ߙ߭ߎ߬ߛߌ߫ ߞߊ߲ߕߌ߮ ߝ߭ߌߟߊߘߑߡߌߙ ߔߎߕߌߣ ߣߐ߬ ߊ߬ ߝߊ߲ߕߊ߲߬ߞߊ߫ ߟߊ߫ ߟߋ߬ ߢߌ߬ߣߌ߲߬ߞߊ߬ߟߌ ߘߏ߫ ߖߋ߬ߓߌ ߡߊ߬ ߓߌߟߏ߲߫ ߕߊ߬ߡߌ߲߬ߣߍ߲ ߛߍ߲ߕ-ߔߋߕߍߙߛߑߓߎߙߜ߭ ߞߣߐ߫ ߸ߢߌ߬ߣߌ߲߬ߞߊ߬ߟߌ ߏ߬ ߡߍ߲ ߓߎ߲ߓߎ߲ߣߍ߲߫ ߕߘߍ߬ ߊ߬ ߕߏ߫ ߞߏ ߡߊ߬ ߝߊ߲߬ߞߊ ߟߊ߫ ߤߊ߲߯ ߂߀߃߆ ߟߊ߫ ߸ߊ߬ ߞߊ߲߫ ߞߏ߫ ߡߐ߰ ߕߍ߫ ߞߙߐߕߐߕߐ߫ ߞߎߡߊ߫ ߛߎ߮ ߏ߬ ߝߐ߫ ߡߊ߬ ،ߓߊ߸ߞߏ߫ ߛߌߣߌ߲ߢߍߛߌ߮ ߘߍ߲ߣߍ߲߫ ߊ߬ ߟߊ߫ ߞߍ߲ߘߍߦߊ ߟߋ߬ ߟߊ߫. ߊ߬ ߡߊߢߌ߬ߣߌ߲߬ߞߊ߫ ߘߊ߫ ߙߏߕߍߙ ߟߋ߬ ߓߟߏ߫ ߸ ߛߍߝߍ߲ߠߊ ߟߎ߬ ߟߊ߫ ߢߐ߲߯ߓߍ߲ ߘߏ߫ ߛߋ߲߭ߝߍ߲߬  ߝߐ߰ߓߍ߬ߦߟߊ߬ ߞߎ߲ߕߌ߮ ߟߎ߬ ߟߊ߫ ߥߛߊ߬ߘߊ ߟߊ߫ ،ߞߙߍߡߑߟߍ߲߫ ߞߎ߲߬ߕߌ߮ ߢߌ߬ߣߌ߲߬ߞߊ߬ߣߍ߲߫ ߊ߬ ߕߏ߫ ߞߏ ߡߊ߬ ߝߊ߲߬ߞߊ ߟߊ߫ ߊ߬ ߟߊ߫ ߛߕߊ߫ ߛߐ߬ߘߐ߲߬ߣߍ߲ ߢߌ߲߬ ߞߐߝߍ߬ ߊ߬ ߣߌ߫ ߣߴߊ߬ ߟߊ߫ ߞߍ߲ߘߍߦߊ ߓߍ߫ ߛߴߊ߬ ߞߍ߫ ߟߊ߫ ߊ߬ ߦߋ߫ ߕߏ߫ ߝߊ߲߬ߞߊ ߟߊ߫ ߤߊ߲߯ ߂߀߃߆ ߟߊ߫. ߊ߬ ߞߊ߲߫ ߞߏ߫:

<<ߊߟߊ߫ ߞߋߟߋ߲߫ ߔߋ߫ ߟߋ߬ ߞߵߊ߬ ߟߐ߲߫ ߣߴߊ߲ ߘߌ߫ ߞߍ߲ߘߍߦߊ߫ ߛߌߦߊߡߊ߲߫ ߛߐ߬ߘߐ߲߬ ߸ ߒߠߋ ߣߴߊߟߎ߫ ߊ߬ ߣߌ߫ ߝߋ߲߫-ߋ߲-ߝߋ߲߫ ߠߊߘߍ߬ߣߍ߲߫ ߦߊ߲߬ ߕߋ߲߬ ߸ ߞߊ߬ ߛߋ߫ ߓߊ߯ߙߊ߫ ߟߎ߬ ߘߊߓߊ߲߫ ߠߊ߫ ߊ߲ ߧߋ߫ ߡߍ߲ ߠߎ߫ ߞߊ߲߬ ߊ߬ ߣߌ߫ ߞߊ߬ ߛߴߊ߲ ߠߊ߫ ߟߊ߬ߢߌߣߌ߲ ߠߎ߬ ߡߝߊ߫ ߟߊ߫>> ߝ߭ߌߟߊߘߑߡߌߙ ߔߎߕߌߣ ߠߋ߬ ߞߊ߲߫ ߕߋ߲߬.

