ߝߊ߰ߡߊ ߟߎ߬ ߟߊ߫ ߟߊ߬ߛߋ߬ߟߌ߬ ߘߐ߫߸ ߡߐ߰ ߣߊ߯ߣߌ߲߫ ߠߋ߬ ߝߊ߰ ߘߊ߫ ߞߋߣߌߦߊ߫ ߞߣߐ߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߞߊ߬ ߡߐ߰ ߓߌߛߊ߬ߓߊ߫ ߢߐ߲߰ ߖߐߞߌ߫ ߔߊߞߌߛߦߊ ߘߏ߫ ߘߐ߫ ߖߋ߬ߣߌ߲߬ߕߊ ߟߎ߫ ߛߐ߲߬ߞߐ߬ ߦߟߍ߬ ߞߏ ߞߏߛߐ߲߬.

ߞߣߐߟߊ ߞߏߕߌ߮߸ ߞߌߔߎߗߎ߲ߓߊ ߡߎߙߑߞߏߡߍ߲߫ ߞߏ߫ ߊ߬ߟߎ߬ ߓߍߣߊ߬ ߝߊ߰ߟߌ ߣߌ߲߬ ߞߍߢߊ߫ ߖߐ߲ߖߐ߲ ߢߊߢߌߣߌ߲߫، <<ߢߊߢߌߣߌ߲ߠߌ߲ ߘߌߣߵߊ߬ ߦߌ߬ߘߊ߬ (...) ߣߌ߫ ߣߊ߲߬ߒ߬ߕߊ߲߫ ߛߐ߲߬ߒ߬ߕߊ߲ ߠߎ߬ ߟߋ߬ ߝߊ߰ߣߍ߲߬ ߥߟߊ߫ ߞߎ߲߬ߞߏ߬ߕߐ߫ ߝߊ߰ߣߍ߲ ߠߎ߬ ߟߋ߬ ߡߌ߬ߣߊ߬ߟߌ ߕߎ߬ߡߊ ߟߊ߫.>> ߊ߬ ߞߵߏ߬ ߦߌ߬ߘߊ߬ ߞߵߊ߬ ߟߴߊ߬ ߞߊ߲߬ ߞߏ߫ <<ߞߎ߲߬ߞߏ߬ߡߊ߬ ߝߋ߲ ߘߏ߫ ߟߎ߫>> ߕߘߍ߬ ߔߊߞߌߛߦߊߟߊ ߢߌ߲߬ ߠߎ߬ ߓߟߏ߫߸ ߡߐ߱ ߟߎ߬ ߓߟߏߝߋ߲ ߠߎ߬ ߕߊ߬ ߞߊ߲ߡߊ߬.

ߊ߬ߟߋ߬ ߞߏߕߌ߮ ߟߊ߫ ߝߐߟߌ߫ ߘߐ߫ ߝߣߊ߫߸ ߕߐ߲߫ ߓߟߏߡߊ ߟߎ߫ ߞߵߊ߬ߟߎ߬ ߕߍ߯ ߞߍ߫ ߡߐ߰ ߃߄߈ ߠߋ߬ ߘߐ߫߸ ߞߵߊ߬ ߛߐ߬ߘߐ߲߬ ߔߊߞߌߛߦߊߟߊ ߟߎ߬ ߓߘߊ߫ ߛߌߟߊ ߕߍ߰ ߝߊ߲߬ ߛߌߦߊߡߊ߲߫، ߊ߬ߟߎ߫ ߞߊ߬ ߛߌߟߊ ߏ߬ ߟߎ߬ ߟߊߞߊ߬ ߓߘߍߓߘߍߞߍ߬.

ߛߐ߰ߡߊ߬ߘߊ ߟߋ߬ ߟߊ߫߸ ߔߊߞߌߛߦߊߟߊ ߟߎ߬ ߓߐ߫ ߘߊ߫ ߞߊ߬ ߕߊ ߛߎ߫ ߞߐ߲߬ߡߊ߬ߘߊ ߟߎ߬ ߟߊ߫߸ ߞߊ߬ ߛߌߟߊ ߟߎ߬ ߕߍ߰ ߣߊߦߌߙߏߓߌ߫ ߞߌ߲߬ߘߊ߬ ߛߌߦߊߡߊ߲߫ ߞߣߐ߫، ߊ߬ߟߎ߫ ߞߊ߬ ߞߐ߲߬ߛߏ ߟߎ߬ ߣߌ߫ ߥߊߟߌߥߊߟߌ߫ ߓߏߙߌߟߊ ߟߎ߬ ߟߊ߫ ߓߏ߬ߙߌ ߘߐߞߛߐ߫ ߊ߬ߟߎ߫ ߡߊ߬߸ ߊ߬ ߕߌ߯ߕߌ߯ ߔߏߔߏ߫ ߥߊߟߌߥߊߟߌ ߡߍ߲ ߦߋ߫ ߞߟߌ߫ ߟߴߊ߬ߟߎ߬ ߓߟߏ߫ ߦߋ߲߬ ߞߏ߫ <<ߓߏߘߊ ߓߏߘߊ>>.

