ߞߐ߬ߟߏ߲ ߂߀߂߆ ߞߏ߲ߞߏߘߓߌ ߕߟߋ߬ ߇߸ ߞߊ߲ߓߍ߲ ߞߊ߲ߕߌ߮߸ ߡߊ߬ߓߏ߲߬ߧߊ߬ߕߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߌ߫ ߛߊ߬ߙߌ߬ߦߊ߬ߦߊ߬ߟߌ ߞߏߟߊߕߍ߯ ߛߊ߲ߘߐ ߛߌ߲߬ߝߏ߲ ߠߎ߫ ߟߋ߬ ߞߊ߬ ߢߐ߲߯ߦߋ߫߸ ߦߋ߲߬ ߡߊߡߙߊ߬ߓߊ߮ ߦߴߊ߬ߟߋ߫ ߡߍ߲ ߖߘߍ߬ߓߊ߬ߞߎ߲ ߘߌ߫ ߞߊ߬ߣߌ߲߬، ߓߊ߸ ߦߋ߲߬ ߡߊ߬ߡߙߊ߬ߟߌ ߦߋ߫ ߘߌ߫ ߟߊ߫ ߞߊ߬ߝߏ ߞߎ߲߬ߕߌ߮ ߟߋ߬ ߡߊ߬، ߟߊ߬ߘߍ ߏ߬ ߞߍ߫ ߘߊ߫ ߟߋ߬ ߡߐ߰ߘߐ߬ߜߍ߬ ߛߌߦߊߡߊ߲߫ ߢߣߊ߫߸ ߞߊ߲ߕߌ߯ߘߊ ߝߘߏ߬ߓߊ߬ ߞߟߊ߬ߕߌ߮ ߦߴߏ߬ ߘߏ߫ ߟߋ߬ ߘߌ߫߸ ߞߟߍ߬ߕߌ߰ ߊߡߙߊ߫ ߞߡߊ߬ߙߊ߬߸ ߊ߬ ߣߌ߫ ߞߎߓߋߘߐ ߗߋߕߌ߮߸ ߖߌ߯ߓߊ߫ ߖߊ߬ߞߌ߬ߕߋ߬.

ߟߊ߬ߘߍ ߘߟߊߞߊ߬ ߘߊ߫ ߞߊ߲ߕߌ߯ߘߊ ߝߘߏ߬ߓߊ߬ ߞߟߊ߬ߕߌ߮ ߟߋ߬ ߓߟߏ߫߸ ߞߟߍ߬ߕߌ߰ ߊߡߙߊ߫ ߞߡߊ߬ߙߊ߬߸ ߞߊ߬ ߛߐ߰ ߞߏߟߊߕߍ߯ߘߊ ߛߌ߲߬ߝߏ߲ ߠߎ߬ ߦߌ߬ߘߊ ߡߊ߬ ߡߎߣߎ߲߬، ߞߊ߬ߕߎ߲߯߸ ߛߊ߬ߙߌ߬ߦߊ߬ߓߊ߰ߙߊ߬ߟߊ߫ ߡߐ߰ ߁߅ ߟߋ߬ ߞߏߟߊߕߍ߯ߘߊ ߣߌ߲߬ ߛߌ߲߬ߝߏ߲ ߘߌ߫߸ ߓߍ߯ ߞߊ߬ ߡߍ߲ ߟߐ߲߫، ߓߊ߬ߙߌ߬߸ ߦߟߍ߬ߡߊ߲ ߓߘߊ߫ ߘߏ߲߬ ߊ߬ ߘߐ߫߸ ߞߵߊ߬ ߞߍ߫ ߡߐ߰ ߁߈ ߘߌ߫ ߛߋ߲߬ߢߊ ߣߌ߲߬ ߝߍ߬߸ ߞߊ߬ ߓߍ߲߬ ߖߡߊ߬ߣߊ ߛߊ߬ߙߌ߬ߦߊ߬ ߞߎߘߊ ߟߎ߬ ߥߊ߫ ߝߊߘߌ ߡߊ߬.


