ߞߎߣߎ߲߬ ߞߊ߯ߙߌ ߂߀߂߆ ߥߊ߬ߛߌߥߊ߬ߙߊ ߕߟߋ߬ ߇ ߡߊ߬߸ߞߊ߲ߡߋߙߋ߲ ߘߏ߫ ߟߋ߬ ߓߣߐ߬ ߘߴߊ߬ ߣߌ ߘߐ߫ ߞߵߊ߬ ߛߊߓߎ ߞߍ߫ ߘߊ߬ߡߊ߲߬ߓߋ ߘߌ߫ ߸ߘߊ߬ߡߊ߲ ߣߐ߬ ߞߊ߲ߡߋߙߋ߲ ߡߍ߲ ߡߌ߬ߣߊ߬ ߟߊ߫ ߣߌ߲߬ ߊ߬ ߕߐ߯ ߟߋ߬ ߞߏ߫ ߛߌ߬ߘߌߞߌ߬ ߞߎ߬ߙߎߡߊ߬ ߸ ߊ߬ ߝߊ߬ ߕߐ߯ ߞߏ߫ ߤߥߊ߬-ߡߊ߯ߘߌ߫ ߸ߊ߬ ߣߊ߫ ߕߐ߯ ߖߍ߬ߣߍ ߖߊ߬ߣߍ ߞߊ߬ ߓߐ߫ ߕߡߎ߬ߙߎ߫ ߥߎߟߘߊ ߟߊ߫. ߊ߬ߟߎ߬ ߟߊ߫ ߘߎ߰ߕߌ߮ ߟߊ߫ ߝߐߟߌ߫ ߘߐ߫ ߊ߲ ߧߋ߫، ߞߏ߫ << ߞߊ߲ߡߋߙߋ߲ ߣߴߊ߬ ߓߊ߯ߙߊߢߐ߲߮ ߕߏ߫ ߘߊ߫ ߓߊ߯ߙߊ߫ ߟߊ߫ ߟߋ߬ ߘߊ߬ߡߊ߲ ߞߣߐ߫ ߸ߘߊ߬ߡߊ߲߬ߛߊ߫ ߘߊ߬ߡߊ߲ ߦߙߐ ߘߏ߫ ߞߊߘߌ߫ ߘߊ߫ ߸ߊ߬ ߘߍ߬ߢߐ߲߰ߞߍ߫ ߏ߬ ߞߵߊ߬ ߖߘߍ߬ߡߊ߬ߞߊߘߊ߲߫ ߞߊ߬ ߦߟߍ߬ ߞߊ߬ ߕߊ߯ ߕߐ߲ߓߟߏߡߊ ߟߎ߬ ߞߐ߫߸ߊ߬ ߞߐߛߊ߬ߦߌ߲߬ ߕߎߡߊ ߞߵߊ߬ ߛߐ߬ߘߐ߲߫ ߡߎ߬ߕߎ߲߬ ߘߊ߬ߡߊ߲ ߓߘߊ߫ ߓߋ߬ >> ߊߡߊ߬ߘߎ߫ ߞߊ߬ߡߙߊ ߟߋ߬ ߞߴߏ߬ ߝߐ߫. ߝߊ߰ߓߊ߰ߕߐ ߛߌ߬ߞߛߊߓߌ ߦߋ߫ ߛߊ߲߬ ߂߅ ߣߌ߫ ߞߐ ߟߋ߬ ߘߐ߫ ߸ߡߛߏ߬ ߞߋߟߋ߲߫ ߠߋ߬ ߕߎ߲߬ ߦߴߊ߬ ߞߎ߲߬ ߊ߬ ߡߊ߫ ߘߋ߲߫ ߕߏ߫. ߘߎ߰ߕߌ߰ ߊߡߊ߬ߘߎ߫ ߞߊ߬ߡߙߊ ߛߎ߬ߣߎ߲߬ߡߍ߬ߣߍ߲ߕߐ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ ߘߋ߲ߣߍ߲ ߠߎ߫ ߝߊ߲߬ߓߊ ߡߊ߫ ߞߊ߬ߙߊ߲߬ ߞߍ߫ ߸ߓߊ߯ߙߘߊ߫ ߕߴߊ߬ߟߎ߬ ߟߊ߫ ،ߡߍ߲ ߓߊ߯ ߞߎ߲߬ߡߊߞߘߎ߬ ߏ߬ ߘߴߌ ߓߏ߬ߙߌ߬ ߞߊ߬ ߕߊ߯ ߤߊ߬ߙߌ߬ߖߍ߰ ߢߌ߬ߣߌ߲߬ ߘߌߦߊ ߸ ߞߴߏ߬ ߓߘߊ߫ ߞߍ߫ ߞߎ߲߬ ߘߌ߫ ߞߊ߬  ߡߊ߲߬ߕߙߐ߬ ߛߌߦߊߡߊ߲߫ ߠߋ߬ ߟߊߛߋ߫ ߊ߬ߟߎ߫ ߡߊ߬ ߸ ߞߴߏ߬ ߞߎ߲߭ ߞߍ߫ ߊ߬ߟߎ߬ ߘߋ߲ ߠߎ߬ ߓߐ߬ߣߐ ߘߴߊ߬ߟߎ߬ ߣߌ ߘߐ߫߸ ߊ߬ ߖߍ߬ߘߍ ߞߵߊ߬ ߦߌ߬ߘߊ߬ ߞߏ߫ <<ߊ߲ ߧߴߊ߬ ߢߌߣߌ߲߫ ߠߊ߫ ߡߊ߲߬ߛߊ ߟߎ߫ ߝߍ߬ ߸ߊ߬ߟߎ߬ ߦߋ߫ ߘߍ߬ߡߍ߲߬ ߊ߲ ߞߊ߲߬ ߓߊ߯ߙߊ߫ ߘߌߦߊ߫ ߞߏ ߘߐ߫ ߛߴߊ߲ ߘߋ߲ ߠߎ߬ ߟߊ߫ ߛߌߣߌ߲ߢߍߛߌ߮ ߘߌ߫ ߓߍ߲߬ ߢߊ ߡߍ߲ ߞߵߊ߬ߟߎ߬ ߡߊߓߐ߫ ߖߘߐ߬ߣߊ߲߬ߞߏ ߢߌ߲߬ ߠߊ߫ >> ߞߐߙߍ ߞߊ߬ ߛߎ߭ ߡߊߛߐ߬ߘߐ߲߬ ߓߌ߬ ߛߐ߱ߡߊ߬ ߡߊ߬ ߸ߞߊ߬ ߓߊߘߍ ߞߍ߫ ߁߀ ߕߎߡߊ ߟߊ߫.