ߘߏߣߊߟ ߕߑߙߐ߲ߔ ߟߊ߫ ߛߊ߲߬ߞߎ߲߬ߓߍ߲߬ ߢߊ߯ߢߊ߮ ߣߌ߲߬ ߞߣߍ ߞߊ߲߬߸ ߞߊ߲ߠߊߘߌ߫ ߞߍ߫ ߘߊ߫ ߡߐ߰ ߄߀߀߀ ߠߋ߬ ߡߊ߬߸ ߞߵߊ߬ ߖߊ߲߬ߖߏ߲ ߢߣߊߓߊ߯ߦߊ߫، ߡߋߕߊ ߡߍ߲ ߦߋ߫ ߝߍߛߑߓߎߞ ߞߏߟߊߘߍߓߊ ߘߌ߫߸ ߏ߬ ߗߋߝߊ ߕߘߍ߬ ߞߣߍ ߞߊ߲߬߸ ߡߊߙߞ ߖ߭ߎߞߍߙߑߓߍߙߖ߭߸ ߏ߬ ߛߐ߬ߘߐ߲߬ ߘߊ߫ ߞߟߍ߬ ߟߊ߬ߖߊ߲߬ߞߏ߬ ߛߊ߲ߞߎ߲ߓߍ߲ ߣߌ߲߬ ߘߐ߫ ߞߊ߲ߕߌ߯ߘߊ ߟߊ߫ ߦߋ߲߬، ߡߐ߰ ߥߊ߯ ߦߙߌߞߊ߫ ߝߣߊ߫ ߞߵߊ߬ ߖߊ߲߬ߖߏ߲ ߡߊߝߟߍ߫ ߖߌ߬ߦߊ߬ߞߊ߲ ߠߎ߬ ߟߊ߫ ߞߊ߲ߕߌ߯ߘߊ ߟߊߡߌߣߌ߲ ߜߍߓߊ ߘߐ߫.

ߘߏߣߊߟ ߕߑߙߐ߲ߔ ߛߌ߰ߣߍ߲߫ ߕߘߍ߬ ߛߊ߲ߞߊ߲ߛߡߍߘߍ ߝߊ߲߭ ߝߍ߬ ߟߋ߬  ߝߏ߯ߟߋ߲߫ ߓߊ߯ߡߊ ߞߣߐ߫، ߊ߬ ߣߌ߫ ߊߡߙߌߞߌ߬ ߞߟߍ߬ ߟߊ߬ߖߊ߲߬ߞߏ߬ ߕߐ߲ ߞߊ߲ߕߌ߮ ߟߵߏ߬ ߘߌ߫، ߊ߬ߟߎ߫ ߞߵߊ߬ߟߎ߫ ߛߌ߰ ߦߋ߲߬ ߠߋ߬ ߛߊ߫߸ ߞߊ߬ ߣߍ߱ ߘߏ߲߬ߣߍ߲߫ ߢߐ߲߰ ߓߟߏ ߟߎ߬ ߡߊߝߟߍ߫ ߛߊ߲ߡߊ߬߸ ߏ߬ ߡߍ߲ ߕߐ߯ߟߊ߫ ߘߴߊ߬ߟߎ߬ ߓߟߏ߫ <<ߘߌ߬ ߞߑߟߊߥ>>.

