ߓߍ߲߬ߞߊ߲߬ ߢߍߓߌߟߊ ߘߏ߫ ߓߘߊ߫ ߘߏ߲߬ ߞߊ߬ߝߏ߫ ߘߍ߬ߣߍ߲ ߣߌ߫ ߌߙߊ߲߫ ߕߍ߫߸ ߏ߬ ߓߍߣߊ߬ ߟߊߥߊ߲߬ߞߊ߲߫ ߊ߬ ߕߍ߫ ߡߍ߲߫، ߊ߬ߟߎ߬ ߞߍߕߐ߫ ߓߍ߲߬ߞߊ߲ ߏ߬ ߟߋ ߞߟߌ߫ ߟߊ߫ ߞߏ߫ <<ߌߛߑߟߡߊߓߊߘ ߟߊ߬ߛߋ߬ߟߌ>>߸ ߣߌ߲߬ ߝߘߊߣߍ߲߫ ߓߐߛߎ߲߫ ߠߋ߬ ߟߊ߫ ߞߊ߯ߙߌߌ ߣߌ߲߬ ߡߊ߬߸ ߡߍ߲ ߠߎ߬ ߦߋ߫ ߣߌ߲߬ ߞߏ ߞߊ߬ߟߊߡߊ߬ ߝߋߝߋ߫߸ ߒ߬ߠߎ߬ ߝߣߊ߫ ߞߵߊ߬ ߛߐ߬ߘߐ߲߬ ߊߙߊߓߎߟߊ߫ ߞߌ߬ߓߊ߬ߙߏ߬ߘߊ ߟߎ߫ ߟߋ߬ ߟߊ߫.

ߊ߬ߟߋ߬ ߓߐߛߎ߲߫ ߞߋߟߋ߲ ߠߊ߫ ߝߐߟߌ߫ ߘߐ߫߸ ߔߊߞߌߛߑߕߊ߲߫ ߠߋ߬ ߞߍߕߐ߫ ߢߐ߲߯ ߠߊߡߍ߲ ߖߊ߲߬ߓߌ߬ߟߊ߬ߛߓߍ ߏ߬ ߟߊߛߋ߫ ߟߊ߫߸ ߞߵߊ߬ ߛߐ߬ߘߐ߲߬ ߗߋߦߊߟߌ߫ ߞߙߍߞߙߍ߲߫ ߞߏ߫ ߕߴߊ߬ ߘߐ߫، ߏ߬ ߞߐߝߍ߬߸ ߘߊߘߐߖߊߥߏ ߛߌߟߊ߫ ߜߘߍ߫ ߘߌߣߊ߬ ߟߊߞߊ߬ ߥߊ߲ߛߌ߲ߕߐ߲߫ ߣߌ߫ ߕߤߋߙߊ߲߫ ߕߍ߫ ߥߊ߬ߛߌ߬ߥߙߊ ߕߟߋ߬ ߅ ߡߊ߬߸ ߏ߬ ߡߍ߲ ߓߍߣߊ߬ ߞߍ߫ ߛߋ߲߬ߕߊ߬ ߓߟߋߓߟߋ߫ ߘߌ߫߸ ߞߊ߬ ߡߙߌߘߐ߫ ߜߍߟߍ߲ ߠߎ߬ ߕߊ߬ ߞߍ߬ߟߍ ߣߌ߲߬ ߘߐߛߎߡߊ ߣߴߊ߬ ߓߊ߲ߝߟߍ߬ߟߍ ߘߐ߫.