ߔߎߕߌ߲ߣ ߠߊ߫ ߞߏߕߌ߯ ߝߟߐߦߊ ߣߴߊ߬ ߟߊ߫ ߞߊ߲ߕߌ߯ߦߊ ߘߊߡߌ߬ߣߊ߬ ߘߊ߫ ߞߊ߬ߓߌ߯ ߁߉߉߉ ߟߋ߬ ߟߊ߫ ߸ߊ߬ ߞߵߊ߬ ߦߌ߬ߘߊ߬ ߞߏ߫ ߙ߭ߎ߬ߛߌ߫ ߛߌ߰ߞߊ߲ ߡߊ߫ ߓߊ߬ߟߊ߲߬ ߛߌ߫ ߟߴߊ߬ ߢߍ߫ ߕߍ߬ߘߍ ߡߊ߬ ߂߀߃߀ ߞߊ߲ߕߌ߯ ߢߣߊߕߊߟߌ ߘߐ߫ ߸ߞߏ߫ ߣߴߊ߬ ߖߍ߬ߘߍ ߛߎߘߊ߲߫ ߘߊ߫ ߊ߬ ߘߌ߫ ߕߏ߫ ߞߙߍߡߑߟߍ߲߫ ߞߎ߲߬ߠߊ߫ ߤߊ߲߯ ߂߀߃߆ ߟߊ߫ ،ߊ߬ ߞߴߏ߬ ߦߌ߬ߘߊ߫ ߕߊ߲߬ ߠߋ߬

<<ߍ߰ ߸ߛߌ߰ߞߊ߲ ߦߋ߫ ߒ ߖߡߊ߬ߙߌ߬ ߟߊ߫ ߕߍ߬ߘߍ ߡߊ߬ ߂߀߃߀ ߞߊ߲ߕߌ߯ ߢߣߊߕߊߟߌ ߘߐ߫ ߸ߒ ߞߏ߬ߣߌ߲ ߞߵߊ߬ ߟߐ߲߫ ߞߏ߫ ߊ߬ ߞߏ ߞߊ߫ ߖߊ߲߬ ߡߎߣߎ߲߬ ߊ߬ ߞߎߡߊ ߝߐߟߌ ߡߊ߬. ߞߊ߬ ߒ ߕߋߟߋ߲߫ ߊߟߎ߫ ߢߍ߫ ߊ߬ ߞߏ ߡߊ߫ ߛߋ߫ ߡߎߣߎ߲߬ ߒ ߖߍ߬ߘߍ ߕߍ߫ ߒ ߡߙߌ߫ ߟߴߊ߬ ߡߊ߬ ߝߋߎ߫ ߞߎߡߊߕߍ߫ ߛߌ߬ߓߏ ߡߴߊ߬ ߟߊ߫>>

ߙߎ߬ߛߌ߫ ߞߊ߲ߕߌ߯ ߝ߭ߌߟߊߘߑߡߌߙ ߔߎߕߌߣ ߣߐ߬ ߊ߬ ߓߊ߲ߓߊ߲߫ ߠߊ߫ ߞߊ߬ ߝߟߐߦߊ ߘߌ߫ ߞߏ߫ ߢߊ߬ߕߣߐ߬ߡߊ ߟߎ߫ ߟߋ߬ ߡߊ߬ ߖߡߊ߬ߣߊ ߞߣߐ߫. ߊ߬ߟߋ ߓߟߏ߫ ߸ߞߊ߲ߞߘߐߓߐߟߌ߫ ߛߌߦߊߡߊ߲߫ ߠߋ߬ ߣߌ߫ ߖߏߣߊߖߏߣߊ߫ ߞߍߟߌ ߞߢߊߡߊ߲߫ ߕߋ߲߬ ߊ߬ ߣߌ߫ ߦߙߌߥߊ߫ ߘߐ߫ ߞߏ ߟߎ߬ ߸ߞߊ߬ ߕߊ߬ߡߌ߲߬ ߂߀߃߀ ߞߏ ߟߎ߬ ߞߊ߲߬.

ߟߊ߬ߥߊ߲߬ߞߊ߲߬ߠߌ߲ ߏ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߝ߭ߌߟߊߘߑߡߌߙ ߔߎߕߌߣ ߡߍ߲߫ ߞߏ ߞߊ߲ߕߌ߯ߦߊ ߟߊ߫ ߞߴߏ߬ ߦߋ߫ ߘߊߘߐߝߙߊߢߐ߲߯ߦߊ ߖߍ߬ߘߍߖߍ߬ߘߍ ߟߋ߬ ߘߌ߫ ߙ߭ߎ߬ߛߌ߫ ߣߌ߫ ߖߡߊ߬ߣߊ߬ ߜߘߍ߫ ߕߐ߭ ߟߎ߬ ߘߐ߫.