ߞߎ߲߬ߠߊ߬ߛߌ߰ߟߌ ߟߎ߬ ߕߌ߲߬ߞߎߘߎ߲߫ ߣߌ߲߬ ߞߣߐ߫
ߞߍߞߎߘߊߢߡߊ߬ߕߏ߲ ߡߍ߲ ߖߎߙߊ߲ߣߍ߲ ߞߍ߲ߘߍߟߏ߲ ߛߎ ߂߀߂߆ ߘߓߊ߬ߓߌߟߊ ߕߋ߬ߟߋ߫ ߂߂ ߞߵߊ߬ ߘߎ߰ߛߊ ߜߍ߫ ߕߋ߬ߟߋ߫ ߂߃ ߟߊ߫߸ ߘߊߙߑߛߊ߬ߟߊߡ ߛߎ߬ߣߎ߲߬ߞߎ߲߬ߓߊ ߟߋ߬ ߖߎߙߊ߲ߣߍ߲߫ ߞߐߣߊߞߙߌ߫߸ ߊ߬ ߝߊ߰ߓߊ߰ߕߐ ߦߋ߫ ߕߊ߬ߡߌ߲߬ ߠߊ߫ ߥߙߊ߬ ߟߊ߫. ߞߊ߬ߕߎ߲߯߸ ߊ߬ ߦߙߌߞߊ ߓߘߊ߫ ߛߋ߫ ߡߐ߰ ߁߈ ߘߐ߫߸ ߡߍ߲ ߠߎ߬ ߛߋߣߍ߲߫ ߟߊߓߐ߫ ߟߊ߫ ߡߎߣߎ߲߬.
ߞߍߞߎߘߊߓߌ߬ ߂߀߂߆ ߘߓߊ߬ߓߌߟߊ ߕߋ߬ߟߋ߫ ߂߀ ߞߍߣߍ߲߫ ߘߐ߬ߝߐ ߟߏ߲ߓߊ ߟߋ߬ ߘߌ߫ ߖߌ߬ߣߍ߬ ߞߣߐ߫߸ ߞߊ߬ ߓߍ߲߬ ߡߊ߬ߡߙߊ߬ߟߌ ߔߊ߬ߔߘߊ ߘߐߦߟߍ߬ߡߊ߲ ߡߊ߬، ߞߊ߬ߕߎ߲߯߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߟߊ߬ߕߍߍ߰ߦߊ߬ ߞߎߘߊ ߣߌ߲߬ ߘߐ߫߸ ߛߌ߯ߙߌ߲߫ ߣߌ߫ ߓߋߟߊ߫ ߓߘߊ߫ ߞߍ߫ ߕߌ߲߬ߞߎ߬ߘߎ߲߬ ߓߟߏߡߊߞߊ߬ߣߍ߲ ߘߌ߫߸ ߞߊ߬ ߓߊ߲߫ ߞߊ߬ ߡߙߊ߬ߘߊ߬ߙߋ߲߬ ߁߁ ߞߍ߫ ߡߙߊ߬ߘߊ߬ߓߊ ߘߌ߫ ߖߌ߬ߣߍ߫ ߝߊ߲߬ ߛߌߦߊߡߊ߲߫ ߘߐ߫.
ߞߍߞߎߘߊߡߊ߬ߟߌ ߣߊ߲߬ߕߌ߰ ߝߊ߲ߞߊ ߣߐ߬ ߡߙߊ߬ߒ߬ߡߊ߬ߝߋ߲߬ߕߌ߰ ߞߘߐ ߘߏ߫ ߟߎ߫ ߟߋ߬ ߕߏ߲ߓߐ߫ ߟߊ߫߸ ߞߵߊ߬ߟߎ߬ ߟߊߞߐ߯ ߞߵߊ߬ߟߎ߬ ߝߊ߬ߙߊ߫ ߖߡߊ߬ߣߊ ߛߏ߬ߙߌ߬ߡߊ߬ߘߋ߲ ߠߎ߬ ߞߊ߲߬.
ߞߍߞߎߘߊߡߊ߬ߟߌ ߝߊ߬ߥߏ߬ߟߊ߬ߓߐ߬ߟߊ ߡߍ߲ ߦߋ߫ ߞߟߌ߫ ߟߊ߫ ߞߏ߫ ߞߑߟߊ߬ߓߊ߸ ߣߴߊ߬ ߘߍ߰ ߛߎ߬ߛߎ߬ ߕߐ߮ ߦߋ߫ ߟߊ߬ߡߌߣ ߛߡߊ߬ߞߍ ߘߌ߫߸ ߏ߬ ߓߌ߬ߟߊ߬ ߘߊ߫ ߓߌߟߏ߲ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߃ ߢߌ߲߬ ߡߊ߬، ߡߞߊ߬ߛߌ߬ߟߌ߫ ߟߋ߬ ߞߍߣߍ߲߫ ߕߍ߬ߘߍ߫ ߊ߬ ߞߊ߲߬߸ ߣߴߏ߬ ߞߍ߫ ߘߊ߫ ߕߙߎ߬ ߘߌ߫ ߞߵߊ߬ ߟߊߘߏ߲߬ ߥߛߎ ߟߊ߫߸ ߏ߬ ߟߋ ߛߓߍ ߟߊߓߐߣߍ߲߫، ߒ߬ߓߊ߬߸ ߓߟߏߓߐߣߴߊ߬ ߘߐ߫ ߏ߬ ߕߟߋ߬ ߘߊ߲ߘߐ ߟߋ߬ ߡߊ߬ ߣߌ߲߬.