ߞߎߡߊ ߕߊ߬ߣߍ߲ ߌߓߙߊߤߌߡߊ߫ ߛߏߙߌ߬ ߂߲ ߕߎ߲߬ߞߙߊ ߓߟߏ߫߸ ߊ߬ߟߋ ߡߍ߲ ߦߋ߫ ߓߊ߬ߘߌ߬ߕߊ ߟߎ߫ ߞߊ߲ߘߊߓߊ߮ ߣߌ߫ ߕߋߟߋ߲ߓߊ߯ߦߊ ߞߏߕߌ߮ ߘߌ߫߸ ߊ߬ ߛߐ߰ ߘߊ߫ ߕߊ߲߬ߘߏ߬ߟߌ ߟߋ߬ ߡߊ߬ ߡߎߣߎ߲߬߸ ߞߵߏ߬ ߞߎ߲߭ ߞߍ߫ ߞߏߘߐߦߟߍߡߊ߲߫ ߛߌߦߊߡߊ߲߫ ߘߏ߲߭ ߘߌ߫ ߖߡߊ߬ߣߊ߬ ߛߊ߬ߙߌ߬ߦߊ߬ ߓߊ߰ߙߊ߬ ߘߊߞߎ߲ ߠߎ߬ ߘߐ߫߸ ߡߍ߲ ߠߎ߬ ߕߐ߬ߣߐ ߥߙߊ߬ߣߍ߲߬ ߞߏߛߓߍ߫، ߊ߬ ߞߵߊ߬ ߝߐ߫ ߊ߬ ߟߊ߫ ߛߙߊ߬ߣߎ߲ ߘߐ߫ ߝߣߊ߫߸ ߞߏ߫ ߖߡߊ߬ߣߊ ߝߊ߰ߡߊ ߟߎ߬ ߓߘߴߊ߬ ߦߌ߬ߘߊ߬ ߝߛߊߦߌ߫߸ ߞߏ߫ ߊ߬ߟߎ߬ ߦߴߊ߬ ߝߍ߬ ߟߋ߬ ߡߎ߬ߕߎ߲߬ ߖߌ߬ߣߍ߫ ߖߡߊ߬ߣߊ ߦߋ߫ ߞߍ߫ ߛߊ߬ߙߌ߬ߦߊ߬ ߖߡߊߣߊ ߘߌ߫߸ ߡߐ߰ ߘߴߊ߬ ߢߡߊߟߊ߫ ߡߍ߲ ߡߊ߬߸ ߞߊ߬ ߞߕߌߘߊ ߓߍ߯ ߟߊ߫ ߖߘߍ߬ߕߌ߰ߦߊ ߓߊ߲ߓߊ߲߫، ߕߋߟߋ߲ߓߊ߯ߦߊ ߞߏߕߌ߮ ߟߊ߫ ߞߎߡߊ ߓߏ߬ߙߌ߬ ߘߊ߫ ߞߊ߲ߕߌ߮ ߟߊ߫ ߞߏߢߌߡߊߟߐ߲߫ ߓߊ߯ߙߊ߫ ߞߍߣߍ߲ ߘߏ߫ ߞߊ߲߬߸ ߣߴߏ߬ ߦߋ߫ ߡߐ߱ ߟߎ߫ ߡߐ߬ߟߐ߲ ߞߘߐߕߊ߭ ߘߌ߫ ߞߊ߬ ߓߍ߯ ߓߙߍ߬ߡߊ߬ ߡߐߟߐ߲߫ ߘߴߊ߬ ߡߊ߬ ߞߎ߲߬ߢߊ߬ߘߐ ߘߌ߫.

ߞߎߡߊ ߘߌ߫ ߘߊ߫ ߟߋ߬ ߓߍ߯ ߡߊ߬ ߞߋߟߋ߲ߞߋߟߋ߲߫߸ ߡߍ߲ ߓߊ߯ ߛߙߊ߬ߣߎ߲ ߕߊ߬߸ ߏ߬ ߘߴߊ߬ ߖߘߍ߬ ߢߣߊߓߊ߯ߦߊ߫ ߡߎߣߎ߲߬߸ ߞߊ߬ ߓߊ߲߫ ߞߵߊ߬ ߤߊߡߌ߲ߣߊ߲ߕߊ ߝߐ߫ ߞߊ߬ ߓߍ߲߬ ߖߡߊ߬ߣߊ ߛߊ߬ߙߌ߬ߦߊ߬ ߞߏ ߡߊ߬، ߞߊ߲ߓߍ߲ ߞߊ߲ߕߌ߮ ߞߊ߬ ߓߍ߯ ߤߊ߲ߞߟߌ߫ ߟߊߖߌ߰ ߊ߬ ߟߊ߫ ߛߙߊ߬ߣߎ߲ ߕߎ߬ߡߊ ߟߊ߫߸ ߞߏ߫ ߊ߬ߟߋ ߤߊߡߌ߲ ߦߋ߫ ߡߍ߲ ߘߌ߫ ߓߌ߬߸ ߏ߬ ߟߋ ߛߊ߬ߙߌ߬ߦߊ߬ߓߊ߰ߙߊ߬ߟߊ ߟߎ߬ ߦߋߝߊߘߌ ߡߊߝߊ߬ߟߋ߲ ߘߌ߫߸ ߞߵߊ߬ߟߎ߬ ߟߊ߫ ߓߊ߯ߙߊ ߟߊߢߊ߬ ߓߘߍߞߍ߭߸ ߣߴߊ߬ ߡߊ߫ ߢߊ߬ ߞߏ߫ ߖߡߊ߬ߣߊ ߛߊ߬ߙߌ߬ߦߊ ߦߴߊ߬ߟߎ ߟߋ߬ ߞߓߊ߬ ߞߘߐ߫ ߣߌ߫ ߢߣߊߕߐߡߐ߲ߠߌ߲߫ ߕߍ߫.

