ߞߊ߲ߞߊ߲߫ ߕߌ߲߬ߞߎߘߎ߲ ߟߊ߬ߞߊ߲߬ߘߊ߬ߟߌ ߣߴߊ߬ ߡߊ߬ߞߊ߲߬ߞߊ߲߬ߠߌ߲ ߥߛߊ߬ߓߊ߰ߦߊ ߓߘߊ߫ ߟߊ߬ߛߋ߬ߟߌ߬ ߞߟߊߒߞߋ߫ ߞߍ߫ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߞߊ߬ ߓߍ߲߬ ߡߙߌߘߐ ߘߏ߫ ߟߎ߫ ߕߊ߬ ߞߏ ߡߊ߬ ߞߊ߲ߞߊ߲߫ ߥߙߊߞߘߊ߫ ߞߎߘߊ ߟߊߓߊ߯ߙߊ߫ ߢߊ ߡߊ߬ ߓߏ߬ߙߌ߬ߝߋ߲߬ߕߌ߮ ߟߎ߬ ߓߟߏ߫߸ ߞߊ߲ߞߊ߲߫ ߣߌ߫ ߞߙߎ߬ߛߊ߬ ߛߌߟߊ ߞߊ߲߬.

ߣߌ߲߬ ߞߍ߫ ߘߊ߫ ߟߊ߬ߛߋ߬ߟߌ߬ ߞߟߊߒߞߋ߫ ߟߋ߬ ߘߌ߫߸ ߝߊ߰ߡߊ ߟߎ߫ ߞߵߊ߬ ߦߌ߬ߘߊ߬ ߡߍ߲ ߘߐ߫ ߞߏ߫ <<ߓߏ߬ߙߌ߬ߝߋ߲߬ߕߌ߮ ߘߏ߫ ߟߎ߫ ߕߍ߫ ߛߌߟߊ ߣߌ߲߬ ߓߏ߬ߙߌ ߛߊ߬ߙߌ߬ߦߊ ߟߎ߬ ߡߊߓߏ߲߬ߧߊ߬ ߟߊ߫.>> ߊ߬ߟߎ߬ ߦߋ߫ ߞߎߟߎ߲ߞߎߟߎ߲ߠߌ߲ ߕߐ ߕߌߢߍ߫ ߟߊ߫߸ ߞߊ߬ ߓߏ߬ߙߌ߬ ߛߌߟߊ ߞߊ߲߬ ߢߊ߫ ߡߊ߬߸ <<ߡߍ߲ ߡߊ߲߫ ߞߊ߲߫>> ߛߌߟߊ߫ ߞߎߘߊ ߢߌ߲߬ ߘߏ߲߬ ߟߊߣߍ߲߫ ߝߙߋߞߋ߫ ߛߌߦߊߡߊ߲߫ ߠߋ߬ ߡߊߕߊ߲߬ߞߊ߬ ߞߊ߲ߡߊ߬߸ ߛߊ߫ ߓߍ߯ ߟߊ߫ ߓߏ߬ߙߌ ߣߌ߫ ߖߌ߰ߣߌ߬ߦߟߍ ߟߎ߬ ߘߌ߫ ߞߍ߫ ߣߐ߰ߦߊ ߘߐ߫.

ߒ߬ߓߊ߬߸ ߞߵߊ߬ ߕߊ߬ ߞߐ߬ߓߊ߬ߟߏ߲ ߡߊ߬ ߏ߬ ߘߐ߫߸ ߊ߬ ߟߊߕߐ߲ߣߍ߲߫ ߠߋ߬ ߞߕߊ߬ߞߕߊ߬ߣߍ߲߬ߕߌ߮ ߟߎ߫ ߡߊ߬ ߜߘߋߜߘߋ߫߸ ߞߊ߬ ߓߐ߫ ߛߌߟߊ ߝߎ߬ߘߎ߫ ߞߊ߲߬߸ ߡߍ߲ ߠߊߘߌ߬ߢߍ߬ߣߍ߲߫ ߔߏߔߏߕߌ߮ ߟߎ߬ ߣߌ߫ ߛߋ߲߬ߡߊ߬ߕߊ߰ߡߊ߬ߟߊ ߟߎ߬ ߦߋ߫، ߟߊ߬ߛߋ߬ߟߌ߬ ߞߋߟߋ߲ ߣߌ߲߬ ߦߴߊ߬ ߔߘߋߔߘߋߟߊߕߍ߰ ߟߊ߫ ߝߣߊ߫߸ ߞߏ߫ ߔߏߔߏ߫ ߓߏߙߌߟߊ ߟߎ߬ ߝߣߊ߫ ߦߋ߫ ߕߏ߫ ߛߌߟߊ ߝߊ߲߭ ߞߊ߲߬߸ ߊ߬ ߝߐߣߍ߲߫ ߞߏ߫ ߊ߬ߟߎ߬ ߦߋ߫ ߓߐ߫ ߡߍ߲ ߞߊ߲߬߸ ߣߴߏ߬ ߦߋ߫ ߛߌߟߊ ߝߘߎ߬ߝߍ߬ߟߊ ߘߌ߫ ߝߏߟߏ߲߫ ߞߐߝߍ߬.