ߞߍߞߎߘߊߕߟߋ߬ ߕߊ߲߫ ߘߐߙߐ߲߫ ߞߣߐ߫ ߕߋ߲߬߸ ߡߐ߰ ߂߂ ߟߋ߬ ߓߘߊ߫ ߛߊ߬ߦߊ ߡߊߛߐ߬ߘߐ߲߫ ߓߌ߬ߟߊ߬ߒ߬ߘߐ߬ߖߎ߮ ߘߐ߫ ߖߌ߬ߣߍ߬ ߞߣߐ߫، ߏ߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߞߎ߲߬ߊߠ߬ߛߌ߮ ߟߐ߬ ߊ߬ ߝߐ߫ ߟߊ߫߸ ߞߏ߫ ߊ߬ߟߎ߬ ߓߍߣߊ߬ ߛߊ߬ߙߌ߬ߦߊ ߘߐߖߊ߬ ߛߌߟߊ ߞߊ߲߬ ߜߘߋߜߘߋ߫߸ ߞߊ߬ ߓߌ߲߬ߓߊߥߏ ߓߋ߬ ߛߌߟߊ ߛߊ߬ߙߌ߬ߦߊ ߣߌ߫ ߓߏ߬ߙߌ ߛߊ߬ߙߌ߬ߦߊ ߛߐ߬ߛߐ߬ߓߊ߮ ߟߎ߫ ߞߊ߲߬، ߖߐ߲߰ߛߊ߫ ߖߌ߬ߣߍ߬ ߛߌߟߊ ߟߎ߬ ߞߊߣߊ߬ ߞߍ߫ ߡߐ߰ ߝߊ߰ ߦߙߐ ߘߌ߫.
ߞߍߞߎߘߊߞߘߐߓߐߟߌ ߞߐߝߍ߬߸ ߟߊ߬ߘߎ߲߬ߠߌ߲߬ ߛߌߦߊߡߊ߲߫ ߓߘߊ߫ ߞߍ߫ ߞߏߕߌ߯ߘߊ ߓߟߏ߫߸ ߕߌ߲߬ߞߎߘߎ߲ ߟߊ߬ߞߟߏ߬ߞߟߏ߬ߟߌ ߜߋ߬ߟߎ߲߬ߓߊ߮ ߘߏ߫ ߣߌ߫ ߡߙߊ߬ߘߊ߬ߓߊ ߟߊ߬ߞߟߏ߬ߞߟߏ߬ߟߌ ߗߋߕߌ߯ߘߊ߫ ߛߌߦߊߡߊ߲߫ ߠߊ߫ ߞߎ߲߬ߠߊ߫߸ ߞߵߏ߬ ߞߎ߲߭ ߞߍ߫ ߞߏߡߊߓߌߟߊ ߘߌ߫.
ߞߍߞߎߘߊߖߋ߬ߣߌ߲߬ߓߊ߬ ߞߏ ߘߓߌ߬ߘߓߌ ߟߊ߫ ߥߊ߬ߙߊ ߕߊ߬ߣߍ߲ ߞߵߊ߬ ߟߊ߫ ߛߌߞߊ߫ ߞߍ ߡߊ߬ ߖߌߥߎߘߊ߫ ߓߊ߯ߙߊߞߍߟߊ ߛߌߦߊߡߊ߲߫ ߡߊ߬߸ ߞߊ߲ߞߊ߲߫ ߞߕߌ߫ ߡߛߊߦߌ߲ߘߊ ߝߘߏ߬ߓߊ߬ ߞߕߌߓߋߟߋ߲ ߓߘߊ߫ ߗߏ ߟߊߥߌ߬ߟߌ߫ ߡߐ߰ ߟߎ߬ ߞߐ߫߸ ߛߌߞߊ߫ ߞߍߣߍ߲߫ ߡߍ߲ ߠߎ߬ ߡߊ߬߸ ߊ߬ ߣߌ߫ ߞߵߊ߬ߟߎ߫ ߣߐ߬ߝߍ߬ߜߍ߲߬ ߞߏ ߖߊ߬ߡߊߙߌ ߘߌ߫ ߒߞߘߐߣߌ߲߬.
ߞߍߞߎߘߊߖߐ߲߭ߓߍ߲߬ߘߍ ߕߟߋ߬ ߁߀ ߦߋ߫ ߟߏ߲ߓߊ߫ ߘߌ߫ ߘߎߢߊ߫ ߛߌ߬ߟߡߊ߬ ߖߡߊߣߊ ߟߎ߬ ߓߟߏ߫߸ ߊ߬ߟߎ߬ ߦߋ߫ ߓߘߊߡߐ߯ ߟߝߊ ߞߍ߫ ߟߊ߫ ߟߏ߲ ߡߍ߲ ߡߊ߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬ ߸ߞߴߏ߬ ߞߎ߲߭ ߞߍ߫ ߛߊ߲߬ ߞߘߐ ߕߊ߯ ߘߌ߫ ߞߊ߬ ߞߎߘߊ ߛߣߍ߫.