ߊ߬ߟߎ߬ ߟߊ߫ ߓߊ߬ߘߏ߬ߢߐ߲߰ߦߊ ߣߌ߲߬ ߞߍ߫ ߘߊ߫ ߕߙߎ߬ ߘߌ߫ ߓߍ߯ ߥߟߌ߬ ߘߊ߫ ߡߙߌߦߊ߫ ߞߋߟߋ߲߫ ߞߊ߲߬߸ ߞߊ߬ ߢߐ߲߮ ߠߊ߫ ߟߊ߬ߢߌߣߌ߲ ߠߎ߬ ߢߊߦߋ߫، ߏ߬ ߘߏ߲߬ ߘߐ߫ ߖߎ߬ߓߊ߬ߖߎ ߞߍ߫ ߘߊ߫ ߡߎ߲߬ ߘߌ߫߸ ߛߊ߬ߙߌ߬ߦߊ ߟߊߕߊ߯ߡߊ ߦߋ߫ ߞߍ߫ ߞߏ ߓߍ߯ ߛߋ߲߬ߓߊ߬ߛߋ߲ ߘߌ߫ ߖߡߊ߬ߣߊ߬ߘߋ߲ ߠߎ߬ ߕߍ߫߸ ߞߊ߬ ߖߡߊ߬ߣߊ ߖߍ߬ߘߍ ߞߍ߫ ߛߊ߬ߙߌ߬ߦߊ߬ ߖߡߊߣߊ ߘߌ߫، ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߦߌ߬ߘߊ߬ ߞߏ߫ ߢߐ߲߯ߦߋ ߣߌ߲߬ ߞߎ߲߭ ߘߏ߫ ߟߋ߬ ߝߣߊ߫ ߦߋ߫߸ ߛߊ߫ ߓߍ߯ ߘߌ߫ ߛߊ߬ߙߌ߬ߦߊ߬ ߓߊ߯ߙߊ ߞߏߟߊߕߍ߯ ߛߊ߲ߘߐ ߟߊߘߊ߲ ߛߙߊߕߌ ߟߎ߬ ߡߊߓߏ߲߬ߧߊ߬.


ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߘߏ߫ ߝߐ߫ ߟߋ߬ ߢߣߊߕߊߟߌ߫ ߣߊ߬ߕߐ ߟߎ߫ ߞߊ߲߬߸ ߦߏ߫ ߥߛߊ߬ߘߋ߲߬ ߢߣߊߕߊߟߌ ߣߌ߫ ߞߊ߬ߝߏ߬ߙߋ߲߬ ߢߣߊߕߊߟߌ ߡߍ߲ ߠߎ߬ ߣߊ߬ߕߐ߫ ߣߌ߲߬، ߊ߬ ߛߐ߰ ߘߊ߫ ߛߊ߬ߙߌ߬ߦߊ߬ߓߊ߰ߙߊ߬ߟߊ߫ ߕߊ߲߬ߘߏ ߟߋ߬ ߡߊ߬ ߡߎߣߎ߲߬߸ ߞߏ߫ ߊ߬ߟߎ߫ ߞߊ߬ ߓߊ߯ߙߓߊ߫ ߟߋ߬ ߞߍ߫ ߢߣߊߕߊߟߌ߫ ߕߊ߬ߡߌ߲߬ߣߍ߲ ߠߎ߬ ߘߐ߫، ߏ߬ ߟߎ߬ ߞߍ߫ ߘߊ߫ ߕߋߟߋ߲ ߠߊ߫߸ ߜߍߦߊ ߟߊ߫، ߒ߬ߓߊ߬߸ ߞߏ߫ ߛߌߟߊ߫ ߞߋߟߋ߲ ߏ߬ ߟߋ ߞߊ߫ ߞߊ߲߫ ߞߊ߬ ߟߊߕߊ߯ߡߊ߫ ߢߣߊߕߊߟߌ߫ ߣߊ߬ߕߐ ߢߌ߲߬ ߠߎ߬ ߝߣߊ߫ ߘߐ߫߸ ߛߊ߫ ߓߍ߯ߦߊ ߛߙߊߕߌ ߟߎ߬ ߘߌ߫ ߡߊߓߏ߲߬ߧߊ߬ ߢߊ ߡߍ߲ ߡߊ߬.