ߊ߬ߟߎ߬ ߟߊ߫ ߝߘߏ߬ߓߊ߬ ߡߊ߬ߘߏ߬ߣߌ߲߬ߠߌ߲߬ ߛߏߝߍߞߎߟߎ߲ ߘߏ߫ ߝߣߊ߫ ߓߍ߫߸ ߣߴߊ߬ߟߎ߬ ߦߴߊ߬ ߝߐ߫ ߟߴߊ߬ ߡߊ߬ ߞߏ߫ ߡߕߊߕߎ߸ ߊ߬ߟߎ߫ ߞߵߏ߬ ߟߎ߬ ߟߊ߫ ߓߏ߬ߙߌ ߟߊߟߐ߬ ߟߋ߬ ߝߛߊߦߌ߫، ߓߊ߯ߙߟߊ߫ ߛߌߦߊߡߊ߲߫ ߘߌߦߊߜߏߦߊ߫ ߘߊ߫ ߛߋ߲߬ߡߊ߬ߕߊ߯ߡߊ ߟߋ߬ ߟߊ߫߸ ߞߊ߬ ߞߎߘߍ߫ ߦߙߌߞߊ߫ ߕߊ߯ߡߊ߫ ߞߊ߬ ߥߴߊ߬ߟߎ߬ ߟߊ߫ ߓߊ߯ߙߊ߫ ߦߙߐ ߘߐ߫.

ߖߊ߬ߡߊ ߡߍ߲ ߠߎ߬ ߓߐ߫ ߘߊ߫ ߔߊߞߌߛߦߊ ߣߌ߲߬ ߞߊ߲ߡߊ߬߸ ߖߡߊ߬ߣߊ ߡߊ߬ߘߏ߬ߣߌ߲߬ߠߌ߲ ߘߏ߲߬ߞߏ ߟߎ߬ ߟߋ߬ ߞߵߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬߸ ߞߊ߬ ߓߐ߫ ߛߌߟߊ ߞߊ߲߬߸ ߞߏ߫ ߖߋ߬ߣߌ߲߬ߕߊ ߟߎ߫ ߛߐ߲߬ߞߐ ߓߘߊ߫ ߦߟߍ߬، ߛߐ߲߬ߞߐ߬ ߟߊ߬ߦߟߍ ߏ߬ ߡߍ߲ ߡߙߌߘߐ ߕߊ߬ ߘߊ߫ ߞߎ߲߬ߠߊ߬ߛߌ߮ ߓߟߏ߫ ߘߓߊ߬ߕߊ ߕߟߋ߬ ߁߄ ߡߊ߬، ߖߊ߬ߕߋ߬ ߟߊ߬ߓߊ߲ ߠߎ߬ ߘߐ߫߸ ߥߊߦߌ߲ߕߟߎ ߦߟߍ߬ߣߍ߲߫ %߂߃،߅ ߟߋ߬ ߟߊ߫߸ ߖߌߥߎ ߦߟߍ߬ ߘߊ߫ %߈ ߢߐ߲߰ ߠߋ߬ ߟߊ߫.

ߞߋߣߌߦߊ߫ ߟߊ߫ ߖߋ߬ߣߌ߲߬ߕߊ ߝߊ߲߬ߓߊ ߦߋ߫ ߓߐ߫ ߟߊ߫ ߖߌߘߏ߮ ߡߍ߲ ߘߐ߫߸ ߐߙߑߡߎߖ߭ ߖߌߓߐߟߐ߲ ߓߟߏߕߍ߱ ߞߵߊ߬ ߣߐ߬ߓߊ߫ ߟߌ߬ ߟߴߊ߬ߟߎ߫ ߞߊ߲߬، ߞߊ߬ߕߎ߲߯߸ ߘߎߢߊ߫ ߞߓߊߕߟߎ߫ ߕߊߡߌ߲߫ ߦߙߐߓߊ ߟߏ߯ߟߎߣߊ߲ ߠߋ߬ ߦߋ߬ ߘߌ߫.