ߞߍߞߎߘߊSߝߟߐ ߸ߖߌ߬ߣߍ߬ ߛߌߟߊ ߟߎ߫ ߕߘߍ߬ ߕߍ߫ ߟߌ߬ߤߟߊ߬ ߢߌߡߊ߫ ߘߐ߫ ߡߎ߰ߡߍ߫ ߸ ߛߌߟߊ ߟߎ߬ ߘߏ߲߬ ߕߘߍ߬ ߡߊ߲߫ ߛߌߦߊ߫ ߌߞߐ߫، ߒ߬ߞߊ߬ ߓߌ߬ ߝߊߘߌ ߘߐ߫ ߡߎ߬ߕߎ߲߬ ߛߊ߫߸ ߖߡߊ߬ߣߊ ߛߌߟߊ ߟߎ߬ ߦߋ߫ ߘߐߓߍ߲߭ ߞߊ߲߬߸ ߊ߬ ߣߌ߫ ߞߊ߬ ߛߌߟߊ߫ ߞߎߘߊ߫ ߛߘߍߡߊ߲߫ ߠߎ߬ ߟߊ߫߸ ߖߐ߲߰ߛߊ߫ ߕߌ߲߬ߞߎߘߎ߲ ߠߎ߬ ߟߊ߫ ߕߊ߯ߣߌߛߊߦߌ߫ ߣߐ߰ߦߊ߫.
ߞߍߞߎߘߊߞߊ߬ ߓߍ߲߬ ߡߊ߲߬ߘߋ߲߬ ߝߏߘߋ߫ ߟߊ߫ ߘߐ߲߬ߞߟߌ߬ ߞߎߘߊ߫ ߟߊߓߐߣߍ߲ ߡߊ߬߸ ߞߕߌ ߟߋ߬ ߓߐߣߴߏ߬ ߘߐ߫ ߓߌ߬ ߞߐ߬ߟߏ߲ ߣߌ߲߬ ߡߊ߬ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߃، ߡߙߊߡߊ߫ ߛߙߋ߫ ߟߊ߬ ߟߌߦߐߣ ߞߊ߬ߓߊ ߟߋ߬ ߞߵߊ߬ ߡߊߞߊ߬ߛߌ߫ ߊ߬ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߘߐ߲߬ߞߟߌ ߣߌ߲߬ ߟߊߣߴߊ߬ߟߌ ߟߋ߬ ߡߊ߬.
ߞߍߞߎߘߊߦߏ߫ ߓߍ߯ ߟߊߘߍ߬ߣߍ߲ ߞߵߊ߬ ߟߐ߲߫ ߢߊ ߡߍ߲ ߡߊ߬߸ ߛߌ߬ߣߌ߲߬ߟߏ߲ ߡߍ߲ ߓߍ߲߬ ߘߊ߫ ߥߊ߬ߛߌ߬ߥߙߊ ߕߟߋ߬ ߁߉ ߡߊ߬߸ ߡߊ߲߬ߘߋ߲߬ ߝߏߘߋ߫ ߕߘߍ߬ ߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߟߊ߫߸ ߞߊ߬ ߓߍ߲߬ ߡߞߊ߬ߛߟߌ߬ ߞߍ ߡߵߊ߬ ߞߊ߲߬ ߊ߬ ߟߊ߫ ߘߐ߲߬ߞߟߌ߬ ߞߎߘߊ߫ ߟߊߓߐߣߍ߲ ߞߏߛߐ߲߬߸ ߡߍ߲ ߕߐ߯ ߊ߬ ߓߟߏ߫ ߞߏ߫ ߟߊ߬ ߜ߭ߑߙߊ߲ߘ ߘߎ߳ ߞߊߙߑߕߌߦߋ. ߒ߬ߓߊ߬߸ ߏ߬ ߟߋ ߟߊ߬ߥߟߌ߬ߟߌ ߦߴߌߘߐ߫ ߓߌ߬ ߞߕߌ߫ ߛߘߊߡߊ ߘߌ߫.
ߞߍߞߎߘߊߦߏ߫ ߓߍ߯ ߟߊߘߍ߬ߣߍ߲ ߞߊ߬ ߓߟߐߟߐ߫ ߞߊ߲ߠߊ ߟߎ߬ ߘߐߞߟߦߊ߫ ߢߊ ߟߐ߲߫ ߕߋ߬ߟߋߝߌ߬ߟߊ ߣߌ߲߬ ߘߐ߫ ߢߊ ߡߍ߲ ߡߊ߬߸ ߞߊ߬ ߓߍ߲߬ ߡߊ߲߬ߘߋ߲߬ ߝߏߘߋ߫ ߟߊ߫ ߘߐ߲߬ߞߟߌ߬ ߞߎߘߊ ߡߊ߬߸ ߡߍ߲ ߕߐ߯ ߞߏ߫ ߟߊ߬ ߜ߭ߑߙߊ߲ߘ، ߒ߬ߓߊ߬߸ ߏ߬ ߞߎߡߊ ߓߘߊ߫ ߛߋ߫ ߛߊ߬ߙߌ߬ߦߊ߬ ߢߊߞߘߐ߫ ߕߋ߲߬.