ߊߡߙߌߞߌ߬ ߞߊ߲ߕߌ߯ ߞߊ߲ߓߍ߲ߠߞߊ ߞߊ߬ ߟߏ߲ ߣߌ߲߬ ߞߍ߫ ߞߊ߬ ߓߍ߲߬ ߊߡߙߌߞߌ߬ ߟߊ߫ ߖߘߍ߬ߛߐߘߐ߲ ߛߊ߲߬ ߂߅߀߲ ߛߊ߲߬ߞߎ߲߬ߓߍ߲ ߠߋ߬ ߡߊ߬، ߖߊ߲߬ߖߏ߲ ߣߌ߲߬ ߞߍ߫ ߘߊ߫ ߕߙߎ߬ ߘߌ߫߸ ߞ߇ ߡߙߊ߬ߓߊ߰ ߛߌߦߊߡߊ߲߫ ߞߊ߬ ߟߊ߬ߘߍ߬ ߞߏ ߕߏ߫ ߦߋ߲߬ ߡߎߣߎ߲߬ ߞߵߊ߬ߟߎ߫ ߞߎ߲߬ߛߌ߲߫ ߕߑߙߐ߲ߔ ߟߊ߫ ߛߊ߲߬ߞߎ߲߬ߓߍ߲߬ ߞߣߍ ߢߌ߲߬ ߠߊ߫.

ߓߏ߲ߜߍ ߓߋߟߋ߲ߕߌ߮߸ ߊߟߌߛߋ߳ߣ ߛ߭ߎߛߑߕߍ߳ߙ ߞߊ߬ ߣߌ߲߬ ߞߏ ߡߊߞߊ߲ߞߊ߲߫߸ ߞߵߊ߬ ߝߐ߫ ߊ߬ ߡߊ߬ ߞߏ߫: <<ߌ ߓߊ߯ ߘߐ߬ߝߐ ߡߊߝߟߍ߫߸ ߣߌ߲߬ ߢߐ߲߰ ߖߊ߲߬ߖߏ߲߬ ߓߟߋߓߟߋ߫ ߓߘߊ߫ ߝߡߊ߬ ߞߍ߫ ߟߊ߫ ߞߊ߬ߝߏ߫ ߘߍ߬ߣߍ߲ ߞߣߐ߫ ߘߋ߬.>>

ߕߑߙߐ߲ߔ ߟߊ߫ ߛߊ߲߬ߞߎ߲߬ߓߍ߲ ߢߌ߲߬ ߣߌ߫ ߞߏ߫ ߜߘߍ߫ ߝߣߊ߫ ߞߊ߬ ߢߐ߲߯ߓߍ߲߬߸ ߓߍ߲߬ ߞߍ߫ ߘߴߊ߬ ߡߊ߬ ߕߘߍ߬ ߞߏ߫ ߞߵߊ߬ ߕߐ߮ ߝߙߊ߬ ߟߐ߲ߠߌ߲ߦߊ߫ ߓߏ߲ߓߊ ߞߣߋߘߌ ߛߊ߲ߕߙ ߡߍ߲ ߕߐ߮ ߞߊ߲߬߸ ߞߕߌߘߊ ߞߵߊ߬ ߕߐ߮ ߓߐ߫ ߏ߬ ߞߊ߲߬ ߘߏߦߌ߲߫߸ ߞߏ߫ ߊ߬ߟߋ ߕߐ߮ ߕߴߛߋ߫ ߟߊ߫ ߟߴߏ߬ ߟߊ߫.

ߕߑߙߐ߲ߔ ߞߵߊ߬ ߟߊ߫ ߛߊ߲߬ ߈߀ ߛߊ߲߬ߞߎ߲߬ߓߍ߲ ߣߌ߲߬ ߓߟߏߘߐߓߍ߲ ߞߍ߫ ߜߎ߲߬ߘߎ߬ ߘߐ߫ ߟߋ߬ ߊ߬ ߟߊ߫ ߟߐ߬ߒ߬ߞߋ߬ߟߊ ߞߎ߲߬ߕߊ߮ ߣߌ߲߬ ߞߣߐ߫߸ ߞߊ߬ ߓߊ߲߫ ߞߵߊ߬ ߞߍ߫ ߖߊ߲߬ߖߏ߲߬ߓߊ߬ ߛߎ߮ ߣߌ߲߬ ߘߌ߫ ߓߍ߯ ߢߌ߬ߣߊߡߊ߬ ߕߋ߲߬.