߁ - ߡߎ߲߬ߘߐ߫ ߛߊ߲ߡߊߞߎߟߎ߲ ߕߍ߫ ߓߐ߫ ߟߊ߫ ߛߊ߲ ߡߊ߬ ߞߊ߬ ߓߋ߬ ߊߟߊߤߙߍ߫ ߘߐ߫؟
ߡߐ߱ ߦߋ߫ ߘߏ߲߬ ߠߊ߫ ߛߊ߲ߡߊߞߎߟߎ߲ ߞߣߐ߫ ߞߵߌ ߜߊ߲߫ ߞߊ߬ ߜߟߊ߬ߜߟߊ߬ ߥߊ߯ߞߋߟߋ߲߫ ߓߐߢߐ߲߯ߞߏ ߘߏ߲߬ ߌ ߣߌ߫ ߘߎ߰ߡߊ߬ߟߊ ߕߍ߫، ߌ ߓߴߌ ߢߊ ߟߊߓߐ߫ ߛߎߘߊ ߟߊ߫ ߥߟߊ߫ ߝߢߐߘߊ ߝߍ߬ ߸ ߌ ߘߴߌ ߖߘߍ߬ ߦߋ߫ ߓߘߌߞߊ ߛߊ߲ ߝߍ߬ ߞߎߟߋߞߎߟߋ߫ ߸ ߘߎ߰ߞߟߏ ߘߌ߫ ߘߐ߯ߦߊ߫ ߌ ߢߊߞߘߐ߫ ߝߎߍ߲߫، ߌ ߘߴߌ ߖߍ߬ߘߍ߫ ߢߌ߬ߣߌ߲߬ߞߊ߬ ߞߏ߫ ߝߋ߲ ߡߍ߲ ߖߌߘߊ߲ ߦߊ߯ ߓߏ߲߬ ߞߙߌߕߌ߫ ߗߡߍ߬ ߦߙߌߞߊ߫ ߘߌ߫ ߸ ߏ߰ ߛߋ߫ ߟߊ߫ ߛߓߊ߬ߕߌ߬ ߟߊ߫ ߗߏ߯ ߘߌ߬ ߛߊ߲߫ ߣߌ߫ ߘߎ߰ ߕߍ߫ ߊ߬ ߡߊ߫ ߓߋ߬.
߂ - ߞߎߡߊ ߏ߬ ߖߋ߬ߓߌ ߘߐ߫ ߸ ߍ߲߬ߤߍ߲߬ ߝߊ߲߬ߞߊ߫ ߛߊ߬ߓߊ ߟߋ߬ ߛߊ߲ߡߊߞߎߟߎ߲ ߠߊ߫ ߡߍ߲ ߓߍ߯ ߦߋ߫ ߓߊ߯ߙߊ߫ ߟߴߊ߬ ߕߊ߫ ߜߋ߲߬ ߘߐ߫، ߏ߬ ߟߎ߬ ߝߟߍ߫:
ߊ - ߛߊ߲ߡߊߞߎߟߎ߲ ߖߍ߬ߘߍ: ߊ߬ ߓߴߊ߬ ߜߊ߲߫ ߸ ߊ߬ ߖߍ߬ߘߍ ߖߌߘߊ߲ ߣߴߊ߬ ߜߟߌߦߊ ߦߴߊ߬ ߛߊ߬ߡߊ߲߬ ߠߊ߫ ߞߵߊ߬ ߟߊߖߌ߰.
ߋ - ߊ߬ ߣߌߘߐ: ߏ߬ ߦߴߊ߬ ߛߊ߬ߡߊ߲߬ ߠߊ߫ ߞߊ߬ ߥߴߊ߬ ߘߌ߫ ߢߍߝߍ߬.