ߞߍߞߎߘߊߕߊ ߣߌ߲߬ ߣߐ߬ ߕߌߢߍߟߌ߫ ߛߌߦߊߡߊ߲߫ ߠߋ߬ ߞߍ߫ ߟߊ߫߸ ߊ߬ ߞߊ߬ߛߙߊ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߗߍ߭ ߘߏ߫ ߟߐ߬ ߊ߬ ߖߍ߬ߘߐ߫ ߛߐ߰ ߟߊ߫ߟ ߛߙߋ߫ ߛߌߦߊߡߊ߲߫ ߖߍ߬ߘߍ ߦߴߊ߬ ߦߌ߬ߘߊ߬ ߞߏ߫ ߊ߬ ߡߊ߫ ߛߋ߫ ߓߐ߫ ߟߴߊ߬ ߘߐ߫.
ߞߍߞߎߘߊߞߊ߬ ߓߍ߲߬ ߝߊ߬ߛߏ ߞߎ߲ߝߊ߲ߓߐ ߣߌ߫ ߤߖߌ ߕߊ߯ߡߊ ߟߊߘߏ߲߭ ߡߊ߬ ߛߏ߫߸ ߞߟߊ߬ߘߏ߲ߛߏ ߟߎ߬ ߘߐ߫ ߓߏ߲߬ߓߊ ߡߏߙߌ߫ ߞߊ߬ߡߙߊ߫ ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ ߕߏ߲ ߕߊ߬ ߞߊ߬ ߞߎߣߊߘߎ߯ ߖߊߟߏ߲߫ ߡߊߜߍ߲߫߸ ߦߋ߲߬ ߡߍ߲ ߦߴߊ߬ ߥߟߏߛߟߎ ߘߌ߫، ߊ߬ ߟߊߓߍ߲߬ ߘߊ߫ ߘߋ߲ߡߌߛߍ߲ ߠߎ߫ ߓߟߏ߫ ߞߎߘߍ߫ ߁߅ ߖߊ߬ߕߋ߫ ߟߋ߬ ߟߊ߫.
ߞߍߞߎߘߊߘߏߣߊߟ ߕߑߙߐ߲ߔ ߞߵߊ߬ ߛߐ߬ߘߐ߲ ߛߊ߲߬ ߈߀ ߢߊ߰ߢߊ߮ ߞߍ߫ ߞߊ߯ߙߌ߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߄ߣߌ߲߬ ߡߊ߬ ߓߏ߲ߜߍ ߡߊ߲߬ߛߊ߬ߓߌ߲ ߞߊ߲߬ ߥߙߏ߬ߘߎ߰ ߝߊ߲ ߝߍ߬، ߊ߬ ߞߎߡߊ߫ ߘߊ߫ ߌߙߊ߲߫ ߞߟߍ ߞߏߢߊ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߓߍ߲߬ߞߊ߲߫ ߞߎ߲߬ߝߟߐ ߟߎ߬ ߓߘߊ߫ ߝߟߐ߫ ߛߐ߬ߘߐ߲߬ ߠߊ߫߸ ߛߊ߫ ߘߊ߲߬ ߘߌ߫ ߛߌ߰ ߞߍ߬ߟߍ ߟߊ߫.
ߞߍߞߎߘߊߗߍ߬ ߞߋߟߋ߲ ߡߍ߲ ߛߋߣߍ߲߫ ߞߊ߬ߝߊ߫ ߂߀߀ ߛߓߍ߫ ߟߊ߫ ߛߊ߲߬ ߛߋߦߌ߲߫ ߞߘߐ߫߸ ߣߴߊ߬ ߢߐ߲߰ ߞߟߊ߬ߘߏ߲ߛߏ߫ ߕߍ߫ (ߝߘߊ߬ߝߌ߲߬ߠߊ߫) ߘߐ߬ߝߐ ߞߣߐ߫، ߞߊ߬ߙߊ߲߬ߝߊ߬ ߡߏߙߌ߬ ߖߐ߲߬ߡߊߛߌߣߌ߲ߟߐ߲߫ ߞߡߊ߬ߙߊ߬ ߛߣߌߡߊߕߐ߫ ߖߌ߬ߣߍ߫ ߘߎ߰ߞߟߏ ߞߊ߲߬ ߞߐ߬ߟߏ߲߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߆ ߡߊ߬߸ ߞߊ߲ߞߊ߲߫ ߣߊ߬ߓߊ߰ߦߊ߫ ߘߎ߱ ߞߣߐ߫. ߘߍ߰ߡߎ߲߬ ߓߟߋߓߟߋ߫ ߣߌ߫ ߕߊ߯ߡߊ߫ ߘߌߡߊ߲߫ ߦߴߊ߬ ߞߏ ߘߐ߫߸ ߞߵߊ߬ ߝߊ߬ߛߏ ߡߊߜߍ߲߫.
