ߖߊ߬ߕߋ߬ ߝߟߐ ߡߍ߲ ߓߐ߫ ߘߊ߫߸ ߡߐ߰ ߁߄ ߠߋ߬ ߝߊ߰ ߞߏ ߝߐߣߍ߲߫ ߕߘߍ߬߸ ߒ߬ߞߊ߬ ߛߎ߬ߣߎ߲߬ߞߎ߲߬ߓߊ ߟߊ߫ ߖߎߙߊ߲ߠߌ߲ ߝߊ߰ߓߊ߰ߕߐ ߓߘߊ߫ ߛߋ߫ ߡߐ߰ ߁߈ ߖߊ߬ߕߋ߬ ߘߐ߫.
ߡߊ߬ߛߎ߬ߓߊ߬ ߞߏ ߣߌ߲߬ ߕߍ߰ ߘߊ߫ ߛߎ ߟߋ߬ ߘߐ߫߸ ߛߊ߲ߖߌߓߊ߫ ߣߊ ߞߐ ߘߐ߫ ߞߐߣߊߞߙߌ߫. ߛߎ߬ߣߎ߲߬ߞߎ߲߬ߓߊ ߢߡߊ߬ߕߏ߲ ߝߊ߲߬ ߞߋߟߋ߲ ߠߋ߬ ߕߍ߰ ߘߴߊ߬ ߟߊ߫ ߞߊ߬ ߖߎߙߊ߲߫߸ ߞߊ߬ ߣߊ߬ ߖߌ߰ ߊ߬ ߘߎ߰ߡߊ߬ ߦߙߐ ߟߎ߫ ߞߊ߲߬߸ ߟߎ߫ ߞߣߐߟߊ ߟߎ߫ ߕߘߍ߬ ߡߍ߲ ߘߐ߫.
߁߁ߕߎߡߊ߁߅ ߟߊ߫߸ ߣߊ߲߬ߒ߬ߕߊ߲߬ߧߊ߫ ߟߊߕߊ߲߬ߞߊ ߞߊ߬ ߡߐ߰ ߁߄ ߠߋ߬ ߛߊ߲߬ߞߊ ߟߊߕߋ߬߸ ߊ߬ ߣߌ߫ ߡߐ߰ ߂߂ ߖߐߞߌ߫ ߞߏ߸ ߡߐ߰ ߥߐ߯ߙߐ߫ ߦߴߏ߬ ߘߐ߫߸ ߡߍ߲ ߠߎ߬ ߟߊ߫ ߖߐߞߟߌ ߖߎ߯ߡߊ߲߫ ߕߘߍ߬ ߞߏߛߓߍ߫߸ ߊ߬ ߕߐ߬ ߁߆ ߕߊ ߡߊ߫ ߖߎ߯ߦߊ߫. ߖߐߞߌߓߊ߯ߕߐ ߏ߬ ߟߎ߬ ߟߊߕߊ߯ ߘߊ߫ ߘߐ߲ߞߊ߬ ߘߊ߲ߘߊߛߏ ߟߋ߬ ߟߊ߫.
ߒ߬ߓߊ߬߸ ߢߌߣߌ߲ߠߌ߲ ߞߐߝߟߌ ߟߎ߬ ߘߐ߫ ߡߎ߬ߕߎ߲߬ ߛߊ߫߸ ߛߊ߬ߓߊ߰ߕߐ ߓߐ߫ ߘߊ߫ ߁߄ ߘߐ߫߸ ߞߊ߬ ߞߍ߫ ߡߐ߰ ߁߈ ߘߌ߫߸ ߡߍ߲ ߠߎ߬ ߛߎ߭ ߟߊߓߐߣߍ߲߫. ߕߋ߲߭ߕߋ߲߭ ߣߌ߲߬ ߞߏ߬ߣߌ߲ ߘߐ߫߸ ߡߞߊ߬ߘߊ߲߬ߠߌ߲߬ߠߊ ߟߎ߬ ߦߋ߫ ߞߣߍ ߞߊ߲߬߸ ߟߊ߬ߞߊ߲߬ߘߊ߬ߟߌ ߣߌ߫ ߟߊ߬ߕߊ߲߬ߞߊ߬ߟߌ ߘߏ߲߬ߞߏ ߟߎ߬ ߦߋ߫ ߞߣߍ ߞߊ߲߬߸ ߕߙߏ߬ߞߏ ߟߎ߬ ߦߋ߫ ߞߣߍ ߞߊ߲߬ ߞߊ߬ ߢߡߊ߬ߕߏ߲߬ ߖߎߙߊ߲ߣߍ߲ ߘߐߥߎ߯ߙߌ߫.
ߞߎ߲߬ߠߊ߬ߛߌ߮ ߞߵߊ߬ ߡߙߌߘߐߕߊ߬ ߞߏ߫ ߞߊ߬ ߦߙߐ ߟߊߕߊ߲߬ߞߊ߫߸ ߞߊ߬ ߦߋ߲߬ ߡߐ߮ ߟߎ߬ ߡߊߞߍ߫ ߦߙߐ ߡߊߝߊ߬ߟߋ߲߬ ߡߊ߬ߛߎ߬ߓߊ߬ ߡߊ߬ ߦߙߐ ߏ߬ ߘߐ߫ ߦߋ߲߬.
ߘߎ߰ߞߣߍ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ ߞߏߕߌ߮ ߓߐ߬ߟߐ߲߬ߞߊ߬ ߖߋߣߊߓߎ߬ ߕߎ߬ߙߋ ߞߵߊ߬ ߞߊ߲ߠߊߘߌ߫߸ ߞߏ߫ ߡߐ߱ ߟߎ߬ ߞߊߣߊ߬ ߡߊ߬ߛߎߓߊ ߣߌ߲߬ ߦߋ߫ ߟߊ߬ߕߍ߰ ߞߏ߫ ߘߌ߫ ߘߋ߬. <<ߕߎ߬ߡߊ ߓߍ߯߸ ߊ߲ ߧߴߊ߬ ߝߐ ߟߋ߬ ߞߊ߲߬ ߞߏ߫ ߊߟߊ߫ ߟߊ߫ ߞߕߌ ߟߋ߬، ߞߏ߬ߣߌ߲߬߸ ߖߘߍ߬ ߟߊ߬ ߞߕߌ ߝߣߊ߫ ߦߴߊ߬ ߘߐ߫ ߘߋ߬>> ߊ߬ ߞߵߏ߬ ߟߋ ߝߐ߫ ߦߙߐ ߏ߬ ߘߐ߫ ߦߋ߲߬.
ߏ߬ ߘߐ߫߸ ߡߐ߰ ߁߈ ߠߋ߬ ߛߎ߭ ߛߐ߬ߘߐ߲߬ߣߍ߲߬ ߡߎߣߎ߲߬߸ ߢߌߣߌ߲ߠߌ߲ ߦߴߌߘߐ߫ ߝߟߐ߫. ߊ߬ ߓߊ߯ ߞߍ߫ ߢߊ ߡߍ߲ ߡߊ߬߸ ߊ߲ ߘߴߊߟߎ߫ ߟߊߟߐ߲ߠߌ߲߫ ߏ߬ ߟߊ߫ ߞߐߟߊ߫.
Aucun commentaire pour le moment.