ߌ - ߊ߬ ߞߊ߬ߡߊ߲߫ ߝߌ߬ߟߊ: ߏ߬ ߟߎ߬ ߦߴߊ߬ ߞߘߐߕߊ߬ ߟߊ߫ ߞߵߊ߬ ߟߊߦߟߍ߬، ߒ߬ߓߊ߬ ߛߊ߲ߡߊߞߎߟߎ߲ ߝߊ߲߬ߞߊ % ߆߀ ߓߍ߯ ߦߴߊ߬ ߞߊ߬ߡߊ߲߫ ߝߌ߬ߟߊ ߟߋ߬ ߓߟߏ߫، ߞߊ߬ߕߎ߲߰ ߊ߬ ߓߊ߯ ߦߟߍ߬ ߞߊ߬ ߛߋ߫ ߞߛߞߊ ߘߏ߫ ߟߊ߫ ߸ ߛߊ߲ߡߟߊ ߘߌ߫ ߝߊ߬ߙߵߊ߬ ߞߊ߬ߡߊ߲ ߠߎ߫ ߞߊ߲߬ ߞߵߊ߬ ߘߎ߲ߣߍ߲ ߕߏ߫ ߛߊ߲߫ ߣߌ߫ ߘߎ߰ ߕߍ߫ ߤߊ߲߯ ߊ߬ ߛߋߦߙߐ.
߃ - ߛߊ߲ߡߊߞߎߟߎ߲ ߞߊ߬ߡߊ߲ ߠߎ߬ ߕߙߋߟߊߖߊ߲ߣߍ߲߫ ߠߋ߬ ߥߟߊ߫ ߞߵߊ߬ߟߎ߬ ߞߐߥߟߏ߫ ߣߍ߲ߞߍ߫، ߊ߬ ߣߌ߫ ߞߵߊ߬ߟߎ߬ ߘߐߘߏ߲߬ ߢߐ߲߯ ߘߐ߫ ߞߵߊ߬ߟߎ߫ ߕߐ߬ߢߐ߲߬، ߊ߬ ߓߊ߯ ߞߴߊ߬ ߜߊ߲߫ ߠߊ߫ ߸ ߊ߬ ߘߴߊ߬ߟߎ߬ ߘߐߝߎߟߋ߲߫ ߓߘߍߞߍ߬ ߦߏ߫ ߞߐ߬ߣߐ ߦߴߊ߬ ߞߍ߫ ߟߊ߫ ߢߊ ߡߍ߲، ߊ߬ ߓߊ߯ ߖߌ߰ ߸ ߊ߬ ߘߴߊ߬ߟߎ߫ ߘߏ߲߬ ߢߐ߲߯ ߘߐ߫ ߞߏߢߊ߬ ߕߋߙߎ߫.
߄ - ߕߎ߬ߡߊ ߡߍ߲ ߞߊ߫ ߜߍ߬ߟߍ߲߬ ߛߊ߲ߡߊߞߎߟߎ߲ ߠߊ߫ ߞߏ ߘߐ߫ ߓߊߞߍ߬ ߸ ߏ߬ ߟߴߊ߬ ߥߌ߬ߟߌ ߡߌ߬ߛߍ߲߬ ߃ ߝߟߐ ߘߌ߫ ߤߊ߲߯ ߊ߬ ߡߌ߬ߛߍ߲߬ ߇ ߝߟߐ، ߓߊ ߕߎ߬ߡߊ ߏ߬ ߟߎ߬ ߦߴߊ߬ ߕߘߍ߬ ߟߊ߫ ߟߋ߬ ߊ߬ ߞߊ߬ߡߊ߲ ߠߎ߬ ߡߊ߫ ߝߢߐ߫ ߓߘߍ߫ ߕߊ߬ ߸ ߊ߬ ߛߎ߬ߘߎ߲߬ߡߊ߲߫ ߘߎ߱ ߟߊ߫ ߊ߬ ߘߏ߲߬ ߖߌߘߊ߲ ߜߟߌߡߊ߲߫، ߓߊ߬ߙߴߊ߬ ߣߌߘߐ ߟߊ߫ ߟߊ߬ߓߏ߬ߙߌ߬ߟߌ ߝߊ߲߬ߞߊ ߘߴߊ߬ ߝߍߦߊ߫ ߣߍ߲ߞߍ߫ ߞߊ߬ ߦߟߍ߬ߟߌ ߣߐ߰ߦߊ߫ ߊ߬ ߢߍ߫.