ߞߋߣߌߦߊ߫ ߘߍ߲߰ߦߊ߬ߟߌ ߣߴߊ߬ ߖߊ߬ߥߏ ߓߏ߲ߘߋ߲߫ ߝߊ߬ߛߏ߬ߟߊ߬ߞߊ ߕߎ߲߬ ߞߊ߬ ߦߟߌߓߌߟߊߟߌ߫ ߞߍ߫ ߣߌ߲߬ ߞߏ ߟߊ߫߸ ߞߏ߫ ߛߐ߲߬ߞߐ߬ ߦߟߍ ߣߌ߲߬ ߘߴߊ߬ ߣߐ߭ ߟߊ߫ ߖߡߊ߬ߣߊ ߞߏ ߓߍ߯ ߞߊ߲߬߸ ߤߊߟߌ߬ ߡߊ߬ߘߏ߬ߣߌ߲߬ߠߌ߲߬ ߛߙߊ߸ ߛߍ߬ߣߍ߸ ߟߐ߬ߟߌ߸ ߊ߬ ߘߌ߫ ߘߏ߲߬ ߏ߬ ߓߍ߯ ߞߎ߲߬.

ߞߊ߬ߦߌ߯ ߕߟߋ߬ߓߐ ߕߍߡߟߊ ߡߊ߲߬ߞߊ߲ ߣߌ߲߬ ߘߊߡߌ߬ߣߊ߬ ߘߊ߫߸ ߖߋ߬ߣߌ߲߬ߕߊ ߟߎ߫ ߛߐ߲߬ߞߐ ߦߟߍ߬ ߘߊ߫ ߟߋ߬ ߞߋߣߌߦߊ߫ ߞߣߐ߫߸ ߖߌߥߎ ߦߟߍ߬ ߘߊ߫ %߂߀ ߖߊ߬ߕߋ߬ ߘߊ߫߸ ߞߊ߬ ߥߊߦߌ߲ߕߟߎ ߦߍ߬ߟߍ߫ %߄߆ ߟߊ߫.

ߢߎߡߍߙߋ߲ߦߊߟߌ ߡߊ߬ߗߍ߲ ߣߌ߫ ߞߏ߲߬ߘߏ ߞߏߕߌ߮߸ ߖߏߤ ߒߓߊߘߌ߫ ߞߵߊ߬ ߦߌ߬ߘߊ߫ ߟߋ߬߸ ߞߏ߫ <<ߘߊ߬ߟߎ߬ ߝߏߦߌ߬>> ߕߍ߫ ߝߎ߬ߙߎ߲߬ߞߎ߬ߟߌ ߢߌ߲߬ ߠߊ߫، ߓߊߏ߬߸ ߞߏ߫ ߛߐ߲߬ߞߐ߬ ߦߟߍ ߣߌ߲߬ ߦߋ߫ ߘߎߢߊ߫ ߓߍ߯ ߞߎ߲߬ߞߊ߲߬ߞߏ ߟߋ߬ ߘߌ߫، ߊ߬ ߞߵߊ߬ ߝߐ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ ߟߊ߫߸ ߞߏ߫: <<ߞߍ߬ߟߍ ߣߌ߲߬ ߡߊ߫ ߘߐߕߍ߰ ߊ߲ߠߎ߬ ߓߟߏ߫ ߘߋ߬.>>

ߛߌߞߊ߫ ߞߏ߬ߣߌ߲߬ ߕߴߊ߬ ߘߐ߫߸ ߣߌ߫ ߢߊ߫ ߡߊ߫ ߢߌߣߌ߲߫ ߣߌ߲߬ ߞߏ ߡߊ߬ ߞߵߊ߬ ߟߊߘߊ߲߬߸ ߊ߬ߟߋ߬ ߡߊ߲߬ߞߊ߲ ߘߌ߫ ߛߋ߫ ߥߙߊ߬ ߟߊ߫ ߥߊ߯ߕߌ߫ ߣߊ߬ߕߐ ߟߎ߬ ߘߐ߫ ߞߊ߬ ߓߍ߲߬ ߛߐ߲߬ߞߐ߬ ߦߟߍ ߣߌ߲߬ ߡߊ߬.