐ߬ߘߐ߲߬߸ ߊ߬ ߓߘߊ߫ ߕߟߋ߬ ߦߙߌߞߊ߫ ߞߍ߫ ߞߕߌ ߕߐ߲ߓߟߏߡߊ ߟߎ߬ ߕߊ߫ ߓߟߏ ߡߊ߬، ߒ߬ߓߊ߬߸ ߊ߬ ߓߊ߲ ߟߊߥߟߍ߫ ߟߊ߫ ߞߕߌߘߊ ߟߊ߫ ߦߋ߲߬߸ ߏ߬ ߟߎ߫ ߞߵߊ߬ ߟߊߡߙߊ߬ ߞߊ߲ ߝߐ߫߸ ߞߵߊ߬ ߟߊߕߊ߯ ߞߕߌ߫ ߡߊߞߐߣߐ߲߫ ߥߛߎ ߟߊ߫. ߊ߬ ߦߌ߬ߘߊ߬ߣߍ߲߬ ߞߏ߫ ߊ߬ ߟߊ߫ ߞߕߌ ߓߍߣߊ߬ ߞߍ߫ ߘߓߊ߬ߓߌߟߊ ߕߟߋ߬ ߁߇ ߡߊ߬߸ ߊ߬ߟߋ߬ ߘߌ߬ߞߑߛߌߣ ߞߕߌߘߊ߫ ߞߋߟߋ߲ ߏ߬ ߟߊ߫ ߦߋ߲߬. ߣߌ߲߬ ߞߍߣߍ߲߫ ߊ߬ ߡߌ߬ߣߊ ߕߟߋ߬ ߘߊ߲ߘߐ ߟߋ߬ ߡߊ߬ ߕߋ߲߬߸ ߏ߬ ߡߍ߲ ߞߎߡߊ ߛߌߦߊߦߊ߫ ߘߊ߫ ߘߍ߬ߞߙߏߝߏ ߞߊ߲߬ ߞߏߛߓߍ߫.

ߞߊ߬ߕߎ߲߯߸ ߞߏ߫ ߞߊ߬ ߓߋߟߊ߬ ߓߊ ߛߐ߬ߘߐ߲߫ ߘߌ߬߸ ߊ߬ ߣߐ߬ ߞߎߡߊ ߘߏ߫ ߟߋ߬ ߝߐ߫ ߟߊ߫ ߞߐߣߊߞߙߌ߫ ߕߌ߲ߓߌߘߌ߲ߘߓߊ ߢߍߓߊ߮ ߟߊ߰ߖߌ߬ ߡߊߡߊߘߎ߫ ߛߊߟߌߥߎ߬ ߞߡߊ߬ߙߊ߫ ߡߊ߬߸ ߡߍ߲ ߡߊ߫ ߘߌߦߊ߫ ߡߐ߰ ߛߌߦߊߡߊ߲߫ ߦߋ߫، ߞߵߊ߬ ߛߓߍ߫ ߞߎߡߊ ߏ߬ ߘߐ߫߸ ߞߏ߫ "ߤߙߐߞߏߙߏ߲ߧߊ"߸ ߏ߬ ߝߐ߫ ߘߴߊ߬ ߓߟߏ߫ ߢߍߓߊ߮ ߟߊ߫ ߞߎߡߊ ߘߏ߫ ߟߋ߬ ߖߋ߬ߓߌ ߘߐ߫߸ ߞߵߏ߬ ߞߐߝߍߟߊ ߞߍ߫ ߊ߬ ߡߌ߬ߣߊ ߘߌ߫، ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߊ߬ ߕߎ߲߬ ߞߊ߬ ߟߊ߬ߛߋ߬ߟߌ ߏ߬ ߟߊߖߌ߰ ߟߋ߬߸ ߊ߬ ߞߵߊ߬ ߦߌ߬ߘߊ߫ ߟߊ߬ߖߌ߰ߟߌ ߏ߬ ߡߍ߲ ߞߐ ߘߐ߫ ߞߏ߫ ߊ߬ ߡߊ߫ ߣߡߌߛߊ߫ ߊ߬ ߟߊ߫ ߝߐߣߍ߲ ߞߐ ߘߐ߫ ߡߎ߰ߡߍ߫. ߢߍߓߊ߮ ߞߏ߬ߣߌ߲ ߓߘߴߊ߬ ߦߌ߬ߘߊ߬ ߞߐ ߢߌ߲߬ ߠߊ߫߸ ߞߏ߫ ߊ߬ߟߋ ߦߝߊ߬ߣߍ߲߫߸ ߊ߬ ߘߏ߲߬ ߦߋ߫ ߞߎ߲߬ߠߊ߬ߛߌ߮ ߟߊ߫ ߦߊ߬ߝߊ ߝߣߊ߫ ߢߌߣߌ߲߫ ߠߊ߫.

ߏ߬ ߘߐ߫߸ ߓߋߟߊ߬ ߓߊ ߦߋ߫ ߛߊ߬ߙߌ߬ߦߊ߫ ߟߋ߬ ߓߟߏߞߘߐ߫ ߕߋ߲߬߸ ߊ߬ ߘߏ߲߬ ߦߋ߫ ߡߊ߬ߝߌ߲߬ߓߊ߰ߕߐ ߟߋ߬ ߘߌ߫ ߏ߬ ߘߐ߫ ߕߋ߲߬߸ ߛߐ߲߬ߡߊ߬ ߕߍ߫، ߊ߬ ߞߏ߬ߣߌ߲ ߞߍ߫ ߘߊ߫ ߘߌ߬ ߺ ߌ ߺ ߘߌ߬߸ ߞߐ߬ߓߊ߬ߟߏ߲ ߠߋ߬ ߞߍߕߐ߫ ߞߙߎ߬ߛߌ ߓߐ߫ ߟߊ߫ ߛߌߞߊ ߟߊ߫߸ ߞߵߊ߬ ߟߐ߲߫ ߣߌ߫ ߢߍߓߊ߮ ߟߊ߫ ߦߊ߬ߝߊ ߥߊߣߍ߲߫ ߛߊ߬ߙߌ߬ߦߊ߫ ߖߋ߬ߟߌ߬ ߛߌߟߊ ߝߍ߬߸ ߥߟߊ߫ ߣߴߊ߬ߟߎ߬ ߥߊߕߐ߫ ߛߓߍ ߞߣߐ߫ ߞߎߡߊ ߟߋ߬ ߞߐ߫. ߓߋߟߊ߬ ߓߊ ߞߏ߬ߣߌ߲ ߦߋ߫ ߓߟߏߘߐ߫ ߡߎߣߎ߲߬.