ߘߊߘߐߖߊߥߏ ߡߍ߲ ߠߎ߬ ߦߴߌߘߐ߫ ߕߋ߲߬߸ ߏ߬ ߟߎ߬ ߦߴߌߘߐ߫ ߞߟߏߜߍ߫ ߢߍߕߊ ߘߏ߫ ߟߎ߫ ߟߋ߬ ߞߊ߲߬ ߡߎߣߎ߲߬߸ ߡߍ߲ ߠߎ߬ ߞߐ ߓߍߣߊ߬ ߞߍ߫ ߘߊߘߐߖߊߥߏ߫ ߘߐߘߎ߲߬ߧߊ߬ߣߍ߲ ߘߌ߫ ߞߏߓߊ ߘߏ߫ ߟߎ߫ ߞߊ߲߬߸ ߦߏ߫ ߌߙߊ߲߫ ߠߊ߫ ߡߎ߯ߖߎ߯ ߞߏ ߢߍߥߟߊ، ߝߊ߲߭ ߝߌ߬ߟߊ ߓߍ߯ ߞߍߕߐ߫ ߗߋߦߊߟߌ߫ ߞߎ߲ߕߌ߮ ߟߋ߬ ߟߊߕߊ߯ ߟߊ߫ ߘߊߘߐߖߊߥߏ߫ ߟߊߓߊ߲ ߏ߬ ߝߍ߬.

ߌߙߊ߲߫ ߓߐߛߎ߲ ߘߏ߫ ߟߎ߫ ߦߴߊ߬ ߦߌ߬ߘߊ߬ ߟߊ߫߸ ߞߏ : <<ߣߌ߫ ߝߊ߬ߛߏ ߟߊ߬ߞߊ߲߬ߘߊ߬ߟߌ ߞߏߟߊߕߍ߯ ߛߊ߲ߘߐ ߟߎ߬ ߓߍ߲߬ ߘߊ߫ ߓߍ߲߬ߞߊ߲ ߡߊ߬߸ ߊ߬ ߘߌ߫ ߟߊߕߊ߬ߡߌ߲߬ ߢߍߓߊ߯ ߛߊ߲ߘߐߕߊ ߡߊ߬.>> ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߕߤߋߙߊ߲߫ ߞߏ ߟߎ߬ ߦߋ߫ ߟߊߕߊ߯ߡߊ߫ ߟߊ߫ ߕߋ߲߬ ߠߋ߬.

ߊߡߙߌߞߌ߬ ߝߐ߰ߓߍ߬ߘߊ߬ ߛߌߦߊߡߊ߲߫ ߝߣߊ߫ ߦߋ߫ ߦߋ߲߬߸ ߏ߬ ߟߎ߬ ߞߊ߲߫ ߞߏ߫ ߓߍ߲߬ߞߊ߲ ߣߌ߲߬ ߘߌ߫ ߞߍ߫ ߕߙߎ߬ ߘߌ߫ ߞߊ߬ ߐߙߑߡߎߖ߭ ߖߌߓߐߟߐ߲ ߕߊߞߎߟߎ߲ ߠߎ߬ ߟߊ߫ ߞߎߟߎ߲ߞߎߟߎ߲ߠߌ߲ ߣߐ߰ߦߊ߫߸ ߏ߬ ߘߏ߲߬ ߞߍߕߐ߫ ߘߎߢߊ߫ ߡߊ߬ ߤߙߌߓߊ߫ ߟߋ߬ ߘߌ߫ ߖߎ߬ߟߊ߬ߦߊ ߘߊߞߎ߲ ߘߐ߫، ߞߵߊ߬ ߟߴߊ߬ ߞߊ߲߬߸ ߓߌ߲߬ߓߊߥߏ ߡߍ߲ ߠߎ߬ ߦߋ߫ ߦߋ߲߬߸ ߏ߬ ߟߎ߬ ߘߌ߫ ߡߊߛߍ߬ߟߍ߲߬ߓߍ߬ ߌߙߊ߲߫ ߞߊ߲߬، ߞߎߡߊ ߕߏ߬ ߕߍ߬ߡߊ߬ ߕߏ ߦߋ߫ ߌߙߊ߲߫ ߠߊ߫ ߡߎ߯ߖߎ߯ ߞߏ ߢߍߥߟߊ ߡߍ߲ ߘߌ߫߸ ߏ߬ ߝߣߊ߫ ߘߌ߫ ߓߌ߬ߟߊ߬ ߘߊߖߊߥߏ߫ ߞߋߟߋ߲ ߣߌ߲߬ ߘߐ߫ߟ ߞߊ߬ ߢߊ ߡߊߖߌ߰ ߊ߬ ߝߍ߬.