ߞߍߞߎߘߊߖߌ߬ߣߍ߬ ߤߖߌߘߋ߲ ߠߎ߬ ߟߊ߫ ߕߐ߲߬ߕߐ߲ ߂߁߲ ߕߘߍ߬ ߛߊ߲ߡߊߞߎߟߎ߲ ߡߍ߲ ߞߣߐ߫߸ ߏ߬ ߟߋ ߞߘߊߡߊߣߍ߲߫ ߛߌߟߊ ߡߙߎ߫ ߟߊ߫ ߞߵߊ߬ ߞߎ߲߬ߛߌ߲߫ ߓߡߊ߬ߞߐ߬ ߟߊ߫߸ ߜߊ߬ߛߌ߬ߣߍ߲ ߞߐ߫ ߛߊ߲ߡߊߞߎߟߎ߲ ߣߌߘߐ ߘߏ߫ ߟߊ߫، ߡߊ߬ߘߌ߬ߡߌ߲߬ ߞߏ߫ ߣߌ߫ ߖߎ߫ߡߊ߲߫ ߜߘߍ߫ ߞߏ߬ߣߌ߲߬ ߡߊ߫ ߝߐ߫ ߊ߬ ߞߏ ߘߐ߫.
ߞߍߞߎߘߊߓߌߟߏ߲߫ ߕߊ߬ߡߌ߲߬ߣߍ߲߸ ߢߌ߬ߣߌ߲߬ߞߊ߬ߟߌ ߘߏ߫ ߟߋ߬ ߞߍ߫ ߘߊ߫ ߝ߭ߑߟߊߘߡߌߙ ߔߎߕߌߣ ߞߎ߲߬߸ ߊ߬ ߡߊ߫ ߛߐ߲߬ ߏ߬ ߖߋ߬ߓߌ߬ ߟߊ߫، ߏ߬ ߟߋ ߞߍ߫ ߘߴߊ߬ ߟߊ߫ ߡߊ߬ߡߌ߬ߣߊ߬ߟߌ߬ ߞߏ ߘߌ߫ ߂߀߃߀ ߟߊ߫، ߊ߬ ߞߵߊ߬ ߦߌ߬ߘߊ߫ ߟߋ߬ ߘߐߙߐ߲߫߸ ߞߏ߫ ߢߌ߬ߣߌ߲߬ߞߊ߬ߟߌ ߏ߬ ߓߘߊ߫ ߓߊ߬ߙߴߊ߬ ߘߐ߫ ߞߏߖߎ߯ߦߊ߫߸ ߊ߬ ߦߟߌ߫ ߕߴߏ߬ ߛߎ߮ ߞߍߟߌ ߡߵߊ߬ ߞߎ߲߬ ߣߌ߲߬ ߥߊ߯ߕߌ ߢߌ߲߬ ߠߊ߫.
ߞߍߞߎߘߊߞߐ߬ߟߏ߲ ߣߌ߲߬ ߡߊ߬߸ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߸ ߞߕߌߘߊ ߞߊ߬ ߜߋ߲ߞߐ߰ߖߌ߬ߘߊ ߕߐ߯ߟߡߊ߫ ߛߑߕߋߝߊߣ ߊ߬ߜߙߋ߫ (ߊߔߎ߬ߗߎ) ߣߌ߫ ߟߌߦߐߣߍߟ ߊߞߏߓߋ߫ (ߟߌߦߐߣߍߟ ߔߋ.ߛߋ.ߍߛ) ߖߊ߲߬ߞߌ߲߬، ߥߛߎߖߌ߲߫ ߘߊߕߎ߲߯ߣߍ߲߫ ߞߏ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߡߐ߰ ߝߌ߬ߟߊ ߢߌ߲߬ ߠߎ߬ ߣߌ߫ ߘߏ߬ߣߌ߲߬ ߜߌ߬ߟߌ߲߬ߓߊ߫ ߟߋ߬ ߝߣߊ߫ ߦߋ߫߸ ߣߊߟߌ߬ߡߎ߲߫ ߢߍ߬ߢߌ߲߬ߘߐ߬ߓߍ߲߬ ߛߙߊ ߘߌ߫߸ ߞߵߊ߬ߟߎ߬ ߓߟߏߝߋ߲ ߠߎ߬ ߡߊߣߡߊߙߴߊ߬ߟߎ߬ ߓߟߏ߫߸ ߊ߬ ߣߌ߫ ߞߊ߬ ߓߐߟߌ ߟߊߕߐ߲߫ ߊ߬ߟߎ߫ ߡߊ߬ ߖߡߊ߬ߣߊ ߘߎ߰ߞߣߍ ߡߎ߰ߡߍ ߞߊ߲߬.
ߞߍߞߎߘߊߘߐ߲߬ߞߌ߲߬ ߛߊߟߌ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߖߌ߬ߣߍ߫ ߘߏ߲߬ߛߏ ߟߎ߬ ߟߊ߫ ߘߍ߭ ߝߊ߬ߛߏ߬ߟߊ߬ߞߊ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߖߡߊ߬ߣߊ ߝߊ߰ߡߊ ߟߎ߬ ߡߊߘߍ߬ߡߍ߲߬ ߠߊ߫ ߟߊ߬ߞߊ߲߬ߘߊ߬ߟߌ ߓߟߏߡߦߊ ߘߐ߫ ߟߋ߬ ߝߛߊߦߌ߫߸ ߞߊ߬ ߟߊߞߊ߲ߘߓߊߟߌߦߊ ߞߟߍ߬، ߊ߬ߟߎ߫ ߞߵߊ߬ߟߎ߬ ߘߡߊߞߊ߬ߛߌ߬ ߡߍ߲ ߠߊ߫߸ ߏ߬ ߟߋ ߝߋ߲߫ ߦߋ ߘߌ߫ ߊ߬ߟߎ߬ ߘߐ߫߸ ߞߵߊ߬ ߟߐ߲߫ ߞߏ߫ ߊ߬ߟߎ߬ ߝߣߊ߫ ߦߋ߫ ߘߏ߫ ߞߍ߫ ߟߊ߫ ߟߊߞߊ߲ߘߊ ߟߊߛߓߊ߬ߕߌ ߘߐ߫߸ ߊ߬ ߣߌ߫ ߖߐ ߟߊߘߏ߲߭ ߘߐ߫߸ ߖߡߊ߬ߣߊ߬ߘߋ߲ ߠߎ߬ ߟߊߕߊ߲߬ߞߊ ߘߐ߫.
ߞߍߞߎߘߊߞߐ߬ߓߊ߬ߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂߅߸ ߞߊ߲ߞߊ߲߫ ߕߌ߲߬ߞߎߘߎ߲ ߝߊ߰ߡߊ ߟߎ߫ ߞߊ߬ ߟߊ߬ߛߋ߬ߟߌ߬ ߞߟߊߒߞߋ߫ ߟߋ߬ ߞߍ߫߸ ߞߵߊ߬ ߦߌ߬ߘߊ߬ ߞߏ߫ ߓߏ߬ߙߌ ߞߍߢߊ ߡߍ߲ ߠߎ߬ ߦߴߌߘߐ߫ ߞߊ߲ߞߊ߲߫ ߣߌ߫ ߞߙߎ߬ߛߊ߬ ߕߍ ߥߙߊߞߘߊ ߞߊ߲߬߸ ߏ߬ ߗߋ߲߰ ߕߍ߫، ߏ߬ ߟߋ ߘߐ߫߸ ߔߏߔߏߕߌ߮ ߟߎ߬ ߣߌ߫ ߞߕߊ߬ߞߕߊ߬ߣߍ߲߬ߕߌ߮ ߟߎ߬߸ ߓߍ߯ ߦߋ߫ ߓߏ߬ߙߌ߫ ߊ߬ ߟߊ߫ ߛߌߟߊ߫ ߞߊ߲߬߸ ߛߋ߲߬ߡߊ߬ߕߊ߰ߡߊ߬ߟߊ ߟߎ߬ ߝߣߊ߫ ߦߋ߫ ߕߏ߫ ߊ߬ߟߎ߬ ߕߊ ߞߊ߲߬، ߡߐ߰ ߛߌ߫ ߞߊ߬ ߣߌ߲߬ ߛߊ߬ߙߌ߬ߦߊ ߓߊ߬ߟߌ߬߸ ߊ߬ߟߎ߬ ߘߌ߫ ߞߏߟߊߕߐ߲߫ ߏ߬ ߕߌ߰ ߟߊ߫، ߓߊߏ߬߸ ߓߌ߲߬ߓߊ߬ߥߏ߬ ߜߌߟߌ߲߫ ߠߋ߬ ߊ߬ ߘߊ ߝߍ߬.
ߞߍߞߎߘߊߓߐߛߎ߲߫ ߛߌߦߊߡߊ߲߫ ߓߘߴߊ߬ ߦߌ߬ߘߊ߬ ߞߏ߫ ߖߌ ߓߘߊ߫ ߝߟߐ߫ ߢߡߊߟߐ߬ ߟߊ߫ ߥߊ߲ߛߌ߲ߕߐ߲߫ ߣߌ߫ ߕߤߋߙߊ߲߫ ߕߍ߫߸ ߡߍ߲ ߞߎߡߊ ߓߍߣߊ߬ ߝߐ߫ ߔߊߞߌߛߑߕߊ߲߫ ߓߟߏ߫. ߘߊߘߐߖߊߥߏ߫ ߜߘߍ ߡߍ߲ ߞߊ߫ ߞߊ߲߫ ߞߊ߬ ߞߍ߫߸ ߏ߬ ߞߍߕߐ߫ ߥߊ߬ߛߌ߬ߥߙߊ߫ ߣߊ߬ߕߐ ߟߋ߬ ߡߊ߬߸ ߞߊ߬ ߢߊ߬ߡߊ߲ ߓߐ߫ ߊ߬ ߞߏ ߟߊ߫ ߛߍߣߍ߲߬ ߝߋߎ߫.
ߞߍߞߎߘߊߓߟߏ߫ ߗߍ߬ ߡߙߊ߬ߒ߬ߡߊ߬ߝߋ߲߬ߕߌ߮ ߘߏ߫ ߟߋ߬ ߣߐ߬ ߡߎ߮ ߛߏ߲ߛߙߏߡߊ߫ ߟߴߊ߬ ߘߐ߫ ߞߍ߲ߘߍߟߏ߲ ߣߌ߲߬ ߡߊ߬ ߥߊ߲ߛ߭ߌ߲ߕߐ߲߫߸ ߓߏ߲ߜߍ ߘߊߝߍ߬ ߌߞߘߐ߫، ߜߎ߲߬ߘߎ߬ ߗߋߢߊߘߋ߲ ߠߎ߬ ߞߵߊ߬ ߞߍ߫ ߛߎ߭ ߘߴߊ߬ ߣߐ߭ ߘߐ߫ ߦߋ߲߬؛ ߊ߬ ߞߊ߬ ߕߊ߬ߡߌ߲߬ߓߊ߰ߕߐ߬ ߞߋߟߋ߲߫ ߖߐߞߌ߫ ߟߋ߬߸ ߊ߬ ߞߏ߬ߣߌ߲ ߡߊ߫ ߛߋ߫ ߞߊ߲ߕߌ߯ ߘߏߣߊߟ ߕߑߙߐ߲ߔ ߡߊ߬، ߣߴߏ߬ ߕߍ߫߸ ߞߏ ߞߍ߫ ߥߊ߯ߕߌ ߞߵߊ߬ ߛߐ߬ߘߐ߲߫ ߠߋ߬߸ ߏ߬ ߦߋ߫ ߓߏ߲ߜߍ ߟߊ߫ ߦߋ߲߬.
ߞߍߞߎߘߊߞߊ߲ߡߋߙߋ߲߫ ߛߊ߲߭ ߂߂߸ ߞߊ߬ߙߌߝߊ߬ ߞߐ߲ߘߍ߫ ߟߋ߬ ߝߊ߰ߣߍ߲߫ ߕߐ߲ߓߟߏߡߊ ߟߎ߬ ߟߊ߫ ߞߐߜߍ߲ߠߌ߲ ߕߎ߬ߡߊ ߟߊ߫ ߘߓߊ߬ߕߊ ߕߋ߬ߟߋ߫ ߂߂ ߡߊ߬߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߘߋ߲ߡߌߛߍ߲ ߠߎ߬ ߟߊߘߌߡߌ߲߫ ߞߵߊ߬ߟߎ߬ ߟߊߖߌ߰ ߛߌߟߊ ߞߊ߲߬ ߛߏ ߞߣߐ߫، ߘߐ߬ߛߏ߰ߙߋ߬ߟߌ߫ ߞߏ߬ߣߌ߲߬ ߓߘߊ߫ ߛߌ߰ ߛߋ߲߬ߠߊ߫߸ ߕߍ߮ ߓߘߊ߫ ߞߍ߫ ߛߌߞߊߒߡߊߓߊ߯ߕߐ ߘߏ߫ ߘߐ߫߸ ߏ߬ ߦߋ߫ ߢߟߊߥߛߎ ߟߊ߫.
ߞߍߞߎߘߊߡߐ߰ ߣߊ߯ߣߌ߲߫ ߠߋ߬ ߝߊ߰ߣߍ߲߫ ߔߊߞߌߛߦߊ ߘߏ߫ ߘߐ߫ ߞߋߣߌߦߊ߫ ߞߣߐ߫ ߞߐ߬ߓߊ߬ߟߏ߲ ߣߌ߲߬ ߡߊ߬ ߞߊ߬ ߡߐ߰ ߃߀ ߖߐߞߌ߫߸ ߖߋ߬ߣߌ߲߬ߕߊ ߟߎ߫ ߛߐ߲߬ߞߐ߬ ߦߟߍ߬ ߞߏ ߘߐ߫، ߊ߬ߟߋ߬ ߔߊߞߌߛߦߊ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߝߘߏ߬ߓߊ߬ ߡߊ߬ߘߏ߬ߣߌ߲߬ߠߌ߲ ߓߍ߯ ߛߋ߲߬ߠߊߛߌ߬ߘߌ߫ ߟߋ߬ ߣߊߦߌߙߏߓߌ߫ ߞߣߐ߫.
ߞߍߞߎߘߊߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ (ߞߞߢ) ߓߘߊ߫ ߞߕߌߓߏ߲߫ ߞߎߘߊ߫ ߟߊߘߊ߲߫ ߞߏ ߝߐ߫߸ ߡߍ߲ ߞߍߕߐ߫ ߛߋ߲߬ߕߊ߬ ߞߎߘߊ߫ ߘߴߊ߬ߟߎ߬ ߟߊ߫ ߘߍ߭ ߣߌ߲߬ ߞߣߐ߫، ߞߊ߬ߕߎ߲߯߸ ߊ߬ߟߎ߬ ߟߊ߫ ߖߘߍ߬ߕߌ߰ߦߊ ߡߙߌߦߊ ߡߍ߲ ߦߴߊ߬ߟߎ߬ ߟߊ߫߸ ߣߴߊ߬ߟߎ߫ ߞߵߊ߬ ߝߐ߫ ߞߏ߫ ߊ߬ߟߎ߬ ߕߍ߫ ߓߌ߲߬ߓߊ߬ߥߏ߬ߟߌ߬ ߞߕߌߖߌ߲߫ ߡߊ߲߬ߕߏ߲߬ߕߍ߬ߟߊ߬ߞߊ (CPI) ߘߐ߫߸ ߊ߬ߟߎ߬ ߦߴߏ߬ ߛߌߟߊ ߟߋ߬ ߞߊ߲߬ ߤߊ߲߯ ߕߋ߲߬.
ߞߍߞߎߘߊߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߞߣߐ߫߸ ߘߏߣߊߟ ߕߑߙߐ߲ߔ ߕߐ߮ ߦߋ߫ ߡߊ߬ߝߌ߲߬ߠߌ߲߬ ߞߎߘߊ߫ ߟߋ߬ ߘߐ߫ ߣߌ߲߬߸ ߘߟߊ߫ ߞߋ߲߬ߥߟߎ߫ ߂߀߀ ߟߕߊ߬ߡߌ߲߬ߡߊ߬ߟߌ ߦߋߣߍ߲ ߞߐ߫ ߊ߬ ߣߐ߬ ߘߐ߫ ߓߟߐߟߐ ߞߊ߲߬، ߊߡߙߌߞߌ߬ ߓߍ߯ߦߊߟߞߊ ߟߎ߬ ߟߊ߫ ߡߐ߰ߘߐ߬ߜߍ ߟߎ߬ ߓߘߴߊ߬ ߡߊߓߎ߬ߙߎ߲߬ߕߌ߬ ߞߏߛߓߍ߫.
ߞߍߞߎߘߊߥߛߎߟߊߘߋ߲߫ ߛߐ߯ߓߌ߫ ߂߄ ߠߋ߬ ߘߐߕߟߊߣߍ߲߫ ߞߊ߲ߞߊ߲߫ ߥߛߎߖߌ߲ߓߊ ߟߊ߫ ߓߌ߬ ߂߀߂߆ ߘߓߊ߬ߕߊ ߕߟߋ߬ ߁߇ ߣߌ߲߬ ߡߊ߬، ߡߍ߲ ߡߙߌߦߊ ߝߘߊ߫ ߘߊ߫ ߞߊ߲ߞߊ߲߫ ߝߘߏ߬ߓߊ߬ ߞߕߌߓߋߟߋ߲ ߠߊ߫߸ ߖߐ߲߰ߛߊ߫ ߥߛߎߟߊߘߋ߲ ߠߎ߬ ߦߋߝߊߘߌ ߘߌ߫ ߟߊߓߘߍ߬ߦߊ߫߸ ߞߊ߬ ߔߏ߬ߘߏ߬ߞߌ߬ߟߌ ߝߣߊ߫ ߡߊߕߊ߲߬ߞߊ߫ ߕߎ߬ߡߊ߫ ߣߊ߬ߕߐ ߟߎ߬ ߘߐ߫.
ߞߍߞߎߘߊߗߍ߭ ߘߏ߫ ߟߋ߬ ߛߎ߭ ߦߋߣߍ߲߫ ߛߏߜߍ ߞߌ߲߬ߘߊ ߟߊ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߕߎ߬ߡߊ߬ߙߋ߲߬ ߦߙߌߞߊ߫ ߞߍ ߞߐߝߍ߬ ߊ߬ ߓߟߏ߫ ߖߊ߲߬ߞߊߙߏ ߘߐ߫ ߟߊ߬ߓߌߟߊ ߕߍߡߊ߬ ߛߎ߬ߣߎ߲߬ߞߎ߬ ߓߛߌߞߌ߫ ߞߊ߲߬، ߞߌ߲߬ߘߊ ߞߏߟߊߕߍ߮ ߟߎ߬ ߞߊ߬ ߘߊ߲ߘߊߛߏ ߟߊߟߐ߲ߠߌ߲߫ ߓߌߟߏ߲߸ ߏ߬ ߟߎ߬ ߥߊ߫ ߘߊ߫ ߛߋ߲߬ߘߐ߬ߞߎߟߎ߲ ߘߌ߫ ߝߛߊߦߌ߫߸ ߓߊ߬ߙߵߊ߬ߟߎ߬ ߡߊ߫ ߛߊ߫ ߥߊ߫ ߟߊ߫ ߖߊ߲߬ߞߊ߬ߙߏ߬ߕߐ ߣߌ߲߬ ߘߌ߫ ߘߊ߲ߘߊߛߏ ߟߊ߫߸ ߖߋ߬ߟߌ߬ߛߎ߲ ߘߏ߲߬ ߘߴߊ߬ ߟߊ߫ ߞߵߊ߬ ߟߊߣߍ߲ ߕߏ߫ ߛߎ߬ߣߎ߲߬ߞߎ߲ ߞߊ߲߬ ߠߋ߬ ߞߵߊ߬ߟߎ߬ ߞߐߘߏ߲߬ ߊ߬ ߟߊ߫߸ ߏ߬ ߟߋ ߞߐ ߞߍߣߍ߲߫ ߊ߬ ߟߊ߫ ߛߊ߬ߦߊ ߘߌ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬.
