ߞߞߢ ߞߏߕߌ߮ ߡߍ߲ ߠߎ߬ ߦߴߊ߬ߟߎ߬ ߟߊ߫ ߞߕߌ߫ ߞߏ ߟߎ߫ ߞߎ߲߬ߠߊ߫߸ ߏ߬ ߟߎ߬ ߦߴߊ߬ ߝߍ߬ ߞߊ߬ ߛߋ߲߬ߕߊ߬ ߞߎߘߊ߫ ߞߍ߫ ߊ߬ߟߎ߬ ߟߊ߫ ߓߊ߯ߙߊߢߐ߲߯ߦߊ ߞߣߐ߫، ߞߊ߬ߕߎ߲߯߸ ߖߋ߬ߟߌ߬ߓߊ߬ߘߎ߯ ߕߋߟߋ߲ߓߊ߯ߦߊ ߞߏߕߌ߮ ߊߟߌߦߏ ߘߊߎߘߊ߫ ߓߘߴߊ߬ ߟߊߛߋ߫߸ ߞߏ߫ ߊ߬ߟߎ߬ ߞߍߕߐ߫ ߞߕߌ ߛߌ߲߬ߝߏ߲߬ߘߊ߬ߓߊ߫ ߛߌ߰ ߟߊ߫ ߛߋ߲߬ߠߊ߫߸ ߓߙߎߞߌߣߊ߫ ߝߊ߬ߛߏ߬ ߣߌ߫ ߡߊ߬ߟߌ ߣߌ߫ ߖߋ߬ߟߌ߬ߓߊ߬ߘߎ߯ ߟߎ߫ ߟߊߘߍ߬ߕߐ߫ ߡߍ߲ ߘߐ߫.

ߞߎߡߊ ߣߌ߲߬ ߝߐߣߍ߲߫ ߊ߬ߟߎ߬ ߟߊ߫ ߢߐ߲߯ߦߋ߫ ߛߌߦߊߡߊ߲ ߞߐ ߟߋ߬ ߘߐ߫߸ ߡߍ߲ ߟߊ߬ߘߍ߬ ߝߟߐ ߞߍ߫ ߘߴߊ߬ߟߎ߬ ߟߊ߫ ߕߋߟߋ߲ߓߊ߯ߦߊ ߞߏߕߌ߮ ߟߎ߬ ߓߟߏ߫ ߓߡߊ߬ߞߐ߬ ߞߣߐ߫߸ ߞߊ߬ ߞߎߡߊߢߐ߲߯ߦߊ ߘߏ߫ ߞߍ߫ ߢߊߡߍ߫، ߟߊ߬ߢߌߣߌ߲ ߞߍ߫ ߘߊ߫ ߡߎ߲߬ ߘߌ߫߸ ߞߊ߬ ߛߋ߫ ߖߡߊ߬ߣߊ߫ ߛߊ߬ߓߊ ߣߌ߲߬ ߘߍ߬ߡߊ߬ ߞߕߌߓߏ߲߫ ߞߊ߲ߞߋߦߊ߫ ߛߌ߰ ߟߊ߫ ߛߋ߲߬ߠߊ߫ ߝߘߏ߬ߓߦߊ߬ ߓߟߏ ߡߊ߬߸ ߛߴߊ߬ߟߎ߬ ߘߌ߫ ߛߴߊ߬ߟߎ߬ ߟߊ߫ ߞߏߢߊ ߟߎ߬ ߛߊ߬ߙߌ߬ߦߊ߬ ߞߏ ߟߎ߬ ߟߊߕߊ߯ߡߊ߫ ߟߴߊ߬ ߢߌ߬ߡߊ ߟߊ߫.

ߒ߬ߓߊ߬߸ ߖߋ߬ߟߌ߬ߓߊ߬ߘߎ߯ ߕߋߟߋ߲ߓߊ߯ߦߊ ߞߏߕߌ߮ ߞߊ߬ ߞߎߡߊ ߘߏ߫ ߟߋ߬ ߞߍ߫ ߊ߬ߟߎ߬ ߟߊ߫ ߖߡߊ߬ߣߊ ߖߌ߬ߦߊ߬ߞߊ߲߬ߛߏ߬ߓߊ ߟߊ߫߸ ߊ߬ ߞߊ߬ ߘߏ߫ ߝߐ߫ ߊ߬ߟߎ߬ ߟߊ߫ ߢߍߥߟߊ߫ ߞߟߊߒߞߋ ߣߌ߲߬ ߞߊ߲߬:

<<ߡߐ߰ߦߊ ߤߊߞߍ ߟߎ߬ ߞߙߎߝߊ ߞߕߌߖߌ߲߸ ߛߊ߬ߙߌ߬ߦߊ߬ߓߊ߯ߙߊ ߞߙߎߝߊ ߞߊ߬ߙߊ߲߬ߕߊ߸ ߊ߬ ߣߌ߫ ߕߋߟߋ߲ߓߊ߯ߦߊ ߣߌ߫ ߕߍߟߐߦߊ ߝߘߏ߬ߓߊ߬ ߞߕߌߖߌ߲ ߞߊ߫ ߞߊ߲߫ ߞߊ߬ ߛߌ߰ ߛߋ߲߬ߠߊ߫.>> ߊ߬ ߞߵߏ߬ ߦߌ߬ߘߊ߬.

ߖߊ߬ߕߋ߬ߘߐ߬ߛߌ߮ ߣߌ߲߬ ߦߋ߫ ߞߞߢ ߟߊ߫ ߡߙߌߦߊ߫ ߞߍ߲ߘߍ߫ ߟߋ߬ ߘߌ߫߸ ߣߴߏ߬ ߦߴߊ߬ߟߎ߬ ߘߍ߲ ߘߴߊ߬ߟߎ߫ ߖߘߍ߬ ߟߊ߫ ߞߕߌ߫ ߞߏ ߡߊ߬ߘߎ߮ ߘߐ߫߸ ߞߵߊ߬ߟߎ߬ ߘߍ߲ߣߍ߲ ߓߐ߫ ߛߌ߲߬ߝߏ߲߬ߘߊ߬ ߜߘߍ ߟߎ߬ ߟߊ߫߸ ߦߏ߫ ߓߌ߲߬ߓߊ߬ߥߏ߬ߟߌ߬ ߞߕߌߖߌ߲߫ ߡߊ߲߬ߕߏ߲߬ߕߍ߬ߟߊ߬ߞߊ.

ߖߡߊ߬ߣߊ߫ ߛߊ߬ߓߊ ߢߌ߲߬ ߠߎ߫ ߞߵߊ߬ ߟߊߛߋ߫ ߟߋ߬ ߂߀߂߅ ߞߏߟߌ߲ߞߏߟߌ߲ ߠߊ߫߸ ߞߏ߫ ߊ߬ߟߎ߬ ߓߘߴߊ߬ߟߎ߫ ߣߍ߰ߓߐ߫ ߙߐߡߎ߲߬ ߛߌ߰ߞߊ߲ ߘߐ߫߸ ߏ߬ ߡߍ߲ ߦߋ߫ ߞߡߞ ߟߊߘߊ߲ߠߌ߲ ߛߊ߬ߙߌ߬ߦߊ߬ ߛߓߍ ߘߌ߫ ߞߊ߬ߣߌ߲߬، ߢߌ߬ߣߊ߲߬ ߂߀߂߆ ߢߌ߲߬ ߠߋ߬ ߞߍߕߐ߫ ߡߙߌߦߊ ߏ߬ ߓߐ ߘߌ߫ ߜߍߟߊ߫ ߞߵߊ߬ ߕߏ߫ ߊ߬ ߡߊ߬߸ ߊ߬ߟߎ߬ ߓߊ߲ ߞߐ ߡߊ߲߬ߕߏ߲߬ ߠߊߘߍ߬ߣߍ߲ ߛߌ߲߬ߝߏ߲߬ߧߊ߬ߟߌ ߟߊߛߏ߬ߓߌ߬ ߟߊ߫ ߞߊ߬ߣߌ߲߬.

ߘߍ߬ߒ߬ߡߊ߬ ߟߊߛߋߟߌ ߘߏ߫ ߞߍ߫ ߘߊ߫ ߞߞߢ ߖߡߊ߬ߣߊ ߟߎ߬ ߓߟߏ߫߸ ߊ߬ߟߎ߫ ߞߵߊ߬ߟߎ߫ ߘߊ߬ߟߎ ߝߐ߫ ߡߍ߲ ߞߣߐ߫߸ ߞߵߊ߬ ߦߌ߬ߘߊ߬ ߞߏ߫ ߞߌߢߍ߲߫ ߡߊ߲߬ߕߏ߲߬ߕߍ߬ ߞߕߌߖߌ߲ ߦߋ߫ ߓߘߊߟߊߝߛߊ߫ ߛߌ߲ߝߏ߲ߘߊ ߟߋ߬ ߘߌ߫߸ ߊ߬ ߣߴߊ߬ ߕߴߛߋ߫ ߝߏߦߌ߬ ߝߣߊ߫ ߟߊ߫:

<<ߓߞߡ ߓߘߴߊ߬ ߦߌ߬ߘߊ߬ ߞߏ߫ ߊ߬ ߕߴߛߋ߫ ߞߎ߲߬ߞߏ߬ ߓߟߋߓߟߋ ߘߏ߫ ߟߎ߫ ߞߕߌ ߟߊ߫ ߟߊ߫߸ ߊ߬ ߣߴߊ߬ߟߎ߬ ߓߘߊ߫ ߞߍ߫ ߥߙߎߣߍߞߎߘߦߊ ߡߎ߬ߙߊ߲ ߘߌ߫.>> ߊ߬ߟߎ߫ ߞߵߏ߬ ߦߌ߬ߘߊ߬.

ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߞߌ߬ߢߍ߬ߞߏ߲߬ߞߏ߬ ߖߡߊߣߊ ߢߌ߲߬ ߠߎ߫ ߞߵߊ߬ ߛߓߍ߫ ߟߋ߬ ߝߣߊ߫߸ ߞߏ߫ ߊ߬ߟߎ߬ ߓߘߊ߫ ߓߍ߲߬ ߊ߬ ߡߊ߬߸ ߞߊ߬ ߞߌ߬ߢߍ߬ߞߏ߲ߞߏ߫ ߡߐ߰ߦߊ ߤߊߞߍ ߣߌ߫ ߓߌ߲߬ߓߊ߬ߥߏ߬ߟߌ߬ ߞߕߌߖߌ߲߸ ߏ߬ ߦߴߊ߬ߟߎ߬ ߓߟߏ߫ ߊ߬ߟߎ߫ ߟߊ߫ ߖߡߊ߬ߣߊ ߓߍ߯ ߘߍ߭ ߟߋ߬ ߘߋ߫، ߊ߬ߟߋ ߞߍߕߐ߫ ߊ߬ߟߎ߬ ߓߘߊ߫ ߞߕߌ ߟߎ߫ ߟߋ߬ ߟߊ߫ ߟߊ߫߸ ߞߊ߬ ߓߍ߲߬ ߖߡߊ߬ߣߊ ߟߎ߫ ߛߌ߰ߝߊߘߌ ߡߊ߬߸ ߊ߬ ߣߌ߫ ߞߊ߬ ߓߍ߲߬ ߞߏ ߟߎ߬ ߥߊ߫ ߢߊ ߖߍ߬ߘߍ ߝߣߊ߫ ߡߊ߬.

ߊ߬ߟߎ߬ ߟߊ߫ ߛߌߟߊ߫ ߞߎߘߊ ߢߌ߲߬ ߠߊߥߟߌ߬ߣߍ߲߫ ߖߐ ߟߊߘߏ߲߭ ߠߋ߬ ߡߵߊ߬ߟߎ߬ ߟߊ߫ ߖߡߊ߬ߣߊ ߟߎ߬ ߞߣߐ߫߸ ߊ߬ ߣߌ߫ ߞߏߟߊߕߐ߲ߓߊߟߌߦߊ ߞߍ߬ߟߍ߸ ߞߵߊ߬ߟߎ߬ ߟߊ߫ ߞߏ ߟߎ߬ ߞߍ߫ ߊ߬ߟߎ߫ ߖߘߍ߬ߞߊ߬ߣߌ߲߬ ߛߌ߲ߝߏ߲ߘߊ ߞߣߐ߫.

ߞߞߢ ߓߘߴߊ߬ ߡߊߕߊ߯ ߞߐߞߊ߲߫ ߛߌ߲ߝߏ߲ߘߊ ߛߌߦߊߡߊ߲߫ ߠߊ߫ ߝߛߊߦߌ߫، ߓߊ߬ߙߵߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߣߌ߫ ߡߟߛ ߘߌ߫ ߛߋ߫ ߓߊ߯ߙߊ߫ ߟߊ߫߸ ߊ߬ ߣߌ߫ ߘߏ߫ ߜߘߍ߫ ߟߎ߫، ߓߊ߬ߙߌ߬߸ ߝߏ߫ ߊ߬ ߦߋ߫ ߓߎ߲ߓߎ߲߫ ߡߐ߰ߦߊ ߤߊߞߍ߫ ߡߞߊߘߊ߲ ߠߋ߬ ߡߊ߬߸ ߊ߬ ߣߌ߫ ߖߡߊ߬ߣߊ ߟߎ߬ ߟߊ߫ ߖߘߍ߬ߕߌ߰ߦߊ ߡߊߓߏ߲߬ߧߊ.