ߏ߬ ߢߊ߫ ߞߋߟߋ߲ ߠߋ߬ ߡߊ߬߸ ߔߏߔߏ߫ ߕߌ߮ ߟߎ߬ ߣߌ߫ ߞߕߊ߬ߞߕߊ߬ߣߍ߲߬ ߕߌ߮ ߟߎ߬߸ ߓߍ߯ ߦߋ߫ ߕߏ߫ ߊ߬ ߕߊ߫ ߝߊ߲߬߸ ߖߐ߲߰ߛߊ߫ ߓߏ߬ߙߌ ߘߌ߫ ߞߍ߫ ߊ߬ ߢߌ߬ߡߊ ߟߊ߫߸ ߞߊ߬ ߓߌ߬ߟߊ߬ߒ߬ߘߐ߬ߖߎ߰ ߞߏ ߡߊߓߍ߲߬.

<<ߞߵߊ߬ ߕߊ߬ ߞߐ߬ߓߊ߬ߟߏ߲ ߛߎ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂߅߸ ߊ߬ ߓߘߊ߫ ߟߊߕߐ߲߫ ߞߕߊ߬ߞߕߊ߬ߣߍ߲߬ ߕߌ߮ ߟߎ߫ ߡߊ߬ ߜߘߋߜߘߋ߫ ߞߊ߬ ߓߐ߫ ߛߌߟߊ ߝߎ߬ߘߎ߫ ߝߍ߬߸ ߡߍ߲ ߠߊߘߊ߲ߣߍ߲߫ ߛߋ߲߬ߡߊ߬ߕߊ߰ߡߊ߬ߟߊ ߟߎ߬ ߣߌ߫ ߔߏߔߏ߫ ߕߌ߮ ߟߎ߬ ߦߋ߫.>> ߝߊ߰ߡߊ ߟߎ߫ ߞߵߏ߬ ߦߌ߬ߘߊ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫.

ߣߌ߫ ߡߍ߲ ߠߎ߬ ߞߊ߬ ߛߊ߬ߙߌ߬ߦߊ ߣߌ߲߬ ߛߐ߬ߛߐ߬߸ ߏ߬ ߟߎ߬ ߘߌ߫ ߏ߬ ߟߎ߬ ߘߌ߫ ߖߊ߲߬ߞߌ߲߫ ߥߊߘߌߓߐ ߟߊ߫.

<<ߡߙߌߘߐ ߣߌ߲߬ ߛߐ߬ߛߐ߬ߓߊ߮ ߓߍ߯ ߘߌ߫ ߖߊ߲߬ߞߌ߲߫ ߓߌ߲߬ߓߊ߬ߥߏ߬ ߟߊ߫߸ ߊ߬ ߣߌ߫ ߡߍ߲ ߞߊ߫ ߞߊ߲߫.>> ߘߐ߬ߛߙߋ ߣߌ߲߬ ߞߵߏ߬ ߦߟߌߓߌߟߊߟߌ ߞߍ߫߸ ߞߵߊ߬ ߦߌ߬ߘߊ߬ ߞߏ߫ ߝߊ߰ߡߊ ߟߎ߬ ߦߴߊ߬ ߝߍ߬ ߟߋ߬ ߛߊ߬ߙߌ߬ߦߊ߬ ߞߎߘߊ ߣߌ߲߬ ߦߋ߫ ߡߊߓߏ߲߬ߧߊ߫ ߊ߬ ߢߊ ߡߊ߬ ߝߛߊߦߌ߫.

ߖߐ߲߰ߛߊ߫ ߛߊ߬ߙߌ߬ߦߊ߬ ߝߐߣߍ߲ ߣߌ߲߬ ߞߊߣߊ߬ ߕߏ߫ ߝߐ ߘߐ߫ ߢߊ ߡߍ߲ ߡߊ߬߸ ߊ߬ߟߎ߫ ߞߊ߬ ߖߊ߬ߡߊߙߌ ߘߌ߫ ߟߊ߬ߞߊ߲߬ߘߊ߬ߟߌ ߘߏ߲߬ߞߏ ߟߎ߫ ߟߋ߬ ߡߊ߬߸ ߞߏ߫ ߊ߬ߟߎ߬ ߦߴߊ߬ߟߎ߬ ߢߊ ߕߏ߫ ߣߌ߲߬ ߝߍ߬ ߓߘߍߓߘߍߞߍ߬، ߕߐ߲ߓߟߏߡߊ ߟߎ߬߸ ߞߟߍ߬ߡߐ߮ ߟߎ߬߸ ߊ߬ ߣߌ߫ ߣߊ߲߬ߕߌ߮ ߟߎ߬߸ ߓߍ߯ ߦߴߊ߬ ߟߐ߬ ߊ߬ ߟߐ߬ ߦߌߟߊ߸ ߞߊ߬ ߕߐ߲ ߣߌ߲߬ ߘߐߖߊ߬ ߜߘߋߜߘߋ߫.

ߟߊ߬ߛߋ߬ߟߌ ߣߌ߲߬ ߞߍߣߍ߲߫ ߛߏ ߝߊ߰ߡߊ߬ ߛߌߦߊߡߊ߲߫ ߠߋ߬ ߟߊ߫ ߞߟߊ߬ߣߐ߬ߦߊ߬ߟߌ ߞߣߐ߫߸ ߞߊ߲ߞߊ߲߫ ߕߌ߲߬ߞߎߘߎ߲ ߞߎ߲߬ߠߊ߬ߛߌ߰ߟߊ߸ ߣߊ߲߬ߕߌ߰ ߕߌ߲ߞߎߘߎ߲ ߃߲ ߡߙߊ߬ߓߊ߮߸ ߕߌ߲߬ߞߎߘߎ߲ ߞߟߍ߬ߡߐ߰ߘߊ ߡߙߊ߬ߓߊ߮߸ ߊ߬ ߣߌ߫ ߕߌ߲߬ߞߎߘߎ߲ ߕߐ߲ߓߟߏߡߟߊ߫ ߗߋߕߌ߮.