ߊ߬ߟߎ߫ ߞߊ߬ ߡߙߌߘߐ߫ ߛߌߦߊߡߊ߲߫ ߕߊ߬߸ ߛߊ߫ ߛߊ߬ߙߌ߬ߦߊ߬ߓߊ߰ߙߊ߬ߟߊ߫ ߞߟߊ߬ߡߊ߬ߓߊ߮ ߟߎ߬ ߘߌ߫ ߛߋ߫ ߢߊ ߡߍ߲ ߡߊ߬߸ ߞߊ߬ ߟߊ߬ߞߐ߰ߟߌ ߞߍ߫ ߝߊ߬ߛߏ ߛߊ߬ߙߌ߬ߦߊ߬ ߓߊ߯ߙߊ ߞߊ߬ߙߊ߲߬ߕߊ ߟߊ߫، ߘߌߦߊ ߞߊߣߊ߬ ߘߊ߲߬ ߞߎߓߋߘߊ ߞߣߐ߫ ߡߐ߮߮ ߟߎ߬ ߘߐߙߐ߲߫ ߡߊ߬߸ ߛߊ߬ߙߌ߬ߦߊ߬ ߓߊ߰ߙߊ߬ߟߊ ߡߍ߲ ߠߎ߬ ߝߣߊ߫ ߦߋ߫ ߖߡߊ߬ߣߊ ߞߣߐߟߊ ߘߐ߫ ߕߌ߲߬ߞߎߘߎ߲ ߠߎ߬ ߘߐ߫߸ ߏ߬ ߟߎ߬ ߝߣߊ߫ ߦߋ߫ ߛߋ߫ ߟߊߕߘߍ߬ ߟߴߊ߬ ߘߐ߫ ߢߊ ߡߍ߲ ߡߊ߬߸ ߞߊ߬ ߓߍ߯ ߘߐߞߢߊ߫ ߕߍߕߋߟߋ߲ ߠߊ߫.


ߞߊ߲ߕߌ߮ ߞߊ߬ ߞߎߡߊ ߡߍ߲ ߠߎ߬ ߝߐ߫ ߏ߬ ߘߌ߫߸ ߕߋߟߋ߲ߓߊ߯ߦߊ ߞߏߕߌ߮ ߝߣߊ߫ ߞߵߊ߬ ߞߐߛߊ߲߬ߦߌ߲߫ ߏ߬ ߟߎ߫ ߞߊ߲߬߸ ߞߏ߫ ߞߊ߬ ߝߊ߲߬ߞߊ߬ ߘߌ߫ ߛߊ߬ߙߌ߬ߦߊ߬ ߓߊ߰ߙߊ߬ߟߊ ߟߎ߬ ߟߊ߫ ߖߘߍ߬ߕߌ߰ߦߊ ߡߊ߬߸ ߞߊ߬ ߢߊ ߟߐ߬ ߊ߬ߟߎ߬ ߟߊ߫ ߞߏ ߟߎ߬ ߝߍ߬߸ ߞߵߊ߬ߟߎ߬ ߟߊ߫ ߓߊ߯ߙߊ ߞߍߢߊ ߟߎ߬ ߟߊߢߊ߬߸ ߛߊ߫ ߖߡߊ߬ߣߊ ߘߴߊ߬ ߛߌ߰ ߛߊ߬ߙߌ߬ߦߊ ߟߊ߫ ߛߌ߰ߟߌ ߘߐ߫.

ߏ߬ ߘߐ߫߸ ߞߏ߫ ߞߎߘߊ ߡߍ߲ ߠߎ߬ ߝߐߣߍ߲߫ ߟߊ߬ߘߍ ߣߌ߲߬ ߘߐ߫߸ ߏ߬ ߟߎ߬ ߘߌ߫ ߛߋ߫ ߓߐ߫ ߟߴߊ߬ ߛߌߟߊ ߝߍ߬ ߢߊ ߡߍ߲ ߡߊ߬߸ ߏ߬ ߟߋ ߢߊߢߌߣߌ߲ ߦߴߌߘߐ߫ ߡߎ߬ߕߎ߲߬߸ ߛߊ߫ ߖߌ߬ߣߍ߬ ߝߣߊ߫ ߛߊ߬ߙߌ߬ߦߊ߬ ߞߏ ߘߌ߫ ߓߌ߬ߟߊ߬ ߕߋߟߋ߲ ߣߌ߫ ߜߍߦߊ ߞߊߡߊ߲ ߞߣߐ߫ ߓߘߍߞߍ߭.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.