߅ - ߛߊ߲ߡߊߞߎߟߎ߲ ߘߌ߫ ߦߟߍ߬ ߛߊ߲ߡߊ߬ ߤߊ߲߯ ߜߟߊ߬ߜߟߊ߬ ߁߀߀߀ ߓߐߢߐ߲߯ߞߏ߫ ߟߊ߫، ߊ߬ ߕߎ߬ߡߊ߬ߙߋ߲߬ ߞߋߟߋ߲߫ ߓߏߙߌ ߦߋ߫ ߞߎߘߍ߫ ߁߀߀߀ ߘߡߊ߬ߦߌ߬ߙߊ߬ ߘߌ߫ ، ߊ߬ ߓߴߊ߬ ߜߊ߲߫ ߊ߬ ߕߴߊ߬ ߞߐߝߟߍ߫ ߟߊ߫ ߊ߬ ߡߊ߫ ߛߊ߬ߦߌ߲߬ߞߐ߫ ߢߊߟߐ߲߫.
߆ - ߛߊ߲ߡߊߞߎߟߎ߲ ߦߋ߫ ߡߊ߲߬ߞߊ߲߫ ߝߋ߲ - ߋ - ߝߋ߲߫ ߓߐ߫ ߟߊ߫ ߛߊ߲ߡߊ߬ ߊ߬ ߣߌ߫ ߘߎ߰ߡߊ߬ ߸ ߊ߬ ߦߟߍ߬ߕߐ ߣߴߊ߬ ߖߌ߰ߕߐ ߘߐ߫ ߸ ߞߘߐ߫ ߞߙߍߞߙߍߣߍ߲߫ ߠߴߊ߬ ߓߍ߯ ߟߊ߫، ߞߊ߬ߕߎ߲߰ ߛߊ߲ߡߊߞߎߟߎ߲ ߠߋ߬ ߓߏ߬ߙߌ߬ߝߋ߲ ߘߌ߫ ߸ ߘߎߢߊ߫ ߓߍ߯ ߛߐ߲߬ ߘߴߊ߬ ߡߊ߬ ߞߏ߫ ߡߍ߲ ߠߊߕߊ߲߬ߞߊ߬ߣߍ߲߫ ߊ߬ ߣߌ߫ ߞߊ߬ ߖߊ߲߬ߕߏ߬ ߞߴߊ߬ ߘߐ߫.
߇ - ߛߊ߲ߡߊߞߎߟߎ߲ ߞߐ߲߬ߡߘߊ ߕߍ߫ ߡߣߊ߬ߡߣߊ߬ ߝߋ߲߫ ߘߌ߫ ߸ ߊ߬ ߦߋ߫ ߜߊ߲߫ ߠߊ߫ ߞߊ߬ ߖߌ߰ ߛߋ߲߬ߧߊ߫ ߃߀߀ ߓߐߢߐ߲߯ߞߏ߫ ߟߊ߫ ߊ߬ ߞߐ߲߬ߡߊ߬ߘߊ ߟߎ߬ ߘߌ߫ ߸ ߏ߬ ߞߐ߫ ߞߵߊ߬ߟߎ߬ ߡߊߝߊ߬ߟߋ߲߬، ߛߊ߲ߡߊߞߎߟߎ߲ ߥߟߌ߬ߕߐ߬ߟߊ ߖߐ߬ߘߐ ߞߊ߫ ߖߎ߯ ߊ߬ ߖߌ߰ߕߐ߬ߟߊ ߕߊ ߘߌ߫ ߛߋ߲߬ߧߊ߬ ߁߀، ߊ߬ ߕߍ߫ ߥߟߌ߬ ߝߋߎ߫ ߣߴߊ߬ ߦߙߐ߫ ߡߊߝߟߍߕߊ ߓߍ߯ ߡߊ߫ ߓߊ߲߫ ߡߊߝߟߍ߫ ߟߊ߫ ߸ ߏ߬ ߞߐ߫ ߞߊ߬ ߘߌ߬ߢߍ ߘߴߊ߬
ߡߊ߬ ߊ߬ ߦߋ߫ ߥߊ߫.
߈ - ߌ ߘߐߖߊ߬ ߞߊ߬ ߕߊ߯ߡߊ߫ ߛߊ߲ߡߊߞߎߟߎ߲ ߘߐ߫ ߛߋ߲߬ߧߊ߬ ߛߌߦߊߡߊ߲߫ ߸ ߊ߬ߟߋ ߟߋ߬ ߓߏ߬ߙߌ߬ߝߋ߲߫ ߘߌ߫ ߘߎߢߊ߫ ߡߐ߰ߘߐ߬ߜߍ ߟߎ߫ ߘߏ߲߬ ߠߊ߫ ߡߍ߲ ߞߣߐ߫، ߊ߬ ߝߛߍ߬ߝߛߍ߬ߟߌ ߢߊ߫ ߞߊ߫ ߡߌ߬ߛߍ߲߬، ߏ߬ ߝߟߐ ߘߌ߫ ߡߐ߰ ߞߍ߫ ߡߎ߬ߢߎ߲߬ߓߊ߯ ߘߌ߫ ߸ ߊ߬ ߣߌ߫ ߞߵߌ ߞߍ߫ ߡߐ߰ ߘߌ߫ ߡߍ߲ ߞߎ߲߬ߘߏߣߌ߲ ߛߊߣߌ߲ߡߊ߲߫، ߓߊߏ߬ ߟߊߞߌߙߊ߫ ߓߐߒߝߍߢߐ߲߮ ߠߋ߬ ߛߊ߲ߡߊߘߊ߲ ߘߌ߫ ߛߎߋ߫، ߌ ߘߌ߫ ߝߛߍ߬ߝߛߍ߫ ߞߵߌ ߓߟߏߝߋ߲ ߠߎ߬ ߘߐߖߍ߯ߙߍ߫، ߏ߬ ߘߐ߫ ߌ ߘߏ߲߬ߣߌ߲ ߢߊߓߐ߫ ߛߴߌ ߘߌ߫ ߓߐ߫ ߖߏߣߊ߫.
߉ - ߛߊ߲ߡߊߞߎߟߎ߲ ߦߋ߫ ߓߏ߬ߙߌ ߡߍ߲ ߞߍ߫ ߟߊ߫ ߘߎ߰ߡߊ߬ ߏ߬ ߞߐ߫ ߞߵߊ߬ ߜߊ߲߫ ߸ ߓߏ߬ߙߌ ߏ߬ ߝߊ߲߬ߞߊ ߦߋ߫ ߞߎߘߍ߫ ߃߅߀ ߟߋ߬ ߘߌ߫ ߕߎ߬ߡߊ߬ߙߋ߲߬ ߞߋߟߋ߲߫ ߞߘߐ߫، ߡߐ߰ ߦߙߌߞߊ߫ ߟߴߊ߬ ߓߏ߬ߙߌ߬ ߟߊ߫ ߸ ߊ߬ ߓߐߦߙߐ ߣߴߊ߬ ߥߊߦߙߐ ߓߍ߯ ߛߋ߲߬ ߦߴߊ߬ ߓߏ߬ߙߌ ߘߐ߫.
ߛߊ߲ߡߊߞߎߟߎ߲ߘߐߕߊ߯ߡߊ ߕߍ߫ ߓߍ߲߬ ߖߊ߲߬ߞߊߙߏ ߡߍ߲ ߠߎ߫ ߘߌ߫ ߝߋߎ߫
ߖߊ߲߬ߞߊ߬ߙߏ߬ ߓߍ߫ ߖߊ߲߬ߞߊ߬ߙߏ߬ ߘߐ߫ ߏ߬ ߕߌ߰ߟߊ߬ߡߐ߯ ߡߊ߲߫ ߞߊ߲߫ ߞߊ߬ ߕߊ߯ߡߊ߫ ߛߊ߲ߡߊߞߎߟߎ߲ ߘߐ߫ ߸ ߣߴߏ߬ ߕߍ߫ ߝߙߋߞߋ߫ ߟߋ߬.
߁ - ߖߛߎ߬ߞߎ߲߬ ߖߊ߲ߞߊߙߏ: ߣߴߌ ߖߛߎ߬ߞߎ߲ ߝߍߡߊ߲߫ ߞߏߖߎ߯ߦߊ߫ ߊ߬ ߣߴߌ ߣߌߟߊߞߟߌ ߦߋ߫ ߕߍ߰ߕߍ߰ ߟߊ߫ ߸ ߥߟߊ߫ ߌ ߓߘߊ߫ ߘߐߓߛߏ߫ ߌ ߛߌߛߌ ߘߐ߫ ߊ߬ ߘߊ ߡߊ߫ ߛߎߡߊ߫ ߸ ߌ
ߞߊߣߊ߬ ߕߊ߯ߡߊ߫ ߛߊ߲ߡߊߞߎߟߎ߲ ߘߐ߫.
߂ - ߖߋ߬ߟߌ߬ߛߌ߲ߓߌ: ߖߋ߬ߟߌ߬ߛߌ߲ߓߌ ߣߌ߫ ߖߋ߬ߟߌ߬ߞߊ߲ߞߊ ߝߋ߲ - ߋ - ߝߋ߲߫ ߞߍ߫ ߘߴߌ ߟߊ߫ ߸ ߌ ߛߋ߲߬ߓߐ߫ ߛߊ߲ߡߊߞߎߟߎ߲߫ ߞߏ ߘߐ߫ ߸ ߞߎߡߊߕߍ߫ ߣߌ߫ ߖߋ߬ߟߌ߬ߞߘߎ ߦߋ߫ ߖߊ߬ ߟߊ߫ ߌ ߖߋ߬ߟߌ߬ߝߏߟߏ߲ ߘߐ߫ ߣߊߟߌ߬ߡߎ߲߫ ( deep vein thrombosis)
ߘߌ߫.
߃ - ߖߝߐ߬ ߖߊ߲ߞߊߙߏ: ߖߝߐ߬ ߜߋߘߋ߲ ߣߌ߫ ߛߐ߰ߛߐ߰ߣߍ߲߬ߜߍ ߣߌ߫ ߛߌ߰ߛߊ߮
ߣߌ߫ ߣߦߟߊߞߟߌ ߜߍ߲ߘߍ ߸ ߊ߬ ߣߌ߫ ߞߎ߲߰ߛߎ߲߬ߒ߬ߕߊ߲ߧߊ ߸ ߏ߬ ߕߌ߰ߟߊ߬ߡߐ߮ ߟߎ߬ ߞߊߣߊ߬ ߦߟߍ߬ ߛߊ߲ߡߊߞߎߟߎ߲ ߘߐ߫.
߄ - ߘߐ߬ߓߛߏ߬ߟߌ: ߣߴߌ ߘߐߓߛߏߘߊ ߡߊ߫ ߓߊ߲߫ ߛߎߡߊ߫ ߟߊ߫ ߝߟߐ߫߫ ߸ ߌ ߞߊߣߊ߬ ߕߏ߫ ߦߟߍ߬ ߟߊ߫ ߛߊ߲ߡߊߞߎߟߎ߲ ߘߐ߫.
߅ - ߡߏߙߊ ߣߌ߫ ߛߊ߬ߛߊ: ߏ߬ ߟߎ߬ ߦߋ߫ ߖߊ߲߬ߞߊ߬ߙߏ߬ ߘߌ߫ ߡߍ߲ ߠߎ߬ ߦߋ߫ ߖߍ߲ߛߍ߲߫ ߠߊ߫ ߞߊ߬ ߡߐ߰ ߜߘߍ߬ ߟߊߛߐ߬ߘߐ߲߬ ߖߏߣߊ߫.
߆ - ߞߣߐߓߏߙߌ ߣߌ߫ ߝߣߐ: ߏ߬ ߞߋ߬ߟߋ߲߬ߞߋ߬ߟߋ߲߬ߠߊ ߛߌ߫ ߕߍ߫ ߛߊ߲ߡߊߞߎߟߎ߲ߕߊ߯ߟߊ ߟߊ߫ ߖߊ߲߬ߞߊ߬ߙߏ߬ ߘߌ߫ ߸ ߞߊ߬ߕߎ߲߰ ߟߋ߰ߓߎ߬ ߖߊ߲ߞߊߙߏ ߟߎ߫ ߟߋ߬.
ߖߐ߲߬ߡߊ߬ߛߌߣߌ߲ߟߐ߲߫ ߠߊ߫ ߞߟߊ߬ߘߊ ߟߋ߬ ߡߊ߲߬ߘߋ߲߫ ߞߊ߬ߦߋ߬
Aucun commentaire